അർജുൻ : അപ്പോൾ പിന്നെ നീ സൗകര്യമില്ലാത്തയിടത്താണോ ജീവിച്ചത്… കുറച്ച് നാൾ കഴിഞ്ഞോട്ടെ അമ്മു നമുക്ക് കുറച്ച് കൂടി നല്ല വീട്ടിലേക്ക് മാറാം എല്ലാം എന്റെ തെറ്റാ പൈസ ഒന്നും സേവ് ചെയ്തില്ല ഒരാവശ്യം വന്നപ്പോൾ കണ്ടില്ലേ
അമ്മു : ഇനി അതൊന്നും ആലോചിക്കേണ്ട അജു ഇങ്ങനെയൊക്കെ ഉണ്ടാകുമെന്ന് ആരെങ്കിലും അറിഞ്ഞോ പിന്നെ ഇത് അത്ര മോശം വീടൊന്നും അല്ല കുറച്ച് പെയിന്റ് ഒക്കെ അടിച്ചെടുത്താൽ നന്നായിരിക്കും ഇത് പോലുമില്ലാത്ത എത്രയോ പേരുണ്ട് റോഡിൽ കിടന്നുറങ്ങുന്നവരെയും ഫ്ളക്സ്സും മറ്റും കൊണ്ട് മറച്ച വീട്ടിൽ താമസ്സിക്കുന്നവരുമൊക്കെ അതൊക്കെ വച്ച് നോക്കുമ്പോൾ നമ്മൾ ഭാഗ്യം ചെയ്തവരാ അജു
അർജുൻ : ശെരിയാ ഇനി നമുക്ക് വേറെ ഒന്നും ചിന്തിക്കണ്ട വാ ഉറങ്ങാം നാളെ നേരത്തെ എഴുനേറ്റ് ബാക്കിയുള്ള പണികൾ കൂടി ചെയ്യാനുള്ളതാ
അമ്മു : ഉം… പിന്നെയുണ്ടല്ലോ അജു ഈ വീട് കുറേ നാൾ അടഞ്ഞുകിടന്നതല്ലേ ഇവിടെ വല്ല ഗോസ്റ്റും ഉണ്ടാകുമോ
അർജുൻ : ഒന്ന് മിണ്ടാതിരിക്ക് അമ്മു മനുഷ്യനെ വെറുതെ പേടിപ്പിക്കാനായിട്ട്
അമ്മു : അജു എന്തിനാ പേടിക്കുന്നെ കൂടെ ഞാൻ ഇല്ലേ ഏത് ഗോസ്റ്റ് വന്നാലും ഞാൻ ഇടിച്ചോടിച്ചോളാം പോരെ 😁
ഇത്രയും പറഞ്ഞു അമ്മു ചിരിച്ചു
അർജുൻ : വളിച്ച കോമഡി സ്വയം പറഞ്ഞിട്ടായാലും നീ ഒന്ന് ചിരിച്ചല്ലോ അത് മതി
അമ്മു : ദേ അജു നോക്കിക്കോ…
അർജുൻ : എപ്പോഴും ദാ ഇത് പോലെ ചിരിച്ച മുഖത്തോടെ ഇരിക്കണം മനസ്സിലായോ എനിക്ക് അതാ ഇഷ്ടം അപ്പോൾ പ്രശ്നങ്ങളൊക്കെ തനിയേ മാറിക്കോളും
ഇത്രയും പറഞ്ഞ ശേഷം അർജുൻ തന്റെ ഫോണിൽ എന്തോ നോക്കാൻ തുടങ്ങി
അമ്മു : അജു എന്താ നോക്കുന്നെ
അർജുൻ : ഹേയ് ഒന്നുമില്ല നീ ഉറങ്ങിക്കോ
ഇത്രയും പറഞ്ഞു ഫോൺ മാറ്റിവച്ച ശേഷം അർജുൻ കണ്ണടച്ചു
*********************
പിറ്റേന്ന് രാവിലെ
അമ്മു : ഇതാ ചൂട് ചായ കുടിച്ചേ…. പാലില്ല അതുകൊണ്ട് കട്ടനാ
ഇത് കേട്ട അർജുൻ ചായ വാങ്ങി കുടിക്കാൻ തുടങ്ങി
അമ്മു : കൊള്ളാമോ
അർജുൻ : നീ എനിക്ക് എന്നും ചായ തരുന്നതല്ലേ ഇന്ന് മാത്രമെന്താ പ്രത്തേകിച്ച് കൊള്ളാമോ എന്നൊരു ചോദ്യം
അമ്മു : പുതിയ വീട്ടിൽ വന്നിട്ട് ആദ്യമായി ഇട്ടതല്ലേ അതുകൊണ്ട് ചോദിച്ചതാ
അർജുൻ : ഓഹ് അങ്ങനെ… കൊള്ളാമോ എന്ന് ചോദിച്ചാൽ അതി ഗംഭീരം എന്നൊന്നും പറയാൻ പറ്റില്ല പക്ഷെ മോശമല്ല എനിക്ക് ഇഷ്ടമാ പോരെ
അമ്മു : ഉം അത് മതി, പിന്നെ ഇന്ന് അജൂന്റെ ഫ്രണ്ട് വരുമോ
അർജുൻ : റിയാസൊ… അവന് ജോലിക്ക് പോകാനുണ്ട് വല്ല ആവശ്യവും ഉണ്ടെങ്കിൽ വിളിക്കാൻ പറഞ്ഞിട്ടുണ്ട് എപ്പോഴും അവനെ ബുദ്ധിമുട്ടിക്കുന്നത് ശെരിയല്ലല്ലോ
അമ്മു : ശെരിയാ
പെട്ടെന്നാണ് അമ്മുവിന്റെ ഫോൺ റിങ് ചെയ്തത് അമ്മു ഫോണിലേക്ക് ഒന്ന് നോക്കിയ ശേഷം കാൾ കട്ട് ചെയ്തു
അർജുൻ : ആരാ അമ്മു വിളിച്ചെ
അമ്മു : അമ്മയാ ഇന്നലെയും വിളിച്ചിരുന്നു ഞാൻ എടുത്തില്ല
അർജുൻ : എന്താ അമ്മു ഇത് കാൾ എടുത്തെ അവരെ വെറുതെ ടെൻഷൻ ആക്കല്ലേ
അമ്മു : വെറുതെ വിളിക്കുന്നതാ ഇനി എന്നെ വേണ്ടാത്തതെല്ലാം പറയും
അർജുൻ : അങ്ങനെ ഒന്നുമില്ല നീ കാൾ എടുത്തെ നമ്മൾ വീട്ടിൽ നിന്നുമിറങ്ങിയിട്ട് എന്റെ വീട്ടുകാർ എന്നെ ഇതുവരെ വിളിച്ചിട്ടില്ല എന്തിന് ഒരു മെസ്സേജ് പോലുമില്ല ചിലപ്പോൾ ഞാൻ മകനല്ലെന്ന് അവർ കാര്യമായി പറഞ്ഞതായിരിക്കും
അമ്മു : അജു വിഷമിക്കല്ലേ
അർജുൻ : എനിക്കെന്ത് വിഷമം
അപ്പോഴേക്കും അമ്മുവിന്റെ ഫോൺ വീണ്ടും റിങ് ചെയ്തു
അർജുൻ : അമ്മു ഫോൺ എടുക്ക് എന്നിട്ട് സംസാരിക്ക്
ഇത് കേട്ട അമ്മു ഫോൺ അറ്റണ്ട് ചെയ്തു
അമ്മു : ഹലോ… എന്താ അമ്മേ അമ്മ എന്തിനാ കരയുന്നെ അമ്മേ…
……..
…….
……..
………
…….
അമ്മു : ശെരിയമ്മേ ഞാൻ വിളിക്കാം