അമ്മു ഫോൺ കട്ട് ചെയ്തു
അർജുൻ : ആന്റി എന്താ പറഞ്ഞേ വല്ല പ്രശ്നവുമുണ്ടോ
അമ്മു : അമ്മ കരയുവായിരുന്നു ഞങ്ങളെ ഉപേക്ഷിച്ചോ എന്നൊക്കെ ചോദിച്ചു… ഇന്നലെ ഫോൺ എടുത്താൽ മതിയായിരുന്നു… പിന്നെ നമ്മൾ മാറിയ കാര്യം ഞാൻ പറഞ്ഞു അമ്മ ഇങ്ങോട്ട് വന്നോട്ടെ എന്ന് ചോദിച്ചു ഞാൻ പറഞ്ഞു ഇപ്പോൾ വരണ്ടെന്ന് നമുക്ക് എല്ലാം ഒന്ന് സെറ്റ് ആക്കണ്ടേ കുറച്ച് കഴിയട്ടെ എന്നിട്ട വരെ വിളിക്കാം അവരെ മാത്രമല്ല അജൂന്റെ അച്ഛനെയും അമ്മയേയും വിളിക്കാം സാന്ദ്രയേയും വിളിക്കാം എല്ലാ പ്രശ്നവും നമുക്ക് തീർക്കാം
അർജുൻ : എന്റെ വീട്ടുകാർ വരുമെന്ന് നിനക്ക് തോന്നുണ്ടോ
അമ്മു : അതൊക്കെ വരും
അർജുൻ : അങ്കിള് വല്ലതും പറഞ്ഞോ
അമ്മു : ഇല്ല അടുത്ത് നിൽപ്പുണ്ടെന്നാ അമ്മ പറഞ്ഞേ എന്നോടുള്ള പിണക്കം മാറിയിട്ടില്ല
അർജുൻ : അതൊക്കെ മാറിക്കോളും നീ വിഷമിക്കണ്ട… പിന്നെ ഇന്ന് കാലത്ത് കഴിക്കാൻ എന്താ
അമ്മു : അതാ ഞാനും ആലോചിക്കുന്നെ അജൂന് എന്താ ഇഷ്ടം
അർജുൻ : ചപ്പാത്തി ആയിക്കോട്ടേ
അമ്മു : 🙁… ദോശ പോരെ
അർജുൻ : എന്റെ അമ്മു എന്തായാലും മതി നീ വാ ഞാനും കൂടി സഹായിക്കാം
ഇരുവരും കിച്ചണിലേക്ക് പോയി
അന്നേ ദിവസം ഉച്ചക്ക്
അമ്മു : ചോറും കറിയും ഒന്നും കൊള്ളില്ല അല്ലേ
അർജുൻ : ആര് പറഞ്ഞു
അമ്മു : ആരും പറയണ്ട ഞാനും കഴിക്കുകയല്ലേ എനിക്ക് മനസ്സിലാകും
അർജുൻ : എനിക്കും നന്നായി കുക്കിങ് അറിയില്ല തനിക്കും അറിയില്ല എന്നിട്ടും നമ്മൾ തട്ടി കൂട്ടി ഇത്രയൊക്കെയാക്കിയില്ലേ പോകെ പോകെ ശെരിയായികൊള്ളും
അമ്മു : അജൂന് ചപ്പാത്തി ഇഷ്ടമല്ലേ നമുക്ക് രാത്രി വെക്കാം
അർജുൻ : ചപ്പാത്തിയൊക്കെ വെക്കാൻ അല്പം പാടാ അമ്മു
അമ്മു : പുറത്ത് റെഡിമേട് കിട്ടും ചുട്ടെടുത്താൽ മാത്രം മതിയാകും അതാകുമ്പോൾ രുചിയും കാണും
അർജുൻ : എടി മടിച്ചി
അമ്മു : മടിയൊന്നുമല്ല അജൂന് ഇഷ്ടമായോണ്ടാ
അർജുൻ : ഓഹ് വിശ്വസിച്ചു
****************
രണ്ട് ദിവസത്തിന് ശേഷം ഒരു പകൽ
അർജുൻ :അന്ന് പോയ പോക്കാ ഇപ്പോഴാണോടാ തെണ്ടി വരുന്നെ
രാവിലെ തന്നെ വീട്ടിലേക്കെത്തിയ റിയാസിനോടായി അർജുൻ ചോദിച്ചു
റിയാസ് : ഞാൻ കാൾ ചെയ്തപ്പോൾ ഒരു കുഴപ്പവുമില്ല എന്നല്ലേ നീ പറഞ്ഞേ
അർജുൻ : കുഴപ്പമൊന്നുമില്ല പക്ഷെ നിനക്ക് വന്നു നോക്കാല്ലോ
റിയാസ് : എടാ കോപ്പെ ലീവ് വേണ്ടേ അന്ന് തന്നെ പറയാതെ ലീവ് എടുത്തതിന് അങ്ങേരുടെ വായിലിരിക്കുന്നത് മുഴുവൻ ഞാൻ കേട്ടു
അർജുൻ : ഞാൻ ചുമ്മാ പറഞ്ഞതാടാ അല്ല ഇന്ന് ലീവാണോ
റിയാസ് : ഹേയ് ഇല്ല പോകണം ഒന്ന് വെറുതെ കയറിയിട്ട് പോകാം എന്ന് കരുതി അല്ല അമ്മു എവിടെ
അർജുൻ : കിച്ചണിലാ എന്തോ മാരകമായി ഉണ്ടാക്കുന്നുണ്ട് രണ്ട് ദിവസം കൊണ്ട് യൂട്യൂബിലെ ഒരുവിധം എല്ലാ പാചക ചാനലുകളും അവൾ സബ്സ്ക്രൈബ് ചെയ്തു കാണും ഇന്നിനി എന്താണാവോ
റിയാസ് : അപ്പോൾ നിങ്ങളിവിടെ സെറ്റായി അല്ലേ
അർജുൻ : അങ്ങനെ പറയാൻ പറ്റില്ല ദിവസം 3 ആയിട്ടും ഒതുക്കലും മറ്റും കഴിഞ്ഞിട്ടില്ല
റിയാസ് : ഉം അതൊക്കെ നടക്കും അല്ല വീട്ടിൽ നിന്ന് ആരെങ്കിലും വിളിച്ചോ
അർജുൻ : എവിടുന്ന് അവളുടെ വീട്ടുകാർ വിളിച്ചു എന്റെ വീട്ടുകാരുടെ ഒരു വിവരവുമില്ല
റിയാസ് : അവര് വിളിച്ചോളും അതൊക്കെ പോട്ടെ നീ ജോബ് വല്ലതും കണ്ടെത്തിയൊ
അർജുൻ : ഇന്ന് രണ്ട് മൂന്നു ഇന്റർവ്യൂ ഉണ്ട് ഭക്ഷണം കഴിച്ചിട്ട് വേണം ഇറങ്ങാൻ
റിയാസ് : എന്നാൽ പിന്നെ നിന്റെ കാര്യങ്ങൾ നടക്കട്ടെ ഞാൻ ഇറങ്ങുവാ
അർജുൻ : നിക്ക് ചായ കുടിച്ചിട്ട് പോകാം
റിയാസ് : അതൊക്കെ ഞാൻ കുടിച്ചതാ പിന്നെ വരാം അമ്മുവിനോട് ഞാൻ വന്നിരുന്നെന്ന് പറഞ്ഞേക്ക്
ഇത്രയും പറഞ്ഞു റിയാസ് അവിടെ നിന്നും പോയി അപ്പോഴേക്കും അമ്മു ഫുഡുമായി അവിടേക്ക് എത്തിയിരുന്നു