ഇത്രയും പറഞ്ഞു അർജുൻ ഫോണെടുത്ത് ഡയൽ ചെയ്തു
“ഹലോ എന്താടാ ഈ രാവിലെ തന്നെ മനുഷ്യനെ ഉറങ്ങാനും സമ്മതിക്കില്ലേ ”
ഫോൺ എടുത്ത റിയാസ് അർജുനോടായി ചോദിച്ചു
അർജുൻ : നീ ഇതുവരെ എഴുനേറ്റില്ലേ..
റിയാസ് : ഇല്ലടാ ഇന്നലെ കിടന്നപ്പോൾ വൈകി നീ കാര്യം പറ കേട്ടിട്ട് കിടന്നുറങ്ങണം
അർജുൻ : ടാ ഒരു പ്രശ്നമുണ്ട്
റിയാസ് : അത് നീ വിളിച്ചപ്പോൾ തന്നെ മനസ്സിലായി കാര്യം പറ
അർജുൻ : ടാ ഇന്നലെ വീട്ടില് നല്ല വഴക്കായി അച്ഛനും ചേട്ടനുമായിട്ടൊക്കെ ഉടക്കി
റിയാസ് : കുറച്ച് ദിവസമായിട്ട് നിന്റെ വീട്ടിൽ വഴക്കാണല്ലോ അല്ല അങ്കിള് ഇതിലൊന്നും ഇടപെടാത്ത ആളാണല്ലോ ഇന്നലെ എന്ത് പറ്റി
അർജുൻ : പറ്റാനുള്ളതൊക്കെ പറ്റി ഞാൻ ഇന്നലെ അമ്മുവിനെയും കൊണ്ട് അവിടുന്ന് ഇറങ്ങി
റിയാസ് : എന്തൊക്കെയാടാ ഈ പറയുന്നേ
അർജുൻ : സത്യമാടാ രാത്രി ഒരു ലോഡ്ജിലായിരുന്നു ഇപ്പോൾ എന്ത് ചെയ്യണം എന്ന് ഒരു പിടിയുമില്ല നിന്റെ അറിവിൽ റെന്റിനു വീട് വല്ലതുമുണ്ടോ?
റിയാസ് : നിന്നെ… നിന്നെയുണ്ടല്ലോ അർജുനെ.. നീ ഇപ്പോൾ എവിടെയാടാ കോപ്പെ
അർജുൻ : ഇവിടെ ടവറിനടുത്തുള്ള ബസ് സ്റ്റാൻഡിൽ ഉണ്ട്
റിയാസ് : അവിടെ തന്നെ നിൽക്ക് ഞാൻ ദാ വരുന്നു
ഇത്രയും പറഞ്ഞു റിയാസ് ഫോൺ വച്ചു അപ്പോഴേക്കും അമ്മു അർജുന്റെ അടുത്തേക്ക് എത്തിയിരുന്നു
അമ്മു : എന്തായി
അർജുൻ : അവനിപ്പോൾ വരും
അമ്മു : വന്നിട്ട്
അർജുൻ : വന്നിട്ടെന്താ നമുക്ക് പറ്റിയ ഒരു വീട് നോക്കാം
അമ്മു :അതിനൊക്കെ ഒരുപാട് കാശാകില്ലേ
അർജുൻ : വാങ്ങാൻ അല്ലല്ലോ റെന്റിനല്ലേ അക്കൗണ്ടിൽ ഒരു രണ്ട് ലക്ഷം കാണും അതുകൊണ്ട് അഡ്വാസ് കൊടുക്കാം പക്ഷെ പിന്നെയും ഒരുപാട് ചിലവുണ്ട് ഉം എന്തെങ്കിലും വഴി ഉണ്ടാക്കാം
അമ്മു : എന്റെ അക്കൗണ്ടിൽ ഒരു 1 ലക്ഷം അടുപ്പിച്ചു കാണും
അർജുൻ : അത് അവിടെ തന്നെ കിടന്നോട്ടെ ആവശ്യം വരുമ്പോൾ ഞാൻ ചോദിക്കാം
അമ്മു : അജു ചോദിക്കില്ല എനിക്കറിയാം
അർജുൻ : ചോദിക്കാം ഉറപ്പ്
അല്പസമയത്തിനുള്ളിൽ തന്നെ റിയാസ് തന്റെ കാറുമായി അവിടേക്ക് എത്തി
റിയാസ് : എന്ത് പണിയാടാ നീ ഈ കാണിച്ചത് തോന്ന്യാസം കാണിക്കുന്നതിന് ഒരു അതിരുണ്ട് അർജുനെ
അർജുൻ : എന്ത് തോന്ന്യാസം
റിയാസ് : നീ വന്നേ വീട്ടിൽ പോകാം അങ്കിളിനോട് ഞാൻ സംസാരിച്ചോളാം
അർജുൻ : വീട്ടിൽ പോകുന്ന കാര്യം നടക്കില്ല റിയാസേ ഇനി ഞാൻ അങ്ങോട്ടേക്കില്ല
റിയാസ് : എന്തിനാടാ ഈ വാശി നീ വന്നെ ഈ കൊച്ചിനെ കൂടി ഇട്ട് കഷ്ടപ്പെടുത്താൻ
അർജുൻ : ഇവൾക്ക് വേണ്ടി തന്നെയാ ഞാൻ ഈ തീരുമാനം എടുത്തത് എന്നെ അങ്ങോട്ട് കയറ്റണമെങ്കിൽ ഇവളെ ഉപേക്ഷിക്കണമെന്ന് നടക്കില്ല റിയാസേ…. പറ്റാവുന്ന അത്രയും ശ്രമിച്ചുനോക്കി ഇനി ഒരു നിമിഷം അവിടെ നിൽക്കാൻ പറ്റില്ല എന്ന് മനസ്സിലായപ്പോഴാ ഇറങ്ങിയത് എനിക്ക് വേറെ കൂട്ടുകാരൊന്നുമില്ല അതുകൊണ്ടാ നിന്നോട് സഹായം ചോദിക്കുന്നെ ഇവളെയും കൊണ്ടിങ്ങനെ റോഡിൽ നിൽക്കാൻ പറ്റില്ല നിന്റെ അറിവിൽ വീട് വല്ലതും ഉണ്ടോ
റിയാസ് : അളിയാ ഞാൻ….
അർജുൻ : നിന്റെ കസിന്റെ ഒരു വീടിനെ പറ്റി നീ മുൻപ് പറഞ്ഞിരുന്നല്ലോ അത് കൊടുത്തോ
റിയാസ് : ഏത് അഫ്സലിന്റെ വീടോ
അർജുൻ : അതെ അത് തന്നെ
റിയാസ് : എടാ അത് സൗകര്യമൊക്കെ കുറഞ്ഞ ഒരു വീടാ നിങ്ങൾക്ക് ശെരിയാകില്ല
അർജുൻ : നമുക്കൊന്ന് പോയി നോക്കാമെടാ കീ നിന്റെ കയ്യിലുണ്ടോ
റിയാസ് : ഉണ്ട് പക്ഷെ ഒന്നുകൂടെ ആലോചിച്ചിട്ട് പോരെ
അർജുൻ : ആദ്യം വീട് കാണാം നീ വാ
റിയാസ് : ശെരി വാ
ഇത്രയും പറഞ്ഞു റിയാസ് കാറിലേക്ക് കയറി പിന്നാലെ അമ്മുവിനെയും കൊണ്ട് അർജുനും
റിയാസ് കാർ പതിയെ മുന്നോട്ട് എടുത്തു
റിയാസ് : നിനക്ക് അമ്മുവിന്റെ വീട്ടിൽ കുറച്ച് നാൾ നിന്നു കൂടെ ഈ പ്രശ്നമൊക്കെ ഒന്ന് കഴിയുന്നത് വരെ