“ആഹ്ടാ…, റിസൈൻ ചെയ്തു പിന്നെ നിന്നെ ഒന്ന് കണ്ടിട്ട് പോകാം എന്ന് വിചാരിച്ചതാ.”
ഞാൻ അവനോട് അതും പറഞ്ഞു കുറച്ചു നേരം അങ്ങനെ സംസാരിച്ചു അവിടെ ഇരുന്നു.
പിന്നെ അവനോട് യാത്രയും പറഞ്ഞു. ഹോസ്പിറ്റലിലെ പാർക്കിംഗ് ൽ നിന്ന് ബുള്ളറ്റും എടുത്ത് ഇറങ്ങി.
ബുള്ളറ്റിന്റെ സൗണ്ട് കേട്ടപ്പോൾ തന്നെ ചിഞ്ചു സിറ്റൗട്ടിലേക്ക് ഇറങ്ങി വന്നു.
ബുള്ളറ്റ് ബുള്ളറ്റ് പോർച്ചിൽ വെച്ച് വീട്ടിലേക്ക് കയറി.
പാന്റിന്റെ പോക്കറ്റിൽ നിന്നും ഒരു ഡയറിമിൽക്ക് എടുത്ത് ചിഞ്ചുവിന്റെ നേരെ നീട്ടി . അത് കിട്ടിയപ്പോ തന്നെ പെണ്ണ് ഹാപ്പി. കെട്ടിപിടിച്ചു ഒരു ഉമ്മയും തന്ന് ഞങ്ങൾ അകത്തേക്കു കയറി.
ഞാൻ ഫാൻ ഒന്ന് ഓണാക്കി ഷർട്ടിന്റെ ഒരു ബട്ടണും അഴിച്ചു സോഫയിൽ അങ്ങനെ ഇരുന്നു. എന്റെ കൂടെ ഡയറി മിൽക്കിന്റ കവർ പൊട്ടിച്ചു കൊണ്ട് അവളും ഇരുന്നു.
സമയം 2:30 മണി ആകാറായി .
“ചേട്ടൻ , ചോറ് കഴിച്ചോ, ഞാൻ എടുക്കട്ടെ.”
ചിഞ്ചു എന്നോടായി ചോദിച്ചു.
“വേണ്ട, കുറച്ച് കഴിഞ്ഞ് ഞാൻ എടുത്തോളാം.”
ചിഞ്ചു പോയി ടീവി ഓൺ ചെയ്തു.
” നീ കഴിച്ചില്ലേ , അല്ല രാധികചേച്ചിയെ കാണുന്നില്ലല്ലോ പോയോ ”
ഞാൻ ചോദിച്ചു
“ഞാൻ നേരത്തെ കഴിച്ചു. പിന്നെ ചേച്ചിയുടെ അമ്മ കുളിമുറിയിൽ നിന്ന് വീണെന്ന്. ചേച്ചി ഒക്കെ അങ്ങോട്ടേക്ക് പോയി. വൈകുന്നേരം വരുമെന്ന പറഞ്ഞെ. ”
“അല്ലെങ്കിൽ കുറച്ച് ചോറ് കഴിക്കാം.
ഞാൻ നല്ലോണം ഒന്ന് ഇളിച്ചോണ്ട് പറഞ്ഞു.
“അതെല്ലേ ഞാൻ ആദ്യമേ ചോദിച്ചേ ചോറ് വേണോ ചോറ് വേണോന്ന്… മ്മ്ഹ് 😏.”
ചിഞ്ചു ഡയറി മിൽക്കിൽ യുദ്ധം ചെയ്ത് കൊണ്ട് ചോദിച്ചു.
” നീ ഇവിടെ ഇരി , ഞാൻ തന്നെ എടുത്തോളാം. ”
ഞാൻ അതും പറഞ്ഞു കിച്ചണിലേക്ക് നടന്നു.
ഞാൻ ഒരു പത്രത്തിൽ ചോറും കറിയും എടുത്ത് ചിഞ്ചുവിന്റെ അടുത്ത് തന്നെ ഇരുന്നു.
കുറച്ച് സമയത്തിന് ശേഷം..
“ഇനി പറ, എന്താ രാവിലെ പറയന്ന് പറഞ്ഞത് ”
ചിഞ്ചു ചോദിച്ചു.
“അത്… അത് പിന്നെ നീ പറഞ്ഞില്ലേ നമ്മുക്ക് കുറച്ചു കാലം മാറി നിന്നാലോ എന്ന് ”
“ആ, പറഞ്ഞിരുന്നു.”
“അപ്പൊ എന്റെ ചിഞ്ചു കുട്ടി ഒരു കാര്യം പറഞ്ഞാ പിന്നെ അത് ചെയ്യേണ്ടേ.
അതുകൊണ്ട് ഞാൻ റിസൈൻ ചെയ്യാൻ പോയതാ. കൂടെ ഋഷി വേറെ ഒരു നാട്ടിൽ സെറ്റക്കി തന്നിട്ടുണ്ട്.”
“ആണോ എവിടെ, നമ്മള് എപ്പോ പോകും, അവിടെ വീട് ഒക്കെ സെറ്റായോ”
ചിഞ്ചു പുതിയ നാട്ടിൽ പോകുന്ന ആകാംഷയോടെ ചോദിച്ചു.
“അവിടെ എല്ലാം ഋഷി ചെയ്തിട്ടുണ്ട്. അടുത്ത ബുധനാഴ്ച എന്നോട് ജോയിൻ ചെയ്യാനാണ് പറഞ്ഞത്. പിന്നെ നമ്മുക്ക് നിന്റെ ഡിഗ്രി കഴിയുന്നത് വരെ അവിടെ നിക്കാം. എന്താ പോരെ.”
ഞാൻ ചോറ് കഴിച്ചു കൊണ്ട് പറഞ്ഞു .
“അല്ല, എവിടെക്കാ പോകുന്നെ ”
“അത്…. ആഹ്.. ‘വൈകണ്ഠപുരം’ ഇവിടുന്ന് ഏകദേശം നല്ലോണം ദൂരമുണ്ട്.”
ഞാൻ കിച്ചണിലേക്ക് നടന്നു കൊണ്ട് പറഞ്ഞു. പത്രവും കഴുകി ഫ്രിജിൽ നിന്ന് ഒരു കുപ്പി തണുത്ത വെള്ളം എടുത്ത് ഞാൻ ഹാളിലേക്ക് നടന്നു.
ചിഞ്ചു :”അല്ല, നമ്മള് എപ്പോഴാ പോകുന്നത്.”
“ഇന്ന്….. തിങ്കൾ അല്ലെ, നമ്മുക്കൊരു വ്യാഴാഴ്ച പോകാം. പിന്നെ രാധിക ചേച്ചിയോടും അനീഷേട്ടനോടും കാര്യം പറയണം. പിന്നെ അഭിയോട് ഞാൻ അന്നേ കാര്യങ്ങളൊക്കെ പറഞ്ഞതാണ്.”
വെള്ളം കുടിച്ചു കൊണ്ട് ഞാൻ പറഞ്ഞു
……………………………………………………………….
അങ്ങനെ രണ്ട് ദിവസം ഞാനും ചിഞ്ചുവും കുറച്ച് ഷോപ്പിംഗ് ഒക്കെ ആയി കടന്നു പോയി.
അങ്ങനെ വ്യാഴായ്ച രാവിലെ !
“ചിഞ്ചു റെഡിയായില്ലേ.”
ഹാളിലെ സോഫയിലേക്ക് ട്രാവൽ ബാഗുകൾ വെച്ചുകൊണ്ട് ഞാൻ ഉറക്കെ ചോദിച്ചു.
“ആഹ്, ഞാൻ റെഡിയായി, എല്ലാം എടുത്തില്ലേ.”
ചിഞ്ചു അതും പറഞ്ഞു താഴെക്കിറങ്ങി .
” അത് നിന്നോടാ ഞാൻ ചോദിക്കേണ്ടത്, ഒന്നും മറന്നിട്ടില്ലല്ലോ. ഇനി അതെടുത്തില്ല ഇതെടുത്തില്ല എന്നൊന്നും പറഞ്ഞേക്കല്ല്. ”