അവൾ ഒന്നും മിണ്ടിയില്ല. അവന്റെ തഴമ്പിച്ച കൈകൾ അവളുടെ അരക്കെട്ടിൽ മുറുകുന്നത് അവൾ തിരിച്ചറിഞ്ഞു. പക്ഷേ ആ നിമിഷം തന്റെ ഉള്ളിലുണ്ടായ മാറ്റം അവളെ ഒന്ന് പരിഭ്രമിപ്പിച്ചു. അവൾ മെല്ലെ അവന്റെ കൈകൾ വിടുവിച്ചു. കടൽക്കാറ്റിൽ പറക്കുന്ന മുടിയിഴകൾ ഒതുക്കിക്കൊണ്ട് അവൾ ദൂരെ ചക്രവാളത്തിൽ മറയുന്ന സൂര്യനെ നോക്കി അവിടെ ഇരുന്നു. അവർ ആ സ്വർണ്ണനിറത്തിലുള്ള സൂര്യാസ്തമയം ആസ്വദിച്ചു. മിണ്ടാതിരുന്ന ആ നിമിഷങ്ങളിൽ പോലും അവരുടെ ഉള്ളിലെ വിചാരങ്ങൾ തിരമാലകളെപ്പോലെ ആഞ്ഞടിക്കുന്നുണ്ടായിരുന്നു.
.
സൂര്യൻ അസ്തമിച്ചതോടെ ക്ലിഫിന് മുകളിൽ വർണ്ണവിളക്കുകൾ തെളിഞ്ഞു. വർക്കലയുടെ യഥാർത്ഥ ‘വൈബ്’ തുടങ്ങുന്നത് അപ്പോഴാണ്. അവർ പതുക്കെ മുകളിലേക്ക് കയറി ആ കല്ലുപാകിയ വഴിയിലൂടെ നടന്നു. ഇരുവശത്തും കൗതുകവസ്തുക്കളും വസ്ത്രങ്ങളും നിറഞ്ഞ കടകൾ. സഞ്ചാരികളുടെ തിരക്ക്.
നടന്നു തുടങ്ങിയപ്പോൾ ഫവാസ് വീണ്ടും അവളുടെ കൈകളിൽ പിടിച്ചു. ഇത്തവണ അവൾ കൈ മാറ്റാനോ എതിർക്കാനോ ശ്രമിച്ചില്ല. പകരം അവന്റെ വിരലുകൾക്കിടയിലേക്ക് സ്വന്തം വിരലുകൾ ചേർത്ത് വെച്ചു. ഫവാസിന്റെ അധീശത്വം അവൾ പതുക്കെ അംഗീകരിച്ചു തുടങ്ങുകയായിരുന്നു.
അപ്പോഴാണ് അതിമനോഹരമായ ഒരു ബീച്ച് വസ്ത്രക്കട ചിത്രയുടെ ശ്രദ്ധയിൽപ്പെട്ടത്. അവൾ അവിടെ ഒന്ന് നിന്നു. അത് ശ്രദ്ധിച്ച ഫവാസ് അവളെ അങ്ങോട്ടേക്ക് നയിച്ചു.
“ഹേയ് ചിത്ര… ഇതൊക്കെ നോക്ക്. നിനക്ക് ചേരുന്ന നല്ല ഐറ്റംസ് ഉണ്ടല്ലോ ഇവിടെ,” അവൻ ആവേശത്തോടെ പറഞ്ഞു.
കടയിൽ തൂക്കിയിട്ടിരുന്ന ബോൾഡ് ആയ വസ്ത്രങ്ങൾ അവർ രണ്ടുപേരും ചേർന്ന് പരിശോധിക്കാൻ തുടങ്ങി. സാധാരണയായി ഗോകുലിനോടൊപ്പം ആയിരുന്നെങ്കിൽ ഇത്തരം വസ്ത്രങ്ങൾ നോക്കാൻ പോലും അവൾ മടിക്കുമായിരുന്നു. എന്നാൽ ഫവാസിന്റെ നോട്ടം അവളെ കൂടുതൽ ധീരയാക്കി. തീരെ ചെറിയ, ശരീരം പ്രദർശിപ്പിക്കുന്ന തരത്തിലുള്ള ആ വസ്ത്രങ്ങൾ ഓരോന്നായി നോക്കുമ്പോൾ ഫവാസ് അവളുടെ അരികിൽ നിന്ന് ഓരോ അഭിപ്രായങ്ങൾ പറഞ്ഞു കൊണ്ടിരുന്നു.
“ഇത് നിനക്ക് പെർഫെക്റ്റ് ആയിരിക്കും,” ഒരു ഷോർട്ട് ആയ വെള്ള ക്രോച്ചെട് ഡ്രസ്സ് കാണിച്ച് അവൻ പറഞ്ഞു. അവന്റെ ആ നോട്ടത്തിൽ ഒരുതരം അവകാശവാദമുണ്ടായിരുന്നു. ചിത്ര അത് കയ്യിലെടുത്ത് തന്റെ ശരീരത്തോട് ചേർത്ത് നോക്കി. ഗോകുലിന്റെ ഓർമ്മകൾ പതുക്കെ മായുന്നതും, തന്റെ ഉള്ളിലെ ആ ‘ഹോട്ട്’ ആയ പെൺകുട്ടി ഉണരുന്നതും അവൾ അറിഞ്ഞു.
ആ വസ്ത്രക്കടയിലെ ഒരു പ്രത്യേക ഹാങ്ങറിൽ തൂക്കിയിട്ടിരുന്ന ആ ഡ്രസ്സ് കണ്ടതും ഫവാസിന്റെ കണ്ണുകൾ വിടർന്നു. അത് കടൽനീല കലർന്ന പച്ചനിറത്തിലുള്ള ഒരു സിംഗിൾ പീസ് ബീച്ച് വെയർ ആയിരുന്നു. വളരെ കനം കുറഞ്ഞ തുണിത്തരത്തിൽ തീർത്ത ആ വസ്ത്രത്തിന് ചുറ്റും മനോഹരമായ ലെയ്സുകൾ ഉണ്ടായിരുന്നു. ആഴമേറിയ V-നെക്കും, കഴുത്തിന് പിന്നിൽ കെട്ടാവുന്ന രീതിയിലുള്ള ചരടുകളും അതിനെ കൂടുതൽ സെക്സി ആക്കി. മുട്ടിന് തൊട്ടുതാഴെ വരെ മാത്രം എത്തുന്ന, കാറ്റിലാടുന്ന തരം താഴത്തെ ഭാഗം.
അത് കണ്ടപ്പോൾ ചിത്രയുടെ കണ്ണുകളിലും ഒരു തിളക്കം മിന്നിമറഞ്ഞു. പക്ഷേ ആ വസ്ത്രത്തിന്റെ പ്രത്യേകതകൾ അവളെ ഒന്ന് സങ്കോചിപ്പിച്ചു.
“വാവ്… ചിത്ര, ഇത് നീ ഇട്ടാൽ ശരിക്കും സൂപ്പർ ഹോട്ട് ആയിരിക്കും!” ഫവാസ് ആവേശത്തോടെ പറഞ്ഞു.
അവൾ ഒന്ന് ചിരിച്ചുകൊണ്ട് അവന്റെ തോളിൽ തട്ടി.
“പോടാ…,” അവൾ നാണത്തോടെ പറഞ്ഞു.
“സത്യമായിട്ടും! നമുക്ക് ഇത് വാങ്ങാം,” ഫവാസ് ഉറപ്പിച്ചു പറഞ്ഞു.
“വേണ്ട ഫവാസ്, ഇത് ശരിയാവില്ല. ഇതൊക്കെ ഗോവയിൽ ആണെങ്കിൽ ഓക്കെയാണ്, ഇവിടെ വർക്കലയിൽ പറ്റില്ല,” അവൾ തടസ്സവാദം പറഞ്ഞു.
“എന്താ ചിത്രേ നീ ഇങ്ങനെ? വർക്കലയും ഗോവയും തമ്മിൽ ഇപ്പോൾ എന്ത് വ്യത്യാസമാ ഉള്ളത്? ചുറ്റും നോക്ക്, എല്ലാവരും ഇങ്ങനെയൊക്കെയല്ലേ നടക്കുന്നത്? ഇത് വർക്കല വൈബ് ആണ്,” ഫവാസ് അവളെ പറഞ്ഞു മനസ്സിലാക്കാൻ ശ്രമിച്ചു.
“വാ നമുക്ക് പോകാം, വെറുതെ സമയം കളയണ്ട.” അവൾ അവനെ അവിടെ നിന്ന് വലിച്ചു പുറത്തേക്ക് കൊണ്ടുപോകാമെന്ന് കരുതി.