💘💘ഡിയർ ഫോളോവേഴ്സ് 💘💘 5അടിപൊളി  

“ അല്ലെങ്കിലും അമ്മയെ കണ്ടാൽ , എന്നെപ്പോലെ ഒരു മോനുണ്ടെന്ന് ആരാ പറയുക… ?”

അത് സത്യമായിരുന്നു , എന്ന് രമ്യയ്ക്ക് പല സന്ദർഭങ്ങളും അനുഭവേദ്യമാക്കിക്കൊടുത്തിട്ടുണ്ട്…

അച്ചുവിന്റെ ഒന്നര വയസ്സ് മൂത്തതായ വിവാഹം കഴിഞ്ഞ ഒരു പെൺകുട്ടി ഉള്ള കാര്യം പലർക്കും അറിയാത്തതാണ്…

അതായിരുന്നു സത്യം…

ഒരു മിശ്രവിവാഹത്തിന്റെ ഇരയായിരുന്നു രമ്യ… ….

സാധാരണ ജോലിക്കാരായ മാതാപിതാക്കൾ… അവർ രോഗികളും പ്രായാധിക്യമുള്ളവരുമായിരുന്നു…

ഒരു ജ്യേഷ്ഠൻ:…, പഠിപ്പൊക്കെ നിർത്തി, മരപ്പണിയും, കള്ളുകുടിയും കവലച്ചട്ടമ്പിത്തരവുമൊക്കെയായി നടക്കുന്നൊരാൾക്ക് വീടെന്നോ വീട്ടുകാരെന്നോ ഒരു ചിന്ത പോലും ഇല്ലായിരുന്നു…

രമ്യ സുന്ദരിയായിരുന്നു…

പഠിക്കാനും മോശമല്ലായിരുന്നു…

പട്ടിണിയും മനസ്സമാധാനക്കുറവും മാത്രമായിരുന്നു അവളുടെ ഏക പോരായ്മ…

പ്ലസ് ടു വിന് പഠിക്കുമ്പോഴാണ് അന്യസമുദായക്കാരൻ , ജ്യേഷ്ഠന്റെ കൂട്ടുകാരൻ തന്നെ രമ്യയോട് പ്രേമാഭ്യർത്ഥന നടത്തുന്നത്…

നശൂലം പിടിച്ച വീട്ടിൽ നിന്ന് എങ്ങനെയെങ്കിലും രക്ഷപ്പെട്ടാൽ മതി എന്ന നിലയിലാണ് , അയാളുടെ കൂടെ അവൾ ഇറങ്ങിപ്പോയത്…

അയാളും സുന്ദരനായിരുന്നു…

ജോലി, എന്താണെന്ന് ചോദിക്കുവാനുള്ള പ്രായവും പക്വതയും അന്ന് രമ്യയ്ക്ക് ഇല്ലായിരുന്നു എന്നത് വാസ്തവം…

രമ്യ , ആകെ ഈ കാര്യം പറഞ്ഞത് ഒന്നാം ക്ലാസ്സു മുതൽ പ്ലസ്ടു വരെ ഒരുമിച്ചു പഠിച്ച കൂട്ടുകാരി ഷാലു കുര്യനോട് മാത്രമായിരുന്നു…

അത്യാവശ്യം പണമുള്ള, അച്ചായത്തി കുടുംബത്തിൽ ജനിച്ച ഷാലു കുര്യന് കുറച്ചൊക്കെ , രമ്യയേക്കാളും വകതിരിവും ബോധവും ഉണ്ടായിരുന്നു..

രമ്യയെ പിന്തിരിപ്പിക്കാൻ അവൾ ആവുന്നതു പോലെ ശ്രമിച്ചു..

പക്ഷേ, പ്രേമത്തേക്കാൾ കൂടുതൽ പട്ടിണിയും പരിവട്ടവും മുന്നിൽ നിന്നതിനാൽ രമ്യയുടെ ഭാഗം ജയിച്ചു…

എല്ലാ ഒളിച്ചോട്ടവും എത്തി നിൽക്കുന്നത് ആദ്യം ഏതെങ്കിലും ഒരു വാടക വീട്ടിലാകും…

ഇവിടെയും അതിന് തിരുത്തലുകളൊന്നുമില്ല…

ആദ്യത്തെ കുറച്ചു മാസങ്ങൾ സ്വർഗ്ഗമായിരുന്നു…, ഒന്നുരണ്ടു തവണ ആങ്ങള കള്ളുകുടിച്ചു വന്ന് വെല്ലുവിളിച്ചതൊഴിച്ചാൽ…

അതും ഇവിടെയായിട്ടു തിരുത്തി മുഷിപ്പിക്കുന്നില്ല… ….

രമ്യ ഗർഭിണിയാകുന്നു…

ആ നാട്ടുനടപ്പും തിരുത്തുന്നില്ല…

പിന്നെയായിരുന്നു ട്വിസ്റ്റുകളുടെ ഘോഷയാത്ര…

ആങ്ങള കള്ളായിരുന്നുവെങ്കിൽ, കെട്ടിയവൻ കഞ്ചാവായിരുന്നു…

ആങ്ങള മരപ്പണിയായിരുന്നുവെങ്കിൽ മേലനങ്ങാതെ അല്ലറ ചില്ലറ മോഷണമൊക്കെയായിരുന്നു കെട്ടിയവന്റെ പരിപാടി…

തട്ടിപ്പിന്റെ ബ്രാൻഡ് അംബാസിഡർ ….!!!

വറചട്ടിയിൽ നിന്നും എരിതീയിലേക്ക്…… !

അതിനപ്പുറം എന്ത് ഉപമിക്കാൻ… ?

നിറവയറുമായി രമ്യ , സർക്കാരാശുപത്രിയിൽ കിടക്കുമ്പോൾ , സർക്കാർ

വക കെട്ടിടത്തിലായിരുന്നു കെട്ടിയവനും…

ആരുമില്ലാത്തവർക്ക് ദൈവം തുണയാകുന്നത് പല രൂപങ്ങളിലാണല്ലോ… ….

വീണ്ടും ഷാലു കുര്യൻ അവതരിച്ചു…

പ്രസവ ശേഷം , പപ്പയുടെ പിടിപാടുവെച്ച് രമ്യയേയും കുട്ടിയേയും കന്യാസ്ത്രീകളുടെ സംരക്ഷണയിലാക്കി, ഷാലു കൂടപ്പിറപ്പിനേക്കാൾ സ്നേഹം കാട്ടി…

ഒരു വർഷം വലിയ കുഴപ്പമില്ലായിരുന്നു…

ശിക്ഷ കഴിഞ്ഞ് കെട്ടിയവൻ ഇറങ്ങിയതും , സെന്റി ഡയലോഗും. ഇനി ആവർത്തിക്കില്ല , നമ്മുടെ കുഞ്ഞാണെ സത്യം , എല്ലാം പതിവു പോലെ…

ഇത്തവണ വാടക വീട് കുറച്ചു ദൂരത്തായിരുന്നു…

കാരണം പറയേണ്ടതില്ലല്ലോ…

നാലഞ്ചു മാസം മൈക്കാടു പണിയൊക്കെയായി കെട്ടിയവൻ നടന്നപ്പോൾ ജീവിതം നേരെയായി എന്ന് രമ്യ ആശ്വസിച്ചു…

രമ്യ , രണ്ടാമതും ഗർഭിണിയാകുന്നു…

പക്ഷേ…….?!!!

ജാത്യാലുള്ളത് തൂത്താൽ പോകില്ല എന്നൊരു സംഗതിയുണ്ട്…

ഇത്തവണയും മോഷണമായിരുന്നു… കുറച്ചു കടുപ്പത്തിൽ…

പൊലീസ് വന്നു…

ആളെ പിടികൂടി…

തെളിവെടുപ്പിനിടയിൽ പ്രതി, ഓടി ആറ്റിൽ ചാടി…

പിറ്റേന്ന് രമ്യ, വിധവയായി… ….

ഇനി കഥയിലേക്ക്….:

എട്ടു സെന്റിൽ മൂന്നാലു തെങ്ങും , രണ്ടു മൂന്നു പ്ലാവും, …

പിന്നെ പേരറിയുന്നതും അറിയാത്തതുമായ ചില ചെടികൾ…