💘💘ഡിയർ ഫോളോവേഴ്സ് 💘💘 4അടിപൊളി  

അതിനിടയിൽ, സിറ്റൗട്ടില്ലാതെ, രണ്ടു മുറിയും നെടുനീളത്തിൽ ഹാളും ചായ്ച്ചിറക്കിയ അടുക്കളയുമുള്ള ഒരു ഓടിട്ട വീട്…

ബാത്റൂം ഒക്കെ പുറത്തു തന്നെ…

അറുപതു വർഷത്തിനു മേൽ പ്രായമുണ്ട് ആ വീടിന്…

ഇട റോഡിൽ നിന്ന് വലിയ ദൂരമില്ലാത്ത ഒരിടം…

ചുറ്റുവട്ടത്ത് അയൽക്കാർ ഉണ്ടെങ്കിലും നൂറു നൂറ്റമ്പത് മീറ്റർ മാറിയാണ് ഉള്ളത്…

ആ സ്ഥലങ്ങളൊക്കെയും കുര്യച്ചന്റെയായിരുന്നു…

ഭാര്യയ്ക്ക് ക്യാൻസർ ബാധിച്ചപ്പോൾ ഓരോന്നായി വിൽക്കേണ്ടി വന്നു..

ഒടുവിൽ ഭാര്യ മരിച്ചു. കുര്യച്ചൻ കിടപ്പിലായി…

ബാക്കിയുള്ളത് രണ്ടു മക്കൾക്കുമായി വീതം വെച്ച്, അയാളും ലോകത്തോട് വിട പറഞ്ഞു…

ഷാലുവിന്റെ വീതമാണ് ഈ എട്ടു സെന്റും വീടും…

കുര്യച്ചന്റെ ചെറുപ്പത്തിലുള്ള തറവാട്…

പഴയ മരവും ഉരുപ്പിടികളുമായതിനാൽ കേടുപാടുകൾ കൂടാതെ നിലനിൽക്കുന്നു…

മുറ്റത്ത് സ്കൂട്ടി വന്നു നിന്നപ്പോഴാണ് , ഹാളിലെ കസേരയിലിരുന്ന രമ്യ ചിന്തകളിൽ നിന്ന് ഉണർന്നത്…

പുറം കൈകളാൽ കണ്ണുകൾ തുടച്ച്, രമ്യ , ചുരിദാർ നേരെയാക്കി എഴുന്നേറ്റു…

“അമ്മ, എങ്ങനെ വന്നു…?”

ചോദ്യത്തോടെ അച്ചു അകത്തേക്കു വന്നു…

“ എനിക്കൊരു ഓട്ടോ കിട്ടി.. ഞാൻ നിനക്ക് വോയ്സിട്ടായിരുന്നല്ലോ…”

രമ്യ , അവന്റെ കയ്യിലിരുന്ന കവർ വാങ്ങി…

“ ഞാൻ കേട്ടു……”

അച്ചു, തന്റെ ചെറിയ ലാപ്ടോപ്പ് ടൈപ്പ് ബാഗ് ഹാളിലെ മേശയിൽ വെച്ചു…

“എന്നതാടാ ഇത്… ?”

“കൊഞ്ച്…., ഞാൻ ഫോൺ ഒരു പത്തു മിനിറ്റ് കുത്തിയിടട്ടെ… ഇന്നത്തെ വീഡിയോ കൊഞ്ചു ഫ്രൈ….”

അച്ചു ചിരിച്ചു…

കൊഞ്ചിന്റെ മണമടിച്ചതും പുറത്ത് നിന്ന് എവിടെ നിന്നോ ഒരു പൂച്ച, ഹാളിലേക്ക് ഓടിക്കയറി വന്നു…

രമ്യയുടെ കാൽപ്പാദങ്ങളിൽ മുട്ടിയുരുമ്മി , ശബ്ദമുണ്ടാക്കിക്കൊണ്ട് അത് കവറിനു നേരെ ഒന്നു ചാടി…

“തന്നെയങ്ങു വൃത്തിയാക്കിക്കോ, ഫ്രൈ ചെയ്യാൻ ഞാൻ വന്നേക്കാം…”

“പ്ലീസ് അമ്മാ… ഞാൻ യുട്യൂബിലൊക്കെ കയറി തപ്പിയെടുത്ത ഒരു വെറെറ്റി സംഭവം ആണ്.. ഇതിട്ടു പൊളിക്കണം… “

“ങ്ഹാ… ഇന്ന് നീയുണ്ടാക്കി നോക്ക്.. എനിക്കൊരു മൂഡില്ല…”

രമ്യ പിന്തിരിഞ്ഞു…

“ ഞാൻ വന്നപ്പോഴെ ശ്രദ്ധിച്ചു… എന്തു പറ്റി… ?”

“ഒന്നുമില്ലെടാ……. “

രമ്യ പറഞ്ഞൊഴിഞ്ഞു…

“ അതു ചുമ്മാ…….’

അച്ചു, അവളുടെ ചുമലിൽ പിടിച്ച് തിരിച്ചു നിർത്തി…

“ ഒന്നുമില്ലെന്നേ…… “

അവൾ മുഖം താഴ്ത്തി…

“ കാര്യം പറയാതെ ഞാൻ വിടില്ല… “

അച്ചു അവളെ വലിച്ച് അടുത്തേക്ക് നിർത്തി..

അവൻ പിടിവിടില്ലായെന്നറിയാവുന്നതിനാൽ രമ്യ തുടർന്നു…

“ നമുക്കീ റീൽസൊന്നും വേണ്ടടാ… വെറുതെ ആളുകളെക്കൊണ്ട് പറയിപ്പിക്കാനായിട്ട്…”

“ ഓ… എനിക്കു തോന്നി… അമ്മയോടാരാ അതൊക്കെ എടുത്തു നോക്കാൻ പറഞ്ഞത്… ?”

അച്ചു ദേഷ്യപ്പെട്ടു…

“അങ്ങനെ നോക്കിയതൊന്നുമല്ല… ഫോണിൽ നോട്ടിഫിക്കേഷൻ വന്നപ്പോൾ…….”

രമ്യ അയഞ്ഞു…

“എന്റെ അമ്മേ… ഇവിടെ അടുത്തുള്ളവരും നാട്ടുകാരും ചിലപ്പോൾ ഈ പഞ്ചായത്തിൽ മാത്രമേ , നമ്മൾ അമ്മയും മോനും ആണെന്നറിയുന്നവരുണ്ടാവുകയുള്ളൂ.. സോഷ്യൽ മീഡിയയുടെ ലോകം വലുതാണ്. അവരു എന്തെങ്കിലും പറയട്ടെ…”

“എന്നാലും…….”

“ഒരെന്നാലുമില്ല… പിന്നെ അവർ പറയുന്നതിൽ കാര്യമില്ലാതെയില്ലല്ലോ… “

അവസാന വാചകം ചിരിയോടെയാണ് അച്ചു പറഞ്ഞു നിർത്തിയത്…

“എന്ത്…….?”

“അമ്മ സുന്ദരിയല്ലേ… കണ്ടാൽ ഞാൻ മോനാണെന്ന് പറയുമോ……?”

അച്ചു, അവളുടെ കവിളിൽ വലം കൈത്തലത്താൽ ഒന്നു തഴുകി..

“പോടാ സുഖിപ്പിക്കാതെ…….”

അവൾ തമാശ രൂപേണ കൈ തട്ടി…

“ അമ്മ, ആ കണ്ണാടിയ്ക്ക് മുൻപിൽ ഒന്നു പോയി നോക്ക്… എന്നിട്ടു ഞാൻ പറഞ്ഞത് നുണയാണോന്ന് പറ…”

“ ഞാൻ എന്നും കണ്ണാടി നോക്കാറുള്ളതാ… നീ പറഞ്ഞത് സത്യമാണെന്ന് എനിക്കിതു വരെ തോന്നിയിട്ടില്ല… “

രമ്യ ചിരിയോടെ പറഞ്ഞിട്ട് അടുക്കളയിലേക്ക് നടന്നു…

“ആട്ടെ… എന്താ ഫോണിൽ വന്ന നോട്ടിഫിക്കേഷൻ… ? എത് വീഡിയോ… ? “

അച്ചു പിന്നിൽ നിന്ന് വിളിച്ചു ചോദിച്ചു…

“തപ്പി നോക്ക്…………..”

രമ്യ അടുക്കളയിൽ നിന്ന് വിളിച്ചു പറഞ്ഞു…

തന്റെ ഫോൺ ചാർജിലിട്ട ശേഷം, അമ്മയുടെ ഫോണെടുത്ത് അച്ചു കസേരയിലേക്കിരുന്നു…