വാർത്തകളിൽ നിന്നും പതിയെ ആ ന്യൂസ് മാറി വന്നു…ആ കേസ് ഒതുങ്ങാൻ പോകുന്നതിന്റെ ഒരു സൂചന ആയിരുന്നു അത്…
ഡോക്ടറെ വിലക്ക് വാങ്ങിയ അവർ റിപോർട്ട് മാറ്റി..അങ്ങനെ പ്രിയ പീഡന കേസ് എന്ന പേര് പോയി..
കേസ് അന്വേഷിക്കാൻ വളരെ പരിചയം കുറഞ്ഞ രണ്ടുപേരെ ടീമിൽ ഇട്ടു…അതു വഴി അവർ ആ കേസ് ഒതുക്കാൻ പോകുകയാണെന്ന് പ്രിയയുടെ അച്ഛൻ വിൽഫ്രഡിന് മനസ്സിലായി…
രണ്ടാഴ്ച കഴിഞ്ഞെങ്കിലും പീറ്ററിനെ പറ്റി യാതൊരു വിവരവും ഇല്ലായിരുന്നു…
അവനു എന്തെങ്കിലും പറ്റിയോ എന്ന പേടി വിൽഫ്രഡിന് വന്നെങ്കിലും തോമസ് അയാളെ സമാധാനിപ്പിചു…
അവരുടെ അമ്മ സാറ വിവരം അറിഞ്ഞപ്പോൾ വലിയ പ്രശ്നം ആയെങ്കിലും ഇപ്പോൾ മകളുടെ കൂടെ ഇരിക്കുന്നത് സാറ ആയിരുന്നു..
ഇതേ സമയം ജെയിംസ് ഓഫീസിൽ ഇരിക്കുമ്പോൾ ആണ് ദിവകാരന്റെ അസിസ്റ്റന്റ് വിളിച്ചത്..
“ജെയിംസ് , ഇന്ന് അവളെ കൊല്ലാൻ ആള്കരെ വിടുന്നുണ്ട്..നീ അവിടെ ഉള്ള വിവരങ്ങൾ ഇടയ്ക്കിടയ്ക്ക് കൈമാറണം..”
അത് കേട്ട ജെയിംസ് സമ്മതം അറിയിച്ചു..അങ്ങനെ രാത്രി പത്തു മണിക്ക് രണ്ടുപേർ ആ ആശുപത്രിയിലേക്ക് കയറി..
ആരാലും സംശയം തോന്നാതെ അവർ ഐ സി യു വിന്റെ ഭാഗത് കറങ്ങി നടന്നു…
ഐ സി യു വിനു മുന്നിൽ ആൾകാർ ഇല്ല എന്നു കണ്ടതും അവർ കയറാൻ തീരുമാനിചു..
അപ്പോൾ ആണ് അവർ ഒരാളെ അവിടെ കണ്ടത്..ഒരു വെള്ള ഷർട്ടും ഇട്ടു അങ്ങോട്ട് നടന്നു വരുന്ന ആളെ കണ്ടതും അതിൽ ഉള്ള ഒരുവൻ ഞെട്ടി..
“ഡാ ഡാ പോകാം..ഇനി ഇവിടെ നിന്നാൽ ശരിയാവില്ല..”
“എന്താടാ..എന്താ പ്രശ്നം..”
“അതൊക്കെ ഉണ്ട്..നീ വാ..”അതും പറഞ്ഞു ഒരുവൻ മറ്റവനെകൊണ്ടു പുറത്തേക്ക് നടന്നു..
പുറത്തേക്ക് നടക്കുമ്പോഴും അവൻ ആ വന്നവനെ നോക്കി..അവനു പണ്ട് ബാംഗ്ലൂരിൽ ഉണ്ടായ സംഭവം ഓര്മയിലേക്ക് വന്നു..ഒപ്പം ഭയവും..
അത് പീറ്റർ ആയിരുന്നു….പീറ്റർ വിൽഫ്രഡ്…അവൻ ഐ സി യു വിന്റെ മുന്നിൽ ഉള്ള ചില്ലിലൂടെ നോക്കി…
പ്രിയയെ കണ്ടതും അവന്റെ കണ്ണിൽ നിന്നും ചെറുതായി വെള്ളം വന്നു..അപ്പോഴാണ് ആരോ അവന്റെ തോളിൽ കൈ വച്ചത്..ആൻ ആയിരുന്നു അത്..
____________________________________
ജെയിംസ് വീട്ടിലേക്ക് പോകുമ്പോഴാണ് കാൾ വന്നത്..കൃഷ്ണൻ ആയിരുന്നു.
“ഡാ എന്തായി..”
“അവൾ ഇന്ന് തീരും..സോ ആ ചാപ്റ്റർ ക്ലോസ്..”
“ഡാ ജെയിംസെ ഒരു പ്രശ്നം ഉണ്ട്..അന്ന് എന്നെ വേറെ ഒരാൾ കണ്ടിട്ടുണ്ട്..അത് പ്രശ്നം ആകുമോ..”
“അത് ഞാൻ മാനേജ് ചെയ്തോളാം..നീ പേടിക്കണ്ട..”
“അതല്ലേടാ..അവനെ ഞാൻ എവിടെയോ കണ്ടിട്ടുണ്ട്…പക്ഷെ എവിടെയാ എന്ന് അറിയില്ല..അപ്പോൾ എന്നെയും അവനു മനസ്സിലാവില്ലേ..”
“ആരാടാ നിന്നെ കണ്ടത്..അത് പറ…”
“ഒരു മുടി ഒക്കെ നീട്ടി വളർത്തി ഒരുത്തൻ ..അവൻ പ്രിയ ആയി അടി ആക്കി പോയതാ..”
“അങ്ങനെ ആണെങ്കിൽ അത് പീറ്റർ ആയിരിക്കും..പേടിക്കണ്ട വെളിവോന്നും ഉണ്ടാകില്ല..”
“എങ്കിൽ ശരി ..ഇനി ഈ നമ്പർ ലേക്ക് വിളിക്കേണ്ട.. കേട്ടോ…”
അത് പറഞ്ഞ് കോൾ ഓഫ് ആക്കി..
______________
ആൻ പീറ്റേറിനെയും കൂട്ടി ചെന്നത് അവിടെയുള്ള ക്യാന്റീനിലേക്ക് ആയിരുന്നു..അവൾ രണ്ടുപേർക്കും ഓരോ ചായയും പറഞ്ഞു അവിടെ ഇരുന്നു..
“പീറ്റർ …സോറി…ഇത് നിന്നോട് എനിക്ക് പറയണം എന്ന് കുറെ ആയിട്ട് ഉണ്ടായിരുന്നു..പറ്റിപോയെടാ..ക്ഷമിക്… പ്ലീസ്..”
അവൻ ഒന്നും മിണ്ടിയില്ല..എന്നാൽ അവൻ അവന്റെ വലതുകൈ അവളുടെ കയ്യിൽ കോർത്തു..അവളുടെ കണ്ണിൽ അവന്റെ കണ്ണുകൾ കോർത്തു..
അവൾ അവനെ നിറകണ്ണുകളോടെ നോക്കി..
“എഡോ..ഞാൻ കഴിഞ്ഞ രണ്ടു വർഷം ആയിട്ട് ആകെ ….ഇപ്പൊ ഞാൻ തിരിച്ചു വന്നു..യാഥാർഥ്യത്തിലേക്ക്…ഞാൻ തിരിച്ചു പോയി ആൻ…എനിക്ക് ഇനി ചില കാര്യങ്ങൾ ചെയ്തു തീർക്കാൻ ഉണ്ട്..അത് വരെ…”
“പീറ്റർ പ്ലീസ്..പ്രിയ ചേച്ചിക്ക് പറ്റിയത് എനിക്കറിയാം..പക്ഷെ നീ ആ വഴിക്ക് പോകരുത്… പ്ലീസ്..”