ഞാൻ വിളിച്ചു ചോദിച്ചപ്പോ എന്നെ മറന്നിട്ടില്ലായിരുന്നു എന്ന് അവളും സമ്മതിച്ചു ഞങ്ങൾ ഒന്ന് കൂടെ ഒരുമിച്ചു പക്ഷെ പെട്ടെന്ന് അവൾ എന്നോടുമായിട്ടുള്ള എല്ലാ കോണ്ടാക്റ്റും കട്ട്‌ ചെയ്തു ഞാൻ വിചാരിച്ചത് അവൾ എന്നെ വീണ്ടും ഇട്ടു പോയി എന്നാണ് പക്ഷെ ഒന്നര മാസത്തോളം ആയെന്നു തോന്നുന്നു അവൾ പിന്നേം വിളിച്ചു കരഞ്ഞുപിടിച്ചു അവളെ വന്നു കൂട്ടികൊണ്ട് പോകാൻ പറഞ്ഞു. അവളെ ഇവർ വേറൊരു വിവാഹത്തിന് നിർബന്ധിക്കുകയായിരുന്നു അത് നിരസിച്ചതിന് ഇവളെ പീഡിപ്പിക്കുക ആയിരുന്നു. അത് കേട്ടതും ഞാൻ അവളെ വന്നു ആരും അറിയാതെ കൂട്ടി കൊണ്ട് അനീഷയുടെ അടുത്ത് വന്നു ഇവൾ ഡോക്ടർ ആണല്ലോ. മരിയയുടെ അസുഖം എല്ലാം മാറിയിട്ട് വിവാഹം കഴിക്കാനായിരുന്നു പ്ലാൻ എന്നാൽ അപ്പോയെക്കും ഇവർ എല്ലാവരും കൂടെ മുന്ന് കാറും ആയി ഏട്ടന്റെ വീട്ടിൽ എത്തി. സാർ ഒന്ന് അവളെ നോക്ക് ഇവളോട് ഈ രീതിയിൽ കണ്ണി ചോരയില്ലാതെ പെരുമാറിയ ഇവർക്ക് ഞാൻ അവളെ വിട്ടു കൊടുക്കുമോ.
ഓളോച്ചോടി എന്നും പറഞ്ഞു കൊന്നു വരെ കളഞ്ഞേക്കാം എന്റെ പെണ്ണിനെ അങ്ങനെ ആരും ചെയ്യുന്നത് എനിക്ക് സഹിക്കില്ല.എന്നിട്ടും ഞാൻ അവരോട് ഒന്നും പറഞ്ഞില്ല ലീഗൽ ആയിട്ടു മൂവ് ചെയ്യാം എന്നാണ് വിചാരിച്ചത്. പക്ഷെ അവരാണ് കമ്പും വടിയും കത്തിയുമൊക്കെ ആയി എന്നെ തല്ലാൻ വന്നത്. എന്റെയും മരിയയുടെയും ജീവൻ രക്ഷിക്കാൻ എനിക്ക് fight ചെയ്യേണ്ടി വന്നു. അല്ലെങ്കിൽ ഞങളുടെ മുമ്പിൽ മരണമായിരുന്നു.നമ്മുടെ കേരളത്തിൽ ഇത്രയും നല്ല പോലീസുകാർ ഉണ്ടായിട്ടും ഒന്നരമാസം എന്റെ പെണ്ണിനെ അവർ ഉപദ്രവിച്ചു എന്നെ സ്നേഹിച്ചതിന്.
ഇനി ഞാൻ ജയിലിൽ പോയി അവർ ഇവളെ കൊണ്ട് പോകുകയാണെങ്കിൽ ഇവൾ എന്തൊക്കെ സഹിക്കേണ്ടി വരും എന്നെനിക്കറിയില്ല. ഒന്ന് സഹായിക്കണം സാർ. സ്നേഹിക്കുന്നത് ഇത്ര വലിയ തെറ്റാണോ. ഒരാൾ ആരെ വിവാഹം കഴിക്കണം എന്നത് അയ്യാളുടെ തീരുമാനം അല്ലെ അല്ലാതെ അത്ര കാലം നോക്കി വളർത്തി എന്ന് പറഞ്ഞു വേറൊരാൾ പറയുന്ന പോലെ ജീവിതകാലം മുഴുവൻ ജീവിക്കണം എന്നുണ്ടോ..? “ഞാൻ പറഞ്ഞു കഴിഞ്ഞപ്പോയെക്കും എല്ലാവരും സൈലന്റ് ആയിരുന്നു. എല്ലാരും എന്നെ തന്നെ നോക്കി നില്കുന്നുണ്ടായിരുന്നു. ഞാൻ പിന്നെ ഒന്നും മിണ്ടിയില്ല. അയാൾ മെല്ലെ എഴുന്നേറ്റ് അവളുടെ അച്ഛന്റെ അടുത്ത് പോയി കാരണം നോക്കി ഒന്നങ് പൊട്ടിച്ചു.
“നിന്നോട് ഞാൻ പറഞ്ഞതല്ലേ നിനക്ക് പറയാനുള്ളത് മൊത്തം പറഞ്ഞോണം മറ്റുള്ളവർ അവർക്കു പറയാനുള്ളത് പറയുമ്പോൾ കൊണക്കാൻ നിക്കരുത് എന്ന്”അയാൾ ഒരു അലർച്ചയിൽ ചോദിച്ചു.ഞാൻ പറഞ്ഞോണ്ടിരുന്നപ്പോൾ പല തവണ എന്നെ അയാൾ ഇന്റെരെപ്റ്റ് ചെയ്യാൻ ശ്രമിച്ചിരുന്നു. Si തിരിച്ചു സീറ്റിൽ വന്നിരുന്നു. അടുത്തത് അനീഷയോടെയാരുന്നു ചോദ്യം. “നിനക്ക് ഇവരെ അറിയോ. ഇവളെ ചികിൽസിച്ചത് നീയല്ലേ നിനക്ക് എന്താ പറയാനുള്ളത്” അനീഷ എപ്പോഴത്തെയും പോലെ ബോൾഡ് ആയി മറുപടി പറയാൻ തുടങ്ങി. “എനിക്ക് ഇവരെ രണ്ടു പേരെയും സ്കൂൾ കാലം മുതൽ അറിയാം. എൻറെ അറിവ് വച്ചു ഇവൻ ഇങ്ങനെ പെണ്ണുങ്ങളെ ഉപദ്രവിക്കുന്ന ഒരുത്തൻ അല്ല. ഇവളും വാശിക്കാരി ആണ്. അവനു വേണ്ടി ഇത്രക്ക് പീഡനം സഹിച്ചു എന്ന് പറഞ്ഞാലും എനിക്ക് വലിയ വിശ്വാസക്കുറവൊന്നും ഇല്ല. പിന്നെ ഇവരുടെ ലവിന്റെ കാര്യം എനിക്കറിയില്ലായിരുന്നു. ഇവളുടെ ദേഹത്തു ചവിട്ട് കിട്ടിയതിന്റെയും അടി കിട്ടിയതിന്റെയും ചതവുകളും ന്യൂട്രിർഷൻസ് കിട്ടാത്തതിന്റെ ക്ഷീണവും ഉണ്ട്.
അതുമല്ല എന്റെ അടുത്ത് എത്തിയപ്പോൾ വളരെ ഡിഹയ്ഡ്രെറ്റഡ് ആയിരുന്നു. ചെവിയിൽ ചെറിയ ഡാമേജ് ഉണ്ട് കൃത്യമായി ട്രീറ്റ്‌ ചെയ്തില്ലെങ്കിൽ അത് കേൾവികുറവിന് കാര്ണമായേക്കാം. എല്ലാ ഇഞ്ചുറിയും പല പ്രാവിശ്യമായി ഉണ്ടായതാണ്. ഒറ്റ ദിവസം കൊണ്ട് ഉണ്ടായതല്ല. കുറെ ഉണങ്ങിയ മുറിവും മാറാനായ ചതവും അവളുടെ ദേഹത്ത് ഉണ്ട്. ഇത്രയൊക്കെയേ എനിക്ക് പറയാനൊള്ളൂ.” അവൾ പറഞ്ഞു നിർത്തി. അവളുടെ കാര്യത്തിൽ എനിക്ക് പേടിയില്ലായിരുന്നു. അവൾ എന്റെ ഭാഗമേ നിക്കു എന്ന് എനിക്കറിയാമായിരുന്നു. പിന്നീട് ചോദിച്ചത് ഏട്ടനോടായിരുന്നു. ഏട്ടനും സംസാരിക്കാൻ തുടങ്ങി.
“ഞാൻ ഇന്ന് രാവിലെ മുതലാണ് ഇവരെ കാണാൻ തുടങ്ങിയത് അത് കൊണ്ട് എനിക്ക് ഇവരെ ശെരിക്ക് അറിയില്ല. ഇവൻ അവളെ വീട്ടിൽ കൊടുന്നപ്പോൾ അവൾക്കു ബോധം ഇല്ലായിരുന്നു എന്നാൽ അവളെ തട്ടികൊണ്ട് വന്നു എന്ന് പറഞ്ഞാൽ വിശ്വസിക്കാൻ ഭുദ്ധിമുട്ടുണ്ട് കാരണം ഇവൾ അവനെയും അവൻ ഇവളെയും ചേർത്ത് പിടിച്ചാണ് എന്റെ വീടിന്റെ പടി കയറിയത്. ബലമായി പിടിച്ചു കൊണ്ട് വന്നതിന്റെ യാതൊരു ലക്ഷണവും ഉണ്ടായിരുന്നില്ല.പിന്നെ എന്റെ വീട്ടിൽ കയറി അഭ്യാസം കാണിച്ച ഇവരെ വെറുതെ വിട്ടത് തന്നെ ഭാഗ്യം ആണെന്ന് വിചാരിച്ചാൽ മതി.ഇവരാണ് ആദ്യം അവനെ തല്ലാനായി ഓങ്ങിയത്. അവനെ തല്ലാൻ വന്നവരെ മാത്രമാണ് അവൻ തിരിച്ചടിച്ചത് അല്ലാതെ ഒരാളെയും തൊട്ടിട്ടില്ല.അവൻ പറയുന്ന കാര്യം സത്യമാണെങ്കിൽ അവന്റെ ഭാര്യയാകാൻ പോകുന്നവളെ സംരക്ഷിക്കാൻ അവനു അധികാരം ഉണ്ട്. അത് ചെയ്തില്ലെങ്കിൽ അവൻ ആണാണെന്ന് പറഞ്ഞിട്ട് കാര്യം ഇല്ല. പിന്നെ എന്റെ വീട്ടിലേക്കു അതിക്രമിച്ചു കടന്നു വധഭീഷണി മുഴക്കിയതിന് എനിക്ക് ഒരു സെപ്പറേറ്റ് കേസ് ഇവരുടെ പേരിൽ ചാർജ് ചെയ്യാനുണ്ട്”
“ഓക്കേ സാർ. ഞാൻ വേണ്ടത് ചെയ്യാം. ഇനി ആന്മരിയ പറയു എന്താണ് നിനക്ക് പറയാനുള്ളത്.” എന്റെ നെഞ്ചിടിപ്പു കൂടുന്നത് ഞാൻ അറിഞ്ഞു. അവൾ എങ്ങാനും ഞാൻ പറഞ്ഞത് കള്ളമാണെന്ന് പറഞ്ഞാൽ എന്റെ കാര്യം കട്ട പുക ആയിരിക്കും. അവൾ അങ്ങനെ പറയാൻ ചാൻസ് ഇല്ല എന്നെനിക്കറിയാം. എന്നാലും പേടിക്ക് മാത്രം കുറവൊന്നും വന്നില്ല. അവളുടെ പ്ലാൻ അനുസരിച്ചു തന്നെയാണ് ഇപ്പോ എല്ലാം പോകുന്നത്. അത് ഒന്ന് കൂടെ ഈസി ആക്കാൻ വേണ്ടി ആണ് ഞാൻ അവളുടെ ദേഹത്തേക്ക് ഒരു തരത്തിലുള്ള ആരോപണവും ഇടാഞ്ഞത്. ഇപ്പൊ അവൾ ഞാൻ പറഞ്ഞത് സമ്മതിച്ചാൽ അവൾക് എന്റെ കയ്യിൽ നിന്നും വാങ്ങിയ അഞ്ചു ലക്ഷത്തിന്റെ കണക്കോ എന്നോട് നുണ പറഞ്ഞതോ കല്യാണം മുടക്കാൻ എന്നെ ഇല്ലാത്ത കൊച്ചിന്റെ അച്ഛനാക്കാൻ ശ്രമിച്ചാതോ ഒന്നും അവരുടെ മുമ്പിൽ പറയേണ്ട.
മാത്രവുമല്ല ഞാൻ തന്നെ ആണ് ഇങ്ങനെ ഒരു കഥ ഉണ്ടാക്കിയത് അപ്പൊ ടെക്നിക്കലി ഞാൻ തന്നെ ആണ് അവളോട് എന്നെ കല്യാണം കഴിക്കുമോ എന്ന് ചോദിക്കുന്നത്. അത് കൊണ്ട് ഇങ്ങനെ ഒരു ഓപ്പോർട്യൂണിറ്റി വേറെ എന്തെങ്കിലും പറഞ്ഞു ഒഴിവാക്കാൻ ചാൻസ് ഇല്ല.അത് കൊണ്ട് തന്നെ ആണ് ഞാൻ അങ്ങനെ ഒരു കഥ മെനഞ്ഞു ഉണ്ടാക്കിയത്.ഇപ്പൊ ഒരു റിസ്ക് എടുക്കാൻ സാധിക്കില്ല. വിചാരിച്ച പോലെ തന്നെ അവൾ സംസാരിക്കാൻ തുടങ്ങി.