മുഖം കഴുകി ഇറങ്ങിയപ്പോ കുറച്ച് സുഖം തോന്നി മിഴിക്ക്. ഇടയ്ക്ക് എക്സിന്റെ മുഖം ഓർമ വരുമ്പോൾ മാത്രം അവളൊന്നു ഡൌൺ ആകും.
“എടി പിന്നെ ആ 106 ലെ കേസ് കുറച്ച് തലവേദന ആണ്, അയാൾക്ക് എല്ലാരോടും എന്തോ ദേഷ്യം ആണ്. മരുന്ന് കൊടുക്കാൻ പോലും അടുത്തൊട്ട് ചെല്ലാൻ പറ്റില്ല അപ്പൊ ഓച്ചെയെടുക്കാൻ തുടങ്ങും. ഓരോ കുരിശ്.” മിഴി വാച്ച് കെട്ടിക്കൊണ്ട് ഫോണിൽ കുത്തിക്കൊണ്ട് ഇരിക്കുന്ന പൂജയോട് ആയി പറഞ്ഞു.
“അങ്ങനെ ഉള്ളവരോട് നമ്മൾ തിരിച്ചും അങ്ങനെ തന്നെ മറുപടി കൊടുക്കണം പെണ്ണേ. നീ പോയി റെഡി ആയിട്ട് വാ, ഞാൻ വരാം 106ൽ, ഇന്നവന്റെ അവസാനം ആവും. ഈ പൂജ ആരാണെന്നു ഇന്നവൻ അറിയും.”
പൂജ പറഞ്ഞത് കേട്ട് മിഴി ചിരിച്ചു. അത്രനേരം ഉണ്ടായിരുന്ന ഒരു പിരിമുറുക്കം ഒന്ന് അയഞ്ഞത് പോലെ പൂജക്കും തോന്നി.
അവർ ഡോർ ക്ലോസ് ചെയ്ത് ഇറങ്ങാൻ തുടങ്ങിയതും പെട്ടെന്ന് ആണ് അത് സംഭവിച്ചത്…
നാലുപേർ അവരുടെ റൂമിലേക്ക് ഇരച്ചു കയറി. കരയാൻ പോലും മറന്ന് മിഴിയും പൂജയും ഒരു നിമിഷം നിന്നുപോയി.
തുടരും…