” ആരെ??” രാജശേഖരൻ ഒന്നും മനസിലാകാതെ ചോദിച്ചു
“എടാ ആരെ കണ്ടാൽ ആണ് ഞാൻ ഇങ്ങനെ ഒക്കെ നിന്നോട് വന്നു പറയുക ആലോചിച്ചു നോക്ക് ” പ്രതാപൻ പറഞ്ഞു
“നീ…. നീ പറയുന്നത് …. മീനു…. മീനാക്ഷി ??? ” രാജശേഖരൻ ന്റെ മുഖം ഇരുണ്ടു
“ആ അതേ അവളെ തന്നെ ”
“എവിടെ വച്ച് ” …
അത് കേട്ടതും രാജശേഖരൻ സോഫയിൽ നിന്ന് എണീറ്റ് പോയി
“അത് … നമ്മുടെ ഹോസ്പിറ്റലിൽ അവളുടെ മോനെ അഡ്മിറ്റ് ആക്കിയിട്ടുണ്ടായിരുന്നു.. അതുമല്ല അക്ഷര യുടെ ക്ലാസ് മേറ്റ് കൂടെയാണ് അവൻ അവളാണ് അവനെ അവിടെ ആക്കിയത് എന്തോ ആക്സിഡന്റ് കേസ് ആണ് ”
“എന്നിട്ട്… എന്നിട്ട് നീ കണ്ടോ അവളെ ”
“കണ്ടു ”
“പ്രതാപാ…..” രാജശേഖരൻ ന്റെ ഉച്ചത്തിൽ ഉള്ള വിളിയിൽ ഒരു ഭയം ഉണ്ടായിരുന്നു
“പക്ഷെ അവൾക്ക് എന്നെ മനസിലായോ ന്ന് ഉറപ്പില്ല ഞാൻ അങ്ങനെ മുഖം കൊടുക്കാനും നിന്നില്ല പെട്ടെന്ന് തിരിഞ്ഞു പോന്നു ,”
“എടാ അക്ഷര യെ അവൾക്ക് അറിയാമോ”
“അതേ ന്ന് തോന്നുന്നു അവൾ ടെ ഫ്രണ്ടിന്റെ അമ്മയല്ലേ ”
“എടാ അപ്പോ അവൾ … അക്ഷര എല്ലാം അറിഞ്ഞു കാണുമോ”
“ഏയ് ഞാനും അത് ആദ്യം ഭയന്നു അവളെ അന്ന് വലിച്ചു വീട്ടിലേക്ക് ഞാൻ കൊണ്ടു പോന്നു അവൾ എന്നോട് കുറെ ചോദിച്ചു ഞാൻ എന്തിനാ മീനാക്ഷി യെ കണ്ടു പെട്ടെന്ന് ഇറങ്ങി പോന്നത് എന്നൊക്കെ . ”
“എന്നിട്ട്?? ” രാജശേഖരൻ ന്റെ മുഖത്ത് ആകാംഷ നിറഞ്ഞു
“എന്നിട്ട് എന്താ ഞാൻ ഒന്നും പറഞ്ഞില്ല അതുമല്ല അവളും പറഞ്ഞു കാണാൻ സാധ്യതയില്ല
പറഞ്ഞിരുന്നേൽ അക്ഷര എന്നോട് പെരുമാറുന്നത് ഒക്കെ മാറിയേനെ ഇതുവരെ അങ്ങനെ ഒന്നും ഇല്ല ”
“ആ എന്തായാലും സൂക്ഷിക്കണം , ആ പയ്യനെ പറ്റി ഒന്ന് അന്വേഷിക്കണം അവൻ എന്ത് ഉദ്ദേശ്യം വെച്ചാണ് അവളുടെ കൂട്ടുകാരനായി കൂടിയിരിക്കുന്നത് ന്ന് അറിയണം ഒരുത്തനേം വിശ്വസിക്കാൻ പറ്റില്ല ”
“ഹേയ് അങ്ങനെ ഒന്നും ഇല്ലട അവൻ ഒരു അയ്യോ പാവിയാ .. പിന്നെ അവർ ഇപോ ഫുൾ ദാരിദ്ര്യമാണ് അന്ന് ഹോസ്പിറ്റലിൽ ബിൽ ഒക്കെ അക്ഷരയാണ് അടച്ചത് ന്ന് പറഞ്ഞിരുന്നു ”
” ഹം…. എടാ പക്ഷെ ….. നമ്മൾ സൂക്ഷിക്കണം കാരണം ഞാൻ പറയാതെ തന്നെ നിനക്കാറിയമല്ലോ ല്ലേ നമ്മൾ ഈ അനുഭവിക്കുന്ന എല്ലാം ആരുടെയാണ് ന്ന് ”
“അറിയാം അറിയാം നമുക്ക് നോക്കാം ”
ഇവരുടെ സംസാരം എല്ലാം മുകളിൽ നിന്ന്
ഹരി കേൾക്കുന്നുണ്ടായിരുന്നു.
…………………………………………………………………..
ഉച്ചക്ക് ക്യാന്റീനിൽ അക്ഷരയും ജെറിയും കിരണും കൂടാതെ ക്ലാസിലെ അവരുടെ കുറച്ചു കൂട്ടുകാരും ഒക്കെ കൂടിയിട്ടുണ്ട്
“എല്ലാർക്കും എന്താ വേണ്ടത് എന്നു വച്ച വാങ്ങി കഴിച്ചോ ട്ടാ കിരൺ ന്റെ ചിലവാണ് ഉടനെ ഒന്നും ഇനി ഇങ്ങനെ ഒന്ന് കാണില്ല ”
അക്ഷര പറഞ്ഞു
എല്ലാരും അതിനെ ഏറ്റു പിടിച്ചു
അവർ ഓരോന്ന് ഒഡർ ചെയ്ത് അതൊകെ കഴിച്ചുകൊണ്ടൊരിക്കുമ്പോൾ അവിടേക്ക് ഐശ്വര്യ കയറി വന്നു
” ഹായ് ഐശ്വര്യ വാ ഇരിക്ക് ”
കിരൺ അവളെ കണ്ട ഉടനെ പറഞ്ഞു
അക്ഷരക്ക് അത് പിടിക്കുന്നില്ലന്ന് അവളുടെ മുഖത്ത് നിന്നും ജെറിക്ക് മനസിലായിരുന്നു
“ഹും.. ” ഐശ്വര്യ ഒന്നു പുച്ഛിക്കുക മാത്രം ചെയ്തു
“എന്താടോ”
കിരൺ പിന്നെയും ചോദിച്ചു
“നിന്നോട് എത്ര പറഞ്ഞാലും നിനക്ക് മനസിലാവില്ല ല്ലേ ” അവൾ ചീറികൊണ്ട് കിരൺ നു നേരെ വന്നു
“എ… എന്ത്.. എന്ത് മനസിലാവില്ല ന്ന് ” കിരൺ ഒന്നും മനസ്സിലാവാതെ ചോദിച്ചു
” നീ ഇവൾക്ക് ഒപ്പം ഇപ്പോഴും നടക്കുവാ ല്ലേ നിന്നെ വണ്ടി ഇടിപ്പിച്ചു കിടത്തിയിട്ടും നിനക്ക് നാണം ഇല്ലാലോ ”
“ദേ ഐശ്വര്യ മര്യാദക്ക് സംസാരിക്കണം ”
അക്ഷര ചാടി എണീറ്റു
” പിന്നെ നിനക്ക് എന്ത് മര്യാദ . നീ ഇവനെ പ്രേമം അഭിനയിച്ചു കൊണ്ടു നടക്കുന്നത് എന്തിനാ ന്ന് എനിക്ക് അറിയാം ”
” എടീ…” അക്ഷര അവളെ തല്ലാൻ ഓങ്ങിയപോൾ ജെറി ഇടക്ക് വീണു
“ദെ ഐശ്വര്യ ഇത്ര നേരം ഞാൻ ക്ഷമിച്ചു നീ എന്തൊക്കെയാണ് ഈ പറയുന്നത് ”
“ഞാൻ പറഞ്ഞത് സത്യം ഞാൻ നിനക്ക് അന്ന് അയച്ചു തന്നതല്ലേ ഇവളുടെ വായ് കൊണ്ട് തന്നെ പറയുന്നത് ”
“അതൊകെ ശരിയായിരിക്കാം പക്ഷെ ഇപോ അങ്ങനെ ഒന്നും ഇല്ല നീ പൊക്കെ”
“ഐശ്വര്യ നീ കരുതുന്ന പോലെ അല്ല ഒന്നും ” കിരൺ പറഞ്ഞു