” ടി നീ കരുതുന്ന പോലെ അല്ല ഞാനന്ന് നിന്നോട് പറഞ്ഞത് ഒക്കെ ഉള്ളതാണ് പക്ഷെ … പക്ഷെ..ഇപോ എനിക്ക് അങ്ങനെ ഒരു ചിന്തയും ഇല്ല . ”
അക്ഷര അപേക്ഷ രൂപേണ പറഞ്ഞു
“ഹ ഹ ഒന്ന് പോടി നിനക്ക് ഇട്ട് തട്ടാൻ അവനെ അങ്ങനെ ഞാൻ വിട്ട് തരില്ല അവനെ എനിക് വേണം .. അത്രക്ക് അത്രക്ക് ഇഷ്ടമാണ് എനിക്കവനെ ”
അവളുടെ വാക്കുകൾ ഒരു ഞെട്ടലോടെയാണ് അക്ഷര കേട്ടത്
” നീ എന്തൊക്കെ ആണ് പറയുന്നത് കിരൺ നു എന്നെയാണ് ഇഷ്ടം നീ അതിനിടയിൽ കൂടെ വെറുതെ ഉണ്ടാകാൻ നിക്കല്ലേ ”
അക്ഷര ചീറി കൊണ്ട് പറഞ്ഞു
“കിരൺ നു നിന്നെ ഇഷ്ടം ആണോ അല്ലയോ എന്നൊക്കെ അവൻ പറയട്ടെ, നീ നിന്റെ കാശിന്റെ ഹുങ്ക് മാക്സിമം കാണിക്കും ന്ന് എനിക്കറിയാം നടക്കട്ടെ ഞാൻ എന്നാൽ കഴിയുന്ന പോലെ ഞാനും ചെയ്തോളാ.. അതേ പിന്നെ കാശ് കൊടുത്ത് വാങ്ങാൻ കിട്ടുന്ന പലതും നാട്ടിൽ ഉണ്ട് പക്ഷെ ഒരാളുടെ മനസ് അതിൽ കിട്ടില്ല നീ അത് മനസിലാക്കിക്കോ ”
അവൾ അതും പറഞ്ഞു നടന്നു പോകുമ്പോൾ അക്ഷര അവിടെ സ്തബ്ധയായി നിൽക്കുകയായിരുന്നു
…………………………………………………………………..
ഹോസ്പിറ്റലിൽ…
“ടാ ജെറി സമയം എന്തായടാ ”
ബെഡിന് സൈഡിൽ ഇരുന്ന് ഗെയിം കളിക്കുന്ന ജെറിയെ നോക്കി കിരൺ ചോദിച്ചു
“എന്താണ് മോനെ എന്തിനാ നിനക്ക് ഇപോ സമയം അറിഞ്ഞിട്ട് ആരെ കാണാനാ അക്ഷരയെ ആണേൽ കോളേജ് വിടാൻ ഇനിയും സമയം ഉണ്ട് നീ വെയിറ്റ് ചെയ്”
ജെറി ഒരു കള്ള ചിരിയോടെ ചോദിച്ചു
” പോ കൊപ്പേ … നിന്നോട് ചോദിക്കാൻ പോയ എന്നെ പറഞ്ഞ മതി ”
“ഊവ ഊവെ നിനക്ക് അവളെ ജീവൻ ആണെന്ന് എനിക്ക് അറിയില്ലേ ന്നിട്ട് എന്ത് ഷോ ആണ് കിടന്നു കാണിക്കുന്നെ നീ ”
“പൊടാ”
കിരൺ കണ്ണടച്ചു കിടന്നു
ആരോ റൂമിലേക്ക് കയറി വരുന്ന അറിഞ്ഞാണ് അവൻ കണ്ണു തുറന്നത് ,
“അല്ല ഇതാരാ ഐശ്വര്യ യോ ” ജെറി അത്ഭുതതോടെ ചോദിച്ചു
“ഐശ്വര്യ നീ എന്താ ഇപോ ഇവിടെ കോളേജ് വിട്ടോ ??” കിരണും ഈ സമയത്ത് അവളെ അവിടെ ക്കണ്ട അത്ഭുതത്തിലാണ്
“എന്താ കിരണേ എനിക്ക് നിന്നെ ഒന്ന് കാണാൻ വന്നൂടെ ,?? ” അവൾ ഒരു ചമ്മലോടെ ചോദിച്ചു
“ഏയ് അതല്ല ഈ സമയത്ത് ?? നീ ഇന്ന് കോളേജിൽ പോയില്ലേ അപ്പോൾ ??”
“പോയല്ലോ … ഉച്ചക്ക് ശേഷം ഇറങ്ങി ഇങ് പോന്നു ”
“ആഹാ കട്ട് അടിച്ചോ അടിപൊളി ”
“എങ്ങനെ ഉണ്ടടാ നിനക്കിപ്പോ ”
ഐശ്വര്യ കിരൺ ന്റെ തലയിൽ ഒന്ന് തലോടികൊണ്ടു ചോദിച്ചു. ഇതൊകെ ജെറി അത്ഭുതത്തോടെ നോക്കുന്നുണ്ട്
“ഇപോ കുഴപ്പം ഒന്നും ഇല്ല നീ ഇരിക്ക് ” കിരൺ പറഞ്ഞു
“ഞാൻ നിന്നോളാ , അല്ല അമ്മ എന്തേ ? ”
“അമ്മ വീട് വരെ പോയതാ വരും വൈകിട്ട് ‘
” ഇതൊക്കെ വേഗം റെഡി ആയിട്ട് വേഗം കോളേജിലേക്ക് വാ നീ ഇല്ലാതെ അവിടെ ഒരു രസവും ഇല്ലട ”
കൊഞ്ചലോടെയുള്ള അവളുടെ സംസാരം ജെറിയെ പോലെ തന്നെ കിരണിനെയും അത്ഭുതപെടുത്തി , കിരൺ അവനെ ഒന്നു നോക്കിയപ്പോൾ ജെറി എനിക്കൊന്നും അറിയില്ല എന്ന രീതിയിൽ കൈ മലർത്തി
” എടി നീ ഇവനെ കാണാൻ വേണ്ടിയാണോ ക്‌ളാസ് ഒക്കെ കട്ട് ആക്കി വന്നത് , അതിനാണേൽ വൈകിട്ട് അക്ഷര വരുമല്ലോ അവളൂടെ കൂടെ ഇങ് വന്നാൽ പോരായിരുന്നോ ”
ജെറിയുടെ വാക്കുകൾ കേട്ട് അവളുടെ മുഖം മാറുന്നത് രണ്ടുപേരും ശ്രദ്ധിച്ചു
“ഹും അക്ഷര അവളുടെ കൂടെ എന്റെ പട്ടി വരും , ഇത്രയൊക്കെ നടന്നിട്ടും നിനക്ക് മതിയായില്ല ല്ലേ കിരണേ .. നിന്നെ ഈ കോലത്തിൽ ആക്കിയതിന് പിന്നിൽ വരെ അവൾ ആണ് , എനിക്ക് ഉറപ്പുണ്ട് ”
“ദെ ഐശ്വര്യ ചുമ്മ അനാവശ്യം പറയല്ലേ ”
ജെറി യുടെ ശബ്ദം ഒക്കെ മാറിയിരുന്നു
“ഞാൻ ഒരു അനാവശ്യവും പറഞ്ഞില്ല. കിരണേ നീ സൂക്ഷിക്കുക അവളെ വിശ്വസിക്കരുത് . പിന്നെ അവൾ കാണിക്കുന്ന സ്‌നേഹം കണ്ടു മനം മറന്നു നീ യഥാർത്ഥ സ്നേഹത്തെ കണ്ടില്ലന്ന് നടിക്കരുത് , ഒരുദിവസം ചില സത്യങ്ങൾ അറിയുമ്പോൾ അതിന് കുറ്റബോധം ഉണ്ടാവും ഞാൻ പറഞ്ഞന്നെ ഉള്ളൂ ”
ശബ്ദം ഒക്കെ ഇടറി അവൾ പറഞ്ഞത് കേട്ട് ജെറിയും കിരണും ഒരേപോലെ മുഖത്തോട് മുഖം നോക്കി
“ഐശ്വര്യ നീ ..”
“ഹേയ് ആ അതൊകെ പോട്ടെ, നീ ഒന്ന് ശ്രദ്ധിക്കണം. നീ വേഗം ഇതൊകെ മാറി കോളേജിൽ വാട്ടാ .. ഞാൻ അപ്പോ പോവാ 4 മണിക് കോളേജിന് ഫ്രണ്ടിൽ ചെല്ലണം ചേട്ടൻ വിളിക്കാൻ വരുമ്പോ എന്നെ അവിടെ കണ്ടില്ലേ പിന്നെ അത് മതി ”
അവൾ അതും പറഞ്ഞു അവന്റെ കവിളിൽ ഒന്ന് തലോടി പുറത്തേക്ക് നടന്നു
ഐശ്വര്യ പുറത്തേക്ക് പോയ ഉടനെ ജെറി അവനിരുന്ന കസേര ബെഡിന് അടുത്തേക്ക് നീക്കി ഇട്ടു
“എടാ എന്താടാ അവൾ പറഞ്ഞതൊക്കെ ”
“എന്റെ ജെറി എനിക്ക് ഒന്നും അറിയില്ല ആദ്യമായ് ആണ് ഇവൾ ഇങ്ങനെ ഒക്കെ പെരുമാറുന്നത് എന്നോട് “
“എടാ അവൾക്ക് നിന്നോട് എന്തോ ഉണ്ടന്ന് എനിക്ക് നല്ല സംശയം ഉണ്ട് കേട്ടോ ”
” എടാ എനിക്കും അങ്ങനെ ഒക്കെ തോന്നി പക്ഷെ അവൾ എന്തോ സത്യം അറിയുമ്പോ കുറ്റബോധം തോന്നും എന്നൊക്കെ പറഞ്ഞത് എന്താ എനിക്ക് ഒന്നും കത്തിയില്ല ”
“അത് എനിക്കും മനസിലായില്ല . ദൈവമേ എന്തൊക്കെ കാണണം .. ഇനി കോളേജ് വിടുമ്പോ അടുത്ത മാരണം വരും ”
ജെറിയുടെ ആ പറച്ചിൽ കിരൺ നു തീരെ പിടിച്ചില്ല അവൻ ജെറിയെ ഒന്നു രൂക്ഷമായി നോക്കി
“അയ്യോ ഞാൻ ചുമ്മ പറഞ്ഞതാണേ …”
ജെറി വീണ്ടും മൊബൈൽ കുത്തൽ തുടങ്ങി
കോളേജ് വിട്ടപ്പോൾ തന്നെ അക്ഷര ഹോസ്പിറ്റലിൽ എത്തിയിരുന്നു
“ആഹ വന്നല്ലോ മാഡം , ”
ജെറി അവളെ കളിയാക്കി . അക്ഷര ഒന്നു ചിരിക്കുക മാത്രം ചെയ്തു
” എന്ന നിങ്ങൾ സംസാരിക്ക് ഞാൻ പോയ്‌
അമ്മയെ വിളിച്ചുകൊണ്ട് വരാം . പിന്നെ ആശുപത്രിയാണ് അത് മനസിൽ വേണേ ”
ജെറി ഒരു കള്ള ചിരിയോടെ അക്ഷരയോട് പറഞ്ഞു പുറത്തേക്ക് നടന്നു
അക്ഷര കിരൺ നു അടുത്തുള്ള സ്റ്റൂളിൽ ഇരുന്നു
“അപ്പോ മിസ്റ്റർ കിരൺ സർ ഇപോ എങ്ങനെ ഉണ്ട് വേദന ഒക്കെ ഉണ്ടോ ”
“ആ ഇപോ വേദന കുറവുണ്ട് അക്ഷ… അല്ല അക്ഷരാ .. ”
“ഹ എന്താടാ നീ അങ്ങനെ വിളിച്ചോ. , അല്ല ഇന്നലെ എന്ന ജാഡ ആയിരുന്നു നിനക്ക് എന്നെ കാണണ്ട ഞാൻ ആണ് നിന്നെ കൊല്ലാൻ നോക്കിയത് എന്നൊക്കെ ആയിരുന്നല്ലോ ഡയലോഗ് നിനക്ക് തോന്നുന്നുണ്ടോ ഞാൻ അങ്ങനെ ഒക്കെ ചെയ്യുമെന്ന് ?? ”
“പിന്നെ അന്നത്തെ മെസ്സേജും ജെറിക്ക് കിട്ടിയ വോയ്സും ഒക്കെ കേട്ടപ്പോ ”
“എടാ നിന്നോട് ഞാൻ ഒരു നൂറുവട്ടം പറഞ്ഞു മെസ്സേജ് അയച്ചത് ഞാൻ അല്ല ന്ന്, നമ്മളെ തമ്മിൽ തെറ്റിക്കാൻ എന്റെ കൂടെ ഉള്ള ആരോ ചെയ്‌ത പണിയാണ് അത്”
ഐശ്വര്യയുടെ കാര്യം അവൾ മനപൂർവം പറഞ്ഞില്ല
“അപ്പോ ആ വോയ്സോ ??”
“വോയ്സ് എന്റെ തന്നെയാണ് ഞാൻ അത് പറഞ്ഞതും ആണ് പക്ഷെ അത്, അന്നത്തെ ഞാൻ അല്ല ഇപ്പോൾ അന്ന് നിന്നോട് എനിക്ക് എന്താണെന് അറിയില്ല ഭയങ്കര വെറുപ്പ് ആയിരുന്നു നിന്നോട് എന്നല്ല ഈ പ്രേമം പോലുള്ള പരിപാടി തന്നെ എനിക്ക് വെറുപ്പ് ആയിരുന്നു അച്ചന്റെ വാക്ക് വച്ചു ആ ഹരി എന്നു പറയുന്ന നാറി എന്നെ പുറകെ നടന്നു ശല്യം ചെയ്യുന്നതിൽ നിന്ന് ഒന്ന് ഒഴിവാക്കാൻ വേണ്ടിയാണ് ഞാൻ നിന്നെ പ്രേമിക്കുന്നു എന്ന കള്ളം പറഞ്ഞു നിന്നെ കൂടെ കൂട്ടിയത് പക്ഷെ കോളേജിൽ വച്ചു നിന്നെ കൂടുതൽ അറിഞ്ഞപ്പോൾ എല്ലാം മാറിയതാണ് പക്ഷെ അയാൾ ഇങ്ങനെ ഒക്കെ നിന്നോട് ചെയ്യുമെന്ന് ഞാൻ ഒരിക്കലും കരുതിയില്ല ടാ സോറി ഒരു 100 വട്ടം ഞാൻ നിന്റെ കാൽ പിടിക്കാം ”
