Related Posts
ഇവിടെ വരാൻ യോഗ്യമായ എല്ലാം ചേർതിട്ടുണ്ട്. ബാക്കി വായിച്ചറിയുക
എല്ലാരുടെയും നിർദേശങ്ങളും വിമർശനങ്ങളും എല്ലാം കണ്ടു എല്ലാം മാനിക്കുന്നു . ആദ്യ കഥയാണ് തുടർന്നും സപ്പോര്ട് തുടരുക
അപ്പോ തുടരട്ടെ.
വീട്ടിലേക് കാർ കയറുമ്പോൾ തന്നെ അവളെ കാത്ത് അമ്മ സിറ്റ് ഔട്ടിൽ നിൽപ്പുണ്ടായിരുന്നു , അക്ഷര കാർ പാർക്ക് ചെയ്ത് അകത്തേക്കു കയറി ഹാളിലെ സോഫയിലേക്കിരുന്നു , അമ്മയും അവളുടെ പിന്നാലെ വന്നു അവളുടെ അടുത്ത് ഇരുന്നു
“എന്താമ്മേ അമ്മ അറിഞ്ഞത് ??”
“മോളെ വ ഞാൻ നിന്നെ ഒരു കാര്യം കാട്ടി തരാം ”
പഴയ സാധങ്ങൾ ഒക്കെ അടുക്കി വച്ചിരുന്ന അവരുടെ സ്റ്റോർ റൂമിലേക്കാണ് അമ്മ അവളെ കൊണ്ടുപോയത്
“ഇന്നലെ നീ വീണ്ടും ആലോചിക്കാൻ പറഞ്ഞപ്പോൾ ആണ് ഞാൻ ഇരുന്ന് ആലോചിച്ചത് ദേ നീ ഇത് കണ്ടോ ”
അമ്മ അവിടെ നിന്നും ഒരു ഫോട്ടോ ഫ്രെയിം എടുത്ത് അവളുടെ നേരെ നീട്ടി
“ഇത് അച്ഛനല്ലേ… ഈ കൂടെ ?? കൂടെ നിൽകുന്ന ആളെ … ശേ… അമ്മേ ഇത് കിരണിനെ പോലെയുണ്ടല്ലോ ??”
അക്ഷര അത്ഭുതത്തോടെ ചോദിച്ചു
“അതേ മോളെ ഞാൻ അവനെ കണ്ടിട്ട് അന്ന് എവിടെയോ കണ്ടിട്ടുണ്ട് ന്ന് പറഞ്ഞത് ഇത് കൊണ്ടാണ് ”
” അപ്പോ ഇതാണല്ലേ കിരൺ ന്റെ അച്ഛൻ ”
“നിനക്ക് എങ്ങനെ മനസിലായി?” അമ്മ സംശയത്തോടെ ചോദിച്ചു
“ആ എന്നോട് അവന്റെ അമ്മ എല്ലാം പറഞ്ഞമ്മെ ”
അക്ഷര ഒരു സങ്കടത്തോടെ അത് പറഞ്ഞപ്പോൾ അവളുടെ അമ്മ അത്ഭുതത്തോടെ അവളെ നോക്കി
” മോളെ എല്ലാം എന്നു പറയുമ്പോ??”
“ആ എല്ലാം പറഞ്ഞു .
ഞാൻ എങ്ങനെ അവനെ ഇനി ഫേസ് ചെയ്യുവമ്മെ??.. അവൻ… അവനൊരു പാവമാണ് ”
” അപ്പോൾ ??
അപ്പോ അവൻ ഇതൊകെ അറിഞൊ??”
” ഹേയ് ഇല്ല ഒരു കാരണവശാലും അവൻ ഒന്നും അറിയരുത് ന്ന് അമ്മ എന്നോട് സത്യം ചെയ്ത് വാങ്ങിയിട്ടാണ് എന്നോട് എല്ലാം പറഞ്ഞത് . രാവിലെ അച്ചൻ വന്നു അവന്റെ അമ്മയെ കണ്ടിട്ട് പോയപ്പോൾ തന്നെ എനിക്ക് എന്തൊക്കെയോ സംശയം ഉണ്ടായിരുന്നു പിന്നെ ഞാനൊരുപാട് ചോദിച്ചിട്ടാണ് അമ്മ എല്ലാം പറഞ്ഞത് .. ഒരു തരത്തിൽ എനിക്ക് ഒട്ടും സഹിക്കാൻ വയ്യമ്മെ നമ്മൾ കാരണം അല്ലെ അവർ അങ്ങനെ അത്ര കഷ്ടപ്പെട്ട് കഴിയുന്നത് ”
“ശരിയ മോളെ പക്ഷെ നമ്മുക്ക് എന്ത് ചെയ്യാൻ പറ്റും നിന്റെ അച്ചനോട് ഇക്കാര്യം സംസാരിക്കാൻ പോലും എനിക്ക് പേടിയാണ് . ഇപോ കിരൺ ആരാ ന്ന് അറിയുക കൂടെ ചെയ്ത സ്ഥിതിക്ക് അദ്ദേഹം എന്തൊക്കെ ചെയ്യും ന്ന് എനിക്ക് ഒരു സ്വസ്ഥത യും ഇല്ല മോളെ ആലോചിച്ചിട്ട് പേടിയാവുവ …. പിന്നെ . .. കിരണിനെ അച്ചന് ഇന്നാണ് മനസിലായതെന്ന് ഉറപ്പല്ലെ ?? “
“അതേ എന്താമ്മേ ??”
“അല്ല അവനു ഇങ്ങനെ ഒരു ആക്സിഡന്റ് സംഭവിച്ചതിൽ എനിക്ക് ഒരു സംശയമുണ്ട് ”
“ഹേയ് അത് വേറെ കേസാണമ്മെ ആ ഹരിയേട്ടൻ ആണ് അതിനു പിന്നിൽ അയാൾക് ഞാൻ പണി കൊടുക്കുന്നുണ്ട്, എന്നെ കെട്ടാൻ നടക്കുന്നു ഇങ് വന്നേച്ചാലും മതി ”
അക്ഷര പല്ലു കടിച്ചുകൊണ്ട് പറഞ്ഞു
“ങേ… ഹരിയോ എന്തിന് ???”
“അമ്മേ ഞാൻ അമ്മയോട് ഒരു കാര്യം പറയാം എനിക്ക്… എനിക്ക് കിരൺ നെ ഒരുപാട് ഇഷ്ടമാണ് അത് ഇപോ അവന്റെ കഥ അറിഞ്ഞിട്ടു ഉണ്ടായത് അല്ല അവനെ ഞാൻ ആദ്യമായ് ഈ വീട്ടിൽ വച്ചു തന്നെയാണ് കണ്ടത് അമ്മു ചേച്ചി ടെ കല്യാണത്തിന് അവൻ ഇവിടെ വിളമ്പാൻ വന്ന കാര്യം ഞാൻ അമ്മയോട് അന്ന് പറഞതല്ലേ , ദൈവം ആണ് അവനെ എന്റെ മുന്നിൽ എത്തിച്ചത് ആദ്യം എനിക്ക് അവനെ ഇഷ്ടമേ അല്ലായിരുന്നു ,ഈ വീട്ടു മുറ്റത്ത് വച്ചു തന്നെ ഞാൻ അവനെ അപമാനിച്ചു വിട്ടു പിന്നെ കോളേജിൽ വച്ചാണ് അവനെ ഞാൻ ഒരുപാട് അറിഞ്ഞത് ആദ്യം അവനു ഒരു പണി കൊടുക്കാൻ വേണ്ടി ഞാൻ പ്രേമം അഭിനയിച്ചു തുടങ്ങിയതാണ് പക്ഷെ ഇപോ ഇപോ എനിക്ക് അവനെ ജീവനാണ് അമ്മേ …. ഇപോ ഇക്കാര്യം ഒക്കെ അറിഞ്ഞ സ്ഥിതിക്ക് ഞാൻ പറയുവ എന്റെ കഴുത്തിൽ ആരെങ്കിലും താലി കെട്ടുകയാണേൽ അത്… അത് കിരൺ ആയിരിക്കും ഒരു തരത്തിൽ നമ്മൾ ഈ അനുഭവിക്കുന്ന സൗഭാഗ്യങ്ങൾ ഒക്കെ അവനും അവകാശപെട്ടത് തന്നെ അല്ലെ.. ?”