“ആ ആഹ് അമ്മെ! വിടൂ” അനുമോൾ അലറിയതും അവളെ കൂടുതൽ നോവിക്കാതെയിരിക്കാൻ ഞാൻ ചെവിയിൽ പിടിച്ച രണ്ടു വിരലുകളെ വിട്ടു.
“ഹൂ നീറുന്നു അമ്മെ, എന്തിനാ? എന്തിനാ എന്നെ ചെവിയിൽ നുള്ളിയെ ഞാനെന്തു ചെയ്തു?”
ഫോണിൽ സീൻ ബൈ എന്ന സ്ക്രീൻ അവളുടെ നേരെ പിടിച്ചശേഷം ഇതെന്താണ് എന്ന് ചോദിച്ചതും അവളുടെ കണ്ണുകൾ വിടരുകയും നുണക്കുഴി ഉള്ളിലേക്ക് ചുഴിയുകയും ചെയ്തു. ചിരി ചുണ്ടുകളിൽ എവിടെയൊ തത്തി കളിക്കുന്നപോലെ ഉണ്ടായിരുന്നു.
“അത് ഞാനമ്മയെ ചുമ്മാ പറ്റിക്കാൻ!” അവളുടെ കൈമുട്ടിനു മേലെ ഒരു നുള്ളുകൂടെ കൊടുത്തപ്പോഴാണ് എനിക്ക് സമാധാനമായത്. ഇങ്ങനെയുണ്ടോ ഒരു മോള്. ടെക്നോളജി മാറി മാറി വരുന്ന സമയത്തു അത് അഡാപ്റ് ചെയ്യാൻ ഓൾഡ് ജനെറേഷനിൽ ഉള്ള ഞങ്ങളെ പോലെ ഉള്ളവർ എത്രയധികം ബുദ്ധിമുട്ടുന്നുണ്ടാകും എന്നൊരു ചിന്ത വേണ്ടേ?
ഞാൻ ബെഡിലേക്ക് തന്നെ തിരികെ കിടന്നതും, അനുമോൾ എന്റെ അടുത്ത് ചേർന്നുകിടന്നു, അവളുടെ കാലുകൾ എന്റെ കാലിന്റെമേലെ ഇട്ടുകൊണ്ട് എന്റെ മുഖം തിരിച്ചു.
“സോറി അമ്മെ! ഇനി ചെയ്യില്ല, സോറി…” അനുമോളുടെ മിഴികളിലേക്ക് നോക്കിയ ഞാൻ അവളുടെ മുഖം തിരിച്ചു ഒന്ന് മുത്തി. “പഠിക്ക്!” “ഉഹും അമ്മയുടെ കൂടെ കിടക്കണം.” വാട്സാപ്പിൽ നോട്ടിഫിക്കേഷൻ തുടരെ വരുന്ന നേരം, ബെഡിൽ കമിഴ്ത്തി വെച്ചിരുന്ന മൊബൈൽ എടുത്തുകൊണ്ട് ഞാൻ അടുക്കളയിലേക്ക് നടന്നു.
“അനുമോൾ എന്താ ഒച്ച വെക്കുന്നത് ഇവിടെ കേൾക്കാമല്ലോ.”
“അയ്യോ, കേട്ടാരുന്നോ?”
“ഞാൻ സ്റ്റെപ്പിലാണ്!”
“ഉം ശെരി. ചായ കുടിച്ചോ?”
“ഇല്ല ഇട്ടു തരുമോ?”
“വേണോ?”
“ഹേ വേണ്ട ചായ ഒന്നും പതിവില്ല.”
ഞാൻ അപ്പോൾ തന്നെ ചായപ്പാത്രം അടുപ്പിലേക്ക് വെച്ച് പാൽ തിളപ്പിച്ചു. ഫോൺ എടുത്തു തിരിച്ചു അയച്ചു.
“ഫൈനൽ ഇയർ അല്ലെ എപ്പോഴാ എക്സാം?”
“അടുത്ത മാസം!”
“എന്നിട്ടാണോ ട്രിപ്പ് എന്നും പറഞ്ഞിട്ട്.”
“ഇപ്പൊ സ്റ്റഡി ലീവ് ആണ് വസു…”
“വസു.. ന്നോ?”
“വസുധ യെ അങ്ങനെയല്ലേ എല്ലായിടത്തും വിളിക്കുക?”
“അതെനിക്കറിയില്ല, നീയെന്നെ വസുധ ചേച്ചി എന്ന് വിളിച്ചാൽ മതി.”
“ശെരി! അതിനു വേണ്ടി ഇനി മുഖം വീർപ്പിക്കണ്ട.”
പാൽ തിളച്ചതും ചായപ്പൊടി ഇട്ടു ഗ്ലാസ്സിലേക്ക് പകർന്നു. രണ്ടു സ്പൂൺ പഞ്ചസാരയുമിട്ടു പതപ്പിച്ചു ആറ്റിയെടുത്തശേഷം ചില്ലു ഗ്ലാസിൽ ചായയുമായി ഞാൻ അടുക്കളയിൽ നിന്നും താഴേക്കിറങ്ങി.
അമീർ മുകളിലേക്ക് കയറുന്ന സ്റ്റെപ്പിൽ ഇരിപ്പായിരുന്നു.
“എടാ …”
“ഇതെന്താ ചായയോ, ഞാൻ പറഞ്ഞതല്ലേ. വേണ്ടാന്ന്.”
“കുടിക്കെടാ ചെക്കാ.”
ചായ എന്റെ കൈകളിൽ നിന്നും വാങ്ങുമ്പോ അമീർ എന്റെ കൈവിരലിൽ ആദ്യമായി തൊട്ടു. എനിക്ക് ചുണ്ടിൽ ചെറു പുഞ്ചിരി വിടർന്നു. മനസിൽ എന്തോ ഒരു അനുരാഗം പൊട്ടി വിടരുന്ന സുഖം.
ആരെലും ചുറ്റുമുണ്ടോ എന്ന് നോട്ടം കൊണ്ട് പായുന്ന നേരം അവനെന്നോട് ചോദിച്ചു.
“എന്റെ ട്രിപ്പ് ഫോട്ടോസ് കാണുന്നോ..?!”
“കാണിക്ക്!” ചായ കുടിക്കുന്ന അമീറിന്റെ തോളിൽ തൊട്ടു തൊട്ടില്ല മാതിരി ഞാനൊന്നു ചേർന്ന് നിന്നു. ഫോണിലെ ഗാലറി തുറന്നിട്ട് അവനോരോ ഫോട്ടോ സ്വയപ്പ് ചെയുന്ന നേരം ഇടയ്ക്കിടെ അമീറിന്റെ മുഖത്തേക്കും ഞാൻ നോക്കാൻ മറന്നില്ല. ഗോവയിലെ ഇംഗ്ളീഷ് സ്ട്രീറ്റ് ഇൽ വച്ചെടുത്ത ഫോട്ടോസ് ആയിരുന്നു. അമീർ അടിച്ചുപൊളി ലൈഫ് ആണെന്ന് മനസ്സിലായതും ആൺകുട്ടീ ആയി ജനിച്ചാൽ മതിയെന്ന് ഞാനോർത്തുപോയി.
“അമ്മെ!!!” ഞങ്ങളുടെ സ്വകാര്യ നിമിഷത്തെ ഭംഗം വരുത്താനെന്നോണം അനുമോൾ മുറിയിൽ നിന്നും വിളിക്കയുണ്ടായി, അമീർ ചായ ഗ്ലാസ് തിരികെ കയ്യില് തരുമ്പോ പറഞ്ഞു. “എങ്കിൽ പിന്നെ കാണാം വസുധ ചേച്ചീ.” അവനെന്നെ നോക്കി കണ്ണിറുക്കി തിരികെ നടന്നപ്പോൾ ഞാൻ തെല്ലു നീരസപ്പെട്ടു.
“എന്താടി പോത്തേ!!! ഒരാളോട് സംസാരിക്കുമ്പോ നിന്റെ സ്ഥിരം പണിയാണിത്, ആവശ്യമില്ലാത്ത ഒരു വിളി.”
“അല്ലമ്മേ, ഗ്യാസ് ഓഫ് ചെയ്തില്ല തോനുന്നു, അത് നോക്കാൻ വിളിപ്പിച്ചതാ.”
“അതിനു നിനക്ക് നോക്കിക്കൂടെ?!”