” ഒരു തേങ്ങയും പറയണ്ട…ഈയാളോട് ഇന്നലെ എന്നെ ഡ്രൊപ്പ് ചെയ്യാൻ പറഞ്ഞപ്പോ തിരക്കുള്ള പരിപാടി അല്ലേ…ഞാൻ കണ്ടു പരിപാടി…ഇതെപ്പൊ ഒപ്പിച്ചു…അല്ല അത് അവിടെ നിക്കട്ടെ…ഇന്നലെ കണ്ട പെണ്ണ് വന്നപ്പൊ നമ്മൾ ഔട്ടല്ലേ…ഇത് വിടാൻ ഉദ്ദേശമില്ല… ”
അവൾ വീണ്ടും പിടിച്ച് തള്ളാൻ നോക്കി ഞാൻ ചത്താലും സമ്മതിക്കില്ല എന്ന നിലയിൽ നിന്നു…കാരണം ഇവളെങ്ങാനും ഉള്ളിൽ കേറി പറഞ്ഞാൻ പിന്നെ ചാകേണ്ടി വരില്ല ലവന്മാര് കൊന്നോളും…
” നീതു നീ വിചാരിക്കും പോലല്ല സത്യായിട്ടും…ഞങ്ങൾ പ്രണയത്തിലൊന്നുമല്ല… നിനക്കെന്നെ വിശ്വാസമില്ലേ…അങ്ങനെ എന്തേലും ഉണ്ടേൽ നിങ്ങളൊക്കെ അറിയില്ലേ… ”
ഞാൻ അവളെ സത്യാവസ്ഥ ബോധിപ്പിക്കാൻ ശ്രമിച്ചു…അത് ഏതായാലും ഏറ്റു അവളൊന്ന് അയഞ്ഞു അതോടെ ഇതുവരെ നടന്നതൊക്കെ ഞാൻ അവളോട് പറഞ്ഞു…
” ഹേ അപ്പൊ ഒന്നൂല്ല്യേ… പിന്നെ അവരൊക്കെ അറിഞ്ഞാൽ എന്താ പ്രശ്നം… ”
പറഞ്ഞ് തീർന്നതും അവളുടെ സംശയമുയർന്നു….
” എടി അത് പിന്നെ ഇന്നലത്തെ കാര്യം അവന്മാർക്കറിയില്ല…അറിഞ്ഞാൽ എന്നെ കാളിയാക്കി നശിപ്പിക്കൂന്ന് നിനക്കറിയില്ലേ… ”
” പറഞ്ഞത് ശരിയാണ്… എന്നാലും… ശരിക്കും അജ്ജുവേട്ടന് ആ ചേച്ചിയോട് അങ്ങനൊന്നുമില്ലാ…? ”
എന്തൊക്കെ പറഞ്ഞിട്ടും വിശ്വാസം വരാത്ത പോലെയാണ് അവളുടെ മുഖഭാവം….
” എടി അങ്ങനൊക്കെ ചോദിച്ചാ…എനിക്കറിയില്ല…ഞങ്ങൾ റിലേഷനിലൊന്നുമല്ല…പക്ഷെ അവളെ അടുത്തറിഞ്ഞപ്പൊ അവളുടെ ക്യാരക്ടറും ഓക്കെ എന്തൊ എന്നെ വല്ലാതെ ആകർഷിക്കും പോലെ തോന്നുന്നു… നിനക്കറിയില്ലേ എന്നെ…എനിക്കിങ്ങനൊന്നും തോന്നാത്തതാ…പക്ഷെ അവളോട് സമയം ചിലവഴിക്കുമ്പൊ എന്തോ ഒരു ഇത്… ”
ഞാൻ ഒരു ചമ്മിയ മുഖഭാവത്തോടെ അവളെ നോക്കി പറഞ്ഞു…അതോടെ അവളെന്നെ നോക്കി ഒരാക്കിയ ചിരി മുഖത്ത് വരുത്തുന്നത് കണ്ടു…
” മോനെ ഇത് അതന്നെ…പ്രണയം….അപ്പൊ ഞാൻ പറഞ്ഞത് വെറുതെയല്ല… ”
അതിന് ഞാൻ മറുപടിയൊന്നും പറഞ്ഞില്ല…പകരം സെയിം ചമ്മിയ മുഖഭാവത്തോടെ നിന്നു…
” മ്മ്…നടക്കട്ടെ… നടക്കട്ടെ…ഞാൻ ആരോടും പറയുന്നില്ല… ”
” ഓ വല്ല്യ ഉപകാരം തമ്പുരാട്ടി…എന്നാൽ ഞാൻ പൊക്കോട്ടെ… “
ഞാൻ അവളെ നോക്കി ഒരു ചിരിയോടെ പറഞ്ഞ് തിരിഞ്ഞു നടക്കാൻ തുടങ്ങി…
” പിന്നെ അജ്ജുവേട്ടാ കാര്യം നടന്നാൽ ചിലവുണ്ട് കേട്ടോ…വെറൊന്നുമല്ല എന്തോ ഇന്നലെ നിങ്ങളെ രണ്ടാളേം കണ്ടപ്പൊ നല്ല മാച്ചായിരുന്നു… ഒരുമാതിരി ദൈവം അറിഞ്ഞ് ശ്രഷ്ഠിച്ചപോലെ… ”
പുറകീന്നുള്ള അവളുടെ പറച്ചില് കേട്ടതോടെ ഞാൻ തിരിഞ്ഞു നിന്ന് അവളെ ഒന്ന് നോക്കി…അപ്പൊ അവളെന്നെ നോക്കി ഇളിച്ച് നിക്കുന്നു…
” സത്യാ പറഞ്ഞത്…എനിക്കങ്ങനെ തോന്നി…പിന്നെ എൻ്റോടി ചെറുതായൊന്ന് പണി പാളിപ്പോയി…അത് അജ്ജുവേട്ടന് വഴിയെ കിട്ടും…ഇപ്പൊ പറഞ്ഞാൽ എനിക്കിട്ട് കിട്ടും എന്നുള്ളത് കൊണ്ട് പറയുന്നില്ല…അപ്പൊ ബൈ കാമുകാ… ”
അവളൊരു ചിരിയോടെ കാര്യവും പറഞ്ഞ് തിരിഞ്ഞ് നടന്നു…ഞാനും ഒരു ചിരിയോടെ പാർക്കിംഗിലേക്ക് വച്ചു പിടിച്ചു..അപ്പോളും അവള് പറഞ്ഞ പണിയെ പറ്റി എനിക്ക് ചിന്തിക്കാൻ തോന്നിയില്ല…കാരണം അതിന് മുന്നേ അവൾ പറഞ്ഞ വാക്കായിരുന്നു മനസ്സ് മുഴുവൻ…
” നിങ്ങൾ നല്ല മാച്ചാട്ടോ… ഒരുമാതിരി ദൈവം അറിഞ്ഞ് ശ്രഷ്ഠിച്ചപോലെ… ”
അത് മാത്രം മനസ്സിലിട്ടാലോജിച്ച് വണ്ടിയും എടുത്ത് വീട്ടിലേക്ക് വിട്ടു…വീടെത്തിയതും സ്ഥിരം പരിപാടികൾ തന്നെ…അമ്മയും അച്ഛനും പോയതിന് ശേഷം പരിപാടി ആയതിനാൽ നേരെത്തെ പോവേണ്ട എന്നുള്ളത് കൊണ്ടും കിടന്നുറങ്ങാൻ കട്ടിലിൽ കേറി…കൂടെ നീതുവിന്റെ വായിൽ നിന്ന് വീണ് കിട്ടിയ നല്ല അയവുള്ള വാക്കുകളുടെ ഓർമ്മകളും….
ഫോണ് പടപാന്ന് അടിക്കുന്നത് കേട്ടാണ് ഉറക്കം എഴുന്നേറ്റത്… ഉറക്കചടപ്പിൽ തന്നെ ഫോൺ എടുത്തു…
” ഏത് കുഴിയുടെ ആഴം അളക്കാൻ പോയേക്കുവാ മൈരേ നീ… ”
മറുഭാഗത്ത് നന്ദുവിൻ്റെ ചീറല് കേട്ടപ്പോൾ തന്നെ മനസ്സിലായി സമയം ഒരുപാട് വൈകീന്ന്…
” എടാ ഒറങ്ങിപോയി…ഇതാ വരുവാ… ”
” പഫാ…ഒണങ്ങിപോയി പോലും..എന്നെ കൊണ്ടൊന്നും പറയിക്കേണ്ടാ പെട്ടെന്ന് വാടാ… ”
” എന്തിനാടാ കെടന്ന് കാറുന്നെ ചുമ്മാ അവിടെ വന്ന് കള്ളുകുടിക്കാനല്ലേ… ”
” അതേടാ മൈരേ അതോണ്ടാ കെടന്ന് വിളിക്കുന്നേ…ഇവിടെ സാധനവും വാങ്ങി നിന്നേയും കാത്ത് കുറേ നേരായി ഇരിക്കാൻ തുടങ്ങീട്ട്…എൻ്റെ കല്ല്യാണത്തിന് നീ വന്നില്ലെങ്കിൽ പോലും ഞാൻ ചെലപ്പൊ ക്ഷമിച്ചെന്ന് വരും.. പക്ഷെ സാധനവും വാങ്ങി ഇങ്ങനെ പോസ്റ്റടിപ്പിച്ചാലുണ്ടല്ലോ…!! “
അവൻ്റെ വർത്താനം കേട്ട് ചിരി വരുന്നുണ്ടെങ്കിലും കടിച്ച് പിടിച്ചു…എന്നിട്ട് ഇനിയും വൈകി അവിടെത്തിയാൽ അവനെന്റെ തലമണ്ടയ്ക്ക് കുപ്പി എടുത്തടിക്കും എന്നുറപ്പുള്ളത് കൊണ്ട് കട്ടാക്കി വേഗം റെഡിയാവാൻ തീരുമാനിച്ചു…
അങ്ങനെ ഒരരമണിക്കൂറുകൊണ്ട് റെഡിയായി ഫുഡും തട്ടി കോളേജിലേക്ക് വച്ചുപിടിച്ചു…കോളേജിലെത്തിയതും ഇന്ന് ഒരു വെറൈറ്റിക്ക് ഞങ്ങടെ ബ്ലോക്കിലെ ലാസ്റ്റ് ക്ലാസിലിരുന്നായിരുന്നു മദ്യപാനം…കാരണം പരിപാടി ആയത് കൊണ്ട് അങ്ങോട്ട് ആരും വരില്ലായിരുന്നു… അങ്ങോട്ടേക്ക് വച്ചുപിടിച്ചു…സ്റ്റേജിൽ ഒരു മാർഗവും ഇല്ലാതെ ഏതോ പിള്ളാര് മാർഗം കളി കളിക്കുന്നുണ്ട്…നമ്മളതൊക്കെ ശ്രദ്ധിക്കുന്നതെന്തിനാ… ” വെള്ളം വെള്ളം സർവത്ര തുള്ളി കുടിക്കാൻ ഇല്ലത്ര… ” എന്നാണല്ലോ…പെട്ടന്ന് ചെന്നിലെങ്കിൽ അതായിരിക്കും അവസ്ഥ….
” ഹാ ഏട്ടനെത്തി മക്കളെ… ”
റൂമിൽ കേറിയതും ഞാൻ പിള്ളാരെ നോക്കി ഇളിച്ചുകാട്ടി…നന്ദുവും ശ്രീയും അഭിയും… കൂടെ ഡിപ്പാർട്ട്മെന്റിലെ ദീപക് സാറും… പുള്ളിക്കാരൻ നമ്മുടെ ആളാ…ഇവർ നാലും മാത്രേ ഉണ്ടായിരുന്നുള്ളൂ…
” ഏട്ടൻ്റണ്ടി….എന്നെ കൊണ്ടൊന്നും പറയിപ്പിക്കണ്ട…ഈ ഗ്ലാസ് കൊണ്ടൊരു ഏറ് തന്നാ കൊള്ളാന്നുണ്ട്…പക്ഷെ ഒന്നാമത് ഗ്ലാസില്ല ഇത് തന്നെ ആ സ്റ്റാഫ് റൂമിന്ന് ഇങ്ങേരെ കൊണ്ട് പൊക്കിച്ചതാ…അത് നിന്റെ ഭാഗ്യം…. ”
നന്ദു ദീപക് സാറെ ചൂണ്ടിക്കാട്ടി കൈയ്യിലിരുന്ന കുപ്പി ഗ്ലാസെൻ്റെ നേരെ എറിയും പോലാക്കി എന്നെ നോക്കി ചീറി…അതിനൊന്നും തിരിച്ച് പറയാതെ ഇളിച്ച് കാണിച്ചു…അതല്ലേലും അങ്ങനാണല്ലോ…ചില സമയത്ത് പുഞ്ചിര് ആരോഗ്യം സംരക്ഷിക്കും…
” എൻ്റെ പൊന്ന് അജ്ജുവേ ഒന്ന് നേരത്തേം കാലത്തേം വന്നൂടെ… ”
ഇത്തവണ ദീപക് സാറായിരുന്നു…
” ഒന്ന് പോ മനുഷ്യാ…പാടം എടുക്കാൻ പോലും ഇല്ലാത്ത ശുഷ്കാന്തിയാ ഇങ്ങേർക്കിപ്പൊ… ”
ഞാൻ അങ്ങേരെ നോക്കി കളിയാക്കി…അങ്ങനെ കളിയും ചിരിയും ഒക്കെ ആയി പരിപാടിയിലേക്ക് കടന്നു…രണ്ട് മൂന്നെണ്ണം ഉള്ളിലേക്കും കമത്തി…
” ഇതൊക്കെയാണ് ജീവിതം…ഇനി എത്ര ദിവസം ഉണ്ടാവുമെടാ ഈ സന്തോഷമൊക്കെ…ഈ കലാലയത്തെ വിട്ടുപിരിയാൻ സമയമായില്ലേ… ”
