ഞാൻ അവനെ നോക്കി പുരികം ഉയർത്തി…
” അല്ല കിടിലം ക്യാരക്ടർ…ശരിക്കും നിനക്ക് നന്നായി ചേരുന്നുണ്ട്… ”
അവനൊരു ആക്കിയ ചിരിയോടെ പറഞ്ഞു…പക്ഷെ അത് കേട്ടതും എൻ്റെ ദേഹത്ത് കുളിരു കോരും പോലെ തോന്നി…
” ഒന്ന് പോടാ…ജസ്റ്റ് ഫ്രണ്ട്ഷിപ്പാ… ”
ഞാൻ അവനെ നോക്കി ഒരു ചിരിയോടെ പറഞ്ഞ് വണ്ടിയിൽ കേറി ഇരുന്നു…
” ഒന്ന് പോടാ…നിന്നെ എനിക്കറിയാം…പിന്നെ അവളേയും എനിക്ക് സംശയമുണ്ട്…അവൾ ആതിരയുടെ മുന്നിൽ നിന്ന് ഇടറാതെ പറഞ്ഞ വാക്കുകൾ ഓരോന്നും അതിനൊരു തെളിവായാ ഞാൻ കാണുന്നേ… ”
അവനവന്റെ ഉള്ളിൽ തോന്നിയ കാര്യം പറഞ്ഞതും ഞാൻ ഒരു നിമിഷം സ്തംഭിച്ച് പോയി…ഇനി എനിക്കുള്ളത് പോലെ അവളുടെ ഉള്ളിലും വല്ലതും ഉണ്ടാവുമോ…??ഹേയ് വെറുതെ കാട് കയറേണ്ടാ…
” ഒന്ന് പോടാ… നിനക്ക് വട്ടാ…നീ പോയി പിള്ളേരം വിളിച്ച് വാ എന്താലും ഒരുമിച്ച് പോയി പടം കാണാം… ”
ഞാൻ അവൻ പറഞ്ഞത് തൽകാലം തള്ളിക്കളഞ്ഞു…
” ഓ വേണ്ട മോനെ… ഒറ്റയ്ക്ക് പോയാ മതി…ഞങ്ങളില്ലേ..അവള് നിന്നോടാ ചെല്ലാൻ പറഞ്ഞത്…അതോണ്ട് ആശാൻ വേഗം വണ്ടി സ്റ്റാർട്ടാക്കിക്കോ… ”
” ഡാ കളിക്കല്ലേ…പിള്ളേരറിഞ്ഞാ എന്നെ കളിയാക്കി കൊല്ലും… ”
” ഒരു തേങ്ങയും ഇല്ല…ഞാൻ എല്ലാം പറഞ്ഞ് മനസ്സിലാക്കി കൊടുക്കും…നീ വണ്ടി വിട് മോനെ… ”
അവനെന്നെ നോക്കി ഒരു ചിരിയോടെ പറഞ്ഞ് പുറത്തൊരു തട്ട് തട്ടി…അതോടെ ഇനി ഒന്നും പറഞ്ഞിട്ട് കാര്യമില്ലാന്ന് മനസ്സിലായ ഞാൻ വണ്ടി പുറത്തേക്കെടുത്തു…എന്നിട്ട് നേരെ ചേട്ടത്തിയുടേം അവളുടേം അടുത്ത് നിർത്തി…അതോടെ പെണ്ണ് ചാടി കേറി വണ്ടിയിലിരുന്നു…
” ഇതാ ചേച്ചി സ്കൂട്ടിയുടെ കീ…അപ്പൊ ശരി ബൈ…വേഗം വിട് പടം ഇപ്പൊ തുടങ്ങും… ”
അവളെന്നോടും ചേച്ചിയോടും മാറി മാറി പറഞ്ഞ് തിരക്ക് കൂട്ടി…
” ഓ… തീയറ്റർ അവിടുന്ന് ബസ്സ് കേറി പോവില്ല…ഒന്ന് മിണ്ടാതിരി.. ”
ഞാൻ അവളുടെ തിരക്ക് കണ്ട് പറഞ്ഞു…
” അപ്പൊ ശരി രണ്ടാളും പോയി ഫിലിം ഒക്കെ കാണ്… ”
ചേട്ടത്തി ഞങ്ങളെ നോക്കി ഒരു ചിരിയോടെ പറഞ്ഞ് കോളേജിലേക്ക് തിരിഞ്ഞു നടന്നു…അതിന് തലയാട്ടിയതിന് ശേഷം ഞാൻ വണ്ടി മുന്നോട്ട് എടുത്തു…
” അതേ ശരിക്കും എന്താ ആ കുട്ടിയെ ഇഷ്ട്ടെ.ലാത്തെ… ”
യാത്രയിൽ അവളെന്നോട് തിരക്കി…
” എനിക്കിഷ്ടല്ല അത്ര തന്നെ… ”
ഞാൻ അതിനൊരൊഴുക്കൻ മട്ടിൽ മറുപടി നൽകി…
” അതെന്താന്നല്ലെ ചോദിച്ചേ…വേറെ വല്ലവരും ഉണ്ടോ മനസ്സിൽ… ”
അവൾ വിടാൻ ഉദ്ദേശമില്ല…ആ ഉണ്ട് നീയാണെന്ന് പറയണം എന്നുണ്ടെങ്കിലും പറഞ്ഞില്ല…
” ആ ഉണ്ട് സിനിമാ നടി തമന്ന എന്ത്യേ…ശരിയാക്കി തരുവോ… ”
” ഹേയ് ഞാൻ ഒരിക്കലും തമന്നയോട് അങ്ങനൊരു പാപം ചെയ്യില്ല… ”
അവളെന്റെ മറുപടിക്ക് അതേ നാണയത്തിൽ തിരച്ചടി നൽകുന്നത് പതിവായത് കൊണ്ടും മൂർഖനെ ചവിട്ടി കടിവാങ്ങുന്നത് മണ്ടത്തരം ആണെന്നുള്ളത് കൊണ്ടും ഞാൻ പിന്നെ ഒന്നും മിണ്ടിയില്ല…വേഗം വണ്ടി മുന്നോട്ടെടുത്തു… അതുകൊണ്ട് പെട്ടെന്ന് തീയ്യറ്ററിലെത്തി…വണ്ടിയും പാർക്ക് ചെയ്യ്ത് ഉള്ളിലേക്ക് കയറി…അവള് തന്നെ ഏതോ തമിഴ് പടത്തിന്റെ ടിക്കറ്റെടുത്തു…പുതുമുഖ നടനായിരിക്കണം…എനിക്ക് കണ്ടിട്ട് മനസ്സിലായില്ല…അങ്ങനെ പെട്ടന്ന് തന്നെ തീയറ്ററിൻ്റുള്ളിലേക്ക് കയറി…ഓഹോ എസിയുടെ ഒടുക്കത്തെ തണുപ്പായിരുന്നു…രണ്ടെണ്ണം അടിച്ചത് കൊണ്ട് ശരിക്കും അറിയുന്നുണ്ട്…അങ്ങനെ സീറ്റ് നമ്പറും നോക്കി വേഗം പോയിരുന്നു…അപ്പോഴേക്കും പടം തുടങ്ങിയിരുന്നു…പടത്തിന്റെ ആദ്യത്തെ ലാഗും സാധനത്തിന്റെ ചെറിയ കിക്കും ഒലക്കേമല തണുപ്പും കൂടി ആയപ്പൊ എൻ്റെ കണ്ണടയാൻ തുടങ്ങി…അങ്ങനെ ഞാൻ നൈസായിട്ട് ഒറങ്ങാൻ തുടങ്ങി…നേരെ അവളുടെ തോളിലേക്കാണ് കുറച്ചു കഴിഞ്ഞ് വീണത്… അതൊരു സൗകര്യം ആയി…അതോടെ വെടിപ്പായി ഉറങ്ങി…കുറേ സമയം കഴിഞ്ഞ് അവളുടെ തട്ട് കേട്ടാണ് പിന്നെ എണീറ്റത്…
” സോറി ഒറങ്ങി പോയി…എന്താ ഇൻ്റർവെല്ലാണോ… ”
ഞാൻ ഉറക്ക ചടപ്പിൽ അവളുടെ തോളിൽ നിന്നും തലയെടുത്ത് കണ്ണ് തിരുമ്മി ചോദിച്ചു…
” ഉണ്ട…എന്നെക്കൊണ്ടുന്നും പറയിക്കണ്ടാ…ഇൻ്റർവെൽ പോലും… പടം കഴിഞ്ഞു ബോധം ഇല്ലാത്തതെ…അതെങ്ങനാ അല്ലേലെ ബോധം ഇല്ല അതിന്റെ പൊറത്ത് കുടിക്കുവേം കൂടി ചെയ്യുക അല്ലേ…ഞാൻ പോവ്വാ… ”
അവളെന്നെ നോക്കി ദേഷ്യത്തോടെ പറഞ്ഞ് പുറത്തേക്ക് നടക്കാൻ ഒരുങ്ങി…അപ്പോഴാ ഞാൻ ശ്രദ്ധിച്ചത്…പടം കഴിഞ്ഞ് എല്ലാവരും ഇറങ്ങുന്നു…അവളുടെ സംസാരം കേട്ട് കുറച്ചു പെമ്പിള്ളേര് എന്നെ നോക്കി ചിരിക്കുന്നുണ്ട്…അതോടെ ചമ്മിയ ഞാൻ വേഗം ആവളുടെ പിന്നാലെ വെച്ച് പിടിച്ചു…
” ദേ…സോറി…പടം ലാഗായോണ്ടാ…ക്ഷമി… ”
ഞാൻ അവളുടെ ഒപ്പം എത്തിയപ്പൊ ചുമ്മാ ഒന്ന് പറഞ്ഞു…
” ഓ…അല്ലാതെ ഓരോന്ന് മോന്തി കുടിച്ചതോണ്ടല്ല… ”
അവളെന്നെ രൂക്ഷമായൊന്ന് നോക്കി…അതോടെ ഞാൻ ചമ്മിയ മുഖഭാവത്തോടെ നിന്നുപോയി…പിന്നെ ഒന്നും പറയാതെ വണ്ടിയുടെ അടുത്തേക്ക് വിട്ടു…
” വാ നമ്മുക്ക് വല്ലതും കഴിക്കാം… ”
വണ്ടിയെടുക്കുമ്പോൾ ഞാൻ അവളുടെ ദേഷ്യം മാറ്റാൻ പറഞ്ഞു…അതിന് മറുപടി ഒന്നും പറയാതെ അവൾ വണ്ടിയിൽ കയറി…അതോടെ മൗനം സമ്മതം എന്ന് കണക്കാക്കി ഞാൻ നേരെ അടുത്തുള്ള നല്ല റെസ്റ്റോറന്റിലേക്ക് വിട്ടു…
വണ്ടിയും താഴെ അണ്ടർ ഗ്രൗണ്ടിൽ വെച്ച് നേരെ റസ്റ്റോറന്റിലേക്ക് കയറി…അവിടെ നിന്നും അത്യാവശ്യം ഫുഡ് തട്ടി…അവൾ കുറച്ചേ കഴിച്ചുള്ളൂ പെട്ടന്ന് തന്നെ കഴിച്ച് ഞാൻ വണ്ടിയുടെ അടുത്തുണ്ടാവും എന്ന് പറഞ്ഞ് എഴുന്നേറ്റ് പോയി…ആള് അപ്പോഴും കലിപ്പിലായിരുന്നു…ഞാൻ പക്ഷെ വിശപ്പുള്ളത് കൊണ്ട് പതുക്കെ നല്ല രീതിയിൽ തട്ടാൻ തീരുമാനിച്ചു… പക്ഷെ കുറച്ചു കഴിഞ്ഞപ്പോൾ എന്തോ മനസ്സിനൊരു അസ്വസ്ഥത പോലെ അതോടെ ഞാൻ കഴിപ്പ് മതിയാക്കി ബില്ലും അടച്ച് വേഗം താഴേക്ക് പാർക്കിംഗിലേക്ക് വിട്ടു…അവിടെ എത്തി കണ്ട കാഴ്ച കണ്ട് എൻ്റെ ഉള്ളൊന്ന് നടുങ്ങി…രണ്ട് മൈരന്മാർ ദിവ്യയുടെ അടുത്ത് നിന്ന് എന്തൊക്കെയോ പറയുന്നു…കുറച്ച് അകലയായി വേറേം രണ്ടെണ്ണം…അവളാകെ പേടിച്ച് കരയുന്നു…അതോടെ ഞാൻ ഡാ… എന്ന് വിളിച്ച് വേഗം അങ്ങോട്ടേക്ക് ഓടി…
” ഓ അപ്പൊ ഇവനെയാണോ നീ കാത്ത് നിന്നത്… ഇവനെ കൊണ്ട് എന്താവാനാ മോളെ… നീ ഞങ്ങടെ കൂടെ വാ…ഞങ്ങള് നാല് പേരില്ലേ… അതാവുമ്പോ മോൾക്ക് സ്വർഗം കാണാം… “
ഞാൻ അടുത്തെത്തിയതും കൂട്ടത്തിലൊരുത്തൻ ദിവ്യയെ നോക്കി ഒരു വെടക്ക് ചിരിയോടെ പറഞ്ഞു…അത് കൂടെ കേട്ടപ്പോൾ എൻ്റെ രക്തം തെളക്കാൻ തുടങ്ങി…കണ്ണൊക്കെ ചുവന്ന് വരും പൊലെ തോന്നി….
” വാ നമ്മുക്ക് പോകാം… പ്ലീസ് എനിക്ക് പേടിയാവുന്നു… ”
ദിവ്യ പെട്ടെന്ന് ഓടി എൻ്റടുത്ത് വന്ന് എൻ്റെ കയ്യിൽ പിടിച്ച് പേടിയോടെ പറഞ്ഞു…
” അങ്ങോട്ട് മാറി നിക്കെടി… ”
