ദിവ്യാനുരാഗം – 10

ഞാൻ കൈയ്യിലൊരു പെഗ്ഗും എടുത്ത് അവന്മാരെ നോക്കി ചോദിച്ചു…അതിന് മറുപടി ഒന്നും ഒരുത്തൻ്റേം വായിൽ നിന്ന് വന്നില്ല..കാരണം ആ സങ്കടം കലർന്ന മുഖങ്ങൾ മാത്രം മതിയായിരുന്നു അതിന്റെ മറുപടിയായി…അപ്പോഴായിരുന്നു വാതില് തുറക്കുന്ന ശബ്ദം ഞാൻ കേട്ടത്… പെട്ടന്ന് തിരിഞ്ഞു നോക്കുമ്പോൾ ആര്യമിസ്സ് കട്ട കലിപ്പ് ഭാവത്തിൽ ഞങ്ങളെ നോക്കി നിൽക്കുന്നു…എല്ലാരും ഞെട്ടി കിളിപാറി ഇരിപ്പായി…ദീപക് സാറായിരിന്നു അതില് പ്രധാനി…
” അത് പിന്നെ… മിസ്സെ രാവിലെ തിന്നത് ദഹിക്കാൻ ഇത്തി..രി… ഇത്തിരി സുലൈമാനി കുടിക്കുന്നതാ… ”

ഞാൻ വിക്കി വിക്കി പറഞ്ഞു…അത് കേട്ടതും തീക്കത്തിയ മുഖഭാവത്തോടെ എന്നെ രൂക്ഷമായൊന്ന് പുള്ളിക്കാരി നോക്കി…അതോടെ ഉറപ്പിച്ചു പണി പാലും വെള്ളത്തിൽ…അല്ല… ബ്രാണ്ടിം വെള്ളത്തിലും കിട്ടീന്ന്…

” അതേ അപ്പൊ സുലൈമാനി ഒക്കെ കുടിച്ച് പതുക്കെ അങ്ങ് കാൻ്റിയിൽ സപ്ലൈ ചെയ്യാൻ വാ കേട്ടോ…എന്നാ ഞാൻ പോട്ടേ… ”

ദീപക് സാറ് നൈസ് ആയിട്ടൊന്ന് തടി തപ്പാൻ പ്ലാൻ ഇട്ടു…

” ഹാ എന്തെല്ലാ മിസ്സെ… ഞാൻ കാൻ്റീനിൽ ഡ്യൂട്ടിക്ക് വേണ്ടി ഇവന്മാരെ വിളിക്കാൻ വേണ്ടി ഇപ്പോൾ വന്നതേയുള്ളൂ…അപ്പൊ ശരി പോട്ടെ… ”

പുള്ളി മിസ്സിനോട് അതും പറഞ്ഞ് ഒരോട്ടം…നൈസ് ആയി ഇട്ടേച്ച് പോയീന്നർത്ഥം…മിസ്സാണെങ്കിൽ ആകെ കലിപ്പും

“സോ… സോറി മിസ്സേ… ”

ഞാൻ ക്ഷമാപണം നടത്തേണ്ട താമസം അത് ഇഷ്ടപ്പെടാതെ പോലെ മിസ്സ് തിരിഞ്ഞു നടന്നു… അപ്പോഴേക്കും എൻ്റെ ഫോണിൽ സൂര്യയുടെ കോളും വന്നു…

” എന്താടാ… ”

ഞാൻ ആകെ പെട്ടവസ്ഥയിൽ ഇച്ചിരി ശബ്ദത്തോടെ ആണ് സംസാരിച്ചത്…

” ഡാ നീ കോളേജിൽ തന്നെ ഉണ്ടോ…ആര്യയ്ക്ക് എന്തോ പ്രശ്നം ഉണ്ട് ആരൊക്കെയോ അവളോട് വൃത്തികെട്ട രീതിയിൽ പെരുമാറി പോലും… ഫോൺ വിളിച്ചാകെ കരച്ചിലും ബഹളവുമായിരുന്നു…ഞാൻ നിന്നെ കാണാൻ പറഞ്ഞിട്ടുണ്ട്…എന്താന്ന് ഒന്ന് നോക്കുവോടാ പ്ലീസ്… ”

ഫോണിലൂടെ സൂര്യ പറഞ്ഞത് കേട്ട് ഞാൻ ആകെ സ്തംഭിച്ചു പോയി…അപ്പൊ മിസ്സ് എന്തോ പ്രശ്നം പറയാൻ വന്നതാണോ….

” ഡാ വാടാ എന്തോ പ്രശ്നം ഉണ്ട്… ”

ഞാൻ പെട്ടന്ന് തന്നെ ഫോണും കട്ടാക്കി അവന്മാരെ നോക്കി പറഞ്ഞതിന് ശേഷം മിസ്സ് പോയ വഴിയെ ഓടി… പുറകെ അവന്മാരും…ഭാഗ്യത്തിന് മിസ്സ് ആ വരാന്തയിൽ കൂടെ പോകുന്നുണ്ടായിരുന്നു…പക്ഷെ പുറകേന്ന് എത്ര വിളിച്ചിട്ടും നിൽക്കുന്നില്ല…ഒടുക്കം ഞാൻ ഓടി മുന്നിൽ വട്ടം നിന്നു…

” മുന്നീന്ന് മാറ് അർജ്ജുൻ… ”

മിസ്സ് ദേഷ്യത്തോടെ എന്നെ നോക്കി പറഞ്ഞു…

” സോറി ഞാൻ പറഞ്ഞല്ലോ മിസ്സേ…സൂര്യ വിളിച്ചിരുന്നു…എന്താ പ്രശ്നം എന്ന് പറ മിസ്സേ.. “
ഞാൻ കിതപ്പോടെ മിസ്സിനെ നോക്കി പറഞ്ഞു… അപ്പോഴേക്കും പിള്ളേരും ഓടി എത്തിയിരുന്നു…

” എനിക്കൊരു പ്രശ്നവുമില്ല…താൻ വഴി മാറുന്നുണ്ടോ… ”

മിസ്സെനേം കടന്ന് പോകാൻ നോക്കി…പക്ഷെ ഞാൻ വിട്ടില്ലാ…

” ഒരു പ്രശ്നവുമില്ലാണ്ട് മിസ്സ് എന്നെ കാണാൻ വരുവോ…പ്ലീസൊന്ന് പറ…അത് കഴിഞ്ഞ് വേണേൽ മിസ്സ് കണ്ടത് വെച്ച് ഞങ്ങളെ കംപ്ലൈന്റ് ചെയ്യ്തോ… പ്ലീസ് എനിയെങ്കിലും ഒന്ന് പറ… ”

ഞാൻ സങ്കടത്തോടെ മിസ്സിനെ നോക്കി പറഞ്ഞു….

” എന്തിന് എനിക്കൊരു പരാതിയുമില്ല… ഇതുപോലെ കള്ളും കുടിച്ച് അപ്പുറത്ത് നിന്ന് കുറേ അവന്മാർ മോശമായി പെരുമാറിയത് തൻ്റെ ചേട്ടനോട് വിഷമത്തിൽ പറഞ്ഞു പോയി…അപ്പോൾ അവനാ പറഞ്ഞത് പണ്ടത്തെ പോലെ അല്ലല്ലോ ഇപ്പൊ തനിക്കവിടെ ഒരനിയൻ ഇല്ലേ അവനോട് ചെന്ന് പറയാൻ…. ”

മിസ്സിൻ്റെ വാക്കുകൾ എൻ്റെ ഹൃദയത്തിൽ ആയിരുന്നു വന്നു പതിച്ചത്…

” അത്രയും മോശമായി ആ ജിതിനും മറ്റും പെരുമാറിയത് കൊണ്ടാ ഞാൻ വന്ന് പറയാമെന്ന് കരുതിയത്…കംപ്ലൈൻ്റ് ചെയ്യ്താൽ കൊല്ലും എന്ന ഭീഷണിയും…അതാ സങ്കടം സഹിക്കാൻ വയ്യാതെ ഇവിടെ വന്നെ അപ്പൊ അവിടെ പോലെ തന്നെ ഇവിടേം…ഇതി കൂടുതൽ ഞാൻ ഇനി എന്ത് പറയാനാ… ”

മിസ്സ് കണ്ണിൽ നിന്ന് വന്ന കണ്ണുനീർ തുടച്ച് കൊണ്ട് പറഞ്ഞപ്പോൾ ഞാൻ ആ പഴയ അർജ്ജുനിലേക്ക് എത്തിപ്പെട്ടിരുന്നു…ഉള്ളിലാകെ കോപത്താൽ എരിയാൻ തുടങ്ങി…കുടിച്ച ലഹരി പോലും എന്നിൽ ക്രോധത്തിൻ്റെ തീവ്രതയായി മാറി…

” മിസ്സ് വാ… ”

ഞാൻ കത്തുന്ന ദേഷ്യത്തോടെ മിസ്സിനെ നോക്കി പറഞ്ഞു…പക്ഷെ പുള്ളിക്കാരി അത് വക വെക്കാതെ കണ്ണും ഒപ്പി എന്നെ കടന്ന് പോകാൻ ഒരുങ്ങി…

” ചേട്ടത്തി…………. ”

എൻ്റെ ശബ്ദം അവിടെ ആകെ നിറഞ്ഞു…ദേഷ്യത്താൽ ചെറുതായി ചുവന്ന കണ്ണുകളോടെ ഞാൻ ആ കൈകളിലേക്ക് പിടിച്ചു…എൻ്റെ വിളിയും ദേഷ്യവും കണ്ട് ആര്യമിസ്സ് അഥവാ എൻ്റെ ചേട്ടത്തി ഒരു നിമിഷം മരവിച്ച പോലെ നിന്നു…

” ഞാൻ ചേട്ടത്തിയോട് വരുവോന്ന് ചോദിച്ചതല്ല…വാ എന്ന് പറഞ്ഞാതാ… ”

ഞാൻ ഗാംഭീര്യം കലർന്ന ശബ്ദത്തിൽ ചേട്ടത്തിയെ നോക്കി പറഞ്ഞു….എൻ്റെ മാറ്റം ചേട്ടത്തിയെ ആകെ ഭീതിയിൽ ആക്കി…മറിച്ചവന്മാരെ അത് അത്ഭുതപെടുത്തിയില്ല… കാരണം അവർക്കറിയാം അവരുടെ പഴയ അജ്ജുവേ…
” നന്ദു… ശ്രീ…അഭീ…വാടാ…. ”

ഞാൻ അവന്മാരെ നോക്കി പറഞ്ഞ് ദേഷ്യത്തോടെ മിസ്സിന്റെ കൈയ്യും പിടിച്ച് മുന്നോട്ട് നടന്നു…പുറകെ അവന്മാരും…തീക്കത്തിയ ദേഷ്യത്തോടെ ഞാൻ ചേട്ടത്തിയേം കൊണ്ട് ആ ജിത്തിൻ്റേം പിള്ളാരുടേം അടുത്തേക്ക് പോയി…അവന്മാർ ഇരിക്കുന്ന കോർണർ ഞങ്ങൾക്കറിയായിരുന്നു…അവിടെ എത്തിയതും പ്രതീക്ഷിച്ച പോലെ അവനും അവന്റെ പിള്ളാരും ഉണ്ടായിരുന്നു…

” ഓ ഇതാര് അപ്പോഴേക്കും ചോദിക്കാനും പറയാനും ആളേം കൂട്ടി വന്നോ… ”

മിസ്സിനേം ഞങ്ങളേം കണ്ടതും ആ ജിത്തിൻ ഇരുന്ന ബെഞ്ചിൽ നിന്നും എഴുന്നേറ്റ് ചോദിച്ചു…

” അഭി ആ ഗ്രിൽസ്സങ്ങ് പൂട്ടിയേക്ക്…ഒറ്റൊരുത്തനും ഇങ്ങോട്ട് കയറുവേം വേണ്ടാ… ഇവിടുള്ള ഒരുത്തനും ഇറങ്ങുവേം വേണ്ട… ”

ഞാൻ അഭിയെ നോക്കി പറഞ്ഞു…അതോടെ അവൻ വേഗം പോയി ആ ഗ്രിൽസങ്ങ് പൂട്ടി…അത് കണ്ടതും ചേട്ടത്തിയാകെ പേടിയായി….

” വേണ്ട അർജ്ജുൻ…പ്ലീസ് പോകാം… ”

ഒരുപക്ഷെ പുള്ളിക്കാരി ഞങ്ങളുടെ ദേഷ്യവും പെരുമാറ്റവും ഇത്രയും ഉണ്ടാവുമെന്ന് കരുതി കാണില്ല…ഞാൻ എന്തായാലും അതിന് ചെവി കൊടുത്തില്ല…മിസ്സിൻ്റെ കൈപിടിച്ച് ഒരു സൈഡിൽ നിർത്തി…

” പേടിക്കേണ്ട മിസ്സേ…മിസ്സ് കണ്ടാ മതി…ഇത് ആ പഴയ ചാത്തൻസ്സിൻ്റെ രീതിയാ…. ”

നന്ദു മിസ്സിന്റെ പേടി കണ്ട് ചിരിയോടെ പറഞ്ഞു… അപ്പോഴേക്കും ആ ജിതിൻ ഞങ്ങളുടെ അടുത്തെത്തിയിരുന്നു…

” ഓ നീയൊക്കെയാണൊ ഇവളുടെ പേടി മാറ്റുന്ന ആൾക്കാർ…കൊള്ളാലോ…നിങ്ങളെ നാലാളെ ഓക്കെ ഇവളെ കൊണ്ട് താങ്ങുവോ… ”

ജിത്തിൻ്റെ വായിൽ നിന്ന് അത് വീണതും…ക്രോധത്താൽ ഉറഞ്ഞുകേറിയ എൻ്റെ ശരീരത്തിൻ്റെ പിടി വിട്ടിരുന്നു…രണ്ട് സ്റ്റെപ്പ് മുന്നോട്ട് വെച്ച് ഞാൻ തുള്ളി അവൻ്റെ നെഞ്ചും കൂട് നോക്കി ചവിട്ടി…ചവിട്ടിൻ്റെ ആഘാതത്തിൽ അവൻ പിന്നോട്ട് തെറിച്ചു വീണിരിന്നു…

Leave a Reply

Your email address will not be published. Required fields are marked *