” പെഴച്ച് പെറ്റുണ്ടായ നായിൻ്റെ മോനെ നീ എൻ്റെ ചേട്ടത്തിയെ കൊണ്ട് തോന്നിവാസം പറയും അല്ലേടാ… ”
ഞാൻ വീണ് കിടക്കുന്ന അവന് നേരെ ഓടിക്കോണ്ടലറി… അപ്പോഴേക്കും പിള്ളേരും ബാക്കിയുള്ള അവന്മാരുടെ അടുത്തേക്ക് എത്തിയിരുന്നു…ഇതൊക്കെ കണ്ട് ഞെട്ടി വിറങ്ങലിച്ച് മിസ്സ് ചുമരിലേക്ക് ചാരിയിരുന്നു…ദേഷ്യത്താൽ ഞാൻ ജിത്തിൻ്റെ മുഖത്ത് ആഞ്ഞാഞ്ഞ് അടിച്ചു…ചുണ്ട് പൊട്ടി ചോര വരാൻ തുടങ്ങി…എനിക്കെന്റെ ദേഷ്യത്തെ കണ്ട്രോൾ ചെയ്യാൻ പറ്റിയില്ല…പിള്ളാരും അതേ അവസ്ഥയിൽ…പക്ഷെ എൻ്റേത് ആരാലും തടുക്കാൻ പറ്റാത്ത പോലുള്ള കോപമായിരുന്നു… അപ്പോഴേക്കും പിള്ളേരുടെ കൈയ്യിൽ നിന്ന് തല്ലുവാങ്ങി ബാക്കിയൊക്കെ വീണിരുന്നു…മിസ്സ് പേടിച്ച് കരഞ്ഞ് വേണ്ടാന്ന് പറയുന്നുണ്ട്…അതൊക്കെ സ്റ്റേജിലെ പരിപാടിയുടെ ശബ്ദം കാരണം പുറത്തറിയുന്നുണ്ടായിരുന്നില്ല…പിന്നെ ആ ഭാഗത്തപ്പൊ പിള്ളേരും കുറവായിരുന്നു…ഞാൻ അവന്മാരിരുന്ന ഒരു മരത്തിന്റെ കസേര എടുത്ത് ജിതിൻ്റെ പുറം നോക്കി ശക്തിയിൽ അടിച്ചു…അത് കഷ്ണങ്ങളായി ചിതറി…എന്നിട്ടും ദേഷ്യം മാറാത്ത ഞാൻ അതിന്റെ പൊട്ടിയ ഒരു കാല് കൊണ്ടവനെ തല്ലാൻ ഒരുങ്ങി…അപ്പോഴേക്കും അഭി വന്നെന്നെ തടഞ്ഞു….
” അജ്ജു….വേണ്ടടാ മതി…അവൻ ചത്തു പോകും… ”
” വിടടാ എന്നെ…അവൻ ചാകണം…അവനെന്റെ ചേട്ടത്തിയെ കൊണ്ട് പറഞ്ഞത് നീ കേട്ടില്ലേ… ”
ഞാൻ അവനെ തള്ളി മാറ്റാൻ നോക്കി അപ്പോഴേക്കും ചേട്ടത്തിയും ഓടി വന്നെന്നെ പിടിച്ച് വലിക്കാൻ തുടങ്ങി…
” അർജ്ജുനേ വേണ്ടാ…എൻ്റെ അനിയൻ അല്ലേ…പ്ലീസ് വാ…പോകാം… ”
ചേട്ടത്തി എന്നെ പിടിച്ചു വലിച്ച് തേങ്ങിക്കോണ്ടിരുന്നു…അപ്പോഴേക്കും ശ്രീ എൻ്റെ കൈയ്യിൽ നിന്നും ആ മരകഷ്ണം പിടിച്ച് മാറ്റി…അതോടെ ഞാൻ ഒന്ന് ചേട്ടത്തിയേം പിടിച്ച് മുന്നോട്ട് നടന്നു…
” ഡാ നായിൻ്റെ മോനെ…ഇതാരാന്നറിയോ… എൻ്റെ ചേട്ടത്തിയാ…എന്നുവെച്ചാ ഈ അർജ്ജുൻ്റെ സ്വന്തം ചേച്ചി….നീ എന്താ പറഞ്ഞെ എൻ്റെ ചേട്ടത്തിയെ കൊലുമെന്നോ….അതിനുള്ള മുലപ്പാല് നീ കുടിച്ചിട്ടുണ്ടോ….”
ഞാൻ അവനെ നോക്കി അലറിക്കൊണ്ട് പറഞ്ഞു…
” ഇനി എൻ്റെ ചേച്ചിയേ വാക്കുകൾ പോയിട്ട് ഒരു നോട്ടം കൊണ്ടെങ്ങാനും നീ ശല്ല്യം ചെയ്യ്താൽ…കൊന്ന് കുഴിച്ച് മൂടും ഞാൻ…നിന്നെ മാത്രമല്ല നിന്റെ മൊത്തം കുടുംബത്തേയും…നീ പറയും പോലെ വെറും വാക്ക് അർജ്ജുൻ പറയാറില്ല….ഓർത്തോ… ”
ഞാൻ ദേഷ്യത്തോടെ ജിതിന്നെ നോക്കി അലറി…എന്നിട്ട് ചേട്ടത്തിയേം കൂട്ടി പുറത്തേക്ക് നടന്നു…കൂടെ അവന്മാരും… അപ്പോഴേക്കും കുറച്ചു പിള്ളേരൊക്കെ പൂട്ടിയ ഗേറ്റിന് വെളിയിൽ ഉണ്ടായിരുന്നു…
” ഇവിടെ നടന്നതൊന്നും ഒറ്റ ഒരെണ്ണവും പുറത്ത് പറഞ്ഞ് പോകരുത്…പറഞ്ഞാൽ… ”
പേടിച്ചരണ്ട പിള്ളാരെ നോക്കി ഞാൻ ദേഷ്യത്തോടെ പറഞ്ഞതും പിള്ളേരില്ലാ എന്നർത്ഥത്തിൽ തലയാട്ടി… അതോടെ ഞാൻ വന്ന വഴി ഞങ്ങളിരുന്ന ക്ലാസിലേക്ക് വച്ച് പിടിച്ചു…കൂടെ എൻ്റെ ചേട്ടത്തിയും…
” ഹാ പേടിച്ച് പോയോ… ”
ക്ലാസ് റൂമിനടുത്തെത്തിയതും ഞാൻ ചേട്ടത്തിയെ നോക്കി ഒരു ചിരിയോടെ ചോദിച്ചു… പിന്നെ ഒന്നും പറയണ്ട കൊച്ചുപിള്ളാരെ പോലെ പുള്ളിക്കാരി എന്നെ തല്ലാൻ തുടങ്ങി…
” ഞാൻ പറഞ്ഞതല്ലേ വേണ്ടാന്ന്…അവർക്കൊക്കെ എന്തേലും പറ്റിയിരുന്നെങ്കിലോ…എന്തൊക്കെയാ കാണിച്ച് വച്ചത്… ”
ചേട്ടത്തിയെന്നെ ഓരോന്ന് പറഞ്ഞ് ഒരു ചേച്ചി സ്വന്തം അനിയനെ ശാസിക്കുമ്പോലെ തുടങ്ങി…ഇതൊക്കെ കണ്ട് പിള്ളാര് ചിരിക്കാൻ തുടങ്ങി…
” അപ്പൊ ചേച്ചിയും അനിയനും കൂടി ബാക്കി എന്താന്ന് വെച്ചാ ആക്കിക്കോ…നമ്മളീ നാട്ടുകാരല്ലേ… “
നന്ദു ഒരു ചിരിയോടെ പറഞ്ഞ് ഞങ്ങളേം കടന്ന് പോയി…പുറകേ അവന്മാരും…
” നിനക്കൊക്കെ ഞാൻ തരാം…എടാ എന്നാലും നിനക്കെന്താ ഇത്രയ്ക്ക് ദേഷ്യം ഒക്കെ…ഞാൻ എന്തോരം പേടിച്ചെന്നറിയോ…എന്താലും ഇത്രത്തോളം ഉണ്ടാവുമെന്ന് ഞാൻ കരുതിയില്ല…ഇങ്ങനാണേൽ ഞാൻ പറയില്ലായിരുന്നു… ”
ചേട്ടത്തി പരിഭവം പറയുംപോലെ എന്നെ നോക്കി…പക്ഷെ അപ്പോഴും അത് പറയുമ്പോൾ ആ മുഖത്ത് ഞാനൊരു ഭയം കണ്ടൂ…
” ആ അത് ഞാൻ ചെറുപ്പം മുതൽക്കേ അങ്ങനാ… ദേഷ്യം മാത്രം കണ്ട്രോൾ ചെയ്യാൻ പറ്റില്ല…അത് വേണ്ടപ്പെട്ടവർക്ക് വേണ്ടി ആണെങ്കിൽ പിന്നെ പറയേണ്ട… ”
ഞാൻ ഒരു ചിരിയോടെ മറുപടി നൽകി…അപ്പോഴായിരുന്നു ഫോണിലേക്ക് ഒരു കോൾ വരുന്നത്…ആതിരയായിരുന്നു…
” ഈ ശവം എന്തിനാ ഇപ്പൊ വിളിക്കുന്നെ… ”
ഞാൻ ഇഷ്ട്ടകേടോടെ ഫോണെടുത്ത് ചേട്ടത്തിയോട് മിണ്ടല്ലേ എന്നുള്ള ആക്ഷൻ കാണിച്ചു…
” ഹലോ അജ്ജു എവിടെയാ… ”
ഫോണിലൂടെ അവളുടെ സ്വരം ഉയർന്നു…
” ഞാൻ ഇവിടെ സി ബ്ലോക്കിലാ എന്താ… ”
” എനിക്കൊന്ന് കാണണമായിരുന്നു… ”
” എന്തിന്… ”
” അത് നേരിട്ട് പറയാം… ”
” ആ നോക്കാം…ഞാൻ വിളിക്കാം… ”
ഞാൻ കൂടുതൽ ഒന്നും പറയാതെ ഫോൺ കട്ടാക്കി ഇതൊക്കെ ചേട്ടത്തി സൂക്ഷ്മതയോടെ നോക്കുന്നുണ്ടായിരുന്നു….
” ആരാടാ അത്… ”
ഫോൺ വെച്ചതും ചേട്ടത്തിയുടെ ചോദ്യം എത്തി…
” അത് ആ ആതിര ആണ്…അവൾക്കെന്നെ കാണണം പോലും…ശവം… ”
ഞാൻ ഒരു ഇഷ്ട്ടകേടോടെ മറുപടി പറഞ്ഞു…
” അതിനെന്തിനാടാ നിനക്കിത്ര മടി…എന്തോ ചുറ്റികളി ഉണ്ടല്ലോ… ”
ചേട്ടത്തി ഒരാക്കിയ ചിരിയോടെ ചോദിച്ചു…
” ചേട്ടത്തി വിചാരിക്കും പോലല്ല… ”
ഞാൻ പിന്നെ മറച്ചു വെക്കാതെ കാര്യം അങ്ങ് പറഞ്ഞു…
” അപ്പൊ അതാണ് ഈ മുഖത്തൊരു ഇഷ്ട്ടകേട് കണ്ടത്…അല്ല അതെന്താ നിനക്ക് വേറെ വല്ലവരോടും പ്രേമമാണോ… ”
ഇത്തവണ വീണ്ടും ഒരു കള്ളനോട്ടത്തോടെയാണ് ചേട്ടത്തി ചോദിച്ചത്…അത് കേട്ടതും ഞാൻ ഒന്ന് പതറി…അപ്പൊ എന്തോ എൻ്റെ മനസ്സിലേക്ക് അവളുടെ മുഖം ആയിരുന്നു വന്നത്…ദിവ്യയുടെ…
” ഏയ്…അങ്ങനെ…അങ്ങനൊന്നൂല്ല്യ…. “
വിക്കി വിക്കി ഞാൻ ചേട്ടത്തിയെ നോക്കി പറഞ്ഞു…അത് പുള്ളിക്കാരി നല്ലോണം ശ്രദ്ധിച്ചിട്ടുണ്ട്…
” ആഹാ…എന്നാ ഞാൻ നിന്നോടൊരു കാര്യം ചോദിക്കട്ടെ… ”
ചേട്ടത്തിയുടെ ചോദ്യം കേട്ടതും ഞാൻ വീണ്ടും ഒന്ന് പതറി…ഇനി ദിവ്യയുടെ കാര്യം വല്ലതും ഇവർക്ക് ഡൗട്ടുണ്ടോ…
” ഹേ എന്താ ചേട്ടത്തി… ”
ഞാൻ ഒരു പരുങ്ങലോടെ കാര്യം തിരക്കി…
” അല്ലെങ്കിൽ വേണ്ടാ… കുറച്ചു കഴിയട്ടെ… അത് വിട്ടേക്ക്… ”
ചേട്ടത്തി പെട്ടെന്ന് എന്തോ ഓർത്തെന്നപോലെ പറഞ്ഞു…അത് കൂടി കണ്ടപ്പൊ എൻ്റെ ടെൻഷൻ കൂടി…
” അല്ല അതു പോട്ടെ നിനക്ക് ആതിരയുടെ ശല്ല്യം നിർത്തണോ… ”
പുള്ളിക്കാരി ചോദ്യം ഭാവത്തിൽ പുരികം ഉയർത്തി…ഞാൻ അതിന് യാന്ത്രികമായി അതേയെന്ന് തലയാട്ടി…
” മ്മ്…ഒരു പണിയുണ്ട്…നീ ഒരു ഉച്ചയ്ക്ക് ഒരു മണിയോടെ അവളോട് കോളേജ് ഗ്രൗണ്ടിനടുത്ത് വരാൻ പറ… ”
ചേട്ടത്തി ഒരു ചിരിയോടെ പറഞ്ഞു…പക്ഷെ എനിക്കൊരു തേങ്ങയും മനസ്സിലായില്ല…
” എന്തിന്…?? ”
