നിനക്ക് ബിയർ വേണോ.. അവൻ എന്നോട് ചോദിച്ചു.
ഹോ.. അതാണോ.. എനിക്ക് വേണ്ടടാ. ഞാൻ മറുപടികൊടുത്തു.
അതെന്താടാ നീ കല്യാണം കഴിഞ്ഞപ്പോ ആ പരുപാടിയൊക്കെ നിർത്തിയോ…
ഹേയ് അതല്ല. എന്തായാലും എനിക്കിപ്പോ വേണ്ട.
വേണ്ടകിൽ വേണ്ട. ഒരു കാര്യം ചെയ്യ് നീ വനെന്റെ കൂടെ ഒന്ന് നിക്ക്.
അവൻ ഒരു തരത്തിലും എന്നെ വിടുന്ന ലക്ഷണമില്ല.
നിന്നെ കൊണ്ട് തോറ്റു. ഒരു കാര്യം ചെയ്യ്.. നീ സാധനം കൊണ്ട് മുകളിലേക്ക് വിട്ടോ. ഞാൻ ഇപ്പോ വരാം. ഞാൻ അതും പറഞ്ഞ് നേരെ റൂമിലേക്ക് പോയി.
എന്റെ വരവും കാത്ത് അഭി റൂമിൽ തന്നെ നിൽക്കുന്നുണ്ടായിരുന്നു.
എന്താ സംഭവം… ഞാൻ അങ്ങോട്ട് ചെന്നതും അഭി എന്നെ ചോദ്യം ചെയ്യാൻ തുടങ്ങി.
അത് വേറെന്നും അല്ല അഭി. ചേട്ടൻ എന്നെ ബിയർ കഴിക്കാൻ വിളിച്ചതാണ്. ഞാനെന്ന് അതുവരെ പോയിട്ട് വരാം.
കിച്ചു.. എനിക്ക് ഒട്ടും ഇഷ്ടല്ല കഴിക്കുന്നത്. അവൾ ശാന്തമായി തന്നെയാണ് പറഞ്ഞത് .
അയ്യോ ഞാൻ കഴിക്കാനല്ല. ഞാൻ അവന് ഒരു കമ്പനിക്ക് വേണ്ടിയാണ്.
അത് കേട്ട് അവൾ ഒന്നും മിണ്ടാതെ തന്നെ നിന്നു.
ഞാൻ പോയിട്ട് വേഗം വരാം. എന്നും പറഞ്ഞ് ഞാൻ റൂമിനിന്ന് പുറത്തേക് നടന്നു.
കിച്ചു.. കഴിച്ചിട്ട വരുന്നത് എങ്കിൽ പിന്നെ ഞാൻ മിണ്ടില്ലാട്ടോ.. ഉറപ്പ്. അവൾ അന്ത്യശാസനം മുഴക്കും പോലെ പറഞ്ഞു.
ഇല്ല. ഞാൻ ശബ്ദം ഇല്ലാതെ ചുണ്ടനക്കി കൊണ്ട് പറഞ്ഞ ശേഷം ചേട്ടന്റെ അടുത്തേക്ക് നടന്നു.
വീടിന്റെ മുകളിൽ വച്ചാണ് പലപ്പോഴും എന്റെയും ചേട്ടന്റെയും വെള്ളമടി.
ഞാൻ മുകളിലേക്ക് കയറി ചെല്ലുബോൾ രണ്ട് കുപ്പിയും മുന്നിൽ വച്ചുകൊണ്ട് അവൻ വിദൂരതയിലേക്ക് കണ്ണുംനട്ട് നോക്കിയിരിക്കുന്നത് കണ്ടു.
ഞാൻ അടുത്തേക്ക് ചെന്നതറിഞ്ഞപ്പോൾ അവൻ തിരിഞ്ഞെന്നെ നോക്കി. അതിന് ശേഷം ഓപ്പൺ ചെയ്ത് വച്ചിരുന്ന ഒരു ബോട്ടിൽ അവൻ തന്റെ വായിലേക്ക് കമിഴ്ത്തി.
ഞാൻ വരുനത്തിന് മുൻപ് തന്നെ പകുതിയോളം കാലിയാക്കിയ ബോട്ടിൽ ആയതിനാൽ ഇപ്രാവശ്യം അത് ഫുൾ കാലിയാക്കിയതിന് ശേഷമാണ് അവൻ അത് താഴെ വച്ചത്.
നീ ഭാഗ്യവാനാടാ കിച്ച. അവൻ ഒഴിഞ്ഞ ബോട്ടിൽ താഴെ വച്ചതിന്ന് ശേഷം എന്നോട് പറഞ്ഞു. നീ നീയാഗ്രഹിച്ചപോല്ലേ തന്നെ നിന്നെ സ്നേഹിക്കുന്ന ഒരു പെണ്ണിനെ തന്നെ നിനക്ക് കിട്ടിയില്ലേ. യൂ ആർ എ ലക്കി മാൻ..
ങേ… അതിന് നിനക്കിപ്പോ എന്താ പ്രശ്നം. ഏട്ടത്തിക്ക് എന്താ ഒരു കുറവ്… ഞാൻ ചോദിച്ചു.
ഒരു കുറവും ഇല്ലടാ.. എല്ലാം ഇത്തിരി കൂടുതലാണെന്നേയുള്ളൂ. അത് പറയുബോൾ അവന്റെ കണ്ണുകൾ അല്പം നിറഞ്ഞതായി എനിക്ക് തോന്നി.
ഡാ.. കുട്ടികളൊക്കെ അതിന്റെ സമയം ആവുബോ നടക്കും. നീ അതോർത് ടെൻഷനടിക്കാതിരിക്ക്. ഞാൻ അവന്റെ തോളിൽ കൈവച്ചുകൊണ്ട് പറഞ്ഞു.
എന്റെ ആ പറച്ചിൽ കേട്ടതും അവൻ പൊട്ടി ചിരിച്ചു. അതോടൊപ്പം രണ്ടാമത്തെ ബോട്ടിലും പൊട്ടിച്ച് ചുണ്ടോട് ചേർത്തു.
കുറച്ചുനേരത്തെ നിശബ്ദതയ്ക്കോടുവിൽ പിന്നീട് ഞങ്ങൾ സംസാരിച്ചത് സാറ്റർഡേ നടക്കാൻ പോകുന്ന ഫംഗ്ഷനെകുറിച്ചാണ്.
അല്പ നേരം കൂടി സംസാരിച്ച് നിനശേഷം ഞങ്ങൾ താഴേക്ക് ഇറങ്ങി.
ഞാൻ റൂമിലേക്ക് കയറിയതും അഭി എനിക്ക് പിന്നാലെ റൂമിലേക്ക് കയറിയശേഷം വാതിൽ അടച്ച് കുറ്റിയിട്ടു.
ഞാൻ കാര്യം മനസ്സിലാവാതെ അഭിയെ സംശയത്തോടെ നോക്കി.
അഭി എന്റെ അടുത്തേക്ക് വന്ന് എന്റെ ശരീരത്തിൽ പതിയെ മണപ്പിച്ചുനോക്കി.
എനിക്ക് അവളുടെ ആ പ്രവർത്തി കണ്ട് ചിരിയാണ് വന്നത്.
ഒന്ന് ഊതികെ.
എന്തിന്… ഞാൻ ചിരിച്ചുകൊണ്ട് ചോദിച്ചു.
കിച്ചു ഊതന പറഞ്ഞത്. അവൾ ചെറിയ കലിപ്പിൽ എന്നോട് പറഞ്ഞു.
ഹുഉഉഉഉ………. ഞാൻ പതിയെ അവളുടെ മുഖത്തേക്ക് ഊതി.
സത്യം പറ കിച്ചു.. നീ കുടിച്ചോ…
എന്റെ പൊന്നഭി. ഞാൻ കുടിച്ചിട്ടില്ല. നീയാണെ സത്യം. ഞാൻ അവളുടെ തലയ്ക്കു മീതെ കൈ വച്ചുകൊണ്ട് പറഞ്ഞു.
സോറി കിച്ചു. എനിക്ക് പേടിയാണ് അതുകൊണ്ടാ. അവൾ ദയനീയമായി എന്നോട് പറഞ്ഞു.
പേടിക്കണ്ട. ഞാൻ കുടിക്കുന്നില്ല. എനി അഥവാ ഞാൻ കുടിക്കുന്നുണ്ടാകിൽ തന്നെ അത് നിന്റെ അനുവാദം കിട്ടിയാൽ മാത്രം. പോരെ…
മ്മ്മ്.. അവൾ എന്നെ നോക്കി വെളുക്കെ ചിരിച്ചു.
കിച്ചു പോയി കുളിച്ചിട്ട് വാ. അമ്മ ഊണ് കഴിക്കാൻ വിളിക്കുന്നുണ്ട്. അതും പറഞ്ഞ് അവൾ പുറത്തേക്ക് പോയി.
ഞാൻ കുളികഴിഞ്ഞ് വരുബോഴേക്കും എല്ലാരും ഭക്ഷണം കഴിക്കുവാനുള്ള തയാറെടുപ്പിലായിരുന്നു.
ചേട്ടനോ… ചേട്ടനെ ആ കൂട്ടത്തിൽ കാണാത്തത്കൊണ്ട് ഞാൻ ഏടത്തിയയോട് ചോദിച്ചു.
വിശപ്പില്ല എന്ന് പറഞ്ഞു. ഏട്ടത്തി എന്റെ മുഖത്തേക്ക് നോക്കാതെയാണ് എനിക്ക് മറുപടി തന്നത്.
രണ്ട് ബോട്ടിൽ ബീയറ് കഴിച്ചതല്ലേ വയറ് നിറഞ്ഞു കാണും. പിന്നെ എങ്ങനെ വിശപ്പുണ്ടാകനാണ്. ഞാൻ മനസ്സിൽ ചിന്തിച്ചു. ഭക്ഷണം കഴിക്കല് കഴിഞ്ഞശേഷം ഞാൻ റൂമിലേക്ക് പൊന്നു. ഞാൻ എത്തിയതിനുശേഷം അല്പം സമയം കഴിഞ്ഞാണ് അഭിരാമി റൂമിലേക്ക് വന്നത്.
അവൾ ഡോർ ലോക്ക് ചെയ്തശേഷം ബെഡിൽ വന്നിരുന്നു.
നീനു എവിടെ…
അവൾ ഏടത്തിടെ ഒപ്പം കിടക്കാന് പറഞ്ഞു.
അവള് ജനിച്ചതിനു ശേഷം എന്നെ മാത്രല്ലേ ദിവസവും കാണുന്നോള്ളൂ ഇപ്പോ ഒരുപാട് ആളുകളെ കിട്ടിയതിന്റെ സന്തോഷത്തിലാണവൾ. അഭി അത് പറയുബോൾ ആ കണ്ണുകളിൽ അല്പം ഈറൻ പൊടിഞ്ഞിരുന്നു.
പിന്നെ ഏട്ടത്തിക്ക് അവളോട് പ്രത്യക വാത്സല്യണ്ട്. അവളോട് മാത്രല്ല എന്നോടും. പിന്നെ അച്ഛനും ചേട്ടനും അമ്മയും എല്ലാരും എന്നോട് നല്ല രീതിയില പെരുമാറിയത്. എനിക്ക് എല്ലാരേയും ഇഷ്ടായി.
അവളുടെ സംസാരം കേട്ട് ഞാൻ അഭിയുടെ കയ്യിൽ പിടിച്ചു. ഏട്ടത്തി എന്ന് സ്ഥാനം മാത്രമേ ഒള്ളു. പ്രായം കൊണ്ട് അഭിയേക്കാൾ താഴെയാണ്. ഞാൻ പറഞ്ഞു.
അതറിയാം. അവൾ പറഞ്ഞു. അതേയ്.. കിച്ചു. പിന്നെയ്.. എനിക്ക് ഒരു കാര്യം പറയാൻണ്ട്. അവൾ മടിച്ച് മടിച്ച് പറഞ്ഞു.
മ്മ്… എന്താ.. ഞാൻ കാര്യം അറിയുവാനുള്ള ആകാംഷയോടെ ചോദിച്ചു.
എനിക്കിന് വ്രതണ്‌.
വ്രതോ…. എന്ത് വ്രതം.
അത് ഈ.. തിങ്കളാഴ്ച വ്രതം എന്ന് കേട്ടിട്ടുണ്ടോ… അതായത് കല്യാണം കഴിഞ്ഞ സ്ത്രീകള് അവരുടെ ഭർത്താവിന്റെ നല്ലതിന് വേണ്ടി എടുക്കുന്ന ഒരു വ്രതമാണ് ഈ തിങ്കളാഴ്ച വ്രതം.
Ok.. അതിന്… നീ പറഞ്ഞു വരുന്നത് എനിക്ക് മനസിലായില്ല.
നമ്മുക്ക് ഫസ്റ്റ് നൈറ്റ്‌ നാളെ ആയപോരെ..
അത് കേട്ടതും എന്റെ മുഖഭാവമെല്ലാം മാറി. സങ്കടമാണോ ദേഷ്യമാണോ എന്നറിയാൻ കഴിയാത്ത ഒരു ഭാവം.
നീ ആവശ്യം ഇല്ലാതെ വെറുതെ ഓരോന്ന് എടുക്കാൻ പോണോ… ഞാൻ സങ്കടത്തോടെ ചോദിച്ചു.
എന്റെ കിച്ചുട്ടാന് വേണ്ടിട്ടാലേ… പ്ലീസ്. എന്റെ മുത്തല്ലേ.. ഈ ഒരു ദിവസം കൂടി ക്ഷമി…
ഹ്മ്മ്…. എന്നാപ്പിന്നെ ഇന്നലെ ഒരു ദിവസം വെറുതെ പാഴാകണ്ടായിരുന്നു…
അത് പിന്നെ ക്ഷീണം ഉള്ളോണ്ടല്ലേ… അവൾ ചുണ്ട് മലർത്തികൊണ്ട് പറഞ്ഞു.
