“പക്ഷെ ചെറിയമ്മേ….ഒരു കാര്യം ഓർത്തോളു….അവളിനി ജീവിക്കാൻ പോകുന്നത് എന്റെ കൂടെയാണ്….അവളെ ഒരിക്കലും ഒരു ഭാര്യ ആയി എനിക്ക് കാണാൻ പറ്റും എന്ന് നിങ്ങൾ ആരും കരുതണ്ട….ഈ ചെയ്യുന്ന ചെറിയ തെറ്റിന്റെ പേരിൽ ജീവിത കാലം മുഴുവൻ അനുഭവിക്കേണ്ടി വരുന്നത് അവൾ ആയിരിക്കും….. ഞാൻ എന്നും കൂടെയുണ്ടാകും പക്ഷേ ഒരു ഇണയായി….ഒരു തുണയായിട്ട് ആയിരിക്കത്തില്ല…..!!”
“മോനെ.. എഡിസാ…”
പിന്നെ ഞാൻ അവിടെ നിന്നില്ല….ചെറിയമ്മക്ക് ഇനി പറയാനുള്ളത് എന്തായിരിക്കും എന്ന് എനിക്ക് ഊഹിക്കാൻ ഉള്ളതെ ഉണ്ടായിരുന്നുള്ളൂ….. ഇവരെല്ലാം മുൻകൂട്ടി കണ്ടതോണ്ട് ആണോ എന്നറിയില്ല അമ്മ എനിക്ക് മുണ്ടും ഷർട്ടും തേച്ചു തന്നത്….. നല്ല സിൽക്ക് ന്റെ ബ്ലൂ ഷർട്ട്……… അമ്മ വന്ന് എന്നോട് എന്തൊക്കെയോ പറഞ്ഞു…..ഞാൻ എല്ലാത്തിനും യാന്ത്രികമായി മറുപടി കൊടുക്കുകയും ചെയ്തു……. അങ്ങനെ ആ സമയം വന്നു….പെണ്ണിന്റെ കയ്യും പിടിച്ചു ബന്ധുക്കൾ പന്തലിലേക്ക് വന്നു….എന്നെ ഏതെല്ലോ രണ്ട് പിള്ളേർ പിടിച്ചു വലിച്ചു സ്റ്റേജിലേക്ക് കൊണ്ട് പോയി…ഒരു ചെറിയ മുറ്റം ഉള്ള വീട് ആയതിനാൽ സ്റ്റേജ് കൂടി വന്നതോടെ നിക്കാൻ സ്ഥലം ഇല്ലാതായി….മൈര് ലൈഫ് കയ്യീന്ന് ഒലിച്ചു പോവുമ്പോഴാ അവന്റെ സ്ഥലത്തിന്റെ അളവെടുപ്പ്….എന്നെ ആരൊക്കെയോ കൂടെ ആ കൂടത്തിന്റെ മേലെ എടുത്തിരുത്തി…..
താലി കെട്ടാനായി താലി എന്റെ കൈകളിലേക്ക് തന്നപ്പോൾ ഇപ്പോൾ ഭൂമി പിളർന്നു താഴേക്ക് പോയിരുന്നെങ്കിൽ എന്ന് ഞാൻ ആശിച്ച് പോയി….. ആ പീപ്പിയുടെ അകമ്പടിയോട് കൂടി ഞാൻ അവളുടെ കഴുത്തിൽ താലി കെട്ടി…..അവളുടെ മുഖത്തേക്കൊന്ന് പാളി നോക്കുമ്പോൾ കലങ്ങിയ കണ്ണുമായി നിൽക്കുന്ന അവളെയാണ് കാണാൻ സാധിച്ചത്….. അവളെയും കൊണ്ടാ മണ്ഡപം മൂന്ന് തവണ പ്രതിക്ഷണം വെക്കുമ്പോൾ ചുറ്റും കൂടി നിന്നവരിലേക്ക് നോട്ടം പോയി….ആ കൂട്ടത്തിൽ ഒമുവും ഉണ്ടായിരുന്നു….പന്തം കണ്ട പെരുച്ചാഴിയെ പോലെ……
അവളുടെ കൂടെ സദ്യ കഴിക്കാൻ ഇരിക്കുമ്പോൾ തൊണ്ടയിലൂടെ ഒരിറ്റ് വെള്ളം
ഇറക്കാൻ പറ്റുന്നില്ല….കഴുത്തിൽ ആരോ മുറുക്കെ ഞെക്കി പിടിച്ചു വച്ചിരിക്കുന്നത് പോലെ തോന്നി…….എങ്ങനെയെങ്കിലും ഒന്ന് ഇവിടെന്ന് പോയാ മതി എന്ന് തോന്നിയെനിക്ക്….. ചെന്നൈയിൽ നിന്ന് വരാൻ തോന്നിയ ആ നശിച്ച നിമിഷത്തെ ശപിച്ചു കൊണ്ട് ഞാൻ എഴുന്നേറ്റു….. ഒമു കൂടെ നിന്ന് എന്തൊക്കെയോ പറയുന്നുണ്ടെങ്കിലും ഞാൻ സത്യത്തിൽ ഒരു പുല്ലും കേക്കുന്നുണ്ടായിരുന്നില്ല…… എല്ലാ കല്ല്യാണവീട്ടിലെയും ചടങ്ങ് പോലെ പോവാൻ നേരം അവൾ അച്ഛനെയും ബന്ധുക്കളെയും ഒക്കെ കെട്ടിപ്പിടിച്ചു കരഞ്ഞു കൊണ്ട് കാറിലേക്ക് കേറി….ഇത് വരെ ഞങ്ങൾ പരസ്പരം ഒന്നും മിണ്ടിയില്ല….. കാറിലും ആ മൗനം ഭേദിക്കാൻ ഞാൻ ഒരുക്കം ആയിരുന്നില്ല….അമ്മ വിളിക്ക് കൊടുത്തവളെ സ്വീകരിച്ചു….. വലത് കാൽ വെച്ചവൾ വീട്ടിലേക്ക് കയറി…… രാത്രി ആകുന്നത് വരെയും ഞാൻ ഒന്നും മിണ്ടിയില്ല….ആരോടും മിണ്ടിയില്ല….. എന്റെ ജീവിതം തകർത്തു എന്ന തോന്നലൊന്നും ഉണ്ടായില്ല….പക്ഷെ ഒരു മരവിപ്പ് ആയിരുന്നു…… ഒരിക്കലും ഒരു വിവാഹത്തെ കുറിച്ച് ഞാൻ ചിന്തിച്ചിട്ടേ ഇല്ല….ഒമു വന്ന് കുറേ സമാധാനിപ്പിച്ചപ്പോൾ ചെറിയ ഒരു ആശ്വാസം തോന്നി…… എനിക്കിപ്പോഴും അവളുടെ കാര്യം ഓർത്താണ് സങ്കടം….ഒരിക്കലും എനിക്കവളെ എന്റെ ഇണയായി കാണാൻ കഴിയില്ല….. അങ്ങനെ അത്താഴവും കഴിച്ച് ഞാൻ റൂമിലേക്ക് പോയി….അവളപ്പഴും താഴെ ആയിരുന്നു… വന്നപ്പോൾ ആരോടും ഒന്നും മിണ്ടിയില്ലെങ്കിലും ഇപ്പൊ അത്യാവശ്യം സംസാരിച്ചു തുടങ്ങി എന്നോട് ഒഴിച്ച്…… കട്ടിലൊക്കെ അണിയിച്ചു ഒരുക്കിയിട്ടുണ്ട്….ഏത് വൃത്തിക്കെട്ടവന്റെ പണിയാണെന്ന് അമ്മോ….. എനിക്കിങ്ങനത്തെ കോപ്രായങ്ങൾ ഒന്നും ഇഷ്ടല്ല… ഞാൻ ഒരു പായയും തലയിണയും നിലത്തു വിരിച്ചു….. ബാത്റൂമിൽ പോയിട്ട് തിരിച്ചു വരുമ്പോൾ അവൾ താഴെ പായയിൽ ഇരിപ്പാണ്….മുട്ടിനു കയ്യും കൊടുത്ത് തല താഴ്ത്തി….. അയ്യോ അവളിനി അവളെ താഴെ കിടത്താൻ വിരിച്ചത് ആണെന്ന് കരുതി കാണുവോ….ഓൾടെ കൂടെ കിടക്കാൻ മാനസികമായി ബുദ്ധിമുട്ട് ഉള്ളതോണ്ട് താഴെ കിടക്കാന്നു വെച്ച ഞാൻ താഴെ വിരിച്ചത്….. എന്താലും കയറി കിടക്കാൻ പറയാം വന്ന് കേറിയ പെണ്ണിനെ നിലത്തു കിടത്തുന്നത് മോശല്ലേ…..
“അതേ….”
അപ്പുറത്തു നിന്ന് ഒരു അനക്കവും ഇല്ല….ഞാൻ പതിയെ ഷോൾഡർ ഇൽ കൈ വച്ച് ഒന്നൂടി വിളിച്ചു….
“അതേ….. കയറി കിടന്നോളു….ഞാൻ എനിക്ക് കിടക്കാൻ വേണ്ടിയാ താഴെ വിരിച്ചത്……!!”
എന്നിട്ടും അവളിൽ നിന്ന് പ്രത്യേകിച്ച് ഒരു പ്രതികരണവും ഉണ്ടായില്ല….. എനിക്ക് നന്നായി ദേഷ്യം വന്നു….അല്ലെങ്കിൽ തന്നെ വട്ടായിട്ടാ ഉള്ളെ….എങ്ങനേലും ഒന്ന്
തല ചായ്ച്ച മതിന്നുള്ള അവസ്ഥേലാ….
“അതെ….തന്നെയാ വിളിക്കണേ….മുകളിൽ കയറി കിടന്നേ….. എനിക്കൊന്ന് ഉറങ്ങണം…..!!”
മറുപടി ലഭിക്കാത്തതിന്റെയും ക്ഷീണം കൊണ്ടും ഞാൻ നല്ല കടുപ്പിച്ചു ആണ് പറഞ്ഞത്…..
ആ മുഖം കണ്ടിട്ട് ശരിക്കും പേടി ആയി പോയി… കരിമഷി ഒക്കെ പരന്ന് കണ്ടാൽ ഒരു യക്ഷിയോട്ട് ഇണ്ട്…… ഒന്നും പറഞ്ഞില്ല അവൾ മുകളിൽ കയറി കിടന്നു…..ഞാൻ നേരെ കേറി കിടന്നു….. കുറേ നേരം എന്തൊക്കെയോ ചിന്തകൾ മനസ്സിലേക്ക് കടന്ന് വന്നു….. ഒറ്റ ദിവസം കൊണ്ട് ജീവിതമേ മാറിയിരിക്കുന്നു….ചുമ്മാ വാട്സ്ആപ്പ് ഇൽ കേറി നോക്കുമ്പോൾ കൊറേ ആൾടെ വിഷ് വന്ന് കിടപ്പുണ്ട്….. ഒന്നിനും മറുപടി കൊടുക്കാൻ നിന്നില്ല….. എങ്ങനേലും ഒന്ന് ഉറങ്ങിയാൽ മതി എന്നുള്ള അവസ്ഥയിലാണ് ഞാൻ…… കണ്ണൊന്നു മൂടി വരുമ്പോഴാണ് ഒരു വിതുമ്പല്….. ഇത് വരെ കേട്ട് പരിചയം ഇല്ലാത്ത ശബ്ദം ആയതിനാൽ ഇതെവിടെന്ന് എന്നൊരു നിമിഷം ആലോചിച്ചു…… തുടങ്ങിയിട്ട് കുറച്ചധികം സമയം ആയി….ഇത് നിർത്തുന്ന ലക്ഷണം കാണുന്നില്ല….തലയണ ഒക്കെ വെച്ച് ചെവി അടക്കാൻ നോക്കി….ന്നിട്ടും ചെവി തുളച്ചു എത്തുകയാണ് ആ ശബ്ദം….വന്ന് കേറിയ ദിവസം തന്നെ വെറുപ്പിക്കണ്ടാന്ന് വെച്ച് കുറച്ച് നേരം കൂടി കാത്തു….കുറച്ച് നേരം കഴിഞ്ഞാൽ നിർത്തും എന്ന് കരുതി കാത്തിരുന്ന എന്നെ ഒരുമാതിരി പൊട്ടൻ ആക്കി കൊണ്ട് അവൾ പിന്നെയും തുടർന്നു….ഇടയ്ക്കിടയ്ക്ക് ഞാൻ സമയം നോക്കി…..2 മണി….11 മണിക്ക് തുടങ്ങിയ കച്ചേരി ആണ്….ഇവൾക്ക് മടുക്കുന്നില്ലേ… ഇനീം പറഞ്ഞില്ലേ ഇന്നിവൾ ഉറക്കില്ല എന്നെ….
“അതേ….. ആ വോളിയം ഒന്ന് കുറക്കുവോ ബാക്കിയുള്ളവർക്ക് ഉറങ്ങണം….!”
മയത്തിൽ പറയാം എന്ന് വെച്ചാണ് തുടങ്ങിയത്….പറഞ്ഞു വന്നപ്പോ ഇങ്ങനേം…… വോളിയം കുറക്കാൻ പറഞ്ഞിട്ട് കൂടുകയാണല്ലോ ചെയ്തത്… വിതുമ്പല് മാറി കരയാൻ തുടങ്ങി… മൈര് എനിക്ക് വിറഞ്ഞിങ് വന്നു….
