മംഗല്യധാരണം 7

Mangaallyadharanam Part 7 | Author : Nishinoya

[ Previous Part ] [ www.kambi.pw ]

---

 

രാവിലെ ഉറക്കം ഉണർന്നപ്പോൾ തലയണ അടുത്തുണ്ട് എന്നാൽ ചാരു ഇല്ല. ഫ്രഷ് ആയി വന്നപ്പോൾ ബെഡിന് അരികിലെ ടേബിളിൽ കോഫി ഇരിക്കുന്നത് കണ്ടു.

ഇത് എനിക്ക് ഉള്ളത് ആണോ വേറെ ആരെങ്കിലും കുടിക്കാൻ കൊണ്ട് വെച്ചതാണോ. സാധാരണ താഴെ ചെല്ലുമ്പോഴാണ് എനിക്ക് അമ്മ കോഫി തരാറുള്ളത്.

ചുറ്റിനും നോക്കി എങ്കിലും ആരെയും കണ്ടില്ല പ്രതേകിച്ചു ചാരുവിനെ. പിന്നെ ഒന്നും നോക്കിയില്ല കോഫിയുമായി താഴേക്ക് ചെന്നു. ബന്ധുക്കൾ എല്ലാരും ഇന്നലെ തന്നെ സ്ഥലം കാലിയാക്കിയിട്ടുണ്ട്. പന്തലുകാർ റിസെപ്ഷൻ പന്തൽ പൊളിക്കുന്ന തിരക്കിലാണ്. അമ്മ അവർക്കുള്ള ചായയുമായി പുറത്തേക്ക് പോവുന്നു.

 

“…നീ ഇതുവരെ കോഫി കുടിച്ചില്ലേ. മോൾ രാവിലെ തന്നത് അല്ലെ…” കൈയിലെ കോഫി ഞാൻ കുടിക്കാത്തത് കണ്ട് അമ്മ ചോദിച്ചു.

 

“… ഇപ്പൊ കുടിക്കാം അമ്മേ…” അമ്മക്കുള്ള മറുപടിയും കൊടുത്ത് കോഫി കുടിക്കാൻ തുടങ്ങി.

അപ്പൊ ചാരു എനിക്ക് കൊണ്ട് വന്ന കോഫി ആണിത്. ഉമ്മറത്തു പന്തലുകാരുടെ പണിയും നോക്കിയിരിക്കുന്ന അച്ഛന്റെ അടുത്തായി ഇരുന്നു ഞാൻ പാത്രം വായിക്കാൻ തുടങ്ങി.

 

“…മോനെ നീ അറിഞ്ഞായിരുന്നോ…” ആകാംഷയോടെ അച്ഛൻ ചോദിച്ചു.

 

“… എന്താ അച്ഛാ…” പാത്രം മടക്കി ഞാൻ ചോദിച്ചു.

 

“… ഇന്നലെ നിന്റെ കല്യാണത്തിന് വന്ന ഒരു പയ്യന് ആക്‌സിഡന്റ് ആയെന്നു. സീരിയസ് എന്നാ കേട്ടെ ചാരുമോളുടെ ഫ്രണ്ട് ആണത്രെ…” വിഷമത്തോടെ അച്ഛൻ പറഞ്ഞു.

 

“… ആണോ ഞാൻ അറിഞ്ഞില്ല അച്ഛാ. പാവം അവന് ഒന്നും പറ്റാതിരുന്നാൽ മതിയായിരുന്നു…” അരുണിന്റെ കാര്യം ആണ് അച്ഛൻ പറയുന്നത് എന്ന് എനിക്ക് മനസിലായി എന്നാൽ അത് ഞാൻ പുറത്ത് കാണിച്ചില്ല.

അവിടേക്ക് വന്ന ചാരു എന്റെ ഓവർ ആക്ടിങ് കണ്ട് സംശയത്തോടെ എന്നെത്തന്നെ നോക്കി നിന്നും. ഞാൻ ചരുവിനോട് പുരികം ഉയർത്തി എന്താ എന്ന് ചോദിച്ചു.

 

“…കാപ്പി കുടിക്കാൻ വായോ…”ഞങ്ങളെ നോക്കി ചാരു പറഞ്ഞു പെട്ടെന്ന് അകത്തു കേറി പോയി.

 

അച്ഛനും അമ്മുവും അമ്മയും നേരത്തെ കഴിച്ചു. ഞാൻ ഉറക്കം എഴുനേൽക്കാൻ ഇച്ചിരി വൈകി പോയി🥲. ഡയനിങ്ങ് ടേബിളിൽ ഇരുന്നപ്പോഴേക്കും ചാരു ഒരു ഉത്തമ ഭാര്യയുടെ റോൾ എന്ന പോലെ എനിക്ക് പാത്രം എടുത്ത് വിളമ്പി തരാൻ തുടങ്ങി. എനിക്ക് ഇങ്ങനെ ഒരു അനുഭവം ഇത് ആദ്യമായിട്ടാ.സാധാരണ അമ്മയാണ് ഇതൊക്കെ ചെയ്യാർ. അപ്പോഴേക്കും പന്തലുകാർക്ക് ചായ കൊടുത്ത് അമ്മ തിരിച്ചെത്തി.

 

“… മോളു കഴിക്കുന്നില്ലേ…” എന്റെ ഓരോ കാര്യങ്ങൾ ശ്രദ്ധയോടെ ചെയ്യുന്ന ചാരുവിനോട്‌ അമ്മ ചോദിച്ചു.

 

“… വേണ്ട അമ്മേ ഞാൻ ആദി കഴിച്ചിട്ട് ഇരുന്നോളാം…”

 

“… ഞങ്ങൾ കഴിച്ചപ്പോഴും നിന്നെ വിളിച്ചത് അല്ലെ അപ്പൊ പറഞ്ഞു ആദി വരട്ടെ എന്ന്. ഇപ്പൊ പറയുന്നു അവൻ കഴിച്ചിട്ട് കഴിക്കാം എന്ന്. മോൾ അവിടെ ഇരുന്നേ…”

 

അമ്മ അവളെ നിർബന്ധിച്ചു എന്റെ അടുത്ത് ഇരുത്തി അവൾക്ക് വിളമ്പി കൊടുത്തു. ഇതൊക്കെ കാണുമ്പോൾ എനിക്ക് അവിഞ്ഞ സീരിയൽ ആണ് ഓർമ വരുന്നത്.

 

“…നിനക്ക് വിശന്നാൽ നീ കഴിച്ചോണം. എനിക്ക് വേണ്ടി ആരും കാത്തിരിക്കണ്ട കേട്ടല്ലോ…” അമ്മ അടുക്കളയിൽ പോയ സമയത്ത് ചരുവിന് ഞാൻ താകീത് നൽകി. തിരിച്ചു മറുപടി ഒന്നും പറയാതെ കുനിഞ്ഞു പാത്രത്തിൽ തന്നെ നോക്കി അവൾ കഴിച്ചു. ഞാൻ കഴിച്ച് കഴിഞ്ഞു പാത്രം എടുത്ത് അടുക്കളയിലേക്ക് പോവാൻ ഒരുങ്ങി.

 

“…ആദി പാത്രം അവിടെ വെച്ചേക്ക് ഞാൻ എടുത്തോളാം…”

 

“…ഞാൻ കഴിച്ച പാത്രം കഴുകാൻ എനിക്ക് അറിയാം നീ അതിൽ തല ഇടേണ്ട…”

 

പാത്രവും കഴുകി നേരെ റൂമിൽ പോയി. നാളെ തൊട്ട് ഓഫീസിൽ പോവാം ഇവിടെ പ്രതേകിച്ചു ഒന്നും ചെയ്യാൻ ഇല്ല. ചുമ്മാ ഫോണും തോണ്ടി കിടന്നു. കുറച്ചു കഴിഞ്ഞു ചാരു മുറിയിലേക്ക് വന്നു.

 

“… താഴെ നിന്റെ അഭിനയം സൂപ്പർ ആയിരുന്നു കേട്ടോ…” ഫോൺ ബെഡിലേക്ക് വച്ച് ഞാൻ എഴുനേറ്റു.