💖മംഗല്ല്യധാരണം – 7 35അടിപൊളി 

 

“… കല്യാണം കഴിഞ്ഞാൽ വിരുന്ന്, ഹണിമൂൺ എന്നിങ്ങനെ കുറച്ചു പരിപാടികൾ ഉള്ളത് എന്റെ മോന് അറിയോ…” രാവിലെ തന്നെ അമ്മ എന്നെ ഊഞ്ഞാൽ ആട്ടാൻ തുടങ്ങി.

 

“…അയ്യോ എനിക്ക് അറിയില്ലായിരുന്നു. അമ്മ പറഞ്ഞത് നന്നായി അമ്മുവിന്റ കല്യാണം കഴിയട്ടെ എല്ലാം മുറപോലെ നടത്താം കേട്ടോ…”

 

“…അതെന്താ ഇപ്പൊ നടന്നത് നിന്റെ കല്യാണം അല്ലെ…”സംശയത്തോടെ അമ്മ എന്നെ നോക്കി.

 

“…ഇവളുടെ കൂടെ ഇവിടെ കഴിച്ചുകൂട്ടുന്ന പാട് എനിക്ക് അറിയാം അപ്പോഴാ ഇതിനെയും കെട്ടിയെടുത്ത് ഊര് തെണ്ടാൻ പോവുന്നത്…” ഞാൻ പിറുപിറുത്തു.

 

“…നീ എന്താ ഇരുന്ന് പിറുപിറുക്കുന്നത്…”

 

“… ഒന്നും ഇല്ലേ അമ്മ പറയുന്ന പോലെ എല്ലാം ചെയ്തോളാം എന്ന് പറഞ്ഞതാണെ…” തൊഴുകൈയോടെ അമ്മയേനോക്കി പറഞ്ഞു.

 

“…എന്നാ വരുന്ന ശനിയാഴ്ച രണ്ടും പെട്ടി പാക്ക് ചെയ്തോ…”

 

“… എങ്ങോട്ട്…” മനസ്സിലാവാതെ അമ്മയെ നോക്കി.

 

“…ഇവിടന്ന് നേരെ ഗായത്രിയുടെ വീട് അവിടന്ന് ചരുവിന്റെ വീട്…”

 

“… എന്തിനാ അങ്ങോട്ട്‌ പോണേ…”

 

“… അതല്ലെടാ പൊട്ടാ ഞാൻ പറഞ്ഞെ വിരുന്നിന് പോണം എന്ന്…” അമ്മ പറയുന്നത് കേട്ട് ചാരു അടക്കി ചിരിച്ചു. ഞാൻ കണ്ണുകണിച്ചു അവളെ പേടിപ്പിച്ചു.

 

“…കുറച്ചു ദിവസം അവിടെ നിന്നിട്ട് ഒക്കെ വന്നാൽ മതി. അത് കഴിഞ്ഞ് ഹണിമൂൺ പ്ലാൻ ചെയ്യാം…”

 

“… ഇതിനൊരു അന്ത്യം ഇല്ലേ…” അമ്മ എന്നെ നോക്കി വെളുക്കനെ ചിരിച്ചു😁.

 

“…അതൊക്കെ പോട്ടെ എന്നാ പോണ്ടത്…”

 

“…നാളെ രാവിലെ വിട്ടോ. എവിടെ എങ്കിലും ഒക്കെ കറങ്ങി വൈകിട്ട് അവിടെ എത്തിയാൽ മതി…”

 

“… എനിക്ക് അങ്ങനെ എങ്ങും കറങ്ങാൻ ഇല്ല. വെള്ളിയാഴ്ച ഇറങ്ങുന്നു നേരെ ഗായത്രിയുടെ വീട്ടിലേക്ക് പോരെ…” ഞാൻ അമ്മയോട് ചോദിച്ചു.

 

“…ഈ ചെക്കനോട് പറഞ്ഞിട്ട് കാര്യം ഇല്ല. അൺറൊമാന്റിക് മൂരാച്ചി …” അമ്മ തലയിൽ കൈവച്ച് പറഞ്ഞു.

രാവിലെ കാപ്പി കുടിയും അമ്മയുടെ ഉപദേശവും കഴിഞ്ഞ് ഓഫീസിലേക്ക് പോയി. കാർത്തി ഇപ്പോഴും ചരുവിനോടുള്ള എന്റെ സമീപനം അത്ര പിടിച്ചിട്ടില്ല. അതിന്റെ ഒരു ചൊരുക്കും എന്നോട് ഉണ്ട്.

 

“… Helo. മോളെ എവിടെയാണ് ഇപ്പൊ വിളിയൊന്നും ഇല്ലല്ലോ…” രാത്രിയിൽ ഫുഡ്‌ കഴിഞ്ഞ് കട്ടിലിൽ കിടന്ന് ഗായത്രിയെ ഫോൺ വിളിച്ചു.

 

“…കല്യാണം കഴിഞ്ഞൊരു പുരുഷനെ ഫോൺ ചെയ്യുന്നത് ശെരി അല്ലല്ലോ.അതാ വിളിക്കാഞ്ഞേ ..” ഗായത്രി പറഞ്ഞു.

 

“…നിനക്ക് ഇത്രക്ക് ഒക്കെ വിവരം വച്ചോ…”

 

“… പാതിരാത്രി വിളിച്ചു മനുഷ്യനെ കളിയാക്കുന്നോ…” ഗായത്രി ചൂടായി.

 

“… നാളെ നീ വീട്ടിൽ കാണില്ലേ…”

 

“… എന്താ കാര്യം…”

 

“… എടി മരപോത്തെ നീ ഒന്നും അറിഞ്ഞില്ലേ.ഞാനും ചാരുവും നാളെ അങ്ങോട്ട് വരുന്നുണ്ട്…”

 

“… ആണോ അമ്മ പറഞ്ഞില്ലല്ലോ. ഞാൻ അമ്മയോട് ഒന്ന് ചോദിക്കട്ടെ…”

 

“…നിനക്ക് നാളെ വേറെ പരിപാടി ഒന്നും ഇല്ലല്ലോ…”

 

“…ബൈ ദി ബൈ ഒന്ന് ഒന്ന് രണ്ട് പരിപാടി ഉണ്ടായിരുന്നു. നിങ്ങൾ വരുന്നത് കൊണ്ട് ഞാൻ അത് മാറ്റി വയ്ക്കാം…”

 

“…ഇത്രക്ക് ജാഡ ഒന്നും വേണ്ട നീ അവിടെ ചുമ്മാ ഇരിക്കാണെന്ന് എനിക്ക് അറിയാം…”

 

ചാരു നാളത്തേക്കുള്ള തുണി മടക്കി വയ്ക്കുന്നതിന്റെ ഇടക്ക് ഇടക്ക് എന്നെ പാളി നോക്കുന്നുണ്ട്. ആൾ അവിടെ ആണെങ്കിലും ശ്രെദ്ധ എന്റെ അടുത്ത്‌ ആണെന്ന് തോന്നുന്നു. അത് കണ്ടപ്പോ എനിക്കൊരു കുസൃതി തോന്നി.

 

“… അമ്മുമ്മ നിന്നെ കെട്ടാൻ ആണ് പറഞ്ഞത് എങ്കിൽ ഞാൻ കണ്ണും പൂട്ടി കെട്ടിയേനെ. എങ്കിൽ നിന്റെ വീട്ടിൽ മാത്രം വിരുന്ന് പോയാൽ മതിയായിരുന്നല്ലോ…”

 

“…അയ്യടാ ആ മോഹം ഒക്കെ മനസ്സിൽ വച്ചാൽ മതി…” ഞാൻ ചെറുതായി ചിരിച്ചു തള്ളി.

 

തുണിയും മടക്കികൊണ്ട് ഇരുന്നവൾ അത് ബാഗിലോട്ട് എടുത്ത് എറിഞ്ഞു ചവുട്ടി തുള്ളി താഴേക്ക് പോയി. ഞാൻ പറഞ്ഞത് അവൾക്ക് പിടിച്ചില്ല എന്ന് തോന്നുന്നു. കുറച്ചു നേരം കൂടി ഗായുവിനോട് കത്തി വച്ച ശേഷം ഉറങ്ങാനായി കിടന്നു. ചാരുവും വന്ന് കിടന്നു. ചാരു എന്തൊക്കെയോ പിറു പിറുക്കുന്നുണ്ട്.