💖മംഗല്ല്യധാരണം – 7 35അടിപൊളി 

 

രണ്ടും കൂടി എന്തൊക്കെയോ കാണിച്ചു കൂട്ടി. ഞാൻ 2 ബിയർ ഇവർക്ക് ഒന്നര ബിയർ വീതം അത് കണക്ക് കൂട്ടിയാണ് ഞാൻ വാങ്ങിയത്. ഇപ്പൊ ഞാൻ ഒരു ബിയർ ഇവളുമാർ 2 ബിയർ എന്നായി. ഞാൻ ഇപ്പോഴും പച്ചക്ക് ഇരിക്കാണ് 🫠. ബിയർ തീർന്നതും രണ്ടും ഓഫ്‌ ആയി. ഗായുവിന് പിന്നയും ബോധം ഉണ്ട്. അവളെ തോളിൽ താങ്ങി അവളുടെ മുറിയിൽ കൊണ്ട് കിടത്തി. തിരിച്ചു ബാൽക്കണിയിൽ എത്തിയപ്പോ പാമ്പ് ഇര വിഴുങ്ങിയ പോലെ കിടക്കാണ് ചാരു. അവളെ രണ്ട് കൈയിലും കോരിയെടുത്ത് ഞങ്ങടെ മുറിയിലേക്ക് പോയി. കട്ടിലിൽ കിടത്തി ഞാൻ തിരിഞ്ഞതും എന്റെ കൈയിൽ അവൾ കയറി പിടിച്ചു.

 

“…ആദി എന്നെ വിട്ട് പോവല്ലെടാ… പ്ലീസ് ടാ… എനിക്ക് നിന്നെ ഒരുപാട് ഇഷ്ട്ടാടാ…” എന്നിങ്ങനെ പിച്ചും പേയും പറഞ്ഞോണ്ട് ഇരുന്നു.

 

ബോധം ഇല്ലെങ്കിലും ഇവളുടെ അഭിനയത്തിന് മാത്രം ഒരു കുറവും ഇല്ല. അവളുടെ കൈ വിടുവിച്ചു ഞാൻ കട്ടിലിൽ കിടന്നു.

“… നിങ്ങൾക്ക് നാളെ പോയാൽ പോരെ… ” പിറ്റേന്ന് കാപ്പി കുടിക്കുന്നതിന്റെ ഇടക്ക് മാമി ചോദിച്ചു.

 

“…ഞാൻ ഇന്നലെ പറഞ്ഞില്ലേ മാമി ഇനി ഇവളുടെ വീട്ടിൽ പോണം പിന്നെ ഓഫീസിന്റെ കാര്യം അത് കൊണ്ട് നിലക്കാൻ പറ്റില്ല. വേറൊരു ദിവസം ഞങ്ങൾ വരാം 2 ദിവസം നിന്നിട്ടെ തിരിച്ചു പോവൊളു. പോരെ…” ഞാൻ പറഞ്ഞത് കേട്ട് എല്ലാരും ചിരിച്ചു

 

“…ഞാനും വരട്ടെ ഏട്ടാ നിങ്ങളുടെ കൂടെ…” ആകാംഷയോടെ ഗായു ചോദിച്ചു.

 

“…വേണ്ട.നിന്നെ പിന്നെ ഇവിടെ ആര് കൊണ്ട് ആക്കും. ചരുവിന്റെ വീട്ടിൽ പോയിട്ട് നിന്നെ ആക്കാൻ ആദി ഇതുവരെ ഡ്രൈവ് ചെയ്യണ്ടേ…” മാമി പറഞ്ഞു.

 

“…കുഴപ്പം ഇല്ല മാമി അവളും വന്നോട്ടെ…”

 

“…അമ്മ പറഞ്ഞതും ശരിയാ. ഞാൻ അതേപറ്റി ഓർത്തില്ല. ഞാൻ വരുന്നില്ല…”

കാപ്പി കുടി കഴിഞ്ഞ് ഡ്രസ്സ്‌ എല്ലാം മടക്കി വയ്ക്കാൻ റൂമിലേക്ക് പോയി. ഞാനും ഗായുവും കട്ടിലിൽ ഇരുന്നു. ചാരു ഓരോ ഡ്രസ്സ്‌ ആയി മടക്കി വയ്ക്കാൻ തുടങ്ങി.

 

“… ഞാനും നിങ്ങളുടെ കൂടെ വന്നിരുന്നെങ്കിൽ ഇന്നും നമുക്ക് ബിയർ കുടിക്കായിരുന്നു അല്ലെ ഏട്ടാ…”

 

“…നീ ബിയർ എന്നൊരു വാക്ക് മിണ്ടി പോവരുത് 😡…”

 

“…എന്ത് പറ്റി ഏട്ടാ…” നിഷ്ക്കു ഭാവത്തിൽ ഗായു തിരക്കി.

 

“… ഇപ്പൊ നിനക്ക് ചേട്ടാ എന്നൊക്കെ വിളിക്കാൻ അറിയാം അല്ലേടി…”അവൾ ഒന്നും മനസ്സിലാവാതെ ചരുവിനെയും എന്നെയും മാറി മാറി നോക്കി.

 

“… ഇന്നലെ രാത്രി നടന്നത് ഒന്നും രണ്ടിന് ഓർമ കാണില്ല അല്ലെ…” ഒരേ സമയം രണ്ടു പേരും ഇല്ല എന്ന് തലയാട്ടി.

 

“…ഓർമിപ്പിച്ചാൽ ഇവിടെ ഒരു കൊലപാതകം നടക്കും. അതുകൊണ്ട് ആരും ഒന്നും ഓർക്കാത്തത് ആണ് നല്ലത്…” ഇന്നലെ നടന്നത് ഒന്നും അത്ര പന്തിയല്ല എന്ന് മനസ്സിലായത് കൊണ്ട് അതേപറ്റി ആരും ഒന്നും സംസാരിച്ചില്ല.

 

പെട്ടിയൊക്കെ പാക്ക് ചെയ്ത് അടുത്ത വീട്ടിലേക്ക് ഞാനും ചാരുവും യാത്ര തിരിച്ചു. ഇന്നലത്തെ ക്ഷീണം കാരണം ഉറക്കവും ശരിയായില്ല എന്ന് പറഞ്ഞു ചാരു കാറിൽ ഇരുന്ന് ഉറങ്ങി. പിന്നെ അവളുടെ വീട്ടിൽ എത്തിയപ്പോഴാണ് ചാരു ഉറക്കം എഴുന്നേറ്റത്. അവളുടെ അമ്മയോടും അച്ഛനോട് കുറച്ചു സംസാരിച്ചു നേരെ അമ്മുമ്മയെ കാണാൻ പോയി. ചാരു ചെന്ന പാടെ ഓടിച്ചെന്ന് അമ്മുമ്മയെ കെട്ടിപിടിച്ച് ഉമ്മ കൊടുത്തു.

 

“…വന്നോ അമ്മുമ്മയുടെ മോൾ…” ചരുവിന്റെ തലയിൽ ഒക്കെ തലോടികൊണ്ട് അമ്മുമ്മ ചോദിച്ചു.

 

“…ഞാൻ പോയപ്പോ കുറച്ചു ക്ഷീണിച്ചല്ലോ. ആഹാരം ഒന്നും കഴിക്കാറില്ലേ…”

 

“… ഒന്ന് പോടീ. ഞാൻ സമയത്തിന് ആഹാരം ഒക്കെ കഴിക്കുന്നുണ്ട്. പിന്നെ നീ ഇല്ലാത്തതിന്റെ ചെറിയ വിഷമം…”

 

“…അപ്പൊ എന്നെ മിസ്സ്‌ ചെയ്യുന്നുണ്ടല്ലേ…” ഇവരുടെ സംസാരം എല്ലാം കേട്ട് ഒരു കൗതുകത്തോടെയാണ് ഞാൻ നിന്നത്. അമ്മുമ്മ വേറെ ആരോടും ഇങ്ങനെ ഒന്നും സംസാരിക്കാറില്ല.

 

“… ചിലപ്പോഴൊക്കെ…”

 

“…ഇനി മിസ്സ്‌ ചെയ്യുമ്പോൾ പറയണം കേട്ടോ. എപ്പോ ഇ ചാരു എന്റെ അമ്മുമ്മയെ കാണാൻ പറന്നു വരും…”