💖മംഗല്ല്യധാരണം – 7 35അടിപൊളി 

“…പിടയുന്നൊരെന്റെ ജീവനിൽ

കിനാവ് തന്ന കണ്മണി

നീ ഇല്ലയെങ്കിലെന്നിലെ പ്രകാശമില്ലിനി….”

 

“…ഒന്ന് മിണ്ടാതെ കിടക്കോ. അവളെ കെട്ടാൻ പറ്റാത്തതിന്റെ സങ്കടമായിരിക്കും പാടി തീർക്കണത് 😡…”

 

സ്വിച്ച് ഇട്ട പോലെ അതും പറഞ്ഞു ചാരു വീണ്ടും അതേ കിടപ്പ് കിടന്നു. ഇപ്പൊ എന്താ ഉണ്ടായേ എന്തിനാ എന്നോട് ചാടികടിക്കാൻ വന്നേ. മനുഷ്യന് ഒരു മൂളി പാട്ട് പാടാൻ ഉള്ള സ്വതന്ത്രവും ഇവിടെ ഇല്ലേ ?

 

പിറ്റേന്ന് രാവിലെ തന്നെ ഗായത്രിയുടെ വീട്ടിൽ പോവാൻ റെഡി ആയി.ഹാളിലേക്ക് പോയി.

 

“… ഇന്നലെ വരെ വിരുന്നിന് പോവുന്നത് പറഞ്ഞപ്പോ ഇഷ്ട്ടം അല്ലായിരുന്നല്ലോ. ഇപ്പൊ എന്താ ചാടി ചാടി നിക്കണേ…” എന്റെ ഉത്സാഹവും സന്തോഷവും കണ്ട് അമ്മ തിരക്കി.

 

“… അതിന് അമ്മ പറഞ്ഞില്ലല്ലോ ഗായുവിന്റെ വീട്ടിലേക്ക് ആണ് പോവുന്നത് എന്ന്. അത് അറിഞ്ഞിരുന്നെങ്കിൽ കുറച്ചു ദിവസം മുമ്പേ പോവായിരുന്നു…”ചാരുവിനെ നോക്കിയപ്പോ അവളുടെ മുഖം വീർതിരിക്കുന്നു.

 

“… എല്ലാ സാധനങ്ങളും എടുത്ത് വച്ചോടാ…” അതൊക്കെ ഞാൻ ഇന്നലെ പാക്ക് ചെയ്ത് അമ്മേ. അമ്മയുടെ കവിളിൽ പിടിച്ചാട്ടികൊണ്ട് ഞാൻ പറഞ്ഞു.

 

“…ഡ്രസ്സ്‌, ബ്രഷ്, ഫോൺ ചാർജർ എല്ലാം എടുത്തില്ലേ…”

 

“…അയ്യോ ചാർജർ മറന്നു…”

 

“…ഇവന്റെ കാര്യം. ഇനിയിപ്പോ തിരിച്ചു കയറേണ്ട ഞാൻ പോയി എടുക്കാം…” അമ്മ എന്റെ റൂമിലേക്ക് പോവാൻ ഒരുങ്ങി.

 

“…വേണ്ട അമ്മേ ഞാൻ അതൊക്കെ എടുത്ത് വച്ചിട്ടുണ്ട്…”

 

“…കണ്ടോടാ ആ കൊച്ചിന് നിന്റെ കാര്യത്തിൽ എന്ത് ശ്രെദ്ധ ആണെന്ന്…” അമ്മ എന്റെ തോളിൽ അടിച്ചു.

 

ഇവൾ എന്താ രാവിലെ തന്നെ മനുഷ്യനെ തല്ലുകൊള്ളിക്കാൻ വന്നതാണോ. അല്ല എന്റെ സാധനങ്ങൾ ഞാൻ അല്ലെ എടുത്ത് വച്ചത് അപ്പൊ ചാർജറിന്റെ കാര്യം ഇവൾ എങ്ങനെ അറിഞ്ഞു..? ഉത്തരം കിട്ടാത്ത ആ ചോദ്യം എന്റെ ഉള്ളിൽ നിലനിന്നു. പോകുന്ന വഴിയിൽ അവർക്ക് കുറച്ചു ഫ്രൂട്സും പിന്നെ കുറച്ചു പലഹാരങ്ങളും വാങ്ങി. ഉച്ചക്ക് മുമ്പ് ഗായുവിന്റെ വീട്ടിൽ എത്തി.

 

“… കല്യാണത്തിന് ശേഷം ഒന്ന് തടിച്ചല്ലോ…” കണ്ട പാടെ ഓടി വന്ന് എന്റെ വയറ്റിൽ ഇടിച്ചോണ്ട് ഗായു പറഞ്ഞു.

 

“…പയ്യെ ഇടിക്കടി ഇല്ലങ്കിൽ രാവിലെ കഴിച്ചത് ഒക്കെ പുറത്ത് വരും…”

 

“… കല്യാണത്തിന് ശേഷം ചേച്ചി ഫുൾ time സാരി ആണോ…” അതിന് ചാരു ഒന്ന് പുഞ്ചിരിച്ചു.

കല്യാണത്തിന് ശേഷം ഇവളുടെ സ്പീക്കർ അടിച്ചു പോയോ..? ഞാൻ ചിന്തിക്കാതിരുന്നില്ല ഓ ചിലപ്പോ കുലസ്ത്രി അവനുള്ള യോഗ്യതയിൽ അതും പെടുമായിരിക്കും.

 

“… ടി പെണ്ണെ അവരെ അവിടെ നിർത്തിക്കാതെ അകത്തേക്ക് വിളിച്ചോണ്ട് വാടി…”

 

“…വാ മോളുസേ നമുക്ക് അകത്ത് പോയി സംസാരിക്കാം…” ഗായുവിന്റെ തോളിൽകൂടി കൈയിട്ടു അവളെയും കൊണ്ട് അകത്തേക്ക് പോയി.

 

“… യാത്ര ഒക്കെ എങ്ങനെ ഉണ്ടായിരുന്നു മക്കളെ…” അകത്ത്‌ ഇരുന്നപ്പോ അങ്കിൾ ചോദിച്ചു.

 

“… കുഴപ്പം ഇല്ല. അങ്കിൾ ഇന്ന് ലീവ് ആക്കിയോ…”

 

“…നിങ്ങൾ വരുവല്ലേ അപ്പൊ ലീവ് ആക്കി. കുടുംബ വീട്ടിലേക്ക് എപ്പോഴാ ഇറങ്ങുന്നേ…”

 

“… ഇന്ന് ഇവിടെ നിന്നിട്ട് നാളെ ഇറങ്ങാം എന്നാ വിചാരിക്കുന്നത്…”

 

“… പറ്റില്ല പറ്റില്ല രണ്ട് ദിവസം ഇവിടെ നിന്നിട്ട് പോയാൽ മതി…” അത് കേട്ടതും ചരുവിന് ഇക്കിൾ വെട്ടാൻ തുടങ്ങി.

 

“…അയ്യോ എന്ത് പറ്റി ചേച്ചി ദാ വെള്ളം കുടിക്ക്…” ഗായു ചരുവിന് വെള്ളം കൊടുത്തു.

 

“… പോണം കല്യാണമായിട്ട് തന്നെ ഒരുപാട് ലീവ് ആയി ഇനി ലീവ് എടുക്കാൻ വയ്യ അതാ…”

 

“…ഇനി സംസാരം ഒക്കെ ഊണ് കഴിഞ്ഞിട്ട്…”

 

ഗായുവിന്റെ അമ്മ ഞങ്ങൾക്ക് സദ്യ വിളമ്പി.

 

“…മാമി സദ്യ സൂപ്പർ…” കഴിക്കുന്നതിന്റെ ഇടക്ക് ഞാൻ പറഞ്ഞു. മാമിക്ക് അത് ഒരുപാട് സന്തോഷം ഉണ്ടാക്കിയെന്നുള്ളത് ആ പുഞ്ചിരിയിൽ ഉണ്ടായിരുന്നു.

 

“…ഏട്ടാ വൈകിട്ട് നമുക്ക് സിനിമക്ക് പോയാലോ…” ഗായു എന്നോട് ചോദിച്ചു.