💖മംഗല്ല്യധാരണം – 7 35അടിപൊളി 

 

“… അഭിനയമോ..?” മനസ്സിലാവാതെ ചാരു ചോദിച്ചു.

 

“… അതേ. ഉത്തമ ഭാര്യ ആയിട്ടുള്ള റോൾ നീ നല്ല പോലെ കൈകാര്യം ചെയ്തു…”

 

“…ആദിക്ക് അതൊക്കെ അഭിനയം പോലെ ആണോ തോന്നിയത്…” നിസ്സഹായതയോടെ ചാരു ചോദിച്ചു.

 

“…പിന്നല്ലാതെ മുമ്പ് നീ ഇവിടെ ഉള്ളപ്പോ ഈ കേറിങ് ഒന്നും കണ്ടില്ലല്ലോ. അപ്പോ ഇനിയും അതുപോലെ തന്നെ മതി…”

 

“…മുമ്പത്തെ പോലെയാണോ ഇപ്പൊ…”

 

“… വല്യ മാറ്റം ഒന്നും ഞാൻ കാണുന്നില്ല 2 മുറിയിൽ കിടന്ന നമ്മൾ ഇപ്പൊ ഒരു മുറിയിൽ ആയി. അപ്പുറത്തെ മുറിയിലെ നിന്റെ സാധനങ്ങൾ ഇപ്പുറത്തു എന്റെ മുറിയിൽ വന്നു. അത്രയല്ലേ സംഭവിച്ചോളു…”നിസാരമായി ഞാൻ പറഞ്ഞു.

 

“… അപ്പൊ ഇതോ…” കഴുത്തിലെ താലി കാണിച്ചോണ്ട് ചാരു ചോദിച്ചു.

 

“…ഇപ്പോ അത് എനിക്ക് ജസ്റ്റ്‌ ഒരു മാല മാത്രം ആണ്. അത് താലി ആവണം എങ്കിൽ മനസ്സുകൊണ്ട് നമ്മൾ ഒന്നിക്കണം അത് ഈ ജന്മത്തിൽ നടക്കും എന്ന് എനിക്ക് തോന്നുന്നില്ല…”

 

“…ആദി ഇപ്പോഴും നിനക്ക് എന്നെ മനസിലാക്കാനോ ഉൾകൊള്ളാനോ കഴിഞ്ഞിട്ടില്ല അല്ലെ…” നിറക്കണ്ണുകളോടെ ചാരു വിതുമ്പി.

 

“… നിന്നെ കുറിച്ച് ഞാൻ പണ്ടേ മനസ്സിലാക്കിയതാണ് 😏. അത് കൊണ്ട് നീ അത് വിട്…”

 

“… എന്നെ കുറിച്ച് ആദിക്ക് എന്താ അറിയാവുന്നെ. എന്താ മനസ്സിലായെ പറയ് കേൾക്കട്ടെ…”

 

“… നിന്നോട് തർക്കിക്കാൻ എനിക്ക് സമയം ഇല്ല…” അത് പറഞ്ഞതും എനിക്ക് ഫോൺ വന്നതും ഒരുമിച്ചായിരുന്നു.

ഫോണുമായി ബാൽക്കണിയിൽ പോയി. തിരിച്ചു വന്നപ്പോ ചാരു എന്റെ ബെഡിൽ അതേ ഇരിപ്പായിരുന്നു. കണ്ടിട്ട് കരയുക ആണെന്ന് തോന്നുന്നു. ഞാൻ വല്യ മൈൻഡ് കൊടുക്കാതെ താഴേക്ക് പോയി. ഉച്ചക്ക് ചോർ കഴിക്കുമ്പോഴും രാവിലത്തെപോലെ എനിക്ക് വിളമ്പിതന്നതും എല്ലാം ചാരു ആയിരുന്നു. ഇവളോട് എത്ര പറഞ്ഞാലും മനസിലാക്കാത്തത് എന്താ. വീട്ടിൽ ഇരുന്ന് ബോർ അടിച്ചത് കൊണ്ട് വൈകുന്നേരം ജിമ്മിൽ പോയി.

 

“…ഞാൻ കരുതി ഫസ്റ്റ് നൈറ്റ്‌ ക്ഷീണം കാരണം ഇന്ന് നീ വരില്ല എന്ന്…” കാർത്തി എന്നെ ഇളക്കാൻ നോക്കി.

 

“… ഫസ്റ്റ് നൈറ്റ്‌ കോപ്പ് 😏…”

 

“… 😲ങേ അപ്പൊ ഒന്നും നടന്നില്ലേ…”

 

“…നിനക്ക് എല്ലാം അറിയാവുന്നത് അല്ലെ പിന്നെ എന്തിനാ അങ്ങനെ ചോദിക്കണേ…”

 

“… കഴിഞ്ഞത് കഴിഞ്ഞു ചാരു ഇപ്പൊ നിന്റെ ഭാര്യ ആണ്. നീ അതനുസരിച്ചു വേണം പെരുമാറാൻ…”

 

“…അവളുടെ ടോർച്ചർ സഹിക്കാൻ വയ്യാതെ ആണ് ഇങ്ങോട്ട് വന്നത് അപ്പൊ നിന്റെ ഉപദേശം…”

 

“…അവൾ എന്ത് ടോർച്ചർ ചെയ്തെന്ന നീ പറയണേ…”

 

“…വീട്ടിൽ നല്ല ഭാര്യക്കുള്ള പട്ടം നേടി എടുക്കാൻ വേണ്ടി അഭിനയിച്ചു തകർക്ക ശവം…” ചരുവിനോടുള്ള നീരസം മുഴുവൻ എന്റെ വാക്കുകളിൽ പ്രതിഭലിച്ചു.

 

“… പിന്നെ എന്ത് കോപ്പിനാടാ രണ്ടും കൂടി കല്യാണം കഴിച്ചേ 😡…”

 

“…അത് നിനക്ക് പറഞ്ഞാൽ മനസ്സിലാവില്ല…”

 

“…നീ ചോദിച്ചതിന് മറുപടി പറയ്. മനസ്സിലാകുമോ ഇല്ലയോ എന്ന് ഞാൻ പറയാം…”

 

“… അളിയാ ഈ സംസാരം നമുക്ക് ഇവിടെ നിർത്താം ഇല്ലങ്കിൽ ശരിയാവില്ല…”

അത് കേട്ടതിൽ പിന്നെ കുറച്ചു നേരത്തേക്ക് നമ്മൾ പരസ്പരം ഒന്നും മിണ്ടിയില്ല. ഞാൻ ഓരോ വർക്ഔട് ആയി ചെയ്തോണ്ട് ഇരുന്നു.

 

“… നീ ഓഫീസിൽ എന്നുതൊട്ട വരുന്നേ…” കാർത്തി ചോദിച്ചു.

 

“… നാളെ മുതൽ വരും…”

 

“… ഇന്നലെ കല്യാണം കഴിഞ്ഞതല്ലേ ഉള്ളു. രണ്ട് ദിവസം കഴിഞ്ഞു വന്നാൽ പോരെ…”

 

“…ഇല്ലടാ വീട്ടിൽ ഇരുന്നു ബോർ അടിക്കുന്നു…”

 

നേരത്തെ വീട്ടിൽ ചെല്ലാൻ മടി ആയത്കൊണ്ട് കുറച്ചു ലേറ്റ് ആയിട്ടാണ് ജിമ്മിൽ നിന്നും ഇറങ്ങിയത്. വീട്ടിൽ എത്തിയപ്പോ അമ്മയും ചാരുവും ടിവിയുടെ മുന്നിൽ ഉണ്ട്.

 

“… അമ്മേ ചോർ…” വീട്ടിലേക്ക് കേറിയപാടെ ഞാൻ കൂകി വിളിച്ചു.

 

“… എവിടെ പോയിരുന്നടാ ചെറുക്കാ…”

 

“…ജിമ്മിൽ ഉണ്ടായിരുന്നു…”

അമ്മക്ക് മറുപടിയും നൽകി ഓടികയറി എന്റെ റൂമിലേക്ക് പോയി. ഡ്രസ്സ്‌ മാറ്റി കുളിച്ചു തിരികെ താഴെ എത്തിയപ്പോ അച്ഛനെയും അമ്മുവിനെയും ഒന്നും കാണുന്നില്ല. അടുക്കളയിൽ തട്ടും മുട്ടും കേൾക്കാം അമ്മ എനിക്ക് ചോർ എടുക്കുവായിരിക്കും.