💖മംഗല്ല്യധാരണം – 7 35അടിപൊളി 

 

“… അമ്മേ ഞാൻ വന്നു ചോർ തായോ…” ഡെയിനിങ് ടേബിളിൽ ഇരുന്നു നീട്ടി വിളിച്ചു.

 

“… അമ്മ എവിടെ…” ചോറുമായി അമ്മയെ പ്രതീക്ഷിച്ച സ്ഥാനത്ത് ചാരുവാണ് വന്നത്.

 

“… അമ്മ ഉറങ്ങാൻ കിടന്നു…” ജെഗിൽ നിന്നും ഗ്ലാസ്സിലേക്ക് വെള്ളം പകർത്തി ചാരു പറഞ്ഞു.

 

ഞാൻ സാധാരണയിലും സ്പീഡിൽ ചോർ കഴിക്കാൻ തുടങ്ങി. അതിന്റെ ഫലമായി നെറുകിൻ തലയിൽ ചോർ കയറി നല്ല പോലെ ചുമച്ചു കണ്ണിൽ നിന്നും വെള്ളം വന്നു.

 

“…അയ്യോ നോക്കി കഴിക്കണ്ടേ…”

ചാരു നേരത്തെ ഒഴിച്ചുവച്ച വെള്ളം തന്ന് ഞാൻ അത് കുടിക്കാൻ തുടങ്ങിയതും അവൾ എന്റെ നെറുകയിൽ പയ്യെ തട്ടാൻ തുടങ്ങി. വെള്ളം കുടിച്ച ഗ്ലാസ്‌ താഴെ വച്ച് തലയിൽ തട്ടിക്കൊണ്ടിരുന്ന ചരുവിന്റെ കൈ തട്ടി മാറ്റി. ഞാൻ അടുക്കളയിലേക്ക് പോയി പിന്നാലെ ചാരുവും.

 

“… പാത്രം ഞാൻ കഴുകിക്കോളാം…” വേസ്റ്റ് കളഞ്ഞു പാത്രം കഴുകാൻ തുനിഞ്ഞപ്പോ ചാരു തടയാൻ നോക്കി

 

“…രാവിലെ നിന്നോട് ഞാൻ പറഞ്ഞതാ ആവശ്യം ഇല്ലാതെ എന്റെ കാര്യങ്ങളിൽ ഇടപെടരുതെന്ന്…”

 

പാത്രത്തിൽ പിടിച്ച ചരുവിന്റെ കൈകൾ തട്ടിമറ്റി പാത്രവും കഴുകി വച്ചു ഞാൻ റൂമിലേക്ക് പോയി. ഏറെ സമയം റീലും തോണ്ടി ഇരുന്ന ശേഷമാണ് ചാരു റൂമിലേക്ക് വന്നത്. ഞാൻ അതികം ശ്രെദ്ധ കൊടുത്തില്ല. ഒരു മുറിയിൽ തലയിണ കൊണ്ട് നിർമിച്ച മതിലിനു അപ്പുറവും ഇപ്പുറവും അപരിചിതരെപോലെ ഞങ്ങൾ കിടന്നു. ഫോൺ ഓഫാക്കി ഉറങ്ങാനായി ഞാൻ തയ്യാറായി. ചരുവിന്റെ തേങ്ങൽ കേൾക്കാൻ തുടങ്ങി. എനിക്ക് അത് ആരോചകമായി തോന്നി.

 

“… ശല്യം രാത്രി ഉറങ്ങാനും സമ്മതിക്കില്ലല്ലോ…” അതും പറഞ്ഞു പുതപ്പ്‌ ചുരുട്ടി രണ്ട് ചെവിലും പൊത്തി ഉറങ്ങാൻ ശ്രെമിച്ചു.

 

ഇന്നലെത്തെക്കാൾ ഇന്ന് ഇച്ചിരി നേരത്തെ എഴുനേറ്റു. ചാരു അടുത്തില്ലായിരുന്നു. ഫ്രഷ് ആയി വന്നപ്പോഴേക്കും ടേബിളിൽ കോഫി ഉണ്ട്. വേറെ നിവർത്തി ഇല്ലാതെ ഓഫീസിൽ പോവാൻ ഡ്രസ്സ്‌ മാറ്റി കോഫിയും കുടിച്ചു താഴേക്ക് ഇറങ്ങി.

 

“…നീ ഇത്ര രാവിലെ ഇത് എങ്ങോട്ടാ…” ഓടിപിടച്ചു പടികൾ ഇറങ്ങി വരുന്ന എന്നോട് അമ്മ തിരക്കി.

 

“…വേറെ എങ്ങോട്ടാ ഓഫീസിലോട്ട്…”

 

“… നീ ഇന്ന് ഓഫീസിൽ പോവുന്നില്ല എന്നാണല്ലോ ചാരു പറഞ്ഞെ…”സംശയത്തോടെ അമ്മ ചോദിച്ചു.

 

“… അതിന് എന്റെ കാര്യങ്ങൾ ഇവളാണോ തീരുമാനിക്കുന്നെ😏…” ഞാൻ പിറുപിറുത്ത് ഡെയിനിങ് ടേബിളിൽ ഇരുന്നു.

 

“… വേഗം കാപ്പി താ അമ്മേ. പോയിട്ടു ഒരുപാട് പണി ഉള്ളതാ…” Tv കണ്ടുകൊണ്ട് ഇരുന്ന അമ്മയോട് ഞാൻ പറഞ്ഞു.

 

“… നിനക്ക് കഴിക്കാൻ ഉള്ളത് ചാരു ഇപ്പൊ എടുത്ത് തരും…” Tv നിന്നും കണ്ണെടുക്കാതെ അമ്മ പറഞ്ഞു.

 

“… അതെന്താ അമ്മക്ക് എടുത്ത് തന്നാൽ. ഇത്രയും നാൾ അമ്മ തന്നെയല്ലേ എടുത്തു തന്നെ…”

 

“… ഇത്രയും നാൾ നിന്റെ കാര്യങ്ങൾ ഒക്കെ ഞാൻ നോക്കിയില്ലേ. നിനക്ക് ഭാര്യ ഒക്കെ ആയ സ്ഥിതിക്ക് ഇനി എന്റെ ഭർത്താവിന്റെ കാര്യങ്ങൾ മാത്രമേ ഞാൻ നോക്കോളൂ…” അമ്മ കുസൃതി ചിരിയോടെ പറഞ്ഞു.

 

“… അപ്പൊ എന്നെ ആര് നോക്കും…” ഞാൻ സംശയത്തോടെ അമ്മയെ നോക്കി.

 

“…നിന്റെ കാര്യങ്ങൾ നോക്കാൻ ചാരു ഇല്ലേ. എന്തെങ്കിലും ഉണ്ടെങ്കിൽ നിന്റെ ഭാര്യയോട് പറഞ്ഞാൽ മതി…”

 

അമ്മ ചാരുവിനെ ഒളിക്കണ്ണിട്ടു നോക്കി ചിരിച്ചു. ചാരുവിനെ നോക്കിയപ്പോ അവളും ചെറുതായി ചിരിക്കുന്നുണ്ട്. രണ്ടും കൂടി എനിക്കിട്ടു പണിയാൻ നോക്കുവാണല്ലേ. ഇന്നും ചാരു തന്നെ വിളമ്പി തന്ന് വേറെ നിവർത്തി ഇല്ലാത്തത് കൊണ്ട് കഴിച്ചു ഓഫീസിലേക്ക് പോയി.

 

ഓഫീസിൽ ചെന്നതും ഗുഡ്മോർണിങ്ങിനു പകരം മാര്യേജ് വിഷാണ് കിട്ടിയത്. കാർത്തി എന്നെ കാണുമ്പോൾ കടന്നൽ കുത്തിയ മുഖത്തോടെയാണ് നടപ്പ്. ഇന്നലെ എന്റെ സംസാരം അവന് പിടിച്ചിട്ടില്ല എന്ന് തോന്നുന്നു. കുറച്ചു ദിവസം ഓഫീസിൽ ഇല്ലെങ്കിലും കാർത്തി എല്ലാം വേണ്ടപോലെ നോക്കി ചെയ്തിട്ടുണ്ട്. അതുകൊണ്ട് തന്നെ എനിക്ക് വലിയ പണിയൊന്നും ഇല്ലായിരുന്നു.എന്നാലും വൈകിട്ട് താമസിച്ചാണ് വീട്ടിൽ എത്തിയത്. ഇന്നലത്തെ വെറുപ്പിക്കൽ ഇന്നും മുറപോലെ നടന്നു. ഏക ഭാഗ്യം എന്തെന്നാൽ രാത്രിയിലെ കരച്ചിൽ നാടകം ഇന്ന് ഉണ്ടായില്ല അതുകൊണ്ടു നല്ലപോലെ ഉറങ്ങാൻ സാധിച്ചു.