💖മംഗല്ല്യധാരണം – 7 35അടിപൊളി 

 

“… Done. സിനിമക്ക് പോയി പുറത്ത് നിന്നും കഴിച്ചിട്ട് വരാം…” ഞാൻ അഭിപ്രായം പറഞ്ഞു.

 

“… അപ്പൊ രാത്രി ഒന്നും ഉണ്ടാക്കണ്ടേ…” മാമി വിഷമത്തോടെ ചോദിച്ചു

 

“… വേണ്ട അമ്മേ. ഒരു ദിവസം ഒക്കെ പുറത്ത് നിന്ന് കഴിക്കാം…” ഗായു പറഞ്ഞു.

 

“… എന്നാ ശെരി…” മാമിക്ക് പുറത്ത് നിന്നും കഴിക്കുന്നതിനോട് വല്യ താല്പര്യം ഇല്ല.

“…മോൾ അതൊക്കെ അവിടെ വച്ചോ ഞാൻ എല്ലാം എടുത്ത് വച്ചോളാം…”

 

“… കുഴപ്പം ഇല്ല മാമി ഞാൻ സഹായിക്കാം…”

 

ചാരു കഴിച്ച് കഴിഞ്ഞ് മാമിയെ പാത്രങ്ങൾ എടുത്ത് വയ്ക്കാനും കഴുകാനുമായി സഹായിച്ചു തുടങ്ങി. ഞാനും ഗായുവും സോഫയിൽ ഇരുന്ന് എന്റെ ഫോണിലെ ഒരു റീൽ കണ്ട് ചിരിച്ചു മറിഞ്ഞു. ചാരു മാമിയെ ആണ് സഹായിക്കുന്നത് എങ്കിലും ശ്രെദ്ധ മുഴുവൻ ഞങ്ങടെ മേലെയാ.

 

“…ഏട്ടാ നമുക്ക് മോളിലോട്ട് പോവാം…” അതും പറഞ്ഞു എന്നെയും കൊണ്ട് അവളുടെ മുറിയിലേക്ക് പോയി.

 

നല്ല അടിപൊളി room ആണ് അവളുടെ. ചെന്നപാടെ സദ്യ കഴിച്ച ക്ഷീണത്തിൽ അവളുടെ ബെഡിലേക്ക് വീണു.

 

“…ഏട്ടാ ഒരു help…” ഗായു കുറച്ചു പേടിയോടെ ചോദിച്ചു.

 

“… എന്താ…”

 

“… ഇന്ന് രാത്രി ബിയർ എടുത്താലോ…”

 

“… 😲 ബിയറോ…”

 

“… പ്ലീസ് ഏട്ടാ എനിക്ക് ചോദിക്കാൻ വേറെ ആരാ ഉള്ളെ 🥹…”

 

“… നീ അധികം സെന്റി ഒന്നും അടിക്കണ്ട നമുക്ക് രാത്രി വാങ്ങാം…”

“… എന്റെ ചക്കര…”

 

ആ ഒരു സന്തോഷടത്തിൽ അവൾ എന്റെ കവിൾ രണ്ടും പിച്ച് വലിച്ചപ്പോൾ ആണ് കിതച്ചോണ്ട് റൂമിലെ വാതിൽ തുറന്ന് ചാരു വന്നത്.

 

“… എന്താ ചേച്ചി…”കിതച്ചോണ്ട് നിൽക്കുന്ന ചരിവിനെ നോക്കി പേടിയോടെ ഗായു ചോദിച്ചു.

 

“…അത്… അത്… എന്റെ ഫോൺ ബെൽ അടിക്കുന്ന പോലെ തോന്നി ആരാന്നു നോക്കാൻ വന്നതാ…” ചാരു പറഞ്ഞു

 

“…അതിന് നിന്റെ ഫോൺ അപ്പുറത്ത് മുറിയിൽ അല്ലെ…” സംശയത്തോടെ ഞാൻ അവളെ നോക്കി.

 

“… അത്…അത്… ബെൽ ഈ റൂമിൽ നിന്നും കേട്ടപോലെ തോന്നി…”

 

“…ഈ ഇടയായിട്ട് നിന്റെ തോന്നൽ ഇച്ചിരി കൂടുന്നുണ്ട്…” ഞാൻ പറഞ്ഞത് കേട്ട് അവൾ എന്നെ തറപ്പിച്ചു നോക്കി.

 

“…നിങ്ങൾ ഇവിടെ എന്ത് ചെയ്യാ…” സംശയത്തോടെ ചാരു ഞങ്ങളെ നോക്കി.

 

“… ഞങ്ങൾ ചില പ്ലാൻ ഇടുവായിരുന്നു…”

 

“… പ്ലാനോ… എന്ത് പ്ലാൻ…”

 

“… ചേച്ചി ആ വാതിൽ അടച്ചിട്ടു വാ പറയാം…” ചാരു വാതിൽ അടച്ചു ഞാൻ കിടക്കുന്നതിന്റെയും ഗായു ഇരിക്കുന്നതിന്റെയും ഇടക്ക് കയറി ഇരുന്നു.

 

“…ഹാ അപ്പുറത്തോട്ട് എന്തോരം സ്ഥലം കിടക്കുന്നു. പിന്നെ എന്തിനാ ഇതിന്റെ ഇടക്ക് വന്ന് ഇരിക്കണേ…” ഞാൻ പറഞ്ഞതിന് അവൾ പട്ടി വിലപോലും തന്നില്ല.

 

“…രാത്രി നമ്മൾ ബിയർ എടുക്കാം എന്ന് പ്ലാൻ ചെയ്തേക്ക ചേച്ചിക്ക് വേണോ…” അത് കേട്ടതും ചാരു എന്നെ നോക്കി

 

“…നീ എന്തിനാ എന്നെ നോക്കുന്നെ നിനക്ക് ഇഷ്ട്ടം ഉള്ളത് ചെയ്തോ…”

 

“…എന്നാ എനിക്കും വേണം…”

 

“… അപ്പൊ സെറ്റ്. വൈകിട്ട് സിനിമക്ക് പോവുന്നു ബിയർ എടുക്കുന്നു നമ്മൾ പൊളിക്കുന്നു…”

 

വല്യ പ്ലാൻ ഒക്കെയായി ഞങ്ങൾ വൈകിട്ട് സിനിമ കാണാൻ പോയി. ഒരു കോമഡി ത്രില്ലെർ പടം ആയിരുന്നു അത്. മാമൻ, മാമി, ഗായു, ചാരു, ഞാൻ ആ ഒരു ഓർഡറിൽ ആണ് ഇരുന്നത്. എന്റെ അടുത്ത് ഒരു പെങ്കൊച്ചും. പടം തുടങ്ങി അത്യാവശ്യം കോമഡിയും കാര്യങ്ങളും ഉണ്ടായിരുന്നു. എന്നാൽ എനിക്ക് അങ്ങോട്ട് എൻജോയ് ചെയ്യാൻ പറ്റിയില്ല. ഇന്റർവെൽ കഴിഞ്ഞ് പോപ്‌കോൺ വാങ്ങി വന്നപ്പോ സീറ്റ്‌ ഒന്ന് ചേഞ്ച്‌ ആയി ഞാൻ ഗായുവിന്റെയും ചരുവിന്റെയും ഇടക്ക് ആയി. പിന്നെ പറയണ്ടല്ലോ ഓരോ സീനും എൻജോയ് ചെയ്തു. കൂടെ ഗായുവും ഓരോ തഗ് പറയും. അടുത്തത് എന്താ നടക്കാൻ പോവുന്നത് എന്ന് ഞാനും ഗായുവും ചർച്ച ചെയ്യും ആകെ ഒരു മേളം ആയിരുന്നു. സിനിമ കണ്ട് ഇറങ്ങിയപ്പോഴും ഞാനും ഗായുവും പടത്തിന്റെ ചർച്ചയിൽ തന്നായിരുന്നു. ചാരു ഇതിലൊന്നും പങ്ക് ചേർന്നില്ല. രാത്രിയിലത്തെ ഫുഡ്‌ കഴിക്കാനായി അടുത്തുള്ള KFC കയറി.