അവള് മീനുട്ടിയെ ഒന്ന് നോക്കി.
മീനുവിന്റെ കിടത്തം കണ്ടപ്പോ നിർമല അവളുടെ നെറ്റിയിൽ ചുംബിച്ചോണ്ട് എഴുനേറ്റു വന്നു.
കതകു തുറന്നപ്പോ മുന്നിൽ നിൽക്കുന്ന ആളെ കണ്ട് നിർമല അവനെ ഒന്ന് നോക്കി.
ആ ശ്രീ
ശ്രീ ഒരാഴ്ചതെ ലീവിന് പോയതല്ലേ അപ്പോഴേക്കും തിരിച്ചു വന്നോ.
ഹ്മ്മ് എവിടെ എന്റെ മീനുട്ടി എന്നുള്ള ശ്രീയുടെ ചോദ്യംക്കെട്ട് നിർമല അവനെ അവള് കിടക്കുന്നിടത്തേക്കു കൂട്ടി കൊണ്ടുപോയി.
തളർന്നു കിടന്നുറങ്ങുന്ന മീനുട്ടിയെ കണ്ടതും അവന്റെ മനസ്സ് വേദനിച്ചു.
രാത്രി ഒന്നും കഴിച്ചില്ലേ ചേച്ചി.
ഇല്ലെടാ എന്തൊക്കെയോ പറഞ്ഞോണ്ട് ഉറങ്ങി പോയി.
അല്ല നീയെന്തേ ഇത്ര വേഗം തിരിച്ചുവന്നു.
കുറെ ജോലി ഉണ്ട് എന്ന് പറഞ്ഞു പോയതല്ലായിരുന്നോ.
ഹോ അതൊക്കെ ശരിയാ മീനുട്ടി ഇന്നലെ വിളിച്ചു കരഞ്ഞപ്പോൾ എനിക്കി സഹിക്കാൻ കഴിഞ്ഞില്ല ചേച്ചി.
അതാ രാത്രി തന്നെ ട്രെയിൻ കയറിയെ.
അയ്യോ അവള് നിന്നെ ബുദ്ധിമുട്ടിക്കുന്നുണ്ടോടാ.
ഏയ് ഇല്ല ചേച്ചി അവള് എന്റെ കുഞ്ഞല്ലേ എന്നുള്ള ശ്രീയുടെ കമന്റ് കേട്ടപ്പോ നിർമല ഒന്ന് ചിരിച്ചു.
ഹ്മ്മ് എന്നാ ഇനി നീയും അവളും എന്താന്നു വെച്ചാ ആയിക്കോ.ഞാനില്ല നിങ്ങൾക് നടുവിൽ.
എന്ന് പറഞ്ഞോണ്ട് നിർമല റൂമിൽ നിന്നും പുറത്തേക്കു ഇറങ്ങി.
ആ ശ്രീ നി ചായ കുടിച്ചോ.
ഇല്ല ചേച്ചി റെയിൽവേ സ്റ്റേഷനിൽ നിന്നും നേരെ ഇങ്ങോട്ടാ പൊന്നെ.
ഹ്മ്മ് എന്നാ നി അവളുടെ അടുത്തിരിക്ക് ഞാൻ ചായ എടുത്തോണ്ട് വരാം.
ശരി ചേച്ചി.
നിർമല ചായയുമായി വന്നപ്പോയെക്കും മീനുട്ടി എഴുനേറ്റു അവന്റെ മടിയിൽ കയറി ഇരുന്നോണ്ട് അവനോടു എന്തൊക്കെയോ കൊഞ്ചി പറയുന്നുണ്ട്.
ശ്രീയെ കിട്ടിയപ്പോയുള്ള അവളുടെ സന്തോഷവും കളിയും കണ്ട് നിർമല.
ഹോ ദേ വന്നല്ലോ മീനുട്ടിയുടെ അങ്കിൾ.ഇപ്പൊ സന്തോഷമായല്ലോ.
അങ്കിളിനെ വീട്ടിലിരിക്കാൻ സമ്മതിക്കാതെ വിളിച്ചു വരുത്തിയപ്പോ നിനക്ക് സന്തോഷമായല്ലോ.
എന്നൊക്കെ പറഞ്ഞോണ്ടിരുന്നു നിർമല.
എന്റെ മീനുട്ടിയെ വഴക്ക് പറയല്ലേ ചേച്ചി എന്നു പറഞ്ഞോണ്ട് ശ്രീ അവളുടെ കവിളിൽ ഉമ്മവെച്ചോണ്ട് ഇരുന്നു.
അയ്യേ ശ്രീ അവള് ഇന്നലെ കുളിച്ചുട്ടു പോലുമില്ല വാ നാറും. കെട്ടോ.
അതിനെന്താ അല്ലേ എന്റെ മീനുട്ടിയല്ലേ.
ഹ്മ്മ് അമ്മ വേഗം ജോലിക്ക് പോകാൻ നോക്ക്..
ആഹാ എന്നിട്ട് എന്തിനാണാവോ.
എനിക്കും അങ്കിളിനും കുറെ സംസാരിക്കാനുണ്ട്.
ആഹാ അതെന്താണാവോ ഇത്ര സംസാരിക്കാൻ രണ്ടു പേർക്കും.
അതെ അമ്മയോട് പറയാൻ പറ്റില്ല.
അങ്കിൾ ഇന്ന് പോകേണ്ട.
ഓക്കേ മീനുട്ടി അങ്കിൾ ഇന്ന് എങ്ങോട്ടും പോകുന്നില്ല അങ്കിൾ ഇന് മുഴുവൻ മീനുട്ടിയുടെ കൂടെ ഇവിടെ തന്നെ ഉണ്ടാകും കെട്ടോ.
ഹ്മ്മ് കേട്ടല്ലോ. ഇന്ന് അമ്മ പൊക്കോ അങ്കിൾ വരത്തില്ല.
ഹോ അത് മാഡം ആണോ തീരുമാനിക്കുന്നെ.
പിന്നെ അങ്കിളിന്റെ കാര്യം ഇനിമുതൽ മീനുട്ടിയാ തീരുമാനിക്കുന്നെ.
അല്ലേ അങ്കിളെ.
ഹ്മ്മ് മീനുട്ടി പറയും അങ്കിൾ അനുസരിക്കും.
കേട്ടല്ലോ കേട്ടല്ലോ.
ഹോ കേട്ട് ഒരു മീനുട്ടിയും അതിനു പറ്റിയ ഒരങ്കിളും.
അസൂയ പെടേണ്ട കെട്ടോ അമ്മേ.
ഇല്ലെ ഞാൻ അസൂയ പെടുന്നൊന്നും ഇല്ലേ.
അങ്കിളിന്റെ മടിയിൽ നിന്നും ഒന്നെണീറ്റു കുളിക്കാൻ നോക്കെടി നാറുന്നു പെണ്ണിനെ എന്റെ ശ്രീ നീയെങ്ങിനെ സഹിക്കുന്നു.
അതെ സ്നേഹം ഉള്ളോണ്ടാ അല്ലേ അങ്കിളെ.
ഹോ സ്നേഹമുള്ള ഒരാള്.
അമ്മ ഇനി ഒന്നും പറയേണ്ട. ഞങ്ങൾക്കുള്ള ഫുഡ് എടുത് വെക്കാൻ നോക്ക് അല്ല പിന്നെ.
ഹോ ആയിക്കോട്ടെ മാഡം എന്താണാവോ മാഡത്തിന്നു കഴിക്കാൻ വേണ്ടേ.
മീനുട്ടി ആലോചിക്കുന്നപോലെ താടിയിൽ വിരൽ വെച്ചോണ്ട് അങ്ങോട്ടും ഇങ്ങോട്ടും തല തിരിച്ചോണ്ടിരുന്നു.
മാഡം അതൊന്നു പറഞ്ഞിരുന്നേൽ.
നിക്ക് നിക്ക് ആലോചിക്കട്ടെ അമ്മേ.
ഹോ ഇത്ര ആലോചിക്കാൻ മാത്രം എന്താണാവോ.
അങ്കിൾന്നു സ്പെഷ്യൽ എന്തേലും വേണ്ടേ അമ്മേ കൊടുക്കാൻ അതാ ആലോചിക്കുന്നെ.
അങ്കിളിനു എന്താ ഏറ്റവും ഇഷ്ടം എന്ന് ചോദിച്ചോണ്ട് മീനു ശ്രീയെ നോക്കി.