അവളെ ഞാൻ അങ്ങോട്ട് ഓഫീസിലേക്ക് എന്റെ കൂടെ കൊണ്ട് വരാല്ലോ എന്നാലോചിക്കുവാ.
ഹ്മ്മ്.
എന്നാ വാ ഫുഡ് കഴികാം ശ്രീ എന്ന് പറഞ്ഞോണ്ട് നിർമല അകത്തേക്ക് കയറിപ്പോയി.
പിറകെ ശ്രീയും മീനുവും.
ഭക്ഷണം കഴിക്കാൻ ഇരുന്നതും
ശ്രീ ഇന്ന് ഓഫീസിലേക്ക് വരുന്നില്ലേ .
ഇല്ല ചേച്ചി.
അതെന്തേ.
എനിക്ക് ഒരാഴ്ച ലീവ് ഉണ്ടല്ലോ.
അപ്പൊ ഇന്നുതന്നെ പോകുന്നുണ്ടോ.
എങ്ങോട്ട്.
വീട്ടിലേക്ക്
ആ നോക്കട്ടെ.
അയ്യോ അങ്കിൾ ഇന്ന് പോകുമോ അമ്മേ.
മോളു അങ്കിൾ പിന്നെ പോകണ്ടേ.
വേണ്ട ഞാൻ വിടില്ല.
മോളു വാശി പിടിക്കല്ലേ.
ഫുഡ് കഴിച്ചേ മോളു.
വേണ്ട അങ്കിൾ പോകുവാന്നു പറഞ്ഞല്ലോ.
അയ്യേ അങ്കിൾ അത് വെറുതെ പറഞ്ഞതാ മീനു.
അങ്കിൾ ഇന്ന് മുഴുവനും മീനുട്ടിയുടെ കൂടെ ഉണ്ടാകും എന്താ പോരെ.
ശ്രീ അവളെ വെറുതെ..
ഇല്ല ചേച്ചി ഞാൻ ഇന്ന് പോകുന്നില്ല എന്റെ മീനുട്ടിയോടൊപ്പം ഇവിടെ കൂടാൻ പോകുവാണ്.
ശ്രീ അത്.
എന്താ വേണ്ടേ.
അതല്ല ശ്രീ അവൾക്ക് ഇങ്ങിനെ ഓരോന്നും ശീലിച്ചാൽ.
ശ്രീക്ക് അറിയാല്ലോ അച്ഛനില്ലാതെ വളരുന്ന കുട്ടിയാ മീനു.
അവളെ വെറുതെ ഓരോന്ന് പറഞ്ഞു..
എനിക്കറിയില്ലേ ചേച്ചി എല്ലാം.
ഞാൻ പറയാൻ ഉള്ളത് പറഞ്ഞു ഇനിയെല്ലാം ശ്രീ തീരുമാനിച്ചോ.
അവള് വിഷമിക്കുന്നത് എനിക്ക് സഹിക്കില്ല അതുകൊണ്ടാ ഞാൻ എന്ന് പറയുമ്പോ നിർമ്മലയുടെ കണ്ണ് കലങ്ങിയത് ശ്രീ കണ്ടു.
ചേച്ചി അതോർത്തൊന്നും പേടിക്കേണ്ട എന്റെ മീനുട്ടിയുടെ കൂടെ എപ്പോഴും ഞാനുണ്ടാകും പോരെ.
ഹ്മ്മ് മതി മതി എന്നാ കഴിക്കാൻനോക്
ശ്രീ യാത്ര കഴിഞ്ഞു വന്നിട്ട് ഡ്രസ്സ് മാറിയത് പോലുമില്ലല്ലോ.
ഡ്രസ്സ് എന്റെ ബാഗിലുണ്ട് ചേച്ചി.
ഹ്മ്മ്.
ഫുഡ് കഴിച്ചു തീർന്നതും കുറച്ചു നേരം നിർമല മീനുവിന്റെ കൂടെ കൂടി.
അപ്പോഴേക്കും അവൾക്ക് ഓഫീസിൽ പോകേണ്ട സമയമായിരുന്നു.
ശ്രീ എന്നാ ഞാൻ ഓഫീസിൽ പോകട്ടെ
നീയുണ്ടാകുമല്ലോ ഇവളുടെ കൂടെ എന്നുള്ള നിർമലയുടെ ചോദ്യത്തിന് hm എന്ന് മൂളിയെങ്കിലും ശ്രീക്ക് വല്യ താല്പര്യം ഇല്ലായിരുന്നു എന്ന് നിർമലക്കു തോന്നി.
അവള് മീനുവിനെ മടിയിൽ നിന്നും ഇറക്കികൊണ്ട് എഴുനേറ്റു.
പോകാൻ താല്പര്യം ഉണ്ടായിട്ടല്ല ശ്രീ പോയില്ലേൽ .
എന്റെ മീനുന്റെ ഭാവി കൂടി ഞാൻ നോക്കണ്ടേ എന്ന് മനസ്സിൽ പറഞ്ഞോണ്ട് നിർമല റൂമിലേക്ക് പോയി.
കുറച്ചു കഴിഞ്ഞതും അവള് ഡ്രസ്സ് എല്ലാം മാറി കൊണ്ട് ഓഫീസിലേക്ക് പോകാൻ ഇറങ്ങി. മീനുട്ടി അങ്കിളിനെ ബുദ്ധിമുട്ടിക്കരുത് കേട്ടല്ലോ അമ്മ വരുന്നത് വരെ നല്ല കുട്ടിയായി വേണം ഇരിക്കാൻ എന്നാൽ അമ്മ വരുമ്പോൾ ചോക്ലേറ്റ് വാങ്ങിക്കൊണ്ടു വരാം എന്നൊക്കെ മീനു വിനോട് പറഞ്ഞോണ്ടാണ് നിർമല ഇറങ്ങിയത്.
ആ ശ്രീ അവള് വല്ല കുസൃതിയും കാണിച്ചാൽ വക വെച്ചു കൊടുക്കേണ്ട കേട്ടല്ലോ. അല്ല അവളുടെ കുസൃതിക്കു കൂട്ട് നിന്നാൽ രണ്ടിനും എന്റെ കയ്യിന്നു കിട്ടും എന്ന് പറഞ്ഞപ്പോ ശ്രീ അവളെ നോക്കി ഒന്ന് ചിരിച്ചു.
ചിരിക്കേണ്ട ഞാൻ പറഞ്ഞത് കാര്യമായിട്ടാ. നിന്റെ കൂടെ കൂടിയ പിന്നെ പെണ്ണ് ആകെ വഷളായിട്ടുണ്ട്
ഹോ ആയിക്കോട്ടെ മാഡം മാഡം പോയി വരുമ്പോളേക്കും ഞങ്ങളി വീട് പൊളിച്ചടുക്കതൊന്നുമില്ല അല്ലേ മീനുട്ടി എന്ന് പറഞ്ഞോണ്ട് ശ്രീ മീനുവിനെ എടുത്തു തോളിലേറ്റി.
പറഞ്ഞു നാക്കെടുത്തില്ല കണ്ടില്ലേ രണ്ടും എന്നു പറഞ്ഞോണ്ട് നിർമല സ്കൂട്ടി സ്റ്റാർട്ടാക്കി.
അതെ വരുമ്പോ വല്ലതും വാങ്ങിയിട്ട് വരണോടാ എന്നുള്ള നിർമലയുടെ ചോദ്യത്തിന്.
മാഡം വരുന്ന വഴിക്കല്ലേ ബവരിജസ് ഷോറൂം ഉള്ളത്.
അതിന്.
അല്ല വരുമ്പോ ഒരു രണ്ടു ഫുള്ള് വാങ്ങിച്ചോണ്ട് വരാമോ എന്ന് ചോദിക്കാനാ. ഞങ്ങൾക്കു രണ്ടുപേർക്കും ഇരുന്നു അടിച്ചു പിരിയാനാ എന്താ പറ്റുമോ
ആഹാ അതൊക്കെയുണ്ടോ ഇതുവരെ ഇല്ലാതിരുന്ന ശീലം രണ്ടു ദിവസം നാട്ടിൽ നിന്നപ്പോയെക്കും തുടങ്ങിയോടാ
ഹ്മ്മ് എന്താ കൂടണോ
ദേ എന്റെ കയ്യിന്നു കിട്ടും രണ്ടിനും മര്യാദക്ക് അകതിരുന്നോണം കേട്ടല്ലോ എന്ന് പറഞ്ഞു ചിരിച്ചോണ്ട് പോകുമ്പോ അവൾക്ക് ചെറിയ വിഷമം വരാതിരുന്നില്ല.