“ ഈശ്വരാ… എന്റെ ഇരുപതിനായിരം രൂപ…”..
ദേവദാസ് തലക്ക് കൈ കൊടുത്ത് നിരാശയോടെ ഇരുന്നു..
“ഏട്ടാ… നമുക്ക് പോലീസിൽ പരാതി കൊടുത്താലോ… ?”..
“ഉം…തൽക്കാലം ഇതാരോടും പറയണ്ട… ഞാനൊന്നന്വോഷിക്കട്ടെ…
ഇത് ഏത് അക്കൗണ്ടാണെന്ന് നിനക്കറിയാലോ… ?. പോലീസിലൊക്കെ പറഞ്ഞാ പൊല്ലാപ്പാവും… ഈ പണത്തിന്റെ സോഴ്സൊക്കെ ബോധിപ്പിക്കേണ്ടിവരും… ഞാനേതായാലും ജോർജിനെ കണ്ടൊന്ന് സംസാരിക്കട്ടെ…”..
ദേവദാസ് തിരിച്ച് ഓഫീസിലേക്ക് തന്നെ പോയി.. തൽക്കാലം ഇത് പ്രശ്നമാക്കേണ്ട എന്നാണ് അയാൾ തീരുമാനിച്ചത്.. കണക്കിൽ പെടാത്ത പൈസയാണ് ആ അക്കൗണ്ടിലുള്ളത്.. അതിനെ കുറിച്ച് അന്വോഷണം വന്നാൽ താൻ പെട്ട് പോകും..അല്ലെങ്കിലേ ചില കോൺട്രാക്ടർമാർ തന്നെ കുടുക്കാനായി നടക്കുന്നുണ്ടെന്ന് തനിക്കറിയാം.. അവരുടെ ചെവിയിൽ ഇതെത്തിയാ അവിരിതേറ്റെടുക്കും.. തന്നെ പൂട്ടുകയും ചെയ്യും..അത് കൊണ്ട് തൽക്കാലം പോലീസിൽ പറയാതെ സ്വന്തമായി ഒരന്വോഷണം നടത്താം..
ഓഫീസിലെത്തിയ ദേവദാസ് വീണ്ടും ജോർജിനെ വിളിച്ചു..ആ പൈസയെടുക്കുന്ന സമയത്തെ സിസി ടി വി വിഷ്വൽ കിട്ടുമോന്നാണ് ദേവദാസിനറിയേണ്ടത്..എന്നാൽ പണമെടുത്തത് ആരാണെന്ന് അറിയാൻ പറ്റും.. പോലീസിൽ പരാതി കൊടുത്താൽ അവരിടപെട്ട് വിഷ്വൽ സംഘടിപ്പിക്കാൻ പറ്റും.. അല്ലാതെ ഒരു കസ്റ്റമർക്ക് അത് കിട്ടാൻ പാടാണെന്നാണ് ജോർജ് പറഞ്ഞത്..
“ഇല്ല ജോർജേ…തൽക്കാലം പോലീസിൽ പരാതിപ്പെടാൻ പറ്റില്ല… നിനക്കറിയാലോ ആ അക്കൗണ്ട് ഏതാന്ന്… ?..ഏതായാലും നീയൊന്ന് ശ്രമിക്ക്… “..
“ ഉം… ഞാനൊന്ന് നോക്കട്ടെ…”..
തൽക്കാലം അടങ്ങാൻ ദേവദാസ് തീരുമാനിച്ചു..ഇരുപതിനായിരം രൂപ പോയത് സഹിക്കാനാവില്ലെങ്കിലും ഇതൊരു പ്രശ്നമാക്കിയാൽ ചെലപ്പോ താൻ കുടുങ്ങുമെന്ന് ദേവദാസിന് തോന്നി..നല്ലൊരു തുക ആ അക്കൗണ്ടിലുണ്ട്..അതിന് കണക്ക് പറയേണ്ടിവരും.. ഒരിക്കലും സുഷമയീ പണമെടുത്തിട്ടില്ലെന്ന് അയാൾക്ക് നൂറ് ശതമാനം ഉറപ്പായിരുന്നു..
✍️… പിന്നെയും ദേവദാസിന്റെ അക്കൗണ്ടിലേക്ക് പണം കയറി.. കോൺട്രാക്ടർമാരെ ഞെക്കിപ്പിഴിഞ്ഞ് അയാൾ ബാങ്ക് ബാലൻസിന്റെ കനം കൂട്ടി.. അയാളെയും കുടുംബത്തേയും ഒന്നാകെ ശപിച്ച് അവർ അയാൾക്ക് കൈകൂലി കൊടുത്തു.. ലക്ഷങ്ങൾ അക്കൗണ്ടിലേക്ക് കയറുന്നത് കണ്ട് അയാൾ ഉള്ളിൽ ആർത്ത് ചിരിച്ചു… പക്ഷേ, അയാളെ ഞെട്ടിച്ച് കൊണ്ട് പതിനഞ്ചാം ദിവസം വീണ്ടും അക്കൗണ്ടിൽ നിന്ന് ഇരുപതിനായിരം രൂപ നഷ്ടപ്പെട്ടു..
ഇപ്പോൾ ദേവദാസ് ശരിക്കും പേടിച്ചു..
രണ്ടാം തവണയാണ് പണം നഷ്ടപ്പെടുന്നത്.. ഇനി കണ്ടില്ലെന്ന് നടിക്കാനാവില്ല..അയാളീ വിവരം സുഷമയോട് പോലും പറഞ്ഞില്ല.. ജോർജിനെ വിളിച്ച് വൈകുന്നേരം ബാറിൽ കാണണമെന്ന് പറഞ്ഞു..
ബാറിലെ അരണ്ട വെളിച്ചത്തിൽ ഇരിക്കുകയാണ് ജോർജും, ദേവദാസും.. അവർ നല്ല സുഹൃത്തുക്കളാണ്.. ആഴ്ചയിൽ നാല് ദിവസമെങ്കിലും അവരീ ബാറിൽ വരാറുണ്ട്.. ദേവദാസ് നന്നായി ചെലുത്തുമെങ്കിലും പൈസ മിക്കവാറും ജോർജാണ് കൊടുക്കുന്നത്..എന്നും ജോർജിനെ കൊണ്ട് ബില്ല് കൊടുപ്പിക്കുന്നതിൽ ഒരുളുപ്പും ദേവദാസിനില്ല..
രണ്ടാളും ഓരോ പെഗ് ചെലുത്തിയിട്ടാണ് ഇരിക്കുന്നത്.. ജോർജ് ചാരിയിരുന്ന് ആലോചിക്കുകയാണ്..
“എടാ മൈരേ… നീ ഇതെന്ത് പൂറാ ആലോചിച്ചോണ്ടിരിക്കുന്നത്… എന്റെ നാൽപതിനായിരമാ പോയത്… ഇതിനൊരു പരിഹാരം പറ…”..
ദേവദാസ് ദേഷ്യത്തോടെ പറഞ്ഞ് രണ്ട് ഗ്ലാസിലേക്കും ഓരോ പെഗ്ഗ് കൂടി വീഴ്ത്തി..
“ ഞാനത് തന്നെയാടാ ആലോചിക്കുന്നത്… എന്തായാലും ഞാനൊരു കാര്യം തുറന്ന് പറയാം… ഞാനൊരന്വോഷം നടത്തിയതിൽ നിന്നും എനിക്ക് മനസിലായത് പറയാം… നിന്റെ എ ടി എം കാർഡുപയോഗിച്ച് തന്നെയാണ് പണം പിൻവലിച്ചത്… രണ്ട് പ്രാവശ്യം പണമെടുത്തതും ടൗണിലെ എ ടി എമ്മിൽ നിന്നാണ്…”..
“അതെങ്ങിനെ നടക്കും ജോർജേ… ?.
കാർഡുള്ളത് സുഷമയുടെ ബാഗിലാ… അതലമാരയിൽ പൂട്ടി വെച്ചതാ… അവളാണെങ്കിൽ പുറത്തേക്ക് പോയിട്ടുമില്ല… പിന്നെങ്ങിനെ…?”..