ഇന്ന് ഞങ്ങൾ വിചാരിച്ചതുപോലെ റോഡിൽ തിരക്കില്ലായിരുന്നു. 9 മണിക്ക് മുന്നേ ചേച്ചിയെ ഇറക്കേണ്ട സ്ഥലത്തെത്താറായി. ഞാൻ: “നമ്മൾ എത്രയാലോ !” ചേച്ചി: “അതെ, ഇന്ന് റോഡിൽ തിരക്കുമില്ല.” അപ്പോൾ എനിക്കൊരു വിരുതൻ ആശയം തോന്നി. ഞാൻ ചോദിച്ചു: “രാവിലെ വല്ലതും കഴിച്ചോ?” ചേച്ചി: “ചോറ് കഴിച്ചു.” ഞാൻ: “ഒരു ചായ കുടിച്ചാലോ?” ചേച്ചി: “നീ ഒന്നും കഴിച്ചില്ലേ?” ഞാൻ: “ഇല്ല,” (ഞാൻ കള്ളം പറഞ്ഞു, ചേച്ചിയോടൊപ്പം കൂടുതൽ സമയം ചിലവഴിക്കാനുള്ള ആഗ്രഹം എൻ്റെയുള്ളിൽ ആളിക്കത്തിയിരുന്നു).
കുറച്ചു നിർബന്ധിച്ച് കഴിഞ്ഞപ്പോൾ ചേച്ചി സമ്മതിച്ചു. അങ്ങനെ ഞാൻ വലിയ തിരക്കില്ലാത്ത ഒരു ബേക്കറി നോക്കി. രാവിലെ ആയതുകൊണ്ട് എല്ലായിടത്തും തിരക്കുണ്ടായിരുന്നു. അങ്ങനെ നോക്കി നടന്നപ്പോഴാണ് ഒരു കഫേ കണ്ടത്. കുറച്ചു പൈസ അധികമാകുമെങ്കിലും, ഞാൻ വണ്ടി അങ്ങോട്ട് എടുത്തു. ചേച്ചിയോടൊപ്പം ഒരു സ്വകാര്യ നിമിഷം ലഭിക്കുമല്ലോ എന്ന ചിന്തയിൽ എൻ്റെ ഹൃദയം തുടിച്ചു.
ചേച്ചി: “ഇവിടെയൊക്കെ ഒരുപാട് കാശാകുമല്ലോ, നിനക്ക് ചെറിയ കടയിൽ നിന്ന് ചായ കുടിച്ച് പോയാൽ പോരെ?” ഞാൻ: “നല്ല ചായയാണ്, വാ കുടിച്ചുനോക്ക്,”എന്ന് പറഞ്ഞ് ഞാൻ ചേച്ചിയെ കഫേയുടെ ഉള്ളിലേക്ക് ക്ഷണിച്ചു. എൻ്റെ കണ്ണുകൾ ചേച്ചിയുടെ മുഖത്തെ ഭാവങ്ങൾ ഒപ്പിയെടുക്കാൻ ശ്രമിച്ചു.
അങ്ങനെ ഞങ്ങൾ കഫേയിൽ കയറി ഇരുന്നു. രണ്ടു കോഫിയും ഒരു സ്നാക്കും ഓർഡർ ചെയ്തു. കഫേയിലെ മങ്ങിയ വെളിച്ചം ചേച്ചിയുടെ സൗന്ദര്യത്തിന് മാറ്റ് കൂട്ടി. നേർത്ത വിരലുകൾ! ആ വിരലുകൾ എൻ്റെ വിരലുകളുമായി കോർക്കാൻ കഴിഞ്ഞിരുന്നെങ്കിൽ, അവളുടെ ആ ചെറിയ കൈപ്പത്തി എൻ്റെ കൈക്കുള്ളിൽ ഒതുക്കാൻ കഴിഞ്ഞിരുന്നെങ്കിൽ എന്ന് ഞാൻ ആഗ്രഹിച്ചു. മുഖം നോക്കി സംസാരിക്കുന്നതിൻ്റെ സുഖം ഒന്നു വേറെ തന്നെയാണ്. ചേച്ചിയുടെ മുഖത്ത് മാറിമറിയുന്ന ഭാവങ്ങളൊക്കെ എൻ്റെ മനസ്സിൽ അങ്ങനെതന്നെ പതിഞ്ഞു. ആ ചിരി കാണാൻ വളരെയധികം മനോഹരമാണ്. എനിക്കാണെങ്കിൽ മുഖത്തുനിന്ന് കണ്ണെടുക്കാൻ തോന്നുന്നില്ല. സത്യം പറഞ്ഞാൽ എനിക്കൊരുതരം പ്രണയം ചേച്ചിയോട് തോന്നിത്തുടങ്ങിയിരുന്നു, അതോടൊപ്പം അതിലുപരി എന്തോ ഒന്ന്. ചേച്ചിയുടെ ചുണ്ടുകളിലേക്ക് എൻ്റെ കണ്ണുകൾ അറിയാതെ പാറിവീണു. ഒരു നിമിഷം അവയെല്ലാം എൻ്റെ സ്വന്തമായിരുന്നെങ്കിൽ എന്ന് ഞാൻ ആഗ്രഹിച്ചു. എൻ്റെ കൈകളിൽ നിന്ന് നിയന്ത്രണം വിട്ടുപോകുന്നതായി എനിക്ക് തോന്നി.
“ഒരു കാര്യം പറഞ്ഞാൽ മോശമായി എടുക്കുമോ?” ഞാൻ പതിയെ ചോദിച്ചു. ചേച്ചി: “ഇല്ല.” ഞാൻ: “നിങ്ങളെ സാരിയിൽ ആണ് ഭംഗി.” ചേച്ചി: “അതെന്താ ഇത് കൊള്ളില്ലേ?” ഞാൻ: “കൊള്ളാത്തതുകൊണ്ടല്ല.. എന്നാലും ഭംഗി സാരി ഉടുക്കുമ്പോഴാണ്.” എൻ്റെ ഉള്ളിലെ കാര്യങ്ങൾ അറിയാതെ പുറത്തുവരുകയാണോ എന്ന് പോലും എനിക്ക് മനസ്സിലാകുന്നുണ്ടായിരുന്നില്ല. ഓരോ വാക്കും എൻ്റെയുള്ളിലെ മോഹങ്ങളെയാണ് പ്രതിഫലിച്ചത്.
ചേച്ചി: “എനിക്കും സാരിയൊക്കെ ഉടുക്കാനാണ് ഇഷ്ടം… ഞാൻ നല്ലതുപോലെ സാരി ഉടുക്കുകയും ചെയ്യും.. പക്ഷേ അതിനോടൊന്നും ഇപ്പോൾ വലിയ താൽപ്പര്യമില്ല.. ഒരു നല്ല സാരി വാങ്ങിയിട്ട് തന്നെ കാലം കുറെയായി.” ഞാനറിയാതെ ചേച്ചിയോട് ചോദിച്ചുപോയി: “ഞാനൊരു സാരി വാങ്ങി തന്നാൽ ചേച്ചി മേടിക്കുമോ?” ചേച്ചി: “നിനക്ക് വേറെ പണിയൊന്നുമില്ലേ? നീ എനിക്ക് എന്തിനാ സാരി മേടിക്കുന്നത്… വെറുതെ കാശ് കളയാൻ.. ഇനി ഞാൻ സാരിയുടുത്ത് ഞാൻ എവിടെ പോകാൻ?” ഞാൻ: “എവിടെയും പോകണ്ട, എനിക്ക് കാണാമല്ലോ. ചേച്ചിയെ സാരിയിൽ കാണാൻ എനിക്ക് ആഗ്രഹമുണ്ടെങ്കിലോ !?.” എൻ്റെ മറുപടി ചേച്ചിയെ എവിടെയോ സ്പർശിച്ചു. കുറച്ചുനേരത്തേക്ക് നിശബ്ദത തളംകെട്ടിനിന്നു. കുറച്ചു നേരം ചേച്ചി എൻ്റെ മുഖത്തേക്ക് തുറിച്ചുനോക്കി. ആ നോട്ടം എന്നെ ഒരുതരം ഭയത്തിൽ ആഴ്ത്തിയെങ്കിലും, ഞാൻ എല്ലാം തുറന്നുപറയാൻ തയ്യാറായി. ചേച്ചിയുടെ കണ്ണുകളിലേക്ക് നോക്കി എൻ്റെ ഉള്ളിലെ മോഹങ്ങളെ ഞാൻ അറിയാതെ പുറത്തുവിട്ടു. കുറച്ചു നേരത്തേക്ക് ഞങ്ങൾ മിണ്ടിയില്ല. കോഫിയൊക്കെ കുടിച്ചു തീർന്നു, ഇനി എന്തു ചെയ്യും എന്ന് ഞാൻ ആലോചിച്ചു. പറഞ്ഞത് മോശമായി പോയോ എന്ന് വരെ തോന്നി പോയി