അപ്പോഴാണ് എന്നെ ഞെട്ടിച്ചു കൊണ്ട് ചേച്ചി സംസാരിച്ചു തുടങ്ങയത്
ചേച്ചി: “നമ്മളുടെ കണ്ടുമുട്ടൽ, എന്തോ പ്രത്യേകതകൾ ഉണ്ട് എന്ന് തോന്നുന്നു … ഞാൻ ആരോടും ഇങ്ങനെ മിണ്ടാറില്ല..അടുക്കാറുമില്ല, ഒരു പരിചയമില്ലാത്ത ഒരാളുടെ കൂടെ ഇങ്ങനെ വന്നു ഇരിക്കുന്നത് എനിക്ക് തന്നെ ഒരു അത്ഭുതമായി തോന്നുന്നു … ഇന്നലെ ബൈക്കിൽ കയറിയതുതന്നെ മോന്റെയൊക്കെ പ്രായമാകും എന്നുള്ളതുകൊണ്ടാണ്… പക്ഷെ നിൻ്റെ സംസാരം, നിൻ്റെ പെരുമാറ്റമൊക്കെ വളരെ പക്വത നിറഞ്ഞതാണ്… മാത്രവുമല്ല ഒരാളുടെ സാന്നിധ്യം കൊണ്ട് മറ്റൊരാളെ സന്തോഷിപ്പിക്കുക എന്നത് ഒരു അനുഗ്രഹമാണ്… അത് നിനക്ക് കിട്ടിയിട്ടുണ്ട്.” ചേച്ചി അങ്ങനെ ഒക്കെ പറയുന്നത് കേട്ടപ്പോൾ ഞാൻ കോരിത്തരിച്ചു. എൻ്റെ ഉള്ളിൽ തോന്നുന്ന കാര്യങ്ങളൊക്കെയാണ് ചേച്ചി എന്നോട് പറഞ്ഞത്!
ഞാൻ: “ഞാൻ എങ്ങനെ ഇത് പറയും എന്ന് അറിയാതെ ഇരിക്കുകയായിരുന്നു… എനിക്ക് ഇന്നലെ ചേച്ചിയെ അവിടെ ആക്കി വന്നപ്പോൾ വീണ്ടും കാണണം, സംസാരിക്കണം എന്ന് തോന്നി… അതാണ് ഞാൻ വന്നത്.” ഞാൻ പറഞ്ഞില്ലെ കൊറേ നാള് പരിചയമുള്ള ഒരാളുടെ കൂടെ സമയം ചെലവുകുന്നത് പോലെ ആണ് എനിക്ക് തോന്നുന്നത് ..
ചേച്ചി : ഇങ്ങനെ ഇരുന്നാൽ മത്തായിയോ ?
അപ്പോഴാണ് ഞാൻ സമയം നോക്കിയത് , സംസാരിച്ചിരുന്ന് സമയം പോയതറിഞ്ഞില്ല. സമയം നോക്കുമ്പോൾ 9:30 കഴിഞ്ഞിരിക്കുന്നു
ഞങ്ങൾ വേഗം ബിൽ അടച്ചു, ബൈക്കെടുത്ത് ചേച്ചിയെ അവിടെയാക്കി. ഇറങ്ങാൻ നേരം ഞാൻ ചോദിച്ചു: “എൻ്റെ ആഗ്രഹം നടക്കുമോ? നല്ല സാരിയൊക്കെ ഉടുത്ത് ഒന്ന് ഒരുങ്ങി കാണാൻ പറ്റുമോ?” നടന്നു തുടങ്ങിയ ചേച്ചി എന്നെ നോക്കി മനോഹരമായ ഒരു ചിരി പാസ്സാക്കിയിട്ട്, “കാണിച്ചുതരാം” സമയം ആവട്ടെ എന്ന് പറഞ്ഞ് നടന്നു. ആ നടത്തം… എൻ്റെ ഉള്ളിൽ വല്ലാത്തൊരു വികാരത്തിന്റെ ആഴങ്ങളിലേക്ക് എന്നെ വലിച്ചിട്ടു. ആ ചുവന്ന ചുരിദാറിൽ ചേച്ചി നടന്നു മറയുന്നത് നോക്കി ഞാൻ നിന്നു, അടുത്ത കൂടിക്കാഴ്ചയെക്കുറിച്ചുള്ള തീവ്രമായ മോഹങ്ങൾ എൻ്റെ മനസ്സിൽ നിറഞ്ഞു. സാരിയിൽ അവളെ കാണാനുള്ള എൻ്റെ ആഗ്രഹം ഒരു തീയായി എൻ്റെ ഉള്ളിൽ ആളിക്കത്തി
അന്ന് ഞാൻ ഓഫീസിലിരുന്നത് എന്നെത്തന്നെ അതിശയിപ്പിക്കുന്ന ഒരു സന്തോഷത്തിലായിരുന്നു. എന്റെ മുഖത്തെ തിളക്കം കണ്ടിട്ടാവണം, കൂടെയുള്ളവരെല്ലാം അതിന്റെ കാരണം തിരക്കി. എന്നാൽ, എന്റെയുള്ളിലെ ആഹ്ലാദത്തിന്റെ ഉറവിടം പറയാൻ പറ്റുന്നതായിരുന്നില്ല. ഓരോ നിമിഷവും എന്റെ ചിന്തകളിൽ ചേച്ചി നിറഞ്ഞുനിന്നു, രാവിലെ ആ ബൈക്ക് യാത്രയിലെ ചേച്ചിയുടെ അടുപ്പം എന്റെ ശരീരത്തിൽ ഇപ്പോഴും ഒരു തണുത്ത തീയായി പടർന്നിരുന്നു.
അപ്പോഴാണ് ഓഫീസിലെ പെൺകുട്ടികൾ സെറ്റ് മുണ്ടിനെക്കുറിച്ച് സംസാരിക്കുന്നത് കേട്ടത്. “എന്താ പരിപാടി?” ഞാൻ ആകാംഷയോടെ ചോദിച്ചു. “നാളെ കേരളപ്പിറവിയാണ്, എല്ലാവരും സെറ്റ് മുണ്ട് ഉടുക്കാൻ പ്ലാൻ ചെയ്യുകയാണ്,” അവർ പറഞ്ഞു. ആ വാക്കുകൾ കേട്ടതും എന്റെ മനസ്സിൽ ഒരു മിന്നൽപ്പിണർ പോലെ ഒരു ചിന്ത കടന്നുപോയി. ചേച്ചി ഒരു സെറ്റ് മുണ്ടിൽ… ആ കാഴ്ച എന്റെ ഞരമ്പുകളിൽ ഒരു പ്രത്യേക ഉണർവ്വ് പടർത്തി.
ഒന്നും ആലോചിക്കാതെ ഞാൻ ചേച്ചിയെ വിളിച്ചു. “ഹലോ, ചേച്ചി,” ഞാൻ പറഞ്ഞു. “പറയടാ?” മറുതലയ്ക്കൽ ചേച്ചിയുടെ പതിഞ്ഞ ശബ്ദം. ആ ശബ്ദം കേട്ടപ്പോൾത്തന്നെ എന്റെയുള്ളിൽ ഒരു മധുരമായ വിറയലുണ്ടായി. “നാളെ കേരളപ്പിറവിയാണ്…” ഞാൻ ഒരു ആമുഖം പോലെ പറഞ്ഞു. “അതിനെന്താ?” ചേച്ചിക്ക് കാര്യം മനസ്സിലായില്ല. “നാളെ എല്ലാവരും സെറ്റ് മുണ്ടൊക്കെ ഉടുക്കുന്നുണ്ട്.” ഞാൻ പതിയെ സൂചിപ്പിച്ചു. “അപ്പോ?” “ശ്ശോ, ചേച്ചിക്ക് ഒന്നും അറിയാത്തപോലെ! നാളെ ചേച്ചി സെറ്റ് മുണ്ട് ഉടുക്കുമോ?” ഞാൻ ചിരിച്ചുകൊണ്ട് ചോദിച്ചു. എന്റെ ഉള്ളിലെ ആഗ്രഹം ആ ചിരിയിൽ ഒളിപ്പിക്കാൻ ഞാൻ പാടുപെട്ടു. “എടാ ചെക്കാ, നിനക്ക് വട്ടായോ?” ചേച്ചി ചിരിച്ചു. ആ ചിരിയിൽ ഒരു നേരിയ കൗതുകം ഞാൻ തിരിച്ചറിഞ്ഞു. “എല്ലാവരും ഉടുക്കുമല്ലോ, പിന്നെന്താ?” ഞാൻ വിടാൻ ഭാവമില്ലായിരുന്നു. ചേച്ചിയെ ആ വേഷത്തിൽ സങ്കൽപ്പിക്കുമ്പോൾ എന്റെ ഹൃദയമിടിപ്പ് കൂടി. “ഞാൻ അങ്ങനെ ഒന്നും ഉടുക്കാറില്ല.” ചേച്ചിക്ക് മറുപടിയുണ്ടായിരുന്നില്ല. “ചേച്ചി പറഞ്ഞത് ഇതൊക്കെ ഉടുക്കുന്നത് ഇഷ്ടമാണെന്ന്.” ഞാൻ പ്രലോഭിപ്പിച്ചു. ചേച്ചിയുടെ പഴയ വാക്കുകൾ ചേച്ചിയെ ഓർമ്മിപ്പിച്ചത് ഒരു അടവായിരുന്നു. “അതൊക്കെ പണ്ടല്ലേടാ.” “നാളെ ഉടുക്കുമോ? നമ്മുക് ഇഷ്ടപെടുന്നതൊക്കെ ചെയ്താൽ അല്ലെ ജീവിതത്തിൽ എന്തേലും സന്തോഷം ഒക്കെ ഉണ്ടാകു , അല്ലാതെ നല്ല കാലം വരാൻ നോക്കി ഇരിക്കുന്നത് കൊണ്ട് എന്ത് അർത്ഥമാണ് ?” ഞാൻ വീണ്ടും നിർബന്ധിച്ചു. എന്റെ സ്വരത്തിൽ ഒരുതരം യാചനയുണ്ടായിരിക്കണം. “എന്റെ കയ്യിൽ അതിനുള്ള സെറ്റൊന്നുമില്ല, പിന്നെ എങ്ങനെയാ?” ചേച്ചി പതിയെ വഴങ്ങുന്ന ലക്ഷണം കാണിച്ചു. ആ വാക്കുകൾ എന്റെയുള്ളിൽ പ്രതീക്ഷയുടെ തിരി തെളിയിച്ചു. “ഉടുക്കുമെങ്കിൽ ഞാൻ വാങ്ങാം.” ഞാൻ ഒരു ഒഴുക്കൻ മട്ടിൽ പറഞ്ഞു. ഉള്ളിൽ ഒരുതരം വിജയചിരിയായിരുന്നു. “എടാ ചെക്കാ, നിനക്ക് വേറെ പണിയില്ലേ?” ചേച്ചി ചിരിച്ചുകൊണ്ട് ചോദിച്ചു. “വിളിക്കാം ഞാൻ, ബൈ!” എന്ന് പറഞ്ഞ് ഞാൻ ഫോൺ വെച്ചു. ആ സന്തോഷത്തിൽ ഞാൻ ഓഫീസിൽ അറിയാതെ ഉറക്കെ ചിരിച്ചുപോയിരുന്നു.