ശ്യാമ കരഞ്ഞു. എന്നിട്ട് പറഞ്ഞു.
“അങ്ങനെ പറഞ്ഞാൽ ഞാൻ ഒരു മോശപ്പെട്ട പെണ്ണ് ആകില്ലേ..? അയാൾ അത് എല്ലാവരോടും പറയില്ലേ.? ”
“അങ്ങനെ പറഞ്ഞു എന്ന് കരുതി . ശ്യാമ ഒരു മോശപ്പെട്ട പെണ്ണ് ആകുമോ..?” സുധി ചോദിച്ചു.
ശ്യാമ ഒന്നും മിണ്ടിയില്ല. സുധി വീണ്ടും ചോദിച്ചു.
“അയാൾ എന്തിനാ ശ്യാമയെ പറ്റി അങ്ങനെ പറയുന്നത്…?”
ശ്യാമ മുഖം കുനിച്ചു തന്നെ പറഞ്ഞു.
“അയാൾക്ക് എന്നെ വിവാഹം കഴിക്കണം പോലും.. ഞാൻ അതിന് സമ്മതിച്ചാൽ എന്റെ എല്ലാ പ്രശ്നവും പരിഹരിച്ചു തരാം എന്നാ അയാൾ പറയുന്നത്. ”
“എന്നിട്ട്. ശ്യാമയ്ക്ക് അയാളെ വിവാഹം കഴിക്കണം എന്നുണ്ടോ..?”
“അപ്പു ഏട്ടാ…” ശ്യാമ കുറച്ചു ഉച്ചത്തിൽ വിളിച്ചു.
“ഏയ്! ഞാൻ ചോദിച്ചെന്നെ ഉള്ളൂ. ” സുധി പറഞ്ഞു. ശ്യാമ ഒന്ന് തണുത്തു എന്നിട്ട് പറഞ്ഞു.
“ഇല്ല അപ്പു ഏട്ടാ.. എനിക്ക് അയാളെ കാണുന്നതേ അറപ്പാണ്. ”
“എന്നാൽ പിന്നെ എന്താ? അങ്ങനെ പറഞ്ഞാൽ. അതോടെ അയാൾ വിവാഹത്തിൽ നിന്ന് പിൻമാറില്ലേ?”
“ഇല്ല. അങ്ങനെ പറഞ്ഞാൽ ഒന്നും അയാൾ പിൻമാറില്ല.”
“അതെങ്ങനെ ശ്യാമയ്ക്ക് അറിയാം.?”
“അയാൾ എന്നോട് പറഞ്ഞു..?”
“എന്ത് പറഞ്ഞു. എന്റെ കൂടെ വന്ന് കിടന്നോളാനോ..? എന്നാലും അയാൾ ശ്യാമയെ വിവാഹം കഴിക്കാൻ റെഡിയാണെന്നോ..?”
“മ്.. അതേ . എങ്ങനെ ആയാലും അയാൾക്ക് എന്നെ വിവാഹം കഴിച്ചാൽ മതി. അതിനാണ്
അയാൾ ആണ് എന്റെ ജോലി ഇല്ലാതാക്കാൻ. അപ്പു ഏട്ടനെ ജോലിക്ക് എടുത്തത്. ”
“ശ്യാമയുടെ ജോലി ഇല്ലാതായാൽ ശ്യാമ അയാളെ വിവാഹം കഴിക്കുമോ. അങ്ങനെ ആണോ അയാൾ കരുതിയത്…? ”
“എന്നാണ് അയാൾ കരുതിയിരിക്കുന്നത്. അയാൾ ഒരു കുറുക്കൻ ആണ്..”
“എന്നാൽ ശ്യാമ തീർച്ചയായും പറയണം.. ശ്യാമയ്ക്ക് എന്നെ ഇഷ്ട്ടം ആണെന്നും. എന്റെ കൂടെ കിടക്കാൻ സമ്മതം ആണെന്നും. വേണ്ടിവന്നാൽ എന്റെ കൂടെ ജീവിക്കും എന്നും.”
ശ്യാമ നിറ കണ്ണുകളോടെ സുധിയെ നോക്കി. സുധി വീണ്ടും പറഞ്ഞു.
“അങ്ങനെ പറഞ്ഞെന്നു വെച്ച് അങ്ങനെ ആകണം എന്നില്ല. അങ്ങനെ ആയിക്കൂടെന്നും ഇല്ല.”
“ഇല്ല അപ്പു ഏട്ടാ. ഇനി എന്റെ ജീവിതത്തിൽ അങ്ങനെ ഒന്ന് ഇല്ല. ”
“അതൊക്കെ ഇപ്പോഴേ തീരുമാനിക്കാൻ ആയോ.. അതിനൊക്കെ ഇനിയും സമയം ഉണ്ട്. ഇപ്പോൾ ഞാൻ പറഞ്ഞത് പോലെ പോയി പറഞ്ഞു നോക്ക് . എന്നിട്ട് അയാൾ എന്താ പറയുന്നത് എന്ന് കൂടെ എന്നോട് വന്ന് പറയണം. ഇപ്പോൾ പോയിട്ട് വാ.”
ശ്യാമ പുറത്തേക്ക് ഇറങ്ങാൻ നോക്കി.
“ആ ശ്യാമേ..” സുധി വിളിച്ചു.
“എന്താ അപ്പു ഏട്ടാ..? എന്തിനാ വിളിച്ചത് ?”
“ഏയ്! അത്.. അത്.. ഒന്നും ഇല്ല. പോകുമ്പോൾ ആ സ്കൂട്ടർ എടുത്തോ.. അതും എടുത്ത് പോയാൽ മതി. ”
“അത് വേണ്ട അപ്പു ഏട്ടാ. ഞാൻ നടന്നു പോയിക്കോളാം..”
“എന്നിട്ട് നേരം വൈകി എന്ന് പറഞ്ഞു ഓടി വേറെ ആരെ എങ്കിലും ഇങ്ങനെ ആക്കാൻ ആണോ ? ”
ശ്യാമ ചിരിച്ചു.
“ഹാവൂ! ശ്യാമ ഒന്ന് ചിരിച്ചു കണ്ടല്ലോ.
ശ്യാമേ… ശ്യാമ ശരിക്കും ഒരു സുന്ദരി ആണ് കേട്ടോ.. ആര് കണ്ടാലും ഒന്ന് കൊതിക്കും. ” സുധി പറഞ്ഞു.
ശ്യാമയ്ക്ക് നാണവും സങ്കടവും ഒരുപോലെ തോന്നി. ശ്യാമ പുറത്തേക്ക് പോകാൻ നോക്കിയപ്പോൾ. സുധി വീണ്ടും വിളിച്ചു.
” ശ്യാമേ ഒന്നിങ്ങു വരാമോ..? ”
“എന്താ അപ്പു ഏട്ടാ..?” അങ്ങനെ ചോദിച്ചു ശ്യാമ സുധിയുടെ അടുത്തേക്ക് വന്നു.
“ശ്യാമ എന്നെ വേഗം അപ്പു ഏട്ടൻ എന്ന് വിളിക്കുന്നുണ്ടല്ലോ.. പണ്ട് എപ്പോഴോ വിളിച്ചത് പോലെ.? അങ്ങനെ വിളിച്ചു പരിചയം ഉള്ളത് പോലെ.”
“അതോ!!!? അത് ഇടയ്ക്ക് എപ്പോഴോ അമ്മ പറഞ്ഞിട്ടുണ്ടായിരുന്നു. എനിക്ക് അങ്ങനെ ഒരു ഏട്ടൻ ഉണ്ടായിരുന്നു എന്ന്. അതാ അപ്പു ഏട്ടൻ എന്ന് വിളിക്കാൻ പറഞ്ഞപ്പോൾ……!!”
“എന്നിട്ട് ആ ഏട്ടൻ എവിടെ..? ”
“അതൊന്നും എനിക്ക് അറിയില്ല.. അതൊന്നും ഞാൻ അമ്മയോട് ചോദിച്ചിട്ടില്ല.. അതൊക്കെ ചോദിച്ചാൽ അമ്മയ്ക്ക് സങ്കടം ആകും. ”