അനിക്കുട്ടൻ മരണ വീട്ടിലെത്തുമ്പോ അടുത്ത റൗണ്ട് കരയാനായി സുധ ജഡത്തിനരികിൽ ഹാജറുണ്ട്.. അവൾ രംഗത്തേക്ക് വന്നതോടെ അവിടെ ഒരോളമുണ്ടായി..സോമന്റെ പെങ്ങൾ ജയയുടെ കരച്ചിൽ അത്ര പോരായിരുന്നു..അവളുടെ കരച്ചിലിന്റെ ഊഴം കഴിഞ്ഞ് അടുക്കളയിലിരുന്ന് വെട്ടി വിഴുങ്ങുകയാണ്..പതിയെ തുടങ്ങിയ സുധ മുന്നിൽ വിഷണ്ണനായി നിൽക്കുന്ന അനിക്കുട്ടനെക്കണ്ട് കരച്ചിലിന്റെ വോള്യം കൂട്ടി..
“അനിക്കുട്ടാ… നിന്റെ ആശാൻ പോയെടാ… ഹയ്യോ… ഇനി എനിക്കാരുണ്ടോ… ?”..
സുധ അലമുറയിട്ടു.. നിനക്ക് ഞാനുണ്ടെടീ എന്ന് അവിടെക്കൂടിയ പുരുഷപ്രജകളെല്ലാം മനസിൽ അലറി..
അനിക്കുട്ടൻ നിർനിമേഷനായി ആത്മാവ് നഷ്ടപ്പെട്ട ആശാനെ നോക്കി നിന്നു..ഇന്നലെ രാത്രി താനിവിടെകൊണ്ട് വന്ന് കിടത്തിയ മനുഷ്യനാണീ അനക്കമില്ലാതെ കിടക്കുന്നത്..എന്നാലും എന്തിനാണ് ആശാനിത് ചെയ്തത്..?.
ഇന്നലെ നല്ല സന്തോഷത്തിലായിരുന്നു ആശാൻ.. ബാറിൽ നിന്ന് ഇവിടെ എത്തുവോളം ബൈക്കിന് പിന്നിലിരുന്ന് പാട്ടായിരുന്നു.. ഇവിടെ കൊണ്ട് വന്ന് ഇറക്കിയിട്ടും തന്നെ പിടിച്ച് നിർത്തി പാടി..
സുധേച്ചി ഭദ്രകാളിത്തുള്ളി ഇറങ്ങിവരുമെന്ന് പേടിച്ച് വേഗം സ്കൂട്ടാവുകയായിരുന്നു..
മരിക്കുന്നതിനെ കുറിച്ചെന്നല്ല, ഒന്നിനും കുറിച്ചും ആശാന് ചിന്തയില്ലായിരുന്നു..നല്ല സന്തോഷത്തിൽ അടിച്ച് പൊളിച്ച് തന്നെയാണ് ജീവിച്ചത്.. കുട്ടികളില്ല എന്ന വിഷമം പോലും ആശാനില്ലായിരുന്നു..കള്ള് കുടിയുടെ കാര്യത്തിൽ ചില അസ്വാരസ്യങ്ങളൊക്കെ ഉണ്ടെങ്കിലും സുധേച്ചിയുമായി നല്ല സ്നേഹത്തിൽ തന്നെയായിരുന്നു.. പിന്നെന്തിനാണ് ആശാനീ പണി ചെയ്തത്..?.
മെമ്പർ
നൗഷാദ് വന്ന് അനിക്കുട്ടന്റെ തോളിൽ പിടിച്ചു..
“വാ… ചോദിക്കട്ടെ…”..
മെമ്പറവനെ മാറ്റി നിർത്തി..
“എന്താ അനിക്കുട്ടാ സംഭവം… ?.. നീയിന്നലെ സോമേട്ടനെ
കണ്ടിരുന്നോ… ?”..
ഒരു അന്വോഷണ ഉദ്യോഗസ്ഥന്റെ ത്വരയോടെ മെമ്പർ ചോദിച്ചു..
“എന്ത് ചോദ്യം മെമ്പറേ…. ഞാനല്ലേ ആശാനെ രാത്രി ഇവിടെ കൊണ്ട് വന്ന് കിടത്തിയത്… “..
മെമ്പറൊന്ന് ഞെട്ടി..
“എടാ മൈരേ.. സോമേട്ടനെ കൊന്ന് ഇവിടെ കൊണ്ട് വന്ന് കിടത്തിയോടാ കുണ്ണേ നീ… ?”..
ആ ആരോപണം കേട്ട് അനിക്കുട്ടനൊന്ന് ഞെട്ടി..
“മൈരേ… അനാവശ്യം പറയരുത്… മെമ്പറാണെന്നൊന്നും ഞാൻ നോക്കൂല… “..
ഒരേ പ്രായക്കാരാണ് അവര് രണ്ട് പേരും.. ഒരു കുണ്ണേ മൈരാ ബന്ധമാണ് അവർ തമ്മിൽ..
“ ഞാനൊരു തമാശ പറഞ്ഞതല്ലേ അനിക്കുട്ടാ…”..
അനിക്കുട്ടന്റെ ഭാവം കണ്ട് മെമ്പർ ഇളിഞ്ഞ ചിരിയോടെ പറഞ്ഞു..
അനിക്കുട്ടൻ നല്ല കരുത്തനാണെന്നതും അങ്ങിനെ പറയാൻ കാരണമായി..
എങ്കിലും നൗഷാദ് മനസിൽ പറഞ്ഞു.. നോട്ട് ദ പോയന്റ്.. ഈ അനി മൈരനാണ് സോമേട്ടനെ ഇന്നലെ രാത്രി ഇവിടെ കൊണ്ട് വന്ന് കിടത്തിയത്..
സുധ പതം പറഞ്ഞ് കരയുകയാണ്.. എനിക്കിനി ആരാ എന്നാണ് അവൾ കരച്ചിലിനിടയിലൂടെ ചോദിക്കുന്നത്.. ഓരോ മുഖങ്ങളിലേക്കും അവൾ മാറിമാറി നോക്കുന്നുമുണ്ട്..നല്ല ആരോഗ്യമുള്ള ചെറുപ്പക്കാരുടെ മുഖത്ത് കുറച്ചധികം സമയം അവൾ നോക്കും..
അവളുടെ നോട്ടമേൽക്കാനായി ചിലർ തിക്കിത്തിരക്കി മുന്നോട്ട് വന്നു..
പോലീസ് ജീപ്പിന്റെ ഇരമ്പം കേട്ട് ആളുകൾക്കിടയിൽ ഒരു മർമ്മരമുണ്ടായി.. മുറ്റത്തേക്ക് ഇരമ്പിക്കയറി വന്ന ജീപ്പിൽ നിന്ന് ആദ്യം ചാടിയിറങ്ങിയത് കോൺസ്റ്റബിൾ മനോജാണ്..
പി സ് സി എഴുതി അവൻ ജോലിയിൽ കയറിട്ട് രണ്ട് വർഷമായി.. ഡിപ്പാർട്ട്മെന്റിൽ
ഐ ജി യെക്കാൾ ആത്മാർത്ഥതയാണവന്..
അവൻ ലാത്തിയുമായി ചാടിയിറങ്ങി ആളുകളെയെല്ലാം വിരട്ടി മാറ്റിനിർത്തി..മനോജിന്റെ വിധം കണ്ടാൽ ഇവിടെയെന്തോ ക്രമസമാധാന പ്രശ്നമുണ്ടെന്ന് തോന്നും.. അവൻ പറയാതെത്തന്നെ ഒതുങ്ങി നിന്ന ജനത്തിനിടയിലൂടെ എസ് ഐ നാസർ ജഡത്തിനടുത്തേക്ക് വന്നു..
അയാൾ ആദ്യം തന്നെ തൊപ്പിയൂരി ജഡത്തിന് ബഹുമാനമർപ്പിച്ചു..
പോലീസിനെ കണ്ട സുധ വോള്യം കൂട്ടിയെങ്കിലും നാസർ ഒരു നോട്ടം നോക്കിയതോടെ അവൾ വാ അടച്ച് പിടിച്ച് ഉള്ളിൽ കരഞ്ഞു.. പോലീസ് വന്നെന്നറിഞ്ഞ് അകത്ത് റെസ്റ്റെടുക്കുകയായിരുന്ന ജയ അലറിക്കൊണ്ട് കുതിച്ചെത്തി..അവളും നാസറിന്റെ നോട്ടത്തിൽ കരച്ചിൽ വിഴുങ്ങി..എസ് എ നാസർ ക്രൈം സീൻ ഒന്ന് പരിശോധിച്ചു..