“എങ്ങോട്ടാ നീ ഓടുന്നെ അവിടെ നിക്കെടാ…” ഫോണിലേക്ക് കൺ പൂഴ്ത്തി നിൽക്കാണേലും, ഞാൻ മെല്ലെ വലിയുന്നത് എങ്ങനെ കണ്ടു പിടിച്ചാവോ? എന്റെ ടി ഷർട്ടിൽ പിടിച്ചു വലിച്ചു ഏട്ടത്തി എന്നെ ആ ശരീരത്തിലേക്ക് തന്നെ ചേർത്തു നിർത്തി.
ഞാൻ എങ്ങനെയൊക്കെയോ ഫോണിലേക്ക് നോക്കി. ആ വിരലുകൾ കാൾ ആപ്പിലൂടെ നീങ്ങി ആദ്യം ഗാല്ലറിയിലേക്ക് പോയി.ഹോ ഞാൻ ശ്വാസം വിട്ടു.
കുറച്ചതികം ഫോട്ടോ ഡിസ്പ്ലേയിൽ തെളിഞ്ഞപ്പോ ഏട്ടത്തിയുടെ വിരലുകൾ അന്ന് ഞാനും ഏട്ടത്തിയും ഡ്രസ്സ് വാങ്ങാൻ പോയപ്പോഴെടുത്ത ഫോട്ടോയിൽ പതിഞ്ഞു.ഏട്ടത്തി ആദ്യമായി ചിരിക്കുന്നത് കണ്ട നിമിഷം. അന്നത്തെ കോലത്തിൽ നിന്ന് രണ്ട് ദിവസം കൊണ്ട് തന്നെ ഏട്ടത്തി എത്രയോ മാറി. നല്ല നിറം വെച്ചു, ഒണങ്ങിയ പോലത്തെ കോലം തീരെയങ്ങു ഇല്ലാതായി.ഇത്തിരിയൊന്നു തടിച്ചപോലെയുണ്ട്! സ്വന്തംമാറ്റം മനസ്സിലായ പോലെ ചുണ്ടുകളിൽ നല്ല ചിരിയുമായി ഏട്ടത്തി ഫോട്ടോയിലേക്ക് സൂക്ഷിച്ചു നോക്കി
“ആരാ ഏട്ടത്തി ആ സുന്ദരി…?” ചിരി മറച്ചു വെച്ചു ഞാൻ സംശയം കാട്ടി.
“പോടാ…” ഏട്ടത്തി വേഗം ഗാലറി നാണത്തോടെ ക്ലോസ് ചെയ്തു.
“നിനക്ക് നല്ലത് കിട്ടും ആദി.എവിടെയാ വൃത്തികേടെല്ലാം…ടെലഗ്രാമിലാ..?” ഏട്ടത്തിയുടെ വിരലുകൾ ടെലഗ്രാം തിരഞ്ഞു പോയി.ഇതെല്ലാം എവിടേ കിട്ടുമെന്ന് ഏട്ടത്തിക്ക് നല്ലപോലെ അറിയാമല്ലോ എന്നായി എന്റെ ചിന്ത. തുറന്നു നോക്കിയിട്ടും ഒന്നും കിട്ടിയില്ല. വാട്സാപ്പിൽ മുഴുവൻ തപ്പി .ഒന്നുപോലുമില്ല! ക്രോമിന്റെ ഹിസ്റ്ററി വരെ നോക്കി. ഹേ ഹേ! ഭാഗ്യം! !ഒരു വട്ടം പോലും കാൾ ആപ്പിൾ ആ വിരൽ പോയില്ല!
“ഹിസ്റ്ററി എല്ലാം നീ പൊക്കിക്കാണും കള്ളനല്ലേ..ഹ്മ്മ് ഇപ്പ്രാവശ്യം ഞാൻ ക്ഷമിച്ചു..ഇനിയും എന്റെ കയ്യിൽ കിട്ടുമല്ലോ…”ഒന്നും കിട്ടാത്തായപ്പോ ഏട്ടത്തിയുടെ ഭീഷണിയിറക്കൽ.ഞാൻ ഫോൺ പോക്കട്ടിലിട്ടു ചിരിച്ചു.
“ഇതല്ലേ ഏട്ടത്തി ഞാൻ ആദ്യം പറഞ്ഞേ ഒന്നുല്ലാന്ന്….”
“പിന്നേ…നീയങ്ങു പറഞ്ഞാൽ ഞാനാങ്ങു വിശ്വസിക്കല്ലേ? പാതി രാത്രി സ്വന്തം ചേച്ചിയുടെയും ഏട്ടത്തിയുടെയും എടുത്തു നിന്ന് വന്നിട്ട് ചെയ്യണ പരിവാടി കണ്ടില്ലേ?..എന്റെ അമ്മച്ചിയെങ്ങാനും ആയിരുന്നേൽ ഇപ്പോ നിന്റെ ചന്തിയുടെ തോലെടുത്തേനെ…“ ഏട്ടത്തി കണ്ണ് രണ്ടും നല്ലപോലെ ഉരുട്ടി പേടിപ്പിച്ചു . അമ്മയുടെ ചെറിയ പതിപ്പ് തന്നെ. ഒരു മാറ്റവുമില്ല.
”എന്റെ ആദിക്ക് അങ്ങനത്തെ സ്വഭാവം ഒന്നും വേണ്ട..കേട്ടല്ലോ..ഇങ്ങു വന്നേ…“ ഏട്ടത്തി രണ്ടു കയ്യും നീട്ടി എന്റെ തലക്ക് രണ്ടു സൈഡിലും പിടിച്ചു എന്നെ വിളിച്ചു. ഞാനാ തല താഴ്ത്തി കൊടുത്തപ്പോ എന്റെ നെറ്റിയിൽ അമർത്തി ഒരുമ്മ തന്നു. എന്തൊരു സുഖമാണ്.
”ഇനി എന്റെ കുട്ടി വൃത്തികേട് കാണൂല്ലല്ലോ…?“ സ്നേഹത്തോടെയുള്ള ചോദ്യം.നസീമതാത്തയും, ഹിബയും അനുഷേച്ചിയുമുള്ളപ്പോ എന്തിന് ഞാൻ തുണ്ട് കാണണം!
” ഇല്ലാ ഇല്ലാ ഇല്ലാ…“ സത്യം ചെയ്ത് കൊടുക്കാനെനിക്ക് ഒരു മടിയുമുണ്ടായില്ല.ഏട്ടത്തിയുടെ മുഖം നല്ലപോലെ വിടർന്നു.പറഞ്ഞാൽ അനുസരിക്കാനും ഒരാളുണ്ടാവുന്ന സന്തോഷം ഏട്ടത്തിയുടെ ഉള്ളു നിറച്ചു കാണും.
”ഇനി ഏട്ടത്തിക്ക് കെട്ടിപ്പിടിച്ചു ഒരുമ്മ തന്നേ…?“ ആ കൈ വീണ്ടും വിടർത്തി ഏട്ടത്തി ചിരിച്ചു. എന്നെ കൊച്ചു കുട്ടിയായിട്ടാണോ ഏട്ടത്തിയിപ്പോഴും കരുതുന്നെ? എന്തൊരു സ്നേഹമാണാ ഉള്ളു നിറയെ. കോട മൂടിയ അന്തരീക്ഷത്തിൽ, നല്ല തണുപ്പുള്ള കുളിരിൽ ,ബാത്റൂമിൽ നിന്ന് വരുന്ന ചെറിയ വെളിച്ചത്തിൽ സുന്ദരിയായി ഇരിക്കുന്ന ഏട്ടത്തിപെണ്ണിനെ വാരി പിടിച്ചു ഞാൻ കവിളിൽ തുരു തുരു ഉമ്മവെച്ചു.ഏട്ടത്തി ആർത്തു ചിരിച്ചു.
റൂമിലേക്ക് പോവാൻ നേരം. തണുക്കുന്നുണ്ടെന്ന് പറഞ്ഞപ്പോൾ ഞാനെന്റെ മസ്സിൽ കാണിച്ചു കൺവിൻസ് ചെയ്ത് ഏട്ടത്തിയെ രണ്ടു കൈ കൊണ്ടും കോരിയെടുത്തു നെഞ്ചിലാക്കി. കാലും തൂക്കി എന്റെ നെഞ്ചിൽ തലയും വെച്ച് സുഖിച്ചു കിടന്ന ഏട്ടത്തിയെ കുഞ്ഞു കുട്ടിയെപ്പോലെ കളിപ്പിച്ചു ഞാൻ റൂം വരെയെത്തിച്ചു.