“ഏയ് ഒന്നുമില്ല…”
“ഏയ് അതല്ല… ആരേലും നിന്നെ എന്തേലും പറഞ്ഞോ.. അവരാണോ… എങ്കി ചോദിക്കണമല്ലോ…” ഞാൻ വെറുതെ ദേഷ്യം അഭിനയിച്ചു…
“പൊന്ന് ശ്രീ ഒന്നുമില്ല… അവര് പറയുവാ ഭർത്താവ് ആയാൽ ശ്രീയെ പോലെ ആകണം എന്ന്… എൻ്റെ ഭാഗ്യം ആണത്രേ…” അവൾ അത് പറഞ്ഞു തലതാഴ്ത്തി…
“ഓ…അത്രേ ഉള്ളൂ… നീ വന്നേ….” ഞാൻ അവളുടെ തോളിൽ കയ്യിട്ട് എന്നോട് ചേർത്തു നടന്നു…
ഞങ്ങൾ ചായയും പഫ്സും കഴിച്ചു ബാക്കി സിനിമ കൂടെ കണ്ടു…. ഞാനും ആദ്യമായി ആയിരുന്നു ഷേണായീസിൽ കയറുന്നത്…. കവിത ആയിരുന്നു ഞങ്ങളുടെ പ്രധാനത്താവളം…
………………………………………………………………………..
സിനിമ കഴിഞ്ഞ് ഇറങ്ങിയ ഞാൻ
നേരെ ബീച്ചിലേക്ക് വണ്ടി വിട്ടു….…
സൂര്യൻ കടലിൽ മറയുന്നത് ബീച്ചിലെ ആളൊഴിഞ്ഞ ഒരിടത്ത് ഞങ്ങൾ നോക്കി ഇരുന്നു.
“ശ്രീ എൻ്റെ ജീവിതത്തിലെ ഏറ്റവും സന്തോഷം ഉള്ള ദിവസം ഇന്നാണ്… ഇതിനൊക്കെ പകരം ഞാൻ എന്താണ് ശ്രീക്ക് തരിക…”
“മീനു… തറവാട്ടിലേക്ക് വന്നപ്പോൾ ഞാൻ ആദ്യം കണ്ട മുഖം നിൻ്റെ ആണ്…. അന്ന് കണ്ട ആ സുന്ദരിക്കുട്ടി ഇന്ന് എന്നോട് ചേർന്ന് ഇരിക്കുന്നത് എൻ്റെ ഭാഗ്യം ആണ്…”
ഞാൻ അവളുടെ മുഖത്തേക്ക് നോക്കി…. സുവർണ്ണ നിറത്തിലുള്ള സായാഹ്നരശ്മികൾ അവളുടെ മുഖത്തെ കൂടുതൽ സുന്ദരമാക്കി… അവളുടെ മുഖം എൻ്റെ കൈക്കുമ്പിളിൽ കോരി എടുത്തു ഞാൻ ചുണ്ടുകൾ അടിപ്പിച്ചു… അവളുടെ ചുണ്ടിൽ ഞാൻ ചുണ്ട് ചേർത്തു…
വന്യമായ ഒരു ചുംബനം അല്ല… വളരെ ശാന്തമായ ഒരു പ്രണയകൈമാറ്റത്തിന് ആ അസ്തമയ സൂര്യനും കടലും സാക്ഷിയായി..
പെട്ടെന്ന് അവൾ എന്നെ തള്ളി മാറ്റി…
“വേണ്ട ശ്രീ…നീ മീരയുടേത് ആണ്…എൻ്റെ അനിയത്തി… അവൾ…”
“മീനു, മീര ഒരിക്കലും എന്നോട് സ്നേഹം കാണിച്ചിട്ടില്ല…. അവൾക്ക് എന്നെക്കാൾ നല്ല പയ്യനെ കിട്ടും… ഒരുപക്ഷേ അവളും അതാകും ആഗ്രഹിക്കുന്നതും….”
“ഇല്ല…ശ്രീ…എനിക്ക് തെറ്റ് പറ്റിപ്പോയി…. മീരയെ ചതിക്കാൻ എനിക്ക് ആകില്ല… നമുക്ക് പോകാം….ഇവിടെ നടന്നത് നമുക്ക് രണ്ടാൾക്കും മറക്കാം….എനിക്ക് നല്ല ഒരു സുഹൃത്തായി ശ്രീയെ വേണം…”
“പക്ഷെ…മീനു….ഞാൻ എനിക്ക്…..”
“നമുക്ക് പോകാം ശ്രീ….” അവൾ എഴുന്നേറ്റ് കൊണ്ട് പറഞ്ഞു…
തിരിച്ചുള്ള യാത്രയിൽ ഞങ്ങൾ പരസ്പരം ഒന്നും സംസാരിച്ചില്ല….
വീട്ടിൽ എത്താറായപ്പോൾ ഞാൻ വണ്ടി സൈഡ് ആക്കി… മീനാക്ഷി അപ്പോഴും പുറത്തേക്ക് നോക്കി ഇരിക്കുക ആയിരുന്നു…
“മീനു… എനിക്ക് മനസ്സിലായി നിൻ്റെ
മാനസികാവസ്ഥ… നമ്മൾ ഇനി ഇതേപ്പറ്റി സംസാരിക്കുന്നില്ല….”
“ശ്രീക്ക്…എന്നോട് ദേഷ്യം ആയോ…”
“ഒരിക്കലും ഇല്ല… നീ പറഞ്ഞത് പോലെ തത്കാലം നമ്മൾക്ക് നല്ല സുഹൃത്തുക്കളായി ഇരിക്കാം…”
ഞങ്ങൾ വീട്ടിലെത്തി… പതിയെ മീനാക്ഷി എന്നോട് സാധാരണത്തെ പോലെ പെരുമാറാൻ തുടങ്ങി….
അന്ന് രാത്രി ഞാൻ തറവാട്ടിലേക്ക് ഫോൺ ചെയ്യുന്നത് മീനാക്ഷിയെയും അമ്പിളിച്ചേച്ചിയെയും പഠിപ്പിച്ചു. അവിടെ എന്തോ ഭാഗ്യത്തിന് ഉഷമ്മ ആണ് ഫോൺ എടുത്തത്… എൻ്റെ മുറിയിലെ ആയിരിക്കും…
മീനാക്ഷിക്ക് മീരയോട് സംസാരിക്കണം എന്ന് പറഞ്ഞപ്പോൾ ഉഷമ്മ എനിക്ക് ഒരു സന്തോഷവാർത്ത തന്നു… മുന്നേ ആയിരുന്നേൽ ദുഃഖം ആയേനെ… ഇപ്പോഴത്തെ അവസ്ഥയിൽ സന്തോഷം ആണ് ആ വാർത്ത നൽകിയത്…
മീരയുടെ കിടത്തം അച്ഛമ്മയുടെ മുറിയിലേക്ക് മാറ്റി എന്ന്…. അച്ഛമ്മ ഉറക്കത്തിൽ ഇപ്പൊ എല്ലാ ദിവസവും സ്വപ്നം കണ്ട് ഞെട്ടി ഉണരുക ആണത്രേ….
എൻ്റെ മനസ്സിന് വളരെ അധികം സന്തോഷം തരുന്ന വാർത്ത ആയിരുന്നു അത്… അപ്പൊ ഇനി മുകളിൽ ഞാനും ഉഷമ്മയും മാത്രം…..
ഉഷമ്മയോട് ഞാൻ കാറിൻ്റെ കാര്യം ഒന്നും പറഞ്ഞില്ല.. നാളെ ഉച്ചക്ക് മുന്നേ എത്തും എന്ന് മാത്രം പറഞ്ഞു….
മീനാക്ഷി രാത്രി വെള്ളം വക്കാൻ എൻ്റെ മുറിയിലേക്ക് വന്നു. ഞാൻ കട്ടിലിൽ കിടക്കുക ആയിരുന്നു…
“ശ്രീ ഉറങ്ങിയോ… “
“ഇല്ല, എന്ത് പറ്റി മീനു, നീ എന്തിനാ ഇതൊക്കെ ആയി വന്നത്… പോയി കിടന്ന് ഉറങ്ങ്….”
“അത്…ഞാൻ…നിക്ക്….”