“…ഏട്ടനെ മുണ്ടിലും ഷർട്ടിലും കാണാൻ നല്ല രസമുണ്ട്…”
“… എന്നിട്ട് നീ ഇത് ഇപ്പോഴാണോ പറയുന്നേ…”
“…പിന്നെ രാവിലെ ഞാൻ ചോദിച്ചപ്പോഴല്ലേ എന്നെ പറ്റി പറഞ്ഞെ അപ്പൊ ഇതും ഇങ്ങനെ പറ്റു. പിന്നെ എന്നെ കൊണ്ട് വന്ന പോലെ തിരിച്ചു കൊണ്ട് ആക്കിക്കോണം കേട്ടല്ലോ. അല്ലാതെ ആ സമയത്ത് വല്ല ഒഴിവു കേട് പറഞ്ഞാൽ ഉണ്ടല്ലോ…”
“… ഉത്തരവ്. ഇന്ന് ഇനി വേറെ പരിപാടി ഒന്നും പിടിക്കുന്നില്ല എന്റെ ഫോക്കസ് മുഴുവൻ ഇവിടെ ആയിരിക്കും…” ഒരു ദീർഘ നിശ്വാസത്തോടെ തനുവിനെ മൊത്തത്തിൽ ഒന്ന് നോക്കി.
“… വഷളൻ. പോ അവിടെന്ന്…” എന്റെ വയറിന് ഒരു കുത്തും തന്ന് അവൾ മന്ദം മന്ദം ക്ലാസ്സിലേക്ക് പോയി.
“…വായ് നോക്കി കഴിഞ്ഞെങ്കിൽ ഞങ്ങളെയും ഒന്ന് ശ്രെദ്ധിക്കാവോ…” സൗണ്ട് കേട്ട ഭാഗത്തേക്ക് തിരിഞ്ഞു നോക്കിയതും ഇടുപ്പിന് കൈയ്യും കൊടുത്ത് എന്നെ നോക്കി നിൽക്കുന്ന അജുവിനെയും കൂട്ടുകാരെയുമാണ് കാണുന്നത്.
“… നിങ്ങൾ എപ്പോ വന്നു…” ഒരു അവിഞ്ഞ ചിരിയോടെ ഞാൻ ചോദിച്ചു.
“…ഞങ്ങൾ വന്നിട്ട് കുറച്ചു നേരമായി. നിന്നോട് രാവിലെ വരാൻ പറഞ്ഞിട്ട് എവിടെ പോയി കിടക്കായിരുന്നു…”
“… അത് പിന്നെ അവൾ വിളിച്ചപ്പോ അങ്ങോട്ട് പോയതാ…”
“…പാ…ഇവിടെ എന്തൊക്കെ പണി ഉണ്ടായിരുന്നെന്ന് നിനക്ക് അറിയോ എന്നിട്ട് അവൻ അവളെ കാണാൻ പോയേക്കുന്നു. എന്താടാ അവൾക്ക് ഒറ്റക്ക് വരാൻ അറിയില്ലേ…”
“… അത്… അത് ഈ പെണ്ണും പ്രേമവും ഇല്ലാത്തവരോട് പറഞ്ഞാൽ മനസ്സിലാവില്ല …” അത് പറഞ്ഞതും അജുവിന്റെ കൂടെ ഉള്ളവർ അടക്കി ചിരിക്കാൻ തുടങ്ങി.
“… ആഹ് അത് പോട്ടെ നീ വണ്ടി ഒതുക്കിയിട്ട് വാ കുറച്ചു പണിയുണ്ട്…” കിട്ടിയ അപമാനം മറക്കാനായി ഇച്ചിരി പരുക്കൻ ശബ്ദത്തിൽ അജു പറഞ്ഞു.
ഓണാഘോഷം നല്ല തകൃതിയായി തന്നെ നടന്നു. ഇടക്ക് ഗപ്പ് കിട്ടുമ്പോ അജു കാണാതെ ഓടി തനുവിന്റെ അടുത്തേക്ക് പോവും എന്താന്ന് അറിയില്ല ഇന്ന് അവളിലേക്ക് വല്ലാത്ത അട്ട്രാക്ഷൻ. ഉച്ചക്ക് സദ്യക്ക് പപ്പടം വിളമ്പ് എനിക്ക് ആയിരുന്നു. വിളമ്പി വന്നപ്പോ ദാ ഇരിക്കുന്നു നമ്മുടെ കക്ഷി. അപ്പൊ തന്നെ വച്ചു ആ ഇലയിൽ രണ്ട് പപ്പടം.
“… ഇതെന്താ ചേട്ടാ ആ ഇലയിൽ മാത്രം രണ്ട് പപ്പടം…” തനുവിന്റെ ഇലയിലും എന്നെയും മാറി മാറി നോക്കികൊണ്ട് അഞ്ജലി ചോദിച്ചു.
“… ഓ അത് ഒന്ന് ചോറിന്റെ കൂടെ അടുത്തത് പായസത്തിന്റെ കൂടെ 🫣…”
“… ഞങ്ങളും ചോറും പായസവും കഴിക്കും കേട്ടോ…” ആക്കിയ ചിരിയോടെ അഞ്ജലി പറഞ്ഞു.
“… ആണോ മോൾക്ക് പായസം കുടിക്കാൻ വേണ്ടി പിന്നിൽ നിന്നും ഒരുത്തൻ പഴവും കൊണ്ട് വരുന്നുണ്ട് അവനോട് ചോദിച്ചാൽ മതി…” ആരാന്ന് അറിയാൻ അഞ്ജലി നോക്കുമ്പോൾ കാണുന്നത് ഓരോ ഇലയിൽ പഴം വച്ചു വരുന്നത് അജു ആണ്.
“… അയ്യോ വേണ്ട. ഞാൻ ഉള്ളത് കൊണ്ട് പായസം കുടിച്ചോളാമേ…” അഞ്ജലി എന്നെ നോക്കി തൊഴുതു അത് കണ്ട് ചിരിയോടെ ഞാൻ വിളമ്പൽ തുടർന്നു.
“… Helo ഏട്ടൻ എവിടാ ഞാൻ പുറത്ത് ഏട്ടനെയും കാത്ത് നിൽക്കാണ്…” കോളേജിലെ പരിപാടി എല്ലാം കഴിഞ്ഞതും തനു എന്നെ വിളിച്ചു.
“… നീ ഇറങ്ങിയോ. ഞാൻ ഇവിടെ ക്ലാസ്സിൽ ഉണ്ട് ഒരു പത്ത് മിനിറ്റ് ഇപ്പൊ വരാം…” എല്ലാരോടും യാത്ര പറഞ്ഞ് ഞാൻ ബൈക്കുമായി തനുവിന്റെ അടുത്തേക്ക് പോയി.
“… വാ പോവാം…” നിറ ചിരിയോടെ ബൈക്ക് അവൾക്ക് മുന്നിൽ നിർത്തി.
“… എന്റെ കൊച്ച് ആകെ ക്ഷീണിച്ചെന്ന് തോന്നുന്നല്ലോ…” ബൈക്ക് മുന്നോട്ട് ഓടിക്കവേ ഞാൻ ചോദിച്ചു.
“…ഈ സാരിയും ഉടുത്ത് എല്ലാ പരിപാടിയിലും പങ്കെടുത്ത് ആകെ ക്ഷീണിച്ചു. പോരാത്തതിന് എന്താ ചൂടാ…”
“… എന്നാ എന്റെ കൊച്ചിന്റെ ചൂട് മാറാൻ ഇച്ചിരി കാറ്റ് കൊള്ളാൻ പോയാലോ…”
“… അയ്യോ അതൊന്നും വേണ്ട എനിക്ക് വീട്ടിൽ പോയാൽ മതി…”
“… എന്താ ജോമു…”
“… എന്താന്ന്…” എന്റെ തോളിൽ ചാരി ഇരുന്ന പെണ്ണ് പെട്ടെന്ന് ചാടി എഴുനേറ്റു.