“… എനിക്ക് വളച്ചു ചുറ്റി പറയാൻ ഒന്നും അറിയില്ല. എനിക്ക് തന്നെ ഇഷ്ട്ട…” അത് കേട്ടതും ഐസ്ക്രീം നെറുകയിൽ കയറി പെണ്ണ് ഇക്കിളും തുടങ്ങി.
“…തന്റെ കൈയിൽ വെള്ളം ഉണ്ടോ…” അവളുടെ നെറുകയിൽ തട്ടിക്കൊണ്ടു ഞാൻ ചോദിച്ചു അതിന് അവളുടെ ബാഗിലേക്ക് ചൂണ്ടി. ബാഗിൽ നിന്നും വെള്ളം കൊടുത്ത് നെറുകയിൽ മൂന്നാൽ തവണ തട്ടികൊടുത്തപ്പോ അത് ശെരിയായി.
“… താൻ ഓക്കേ അല്ലെ…” അതിന് അവൾ അതെന്ന് പറഞ്ഞു. കുറച്ചു നേരം ഞങ്ങൾ തിരമാല നോക്കി ഇരുന്നു രണ്ടുപേരും ഒന്നും തന്നെ മിണ്ടിയില്ല.
“…ഞാൻ കരുതിയത് ചേട്ടന് എന്റെയടുത്ത് ദേഷ്യം ആയിരിക്കും എന്നാണ്…”
“… ദേഷ്യം ആയിരുന്നു നിന്നെ നേരിൽ കാണുന്ന വരെ…”
“… അപ്പൊ അന്ന് എനിക്ക് ലിഫ്റ്റ് തന്നപ്പോ കണ്ടില്ലേ…” ഉള്ളിലെ സംശയം അവൾ പ്രകടമാക്കി.
“… അന്ന് ഞാൻ നോക്കുമ്പോൾ റോഡിന്റെ നടുക്ക് നിന്ന് ഒരു പെണ്ണ് കസർത്ത് കാണിക്കുന്നു പാവം അല്ലെ എന്ന് തോന്നി നിർത്തിയതാ അല്ലാതെ മുഖം ഒന്നും ശ്രദ്ധിച്ചില്ല…”
“…ഇത്രയും സുന്ദരിയാ എന്നെ ശ്രെദ്ധിച്ചില്ലെന്നോ 😒…” തൻവിക പിറു പിറുത്തു. തേജസ് എന്താന്ന് ചോദിച്ചതും അവൾ ഒന്നുമില്ലെന്ന് തലയാട്ടി.
“…തന്നെ അന്ന് കോളേജിൽ ആക്കിയ ശേഷം കുറച്ചു നാൾ കഴിഞ്ഞ ഞാൻ കോളേജിലേക്ക് തിരിച്ചു വരുന്നത്. വന്നപ്പോഴോ ഞാൻ പോലും അറിയാതെ എനിക്ക് ഒരു കാമുകി. ആദ്യം ഒന്നും വലിയ കാര്യമാക്കി എടുത്തില്ല. പിന്നെ ക്ലാസ്സിലും കോളേജിലും ഉള്ള എല്ലാരും ഓരോ ചോദ്യങ്ങളും കളിയാക്കലുമായി വന്നു. ആ സമയത്ത് ദേഷ്യവും സങ്കടവും ഒരു തരം പ്രാന്ത് പിടിക്കുന്ന പോലെ തോന്നി അപ്പോഴെങ്ങാനും നീ എന്റെ മുമ്പിൽ വന്നിരുന്നെങ്കിൽ കരണം അടിച്ചു പൊട്ടിച്ചേനെ…” തൻവിക അറിയാതെ കവിളിൽ കൈയിൽ വച്ചു.
“…പിന്നെ നിന്നെ എങ്ങനെ എങ്കിലും കണ്ട് സത്യാവസ്ഥ അറിയണം എന്ന് തോന്നി. അതിനാ അന്ന് ക്ലാസ്സിൽ വന്ന് അനേഷിച്ചത് അപ്പൊ നീ ലീവും. പിന്നെ ഫ്രഷേഴ്സ് ഡേക്ക് നിന്റെ പാട്ട് ഉണ്ടെന്ന് മൈക്കിലൂടെ അറിഞ്ഞപ്പോ ആ സ്റ്റേജിൽ എല്ലാരുടെയും മുന്നിൽവച്ച് നിന്നെക്കൊണ്ട് സത്യം പറയിപ്പിക്കാൻ ഓടി വന്നതാ…”
“… എന്നിട്ടോ…” ആകാംഷയോടെ തൻവിക ചോദിച്ചു.
“… തന്നെ ആദ്യം കണ്ടപ്പോഴേ ഉള്ളിൽ ഒരു പിടച്ചിൽ ആയിരുന്നു. എന്തോ വല്ലാത്തൊരു സ്പാർക്ക് ഇത്രയും നാൾ ആരോടും തോന്നാത്ത ഒരു ഇത്. ആ നിമിഷം നിന്നോടുള്ള ദേഷ്യം എല്ലാം അലിഞ്ഞ് ഇല്ലാതായി. അതിനുശേഷം താൻ പോലും അറിയാതെ ഞാൻ തന്റെ പിന്നിൽ തന്നെ ഉണ്ടായിരുന്നു. അപ്പോഴാ ലൈബ്രറിയിൽ വച്ച് നമ്മുടെ ഏറ്റുമുട്ടൽ. എന്ത് കലിപ്പ് ആയിരുന്നടോ അന്ന്…” ചെറിയ ചുഞ്ചിരിയോടെ തൻവികയെ നോക്കി.
“… എനിക്ക് അന്ന് മൂഡ്സിംഗ്സ് ആയിരുന്നു. അതാ അങ്ങനെ പെരുമാറിയെ സോറി…” ചെറിയ ചമ്മലോടെ അവൾ പറഞ്ഞ്.
“… ഏയ്യ് അന്ന് തന്റെ ഓരോ വാക്കും പ്രവർത്തിയും ഞാൻ നല്ലപോലെ ആസ്വദിച്ചു. പിന്നെ തേജസിന്റെ പെണ്ണ് ആണെന്ന് തന്റേടത്തോടെ പറഞ്ഞപ്പോ എന്തോ വല്ലാത്ത സന്തോഷം തോന്നി…” ഞാൻ അത് പറഞ്ഞതും പെണ്ണിന്റെ കവിൾ ഒക്കെ ചുമന്നു. വീണ്ടും നമുക്ക് ഇടയിൽ മൗനം വന്നുകേറി. എന്നാൽ ഉള്ളിൽ ഉള്ളത് എല്ലാം പറഞ്ഞ സന്തോഷത്തിലായിരുന്നു ഞാൻ.
“… ദേ അഞ്ജലിയുടെ കുറെ മിസ്സ്ഡ്കാൾ ഞാൻ ഒന്ന് അവളെ വിളിക്കട്ടെ…” എന്റെ അനുവാദവും വാങ്ങി അവൾ മാറി നിന്ന് അഞ്ജലിയെ വിളിച്ചു.
“… എന്നാൽ നമുക്ക് പോവാം…” അവൾ തിരിച്ചു വന്നതും ഇരുന്നിടത്ത് നിന്നും എഴുനേറ്റ് ഞാൻ പറഞ്ഞു അതിന് അവൾ സമ്മതം മൂളി.
“… സമയം ഉച്ചയായി തനിക്ക് വിശക്കുന്നില്ലേ. കഴിക്കാൻ വല്ലതും കൊണ്ട് വന്നിട്ടുണ്ടോ…” അതിന് ഇല്ലന്ന് തലയാട്ടി.
“… എന്നാ വാ ഇവിടെ അടുത്ത് നല്ല ബിരിയാണി സ്പോട് ഉണ്ട് കഴിച്ചിട്ട് പോവാം…”
എനിക്ക് ഒപ്പം അവളും ആ കടയിലേക്ക് വന്നു. അവൾക്ക് വയർ നിറയെ ബിരിയാണി വാങ്ങി നൽകി ഞാനും കഴിച്ച് ബൈക്കിൽ കോളേജിലേക്ക് തിരിച്ചു. ഇങ്ങോട്ട് വന്നപ്പോൾ ഉണ്ടായിരുന്ന പേടിയൊക്കെ അവളുടെ മുഖത്ത് കാണാൻ ഇല്ല. ആൾ കുറച്ചുകൂടി ഫ്രീ ആയപോലെ ഉണ്ട്. ഇടക്ക് ഇടക്ക് ഓരോ കാര്യങ്ങൾ ബൈക്കിന് പിന്നിൽ എന്നോട് സംസാരിക്കുന്നുണ്ട്. പിന്നെ ചില മൂളിപ്പാട്ടും കേൾക്കാം. അതെല്ലാം ആസ്വദിച്ചു കോളേജിലേക്ക് ഞാൻ ബൈക്ക് പറപ്പിച്ചു. ഉച്ചക്ക് ഉള്ള ലഞ്ച് ബ്രേക്ക് കഴിയാറായപ്പോഴാണ് ഞങ്ങൾ കോളേജിൽ എത്തിയത്. ബൈക്ക് നിർത്തിയതും ബൈ പറഞ്ഞ് പുള്ളിക്കാരി ക്ലാസ്സിലേക്ക് ഒറ്റ നടത്തം.