“… ആഹ് കഴിഞ്ഞത് കഴിഞ്ഞു. തന്നെ കാരണം എനിക്ക് ഈ കോളേജിൽ വേറെ പെണ്ണിനെ നോക്കാൻ പറ്റാത്ത അവസ്ഥ ആയല്ലോ…” താടിക്ക് കൈയ്യും കൊടുത്ത് ഞാൻ അവളെ നോക്കി അപ്പോഴും തൻവിക കുനിഞ്ഞ് ഇരുന്നത് അല്ലാതെ ഒന്നും മിണ്ടിയില്ല.
“… ഹെലോ…താൻ ഇവിടെ തന്നെയല്ലേ…” വിരൽ ഞൊടിച്ചോണ്ട് ഞാൻ ചോദിച്ചു. പെട്ടെന്ന് അവൾ ഒന്ന് ഞെട്ടി.
“…ഇനിയിപ്പോ പറഞ്ഞത് തിരുത്താൻ ഒന്നും നിൽക്കണ്ട…” അതിന് അവൾ കുനിഞ്ഞിരുന്ന് മൂളുക മാത്രം ചെയ്ത്.
“… ആരെങ്കിലും ചോദിച്ചാൽ താൻ ധൈര്യമായി പറഞ്ഞോ തേജസിന്റെ പെണ്ണ് ആണെന്ന്…”കേട്ടത് വിശ്വസിക്കാനാകാതെ അവൾ ഞെട്ടി എന്നെ നോക്കിയിരുന്നു. ചെറിയ പുഞ്ചിരിയോടെ കണ്ണടച്ച് കാണിച്ചു ഞാൻ കാന്റീന് പുറത്തേക്ക് നീങ്ങി.
ഞാൻ പോയതും അഞ്ജലി തിരിച്ചു തൻവികയുടെ അടുത്തേക്ക് പോകുന്നത് കണ്ടു.
“… ടി തേജസ് ഏട്ടൻ എന്താ പറഞ്ഞെ…” ഞെട്ടി തരിച്ചിരിക്കുന്ന തൻവികയോട് അഞ്ജലി ചോദിച്ചു.
“… തേജസ് ഏട്ടൻ നിന്നെ വഴക്ക് പറഞ്ഞോ. ഇങ്ങനെ ഇരിക്കാതെ എന്തെങ്കിലും വാ തുറന്നു പറയ്…” സഹികെട്ടു അഞ്ജലി അവളെ കുലുക്കി വിളിച്ചു. തൻവിക യാത്രകമായി തല അഞ്ജലിക്ക് നേരെ തിരിച്ചു.
“… തേജസ് ഏട്ടൻ പറഞ്ഞു പറഞ്ഞത് ഒന്നും മാറ്റി പറയണ്ട ആര് ചോദിച്ചാലും തേജസിന്റെ പെണ്ണ് ആണെന്ന് പറഞ്ഞേക്കാൻ…”
“… 😲ങേ അങ്ങനെ പറഞ്ഞോ…” കേട്ടത് വിശ്വസിക്കാനാകാതെ അമ്പരപ്പോടെ തേജസ് പോയ വഴിയേ അഞ്ജലിയും നോക്കി ഇരുന്നു.
“… ദേ പിള്ളേരെ ബെൽ അടിച്ചു നിങ്ങൾക്ക് ക്ലാസ്സിൽ ഒന്നും പോണ്ടേ…” ക്യാന്റീനിലെ ചേട്ടൻ വന്ന് വിളിച്ചപ്പോഴാ രണ്ടിനും ബോധം വന്നത്.
“… ആഹ് പോവാ ചേട്ടാ…” അഞ്ജലി തൻവികയേയും കൂട്ടി ക്ലാസ്സിലേക്ക് പോയി.
“…എന്നാലും തേജസ് ഏട്ടൻ എന്തായിരിക്കും അങ്ങനെ പറഞ്ഞെ…” കോളേജ് കഴിഞ്ഞ് ബസ് സ്റ്റോപ്പിലേക്ക് നടക്കവേ തൻവിക അഞ്ജലിയോട് ചോദിച്ചു.
“… എനിക്ക് തോന്നുന്നത് തേജസ് ഏട്ടന് നിന്നെ ഇഷ്ട്ടായെന്ന…”
“… ഇഷ്ട്ടോ എന്ത് ഇഷ്ട്ടം…” മനസ്സിലാവാതെ അഞ്ജലിയെ നോക്കി.
“… ഇഷ്ട്ടം എന്ന് പറഞ്ഞാൽ ലവ്, കാതൽ, പ്രേമം അങ്ങനെ പല പേരും പറയും…”
“… ഒന്ന് പോടീ പ്രേമം പോലും. എനിക്ക് തോന്നുന്നത് ഞാൻ പറഞ്ഞത് മുഴുവൻ കേട്ട് എന്നോട് പാവം തോന്നി പറഞ്ഞത് ആവും എന്നാ…”
“… ഏയ്യ് അങ്ങനെ വരാൻ വഴിയില്ല…”
“… നീ വെറുതെ മനുഷ്യനെ പേടിപ്പിക്കാതിരുന്നേ…” തൻവിക ചെറിയൊരു ഭയത്തോടെ പറഞ്ഞു.
“…നിന്റെ വിശ്വാസം നിന്നെ കാക്കട്ടെ. സപ്പോസ് പുള്ളിക്ക് നിന്നെ ഇഷ്ട്ടം ആണെങ്കിൽ എന്താ നിന്റെ നിലപാട്…”
“… അങ്ങനെ ചോദിച്ച. പുള്ളിയെ കാണാൻ കുഴപ്പം ഇല്ല കോളേജിലെ ഹീറോ സംസാരിച്ചത് വെച്ച് നോക്കുമ്പോൾ നല്ല സ്വഭാവം ആണെന്ന് തോന്നുന്നു so…” തൻവിക ഓരോന്നായി ആലോചിച്ചു പറയാൻ തുടങ്ങി.
“… So നിനക്കും പുള്ളിയെ ഇഷ്ട്ടം ആണെന്ന് അല്ലെ…”
“… ഒന്ന് പോടീ വെറുതെ മനുഷ്യനെ വട്ടക്കാതെ…” അഞ്ജലിക്ക് പിടികൊടുക്കാതെ അവൾ ഒഴിഞ്ഞു മാറി.
“… അവളുടെ അടുത്ത് എന്ത് ഒലിപ്പിക്കൽ ആയിരുന്നടാ മൈരെ നീ …” അജു കാര്യമായിട്ട് തന്നെ തേജസിനെ കളിയാക്കി.
“…പോടാ.ഓവർ ആയോ…”
“…പിന്നല്ലാണ്ട്. അതുപോട്ടെ നിനക്ക് അവളെ ഇഷ്ട്ടാണെന്ന് പറഞ്ഞോ…”
“…ചെറിയ ക്ലൂ കൊടുത്തിട്ടുണ്ട്…”
“… ആ ബെസ്റ്റ്. നീ എന്താടാ അശ്വമേധം കളിക്കണോ. പെൺപിള്ളേരോട് വാ തുറന്ന് കാര്യങ്ങൾ സംസാരിച്ചില്ലേൽ അവസാനം അവളുമാർ പറയും ഞാൻ നിന്നെ അങ്ങനെ കണ്ടിട്ടില്ല ഫ്രണ്ട് ആയിട്ട കണ്ടേ എന്ന്…”
“… ങേ അങ്ങനെ ഒക്കെ പറയോ…”
“… ആ അങ്ങനെ ഒക്കെ പറയും. അവളെ നിനക്ക് വേണം എന്നുണ്ടെങ്കിൽ എത്രയും പെട്ടെന്ന് പോയി പറഞ്ഞോ…”
“…നാളെ ആവട്ടെ നമുക്ക് സെറ്റ് ആക്കാം…”
“… ആക്കിയാൽ മതി…”
“… Helo…എന്താടി നിനക്ക് ഉറക്കം ഒന്നും ഇല്ലേ…” രാത്രി ഉറക്കപ്പായയിൽ നിന്നും എഴീക്കാതെ അഞ്ജലിക്ക് വന്ന കാൾ അവൾ അറ്റന്റ് ചെയ്തു.