“…ടാ നീ കഴിച്ചായിരുന്നോ…” റെഡി ആയി ഞാൻ ഉമ്മറത്ത് ഇരുന്ന അവന്റെ അടുത്തേക്ക് ചെന്നു.
“…കഴിച്ചെട. അവിടത്തെ ഹോസ്റ്റൽ ഫുഡ് കഴിച്ചു മടുത്ത നാട്ടിലേക്ക് വരുന്നേ അപ്പൊ പിന്നെ വീട്ടിൽ നിന്നും കഴിക്കാതിരിക്കാൻ പറ്റോ…”
“… കഴിച്ചില്ലെങ്കിൽ നിന്റെ അമ്മ നിന്നെ കൊല്ലുമെന്ന് എനിക്ക് അറിയില്ലേ…” ഞാൻ കാപ്പിയും കുടിച്ചു അവന്റെ ഒപ്പം പുറത്തേക്ക് ഇറങ്ങി.
“… ഇത് നിന്റെ അച്ഛന്റെ കാർ അല്ലെ. നിനക്ക് ഇത് തന്നോ…”
“… ഓ അച്ഛൻ പുതിയൊരു കാർ എടുത്തപ്പോ ഇത് എനിക്ക് തന്നു…”
“… ഭാഗ്യവാൻ…”
“… എന്ത് ഭാഗ്യവാൻ. ഇങ്ങനെ ഇടക്ക് വരുമ്പോൾ അല്ലെ ഇത് അനക്കാൻ പറ്റു. സ്ഥിരം നാട്ടിൽ ഉണ്ടെങ്കിൽ പറയായിരുന്നു ഭാഗ്യവാൻ എന്ന്…”
“…അതിന് നിന്റെ അച്ഛൻ തന്നെയല്ലേ മോനെ ബാംഗ്ലൂരിലെ വലിയ കോളേജിൽ കൊണ്ട്പോയി ചേർത്തത്…”
“… അച്ഛന്റെ ഓരോ പ്രാന്ത് അല്ലാതെ എന്ത് പറയാൻ. നീ ഇവനെ ഒന്ന് പിടപ്പിച്ചിട്ട് പറയ് എങ്ങനെ ഉണ്ടെന്ന്…” ദേവ കാറിന്റെ കീ എനിക്ക് നേരെ എറിഞ്ഞു.
“…സാധനം കൊള്ളാം ഒരു രക്ഷയും ഇല്ല…” നല്ലപോലെ കാൽ കൊടുത്ത് ഞാൻ പറഞ്ഞു.
“… പറയടാ മോനെ ബാംഗ്ലൂർ ഒക്കെ എങ്ങനെ ഉണ്ട്…”
“… ഇപ്പൊ സീൻ ഇല്ല എനിക്ക് ഇഷ്ട്ടപെട്ട് വരുന്നു…”
“… ഞാൻ പറഞ്ഞില്ലേ കുറച്ചു കഴിയുമ്പോൾ എല്ലാം ശെരി ആവും എന്ന്. ഐറ്റം അടി ഒന്നും തുടങ്ങീല്ലല്ലോ അല്ലെ…”
“… ഇല്ലടാ. കൂടെ ഉള്ളവർ നിർബന്ധിക്കും എന്തോ എനിക്ക് അതിനോട് താല്പര്യം ഇല്ല…”
“… താല്പര്യം വരരുത് കേട്ടല്ലോ. തുടങ്ങി എന്നെങ്ങാനും അറിഞ്ഞാൽ ഇവിടുന്ന് ട്രെയിനും പിടിച്ചു ഞാൻ ഒരു വരവ് വരും…”
“… അത് എനിക്ക് അറിഞ്ഞൂടെ. എന്തൊക്കെയാ നിന്റെ വിശേഷങ്ങൾ…” ഞാൻ കോളേജിലെ കാര്യങ്ങളും തൻവികയെകുറിച്ച് എല്ലാം അവനോട് പറഞ്ഞു.
“… അത് കൊള്ളാലോ. കേട്ടിട്ട് പെണ്ണ് അടിപൊളി ആണെന്ന് തോന്നുന്നല്ലോ…”
“…ആട എനിക്കും അങ്ങനെയാ തോന്നുന്നേ…”
“…എന്താടാ അത് പറയുമ്പോൾ ഒരു നാണം പോലെ…”
“… നാണമൊ എനിക്കോ. ഒന്ന് പോടാ…”
“… നിന്നെ കുറിച്ച് എനിക്ക് അറിഞ്ഞൂടെ. നിന്റെ മനസ്സ് മയക്കിയിട്ടുണ്ടെങ്കിൽ ആൾ ചില്ലറക്കാരി അല്ല. കേറി മുട്ട് അളിയാ…”
“… അപ്പൊ മുട്ടാം അല്ലെ…”
“… പിന്നല്ല…” അത് കേട്ടതും ഗിയർ ഡൌൺ ചെയ്ത് ചവിട്ടിവിട്ടു. അന്ന് ഉച്ചവരെ ഞങ്ങൾ കാറുമായി കറങ്ങി നടന്നു.
“… എന്താടാ പറ്റിയെ ഇവിടെ സ്ക്രച് ഉണ്ടല്ലോ…” വണ്ടിയുടെ ഡിക്കിയിൽ ആയി ചെറിയ സ്കോറിംഗ് കണ്ട് ഞാൻ തിരക്കി.
“… എടാ രാവിലെ വീട്ടിൽ നിന്നും വണ്ടി എടുത്തപ്പോ പറ്റിയതാ…”
“… നിന്റെ അച്ഛൻ അറിഞ്ഞോ…”
“… ഇല്ലടാ. ചെന്നിട്ട് വേണം പറയാൻ…”
“…ആ ബെസ്റ്റ് നിന്റെ അച്ഛൻ അറിഞ്ഞാൽ നന്നായിരിക്കും. നീ വാ നമുക്ക് മാമന്റെ അടുത്തേക്ക് പോവാം…” വണ്ടിയുമായി ഞാൻ എന്റെ മാമന്റെ പെയിന്റിംഗ് വർക്ഷോപ്പിലേക്ക് പോയി.
“… ആഹ് നീ വന്നോ. നിന്നെ ഞാൻ വിളിക്കാൻ ഇരിക്കയിരുന്നു…” എന്നെ കണ്ടപാടെ മാമൻ എന്റെ അടുത്തേക്ക് വന്നു.
“… എന്താ മാമ കാര്യം…”
“… എടാ ഒരു ഒരു ആൾട്ടോ ഫുൾ വർക്ക് ആയിട്ടു വന്നിട്ടുണ്ട്. നീ കൂടെ ഉണ്ടെങ്കിൽ ഒന്ന് ഉഷാർ ആയേനെ…”
വർക്ക്ഷോപ്പിൽ മാമനും വേറൊരു പണിക്കാരനുമാണ് ഉള്ളത്. ഫുൾ വർക്ക് വരുന്ന സമയത്ത് മാമൻ ഇതുപോലെ എന്നെ വിളിക്കും. കോളേജ് കട്ട് ആക്കി പണി തീരും വരെ ഇവിടെ കൂടും. വീട്ടിലേക്കുള്ളതും അല്ലറ ചില്ലറ വട്ട ചിലവിനുള്ളതും മാമൻ തരും. ഇപ്പൊ അതുപോലൊരു പണി വന്നിട്ടുണ്ട് അതാ കാര്യം.
“… ഇനി കോളേജ് കട്ട് ചെയ്താൽ പ്രശനം ആവും. മാമൻ ഒരു കാര്യം ചെയ്യ് വെള്ളിയാഴ്ച വണ്ടി പിടിക്ക് ശനിയും ഞായറുകൊണ്ട് നമുക്ക് സെറ്റ് ആക്കാം…”
“… എന്നാ അങ്ങനെ ചെയ്യാം. അല്ല ഇത് ദേവൻ മോൻ അല്ലെ…”