തേജാത്മികം 5

Thejathmikam Part 5 | Author : Nishinoya

[ Previous Part ] [ www.kambi.pw ]

---

കരഞ്ഞു കലങ്ങിയ കണ്ണുകളുമായാണ് ഞാൻ വീട്ടിലേക്ക് എത്തിയത്. നേരെ പോയി ടേബിളിൽ വച്ചിരുന്ന ഒരു ജെഗ് വെള്ളം മടമടാന്ന് കുടിച്ച് എന്റെ മുറിയിൽ കയറി വാതിൽ അടച്ചു. വെരുകിനെ പോലെ ഒരു സ്വസ്ഥത ഇല്ലാതെ റൂമിൽ തലങ്ങും വിലങ്ങും നടന്നു. അങ്ങനെ നടക്കുന്ന കൂട്ടത്തിൽ ബെഡിനോട് ചേർന്നുള്ള ടേബിളിൽ ഞാനും താനുവും നിൽക്കുന്ന ഫോട്ടോ കണ്ടത്. അത് എടുത്ത് കുറച്ചു നേരം നോക്കിയതും എനിക്ക് ദേഷ്യം കൂടി വന്നു. അപ്പൊ തന്നെ ആ ഫോട്ടോ നിലത്ത് എറിഞ്ഞു പൊട്ടിച്ച് ഒരു ഭ്രാന്തനെപ്പോലെ ഞാൻ അലറി.

 

 

 

“… മോനെ തേജസേ എന്താടാ ഒരു സൗണ്ട്…” എന്റെ അലർച്ച കേട്ട അമ്മ വന്ന് വാതിലിൽ മുട്ടി.

 

 

 

“… ഒന്നും ഇല്ല 😡…” ഞാൻ വിളിച്ചു പറഞ്ഞു.

 

 

 

“… ഇല്ല എന്തോ പ്രശ്നം ഉണ്ട്. നീ വാതിൽ തുറക്ക്…” അമ്മ നിർത്താതെ വാതിലിൽ അടിച്ചോണ്ട് ഇരുന്നു.

 

 

 

“… നിങ്ങളോട് അല്ലെ പറഞ്ഞത് ഒന്നും ഇല്ലെന്ന് 😡…” ഞാൻ ആദ്യമായിട്ടാ അമ്മയെ നിങ്ങൾ എന്നൊക്കെ വിളിക്കുന്നെ അതിന്റെ ഷോക്കിൽ ആണെന്ന് തോന്നുന്നു പിന്നെ സൗണ്ട് ഒന്നും കേട്ടില്ല.

 

 

വീണ്ടും ഇരിപ്പുറയ്ക്കാതെ എന്തൊക്കെയോ കാണിച്ചു കൂട്ടി. ആരോടെങ്കിലും എനിക്ക് മനസുതുറന്ന് സംസാരിക്കണം എന്ന് തോന്നി. ആദ്യം അജുവിനെ വിളിച്ചു. ഒന്നു രണ്ട് തവണ വിളിച്ചിട്ടും അവൻ ഫോൺ എടുത്തില്ല. എന്റെ ദേഷ്യം ഇരട്ടിച്ചു ദേവനെ വിളിച്ചപ്പോ അവൻ ഇച്ചിരി ബിസി ആണ് കുറച്ച് കഴിഞ്ഞു വിളിക്കാമെന്ന് പറഞ്ഞു. എന്റെ വിഷമം കേൾക്കാൻ ആരും ഇല്ല എന്നാ തോന്നലിൽ ഫോൺ എറിഞ്ഞു പൊട്ടിച്ചു. നേരെ ബെഡിൽ കേറി കിടന്നു തിരിഞ്ഞും മറിഞ്ഞും കിടന്നിട്ട് ഉറങ്ങാൻ പറ്റുന്നില്ല.ഒരു മനസമാധാനവും ഇല്ല. കണ്ണ് അടച്ചാൽ തനുവിന്റെ മുഖം മാത്രം. ഒരു പീറ പെണ്ണ് എന്നെ പറ്റിച്ചു എന്ന് ഓർക്കുമ്പോൾ കോപം ഇരട്ടിച്ചു. ഒട്ടും പറ്റാതായപ്പോ രാത്രി 7.00 മണിക്ക് കൈയിൽ കിട്ടിയ പൈസയും എടുത്ത് ഞാൻ റൂം തുറന്നിറങ്ങി.

 

 

 

“… ടാ നീ ഈ രാത്രി സമയത്ത് എവിടെ പോണു…” ഉമ്മറത്ത് ഇരുന്ന അമ്മ എന്നോട് തിരക്കി.

 

 

ഒന്നും മിണ്ടാതെ ബൈക്കും എടുത്ത് ഞാൻ ഇറങ്ങി. എവിടെ പോവും എന്ത് ചെയ്യും എന്ന് ഒരു പിടിയും ഇല്ല. വീട്ടിൽ ഇരുന്നാൽ അവളുടെ ഓർമ മാത്രം അവസാനം വണ്ടി ചെന്ന് നിന്നത് ബാറിന്റെ മുന്നിൽ ആണ്. അവിടെ കേറി നല്ല കനത്തിൽ കിട്ടുന്ന എല്ലാം വാങ്ങി കുടിച്ചു. ചങ്ക് കത്തി സാധനം ഇറങ്ങി എങ്കിലും എന്റെ ഉള്ളിലെ നീറ്റലിന്റെ ഏഴ് അയിലത്ത് പോലും ഇത് എത്തിയില്ല. അവസാനം ചെറിയൊരു ബോധത്തോടെ വീട്ടിൽ എത്തി അപ്പോഴേക്കും ലൈറ്റ് എല്ലാം അണച്ച് അമ്മ കിടന്നിരുന്നു. വാതിൽ അടയ്ക്കാത്തത് കൊണ്ട് തപ്പി തടഞ്ഞു റൂമിൽ എത്തി. പിറ്റേന്ന് അടുക്കളയിൽ നിന്നുള്ള പാത്രങ്ങളുടെ സൗണ്ട് കേട്ടാണ് ഉറക്കം എഴുന്നേറ്റത്. തല വെട്ടി പൊളിക്കുന്ന പോലെ തോന്നി. അടുക്കളയിൽ അമ്മക്ക് മുഖം കൊടുക്കാതെ പല്ല് തേച്ചിട്ട്‌ കഴിക്കാൻ ഇരുന്നു.

 

 

 

“… ഇന്ന എടുത്ത് വെച്ച് കേറ്റ് 😡…” ദേഷ്യത്തോടെ പാത്രത്തിൽ പുട്ട് എനിക്ക് മുന്നിൽ കൊണ്ട് വെച്ച്. ഞാൻ ഒന്നും മിണ്ടാതെ കഴിക്കാൻ തുടങ്ങി.

 

 

 

“… നീ ഇന്നലെ രാത്രി എപ്പോഴാടാ വന്നേ…” അമ്മ ദേഷ്യത്തിൽ തന്നായിരുന്നു.

 

 

 

“… ഞാൻ വന്നപ്പോ അമ്മ ഉറങ്ങി…” കഴിക്കുന്നതിൽ ശ്രദ്ധ കൊടുത്ത് ഞാൻ പറഞ്ഞു.

 

 

 

“… തേജസേ നീ ഇന്നലെ കുടിച്ചിട്ട് ആണോ വന്നേ…” കഴിച്ചോണ്ട് ഇരുന്ന ഞാൻ ഒരു നിമിഷം സ്റ്റക്ക് ആയി. ആ ചോദ്യത്തിന് ഉത്തരം കൊടുക്കാതെ ഞാൻ കഴിപ്പ് തുടർന്നു.

 

 

 

“…എന്താടാ ചോദിച്ചതിന് നീ ഉത്തരം പറയാത്തെ…” ഞാൻ വീണ്ടും അമ്മയുടെ ചോദ്യം കേട്ടില്ല എന്ന മട്ടിൽ കഴിപ്പ് തുടർന്നു.