“…മോനെ നിനക്ക് ഒരു കല്യാണ ആലോചന വന്നിട്ടുണ്ട്…” ബാൽക്കണിയിൽ ഇരുന്ന ദേവനോട് അച്ഛൻ പറഞ്ഞു.
“…കടബാധിത കാരണം ഓരോ നാളും എങ്ങനെ തള്ളിനീക്കും എന്ന് ആലോചിക്കുന്നതിന്റെ ഇടയ്ക്ക ഇനി കല്യാണം…”
“… ടാ ഇത് അങ്ങനെ അല്ല…”
“… എങ്ങനെ ആയാലും ഈ പ്രശ്നങ്ങൾക്ക് ഇടയിലേക്ക് ഒരാളെ കൂടി കൊണ്ട് വരാൻ ഞാൻ ഒരുക്കം അല്ല😡. അമ്മ മരിച്ചപ്പോ എനിക്ക് വലിയ സങ്കടം ആയിരുന്നു. ഇപ്പൊ ആലോചിക്കുമ്പോൾ അമ്മയെ ദൈവം നേരത്തെ വിളിച്ചത് നന്നായി എന്ന് തോന്നുന്നു ഇങ്ങനെ ഇവിടെ കിടന്ന് ചക്രശ്വാസം വലിക്കുന്നതിനും ബേധം മരിക്കുന്നത…”
“… അങ്ങനെ ഒന്നും പറയല്ലടാ. നിന്റെ അമ്മ പോയപ്പോ എന്റെ ഒരു ഭാഗം തളർന്ന പോലെയാ. ഈ കല്യാണം കൊണ്ട് നമുക്ക് ഗുണമേ ഉണ്ടാവു. നല്ലൊരു കുടുംബത്തിൽ നിന്ന നിനക്ക് ആലോചന വന്നേക്കുന്നെ. ഈ വിവാഹം നടന്ന നമ്മുടെ പ്രശനങ്ങൾ എല്ലാം തീരും…” ദേവന്റെ അച്ഛൻ പ്രതീക്ഷയോടെ അവനെ നോക്കി.
“…പണ്ട് ഇതുപോലെ നേട്ടങ്ങൾ നോക്കി ഒരു വിവാഹം നടത്തിയിട്ട് എന്തായി. ഈ വീടിന്റെ പടി ഇറങ്ങിയവൾ ഇങ്ങോട്ട് തിരിഞ്ഞു നോക്കിയിട്ടുണ്ടോ. അമ്മയുടെ മരണത്തിനു പോലും ഒന്ന് തലകാണിച്ചിട്ടവൾ അങ്ങ് പോയി….” ദേവന്റെ അച്ഛന്റെ തല താഴ്ന്നു.
“…സാമ്പത്തികമായി നമ്മൾ ഇത്രയും വലഞ്ഞിരിക്കുന്ന സമയത്ത് ഒരു അഞ്ചിന്റ പൈസ അവളുടെ വീട്ടുകാർ നമുക്ക് തന്നിട്ടുണ്ടോ. അച്ഛൻ ഈ നേട്ടങ്ങൾ എന്ന് പറഞ്ഞ് നടത്തിയ കല്യാണത്തിൽ ആർക്കാ നേട്ടം ഉണ്ടായെന്നു എനിക്ക് മനസ്സിലാവുന്നില്ല. അതുപോലെ എന്റെ കല്യാണവും നടത്താൻ ഞാൻ ഒരുക്കം അല്ല…” ദേവൻ അറുത്ത് മുറിച്ചു പറഞ്ഞു.
“…എല്ലാം എന്റെ തെറ്റാ. പഴയത് പോലെ ആരെയും ഉപദേശിക്കാനോ നിർബന്ധിക്കാനോ ഞാൻ ഇല്ല. അടുത്ത ആഴ്ചയാ പെണ്ണ് കാണാൻ ചെല്ലാൻ പറഞ്ഞെ. നിനക്ക് ഇഷ്ട്ടമുണ്ടെകിൽ പോവാം…” അതും പറഞ്ഞ് അച്ഛൻ അവന്റെ പക്കൽ നിന്നും നടന്നകന്നു.
പിന്നീട് ദേവന്റെ ചിന്ത മുഴുവൻ ഈ പെണ്ണ് കാണലിനു പോണമോ വേണ്ടയോ എന്നായിരുന്നു. അവസാനം പോകാൻ തീരുമാനിച്ചു.
“… വരണം… വരണം… എത്ര നേരമായി നിങ്ങളെയും കാത്ത് നിൽക്കാണെന്ന് അറിയോ…” പെണ്ണിന്റെ വീട്ടിൽ എത്തിയതും അവിടെ നിന്നിരുന്ന ബ്രോക്കർ ഞങ്ങളെ ക്ഷണിച്ചു.
“… ഇങ്ങോട്ടുള്ള വഴി കണ്ടുപിടിക്കാൻ ഇച്ചിരി ബുദ്ധിമുട്ടി അതാ…” ചെറിയ പുഞ്ചിരിയോടെ അച്ഛൻ പറഞ്ഞു.
“…നിങ്ങൾ രണ്ടുപേർ മാത്രമേ വന്നോളോ. പെണ്ണുങ്ങൾ ആരും ഇല്ലേ …” അകത്തേക്ക് ഇരുന്നതും പ്രായമായ ഒരാൾ അവരോട് തിരക്കി.
“… അമ്മ മരിച്ചു പോയി ഇപ്പൊ വീട്ടിൽ ഞങ്ങൾ രണ്ടുപേരും മാത്രമേ ഉള്ളു. പെങ്ങൾ വരാൻ പറ്റുന്ന സാഹചര്യത്തിൽ അല്ല അതാ കൊണ്ട് വരാഞ്ഞേ…” ദേവൂനെ പറ്റി സംസാരിക്കാൻ ഇഷ്ട്ടമില്ലാഞ്ഞിട്ട് പോലും ദേവൻ പറഞ്ഞു.
“… ഞാൻ പെണ്ണിന്റെ ചെറിയച്ഛൻ ഇത് അവളുടെ അമ്മ. പെണ്ണിന്റെ അച്ഛൻ ഒരു ആക്സിഡന്റിൽ…” ഒരു നിമിഷം അവിടെ നിശബ്ദമായി.
“… സരസ്വതി.. അധികം വൈകിപ്പിക്കാതെ പെണ്ണിനെ വിളിക്ക്…” ചെറിയച്ഛൻ പറഞ്ഞതും പെണ്ണിന്റെ അമ്മ അടുക്കളയിലേക്ക് നീങ്ങി.
കൈയിലെ ഡ്രയിൽ ചായയുമായി പെണ്ണ് ഞങ്ങളുടെ അടുത്തേക്ക് വന്നു. നീല ടോപ് ധരിച്ച് മുടി പിന്നിലേക്ക് വിടർത്തിയിട്ട് മുഖത്ത് ഐശ്വര്യം തുളുമ്പുന്ന നടൻ പെൺകുട്ടി. കണ്ടപ്പോഴേ ദേവൻ ഫ്ലാറ്റ്. ചായ എടുക്കും നേരം ദേവൻ അവളെ നോക്കി ഒന്ന് പുഞ്ചിരിച്ചു.
“…പണ്ടത്തെ കാലം അല്ലല്ലോ പിള്ളേർക്ക് എന്തെങ്കിലും സംസാരിക്കാൻ ഉണ്ടെങ്കിൽ അങ്ങനെ ആവട്ടെ…” ചായ കുടിക്കുന്നതിന്റെ ഇടക്ക് ചെറിയച്ഛൻ പറഞ്ഞു.