അവളില്ലെ പിന്നെ പകലൊക്കെ ഞാനവിടെ ഒറ്റക്കായി പോവും
വീണ്ടുമെന്തോ പറയാനാഞ്ഞ ഏടത്തിയോട് ഒന്നും മിണ്ടണ്ട എന്ന് ഞാൻ കണ്ണു കൊണ്ട് സിഗ്നൽ കൊടുത്തു
അവര് പോവാനിറങ്ങി
ഇവിടുന്നെങ്ങനാ ഈ സമയത്ത് ബസ് വല്ലതുമുണ്ടാവോ
ഇക്കാ ഏട്ടനോട് ചോദിച്ചു
നിങ്ങളെന്തിനാ ബസ് നോക്കണേ നിങ്ങൾക്ക് പോവാനുള്ള കാർ റെഡിയാണ്
ജോർജേ……
ഏട്ടന്റെ കൂട്ടുകാരൻ ഞങ്ങളൊക്കെ അച്ചായൻ എന്ന് വിളിക്കുന്ന ജോർജ് ചേട്ടൻ ഓടി വന്നു
എന്നാടാ….
ടാ നീയിവരെ വീട്ടിലാക്കിയിട്ട് വരണം
വീട്ടിലൊന്നും വിടണ്ട ഞങ്ങളെ ബസ് സ്റ്റാൻഡിൽ വിട്ടാൽ മതി
അതൊക്കെ അവൻ കൊണ്ടു പോയി വിട്ടോളും ഇക്കാ വണ്ടിയെലോട്ട് കേറിയാട്ടെ
ഏട്ടൻ മുൻപിലെ ഡോർ തുറന്നു പിടിച്ചു
ഇക്ക അകത്ത് കയറി ഇരുന്നു
നിങ്ങള് വരുന്നില്ലേ
യാത്ര പറഞ്ഞിട്ടും പിരിയാനാകാതെ ഇത്തയും മക്കളും ഏടത്തിമാരോട് സംസാരിച്ചു കൊണ്ടിരുന്നു
കുറച്ചു സമയം കൊണ്ടുതന്നെ വളരെ വലിയൊരു ആത്മബന്ധം അവർക്കിടയിലുണ്ടായി
ഉമ്മി ഞാനിപ്പോ വരണോ
സമീറ ഇത്തയോട് കൊഞ്ചി
വല്യേടത്തി അവളെ ചേർത്തു പിടിച്ചു കൊണ്ട് ഇത്തയോടു ചോദിച്ചു
ഈ മുത്തിനെ ഞങ്ങൾക്കു തന്നൂടെ
ഇക്കയുടെ കത്തുന്ന നോട്ടം ഇത്തയിൽ പതിച്ചു
ഒരു നിമിഷം എല്ലാവരും നിശബ്ദമായി
ഏടത്തിയെ വിടാൻ മടിച്ചു നിന്ന സമീറയുടെ കയ്യിൽ പിടിച്ചു വലിച്ചു കൊണ്ട് ഇത്ത
കാറിലേക്കു കയറി
കണ്ണിൽ നിന്നു മറയുവോളം സമീറ കൈ വീശികൊണ്ടേയിരുന്നു
നീയെന്തു പൊട്ടത്തരമാടി അവരോടു ചോദിച്ചേ
എന്ത്
ഇങ്ങനെ വഴിയിൽ വെച്ചാണോ ഇത്തരം കാര്യങ്ങളൊക്കെ ചോദിക്കണേ അതിനൊരു മര്യാദയും രീതിയുമൊക്കെയില്ലേ
അവരുടെ അച്ഛനത് തീരെ ഇഷ്ട്ടപെട്ടില്ല ആ നോട്ടം കണ്ടില്ലേ
കാർ പാടവരമ്പത്തുള്ള റോഡിലൂടെ പൊടി പറത്തി പാഞ്ഞു പോയി കൊണ്ടിരുന്നു
ഉമ്മി അത് കണ്ടോ അതൊക്കെ അവരുടേയാ സമീറ ഇത്തയോട് ഓരോ സ്ഥലങ്ങളും ചൂണ്ടി കാട്ടി പറഞ്ഞു കൊണ്ടിരുന്നു
നിങ്ങളും അറക്കൽകാരുമായി എങ്ങനാ ബന്ധം
അച്ചായൻ മുൻപിലിരുന്ന ഇക്കയോട് ചോദിച്ചു
ഇക്ക ഉറങ്ങുന്ന ഭാവത്തിൽ കണ്ണടച്ചിരുന്നാ ചോദ്യം അവഗണിച്ചു
അച്ചായൻ ഒന്ന് കൂടി ചോദിച്ചു
അപ്പോഴും ഇക്ക മിണ്ടാതിരുന്ന കൊണ്ട് ഇത്ത മറുപടി പറഞ്ഞു
അവിടുത്തെ ഉണ്ണി ഞങ്ങളുടെ വീട്ടിലാ വാടകക്ക് താമസിക്കുന്നെ
അതെയോ
ഉണ്ണി എന്റെ മോളുടെ കൂടെ പഠിച്ചതാ അവളുടെ കല്യാണം കഴിഞ്ഞു ഇപ്പൊ ഒരു കൊച്ചുമായി
അവന്റെ വല്യേട്ടൻ ശശിയും ഞാനും ഒരുമിച്ചു പഠിച്ചതാ എന്റെ മോളുടെ കൊച്ചിനെക്കാൾ ഇളയതാ ഇപ്പൊ ശശീടെ കൊച്ച്
എന്തോ തമാശ പറഞ്ഞത് പോലെ അച്ചായൻ തനിയേ ചിരിച്ചു കൊണ്ടു തുടർന്നു
അവൻ നാലാം ക്ലാസ്സിൽ മൂന്നാം വട്ടവും തോറ്റപ്പോ അവൻ പഠിപ്പ് നിർത്തി മണ്ണിലേക്കിറങ്ങി അത് കൊണ്ടെന്താ ഇന്നീ നാട്ടിൽ കാണുന്നതെന്തും അവരുടേതായി
അവരു അത്ര വല്യ പണക്കാരാണോ ചേട്ടാ
ഇത്താ ഇക്കാ കേൾക്കാൻ വേണ്ടി ചോദിച്ചു
അപ്പോഴേക്കും കാർ ടൗണിലൂടെ കടന്നു പോവുകയായിരുന്നു
അവരുടെ അച്ഛൻ പിള്ളേച്ഛനായിട്ടാ കുറെയൊക്കെ ഉണ്ടാക്കിയേ അയാൾക്ക് സ്ഥലം വാങ്ങുക എന്നതൊരു വീക്നെസ് ആരുന്നു
കണ്ണിൽ കണ്ട ഭൂമിയെല്ലാം
വാങ്ങി കൂട്ടി എന്നിട്ട് മക്കളെ കാളകളേ പോലെ പണിയെടുപ്പിച്ചു
ഇപ്പോ കണ്ടവരിൽ ഉണ്ണിയൊഴികെ ഒരെണ്ണം പോലും ഏഴാം ക്ലാസ് പാസ്സാവത്തവരാ എന്നാലും പിള്ളേച്ചന്റെ മണ്ണിനോടുള്ള ആർത്തി മക്കൾക്കും കിട്ടി അവരും വാങ്ങി കൂട്ടി കുറെ അങ്ങനെ ഈ നാടിൻറെ മുക്കാൽഭാഗവും അവരുടെ പേരിലാക്കി
പള്ളികൂടത്തിൽ പോവാത്തവരെങ്ങനാ ഈ കച്ചവടമൊക്കെ ചെയ്യണേ
ഇത്താ വീണ്ടും ചോദിച്ചു
അതൊക്കെ ആ കെട്ടിക്കേറി വന്ന പെണ്ണുങ്ങടെ മിടുക്കാ അവരാ ശരിക്കും ആ തറവാടിന്റെ ഐശ്വര്യം
ഈ കെട്ടിടങ്ങളും കച്ചവടവുമൊക്കെ തുടങ്ങിയിട്ട് ഒരു വർഷമാകുന്നേയുള്ളു അവരെ വെല്ലാൻ ഈ അടുത്ത നാട്ടിലൊന്നും ആരുമില്ല എന്ന സ്ഥിതിയാ ഇപ്പൊ ഒരു വീട്ടില് വേണ്ടുന്ന എല്ലാ വകകളും അവരു കച്ചോടം ചെയ്യുന്നുണ്ട്
കെട്ടിയോന്മാർ മണ്ണിനോട് മല്ലിട്ട് പൈസ ഉണ്ടാക്കുന്നു വീട്ടിലെ പെണ്ണുങ്ങൾ അത് കൃത്യമായി ഉപയോഗിച്ച് ഇരട്ടിയാക്കിയെടുക്കുന്നു അതാണാ പെണ്ണുങ്ങളുടെ മിടുക്ക്