ഇക്കാ സമീറയെ എല്ലാവർക്കും വലിയ കാര്യമാ അവളെ രണ്ട് ദിവസം മുൻപേ കൊണ്ടു ചെല്ലാൻ പറഞ്ഞിട്ടുണ്ട് ഏട്ടത്തിമാര്
അതൊന്നും വേണ്ട ഞങ്ങൾ ഒരുമിച്ചു വന്നോളാം
ഇക്കാ സെറ്റിയിൽ നിന്നും എഴുനേറ്റു
സമീറേ നിന്റെ പണി കഴിഞ്ഞില്ലേ
കഴിഞ്ഞു വാപ്പച്ചി
എന്നാ വാ പോവാം
യാത്ര പോലും പറയാതെ ഇക്കാ ഇറങ്ങി പോയി പുറകെ സമീറയും അവൾ വാതിൽക്കൽ ചെന്നൊന്നു തിരിഞ്ഞു നോക്കി ആ കണ്ണുകൾ നിറഞ്ഞിരുന്നു
ഇതിപ്പോ എന്ത് പറ്റി ഞാൻ തെറ്റായിട്ടൊന്നും പറഞ്ഞില്ല ല്ലോ ഒരു
മാതിരി ദേഷ്യപ്പെട്ടെന്ന പോലെ പോവാൻ
ആഹ് എന്തേലുമാവട്ടെ ഞാൻ അത്താഴം കഴിച്ചു കിടന്നു
എന്നും രാവിലെ സമീറ വന്നു കോളിങ്ങ് ബെല്ലടിക്കുന്ന കേട്ടാണ് ഉണരാറുള്ളത്
പക്ഷെ ഇന്നതുണ്ടായില്ല
എഴുന്നേറ്റപ്പോൾ എട്ടര മണി
ചിലപ്പോൾ ഇബ്രായിക്ക അവിടെ ഉള്ളത് കൊണ്ടാവും ഇനീപ്പോ ഒന്നും വെച്ചുണ്ടാക്കൽ നടക്കില്ല ഹോട്ടൽ ഫുഡ് തന്നെ ശരണം
വേഗം റെഡിയായി വാതിൽ പൂട്ടി ഇറങ്ങി താക്കോൽ അവിടെ വെക്കാതെ ബാഗിലെക്കിട്ടു
വണ്ടിയെടുത്ത് ഇറങ്ങി ഗേറ്റിന്റെ അടുത്ത് കൂടി പോയപ്പോൾ മനഃപൂർവം അങ്ങോട്ട് നോക്കിയത് പോലുമില്ല
ഇടക്കൊക്കെ ചായ കുടിക്കാറുള്ള ഒരു കടയിൽ കയറി
എന്താ ഇപ്പൊ കാണാറേയില്ല ല്ലോ
കടക്കാരൻ ചോദിച്ചു
വീട്ടിൽ ഒരു കുക്കിനെ വെച്ചു ചേട്ടാ ഇന്നവര് വന്നില്ല
കഴിക്കാനെന്താ വേണ്ടിയെ
എന്തായാലും കുഴപ്പമില്ല ആദ്യം സ്ട്രോങ്ങായിട്ട് ഒരു ചായ താ
കഴിച്ചു കഴിഞ്ഞു പൈസ കൊടുക്കാൻ ചെന്നപ്പോൾ മേശപ്പുറത്തു ഒരു നോട്ടീസ് കിടക്കുന്നു
കളരി പഠന ശാല
ചേട്ടാ ഇത് എവിടാ
ഇതങ്ങു പടിഞ്ഞാറ് മാറിയാ കുഞ്ഞേ
ആളെങ്ങെനെ ഉണ്ട്
പ്രഗത്ഭനാന്നാ കേട്ടെ വടക്കൻ കളരി മുറക്കാരനാണ് എന്നൊക്കെയാ കേൾവി
ആരോ കൊണ്ടു വന്നിട്ടിട്ടു പോയ കടലാസാ
ഇത് ഞാൻ എടുത്തോട്ടെ
പിന്നെന്താ കുഞ്ഞെടുത്തോളൂ
ഞാനതു മടക്കി പോക്കറ്റിൽ വെച്ചു
വിനോദ് ക്ലാസ്സിൽ വന്നിട്ടില്ല ഇന്നലത്തെ ഹാങ്ങോവർ ആയിരിക്കും
ലതയുടെ മുഖത്ത് ഉള്ളിലുള്ള വിഷമം തെളിഞ്ഞു കാണാം ഇന്ന് വീട്ടിൽ ചെല്ലുമ്പോ ആ സങ്കടം മാറാനുള്ളതു വീട്ടിലെത്തിയിരിക്കും എന്നവൾക്ക് അറിയില്ല ല്ലോ
എന്നാലും ഇക്കയെന്താ അങ്ങനെ പെരുമാറിയെ
ആലോചിച്ചിട്ട് ഒരെത്തും പിടിയും കിട്ടിയില്ല
ക്ലാസ് കഴിഞ്ഞിറങ്ങിയതും നോട്ടീസിൽ കണ്ട അഡ്രെസ്സ്
അന്വേഷിച്ചു പോയി
ലതയുടെ വീടിരിക്കുന്ന ജംഗ്ഷനും കഴിഞ്ഞു ഒരു കിലോമീറ്ററിലധികം പോവണം
കുറച്ചു വർഷങ്ങളായി ഈ കളരി തുടങ്ങിയിട്ട്
എല്ലാവർക്കും അറിയാം ആശാൻ ഒരു മോണഞ്ഞ സ്വഭാവമുള്ളയാളാ എന്നാണ് എല്ലാവരുടെയും അഭിപ്രായം
കളരി തട്ടിൽ ലങ്കോട്ടി ധരിച്ച കുറച്ചു പേർ പരിശീലിക്കുന്നു ഒരാൾ വായ്താരി ചൊല്ലികൊടുക്കുന്നു
ഷൂവും സോക്സും അഴിച്ചു വെച്ചു കളരി തട്ടിൽ തൊട്ടു തൊഴുതു
ചൊല്ലി കൊടുക്കുന്ന ആളുടെ അടുത്തേക്ക് ചെന്നു
കളരിയാശാൻ??
അയാൾ അകത്തേക്ക് കൈ ചൂണ്ടി
ചുവപ്പു തറ്റുടുത്ത ഒരു കുറിയ മനുഷ്യൻ ദേഹമെല്ലാം രോമം
കരടി പട്ടുടുത്ത പോലെയുണ്ട്
മ്മ്മ്മ്മ്? എന്താ എവിടുന്നാ
പേര് ഉണ്ണി വടക്കാ സ്വദേശം ഇവിടെ കോളജിൽ പഠിക്കുന്നു നോട്ടീസിലെ പരസ്യം കണ്ടു വന്നതാ
എന്തേ കോളജിലെ ആരെയെങ്കിലും തല്ലണമെന്നുണ്ടോ
ഇല്ല
തന്റെ പ്രായത്തിലുള്ള ഒരാൾക്ക് പെട്ടെന്നൊരു തോന്നലുണ്ടാവണമെങ്കിൽ അങ്ങനെയെന്തെങ്കിലും കാരണമുണ്ടാവണമല്ലോ
എന്റെ വേഷവും രൂപവും കണ്ടിട്ട് അയാൾക്കൊരു പുച്ഛഭാവം
കുറച്ചു പഠിച്ചിട്ടുണ്ട് നാട്ടിൽ വെച്ചു അതും ഇങ്ങോട് പോന്നതോടെ മുഴുവച്ചില്ല
എന്തൊക്കെ പഠിച്ചു
അങ്ങനെ പേരെടുത്തു പറയാനും മാത്രമൊന്നുമില്ല വളരെ കുറച്ചു കാലമേ പോവാൻ സാധിച്ചുള്ളൂ അവിടെ തിരുമ്മു ചികിത്സയും ഒറ്റമൂലി വൈദ്യവും ആയിരുന്നു കൂടുതലും
ആരായിരുന്നു ഗുരു
സ്വാമി സത്യതീർഥ എന്നാണ് ഗുരുജിയുടെ പേര്
പൂർവ്വശ്രമത്തിലെ പേരെന്താ
അതറിയില്ല
എത്ര കാലം പോയി
ആറു മാസത്തോളം മാത്രമെ പോവാൻ സാധിച്ചുള്ളൂ
വരൂ
അദ്ദേഹമെന്നേ ഒരു മുറികത്തേക്ക് കൂട്ടികൊണ്ട് പോയി
വാളുകൾ ഉറുമി പരിച കുന്തം നീളമുള്ള ദണ്ടുകൾ ചുരിക അങ്ങനെ ആയുധങ്ങളുടെ ഒരു വലിയ ശേഖരം ഷോപ്പിലെ ഡിസ്പ്ലേ പോലെ മനോഹരമായി വെച്ചിരിക്കുന്നു