പിന്നെയും 15 മിനിട്ട് കഴിഞ്ഞതും ശിവ അവിടേക്ക് തിരികെ വന്നു.. അവൻറെ മുഖഭാവത്തിൽ നിന്നും പ്രശ്നം തന്നെ ആണെന്ന് അവൾക്ക് മനസ്സിലായി..
” നമുക്ക് 7 മണി വരെ വെയിറ്റ് ചെയ്ത് നോക്കാം.. ”
അതും പറഞ്ഞു ശിവ കോഫീ മഗ്ഗ് കയ്യിലേക്ക് എടുത്ത് കിച്ചൺ സ്ലാബിലേക്ക് ചാരി നിന്നു.
സമയം മുന്നോട്ട് ഓടി കൊണ്ടിരുന്നു.. പുറത്ത് മഴ മാറ്റമില്ലാതെ തുടരുകയാണ്.. ഏഴ് മണിയോട് അടുക്കാറായതും സ്റ്റെല്ല പ്രേതീക്ഷയോടെ ശിവയെ നോക്കി..
അതിന്റെ അർഥം മനസിലായ പോലെ അവൻ ഫോൺ എടുത്ത് ഒരിക്കൽ കൂടി അവനെ വിളിച്ചു നോക്കി..
ശേഷം ചുണ്ട് കൂട്ടി പിടിച്ച് നടക്കില്ല എന്ന ഭാവത്തിൽ പ്രേത്യക ആംഖ്യം കാണിച്ചു..!!
” നോ.. നോ ശിവ പ്ലീസ് ”
സ്റ്റെല്ലാ കരഞ്ഞു തുടങ്ങിയിരുന്നു… അവനോടൊപ്പം ഈയൊരു നിമിഷങ്ങൾ വല്ലാതെ ആഗ്രഹിച്ചിട്ടുണ്ടായിരുന്നു എങ്കിലും ആൽബിയെയും കുഞ്ഞിനെയും വിട്ട് ഒരു രാത്രി മാറിനിൽക്കണമെന്ന് അവൾ ചിന്തിച്ചിട്ടുണ്ടായിരുന്നില്ല…!!
അതുകൊണ്ടുതന്നെ ഈ പെട്ടെന്നുള്ള തീരുമാനം അവൾക്ക് അംഗീകരിക്കാൻ പറ്റിയില്ല…!!
” സ്റ്റെല്ല നീ ആൽബിയെ വിളിച്ചു പറ ”
” എന്താ ഞാൻ പറയേണ്ടത് ??? ”
” ഇവിടെ ഹൊസൂർ വന്നതാണ് വല്ലാത്ത മഴ കാരണം തിരിച്ചു പോരാൻ പറ്റുന്നില്ല കമ്പനി നിങ്ങൾക്ക് റൂമെടുത്തു തരുന്നുണ്ട് എന്ന് പറ വേണമെങ്കിൽ ഞാനും സംസാരിക്കാം ”
” ശിവ ആൽബി അതൊക്കെ വെള്ളം തൊടാതെ വിശ്വസിക്കും എന്ന് നിനക്ക് തോന്നുന്നുണ്ടോ ?? ”
ആ ചോദ്യത്തിന് പുറകിൽ ശിവക്ക് അറിയാത്ത കുറച്ചു കാര്യങ്ങൾ ഉള്ളതിനാൽ ആൽബി താൻ ഉണ്ടാക്കിയ കാരണമായേ ഇത് കാണുമെന്നും സ്റ്റെല്ലക്ക് ചെറിയ ഭയം ഉണ്ടായിരുന്നു..
” സ്റ്റെല്ലാ.. ആൽബിൻ ഇത്രയും വിശ്വസിച്ചില്ലേ ബാക്കി കൂടി വിശ്വസിച്ചോളൂം ”
ശിവയുടെ സംസാരത്തിൽ ഒരു കോൺഫിഡൻസ് വന്നത് സ്റ്റെല്ലക്ക് വിശ്വസിക്കാൻ പറ്റിയില്ല..
അവൾ രണ്ടു കൈകൊണ്ടും മുഖം പൊത്തി ‘എൻറെ ദൈവമേ ‘
അവിടെ നിൽക്കുന്നതിൽ കാര്യമില്ല എന്ന് മനസ്സിലായതും അവൾ വേഗം മുകളിലേക്ക് തന്നെ കയറിപ്പോയി…
അവളുടെ ഉള്ളിൽ ശിവയോട് ഒരു നിമിഷം വല്ലാത്ത ദേഷ്യം കടന്ന് കൂടി..!!
ആൽബിയുടെ ഫോണിലേക്ക് ഡയൽ ചെയ്ത് ഫോൺ ചെവിയിലേക്ക് ചേർക്കുമ്പോൾ അവൻറെ പ്രതികരണം എന്താകും എന്നത് അവൾക്ക് ഉറപ്പായിരുന്നു…
രണ്ട് റിംഗ് അടിച്ചപ്പോഴേക്കും അപ്പുറത്ത് കോൾ കണക്റ്റ് ആയി
” ഹലോ പെണ്ണേ പറയെടി ”
” ആൽബി എന്നാ പരിപാടി ?? ”
” ഞാൻ ഇവിടെ കുറച്ചു വർക്ക് ഉണ്ട് അതൊക്കെ തീർത്ത് കുഞ്ഞിനെയും നോക്കി ഇരിക്കുകയാണ് പിന്നെ നീ ഭക്ഷണം കഴിച്ചോ ?? ”
” ആം കഴിച്ചു ആൽബി..!! നിങ്ങൾ രണ്ട് പേരും കഴിച്ചില്ലേ..?? ”
” യെസ്.. ഡൺ ആണ്..!! പിന്നെ നിങ്ങൾ തിരിച്ചു പോന്നോ ?? ഇപ്പോൾ തന്നെ 7 ആവാൻ ആയല്ലോ ?? ”
” ആൽബി ചെറിയ പ്രശ്നമുണ്ട് ”
അത് പറയുമ്പോൾ അവളുടെ സ്വരം വിറച്ചു തുടങ്ങിയിരുന്നു…
” എന്ത് പ്രശ്നം ?? ”
” ഞങ്ങളിപ്പോൾ കുറച്ചു ദൂരെയാണ് ഉള്ളത്..”
” എവിടെ ?? ”
ആൽബിയുടെ സ്വരം ഫോണിൽ കൂടി മാറുന്നത് സ്റ്റെല്ലക്ക് തിരിച്ചറിയാൻ പറ്റുന്നുണ്ടായിരുന്നു..
അവന്റെ ചോദ്യത്തിനു അവൾ കുറച്ചു സമയം ഒന്നും മിണ്ടിയില്ല
” സ്റ്റെല്ല.. എവിടെയാണ് നിങ്ങൾ..?? ”
” ചിക്കമംഗലൂർ ”
” എടി അത് ഇവിടെ നിന്നും അഞ്ചര ആറുമണിക്കൂർ ദൂരെയല്ലേ ഇത്രയും ദൂരത്തു നിന്നും നിങ്ങൾ എങ്ങനെയെത്തും …?? ”
” അതാണ് ആൽബി പ്രശ്നം എനിക്കിന്ന് വരാൻ പറ്റില്ല..!! ഞങ്ങൾ ഇങ്ങോട്ട് വന്നത് ഒരു ഹെലികോപ്റ്ററിൽ ആണ്… ഇപ്പോൾ കാലാവസ്ഥ മോശമായതുകൊണ്ട് അത് എടുക്കാൻ പറ്റില്ല എന്നാണ് പൈലറ്റ് പറയുന്നത്..!! ആൽബി സോറി ”
അവൾ ഒറ്റ ശ്വാസത്തിൽ പറഞ്ഞു തീർത്തതും കുറച്ചു സമയം അവർക്കിടയിൽ ഒരു മൂകത തളം കെട്ടി നിന്നു..
ചെറിയൊരു നിശബ്ദതക്ക് ശേഷം ആൽബി തന്നെ ആദ്യം സംസാരിച്ചു തുടങ്ങി.
” സ്റ്റെല്ല.. ഇങ്ങനെ അല്ലാലോ നമ്മൾ പ്ലാൻ ചെയ്തത്.. ??”
“ആൽബി… ഞാൻ..”
” സ്റ്റെല്ല നോട്ട് അറ്റ് ഓൾ അക്സെപ്റ്റബിൾ നോട്ട് അറ്റ് ഓൾ..!! നിന്റെ എല്ലാ ആഗ്രഹങ്ങൾക്കും ഇഷ്ടങ്ങൾക്കും കൂടെ നിന്നതിന് ഇതാണോ എന്നോട് ചെയ്യുന്നത് രാവിലെ പോയി വൈകുന്നേരം വരാം എന്ന് പറഞ്ഞല്ലേ പോയത് എന്നിട്ട് ഇപ്പോൾ..?? ”