” സ്റ്റെല്ല എനിക്ക് നിന്നെ ഒരുപാട് ഇഷ്ടമാണ് എൻറെ ജീവനോളം നിന്നെ ഞാൻ ഇഷ്ടപ്പെടുന്നു പക്ഷേ അത്രത്തോളം തന്നെ നീ സുരക്ഷിതയായി ഇരിക്കാനും ഞാൻ ആഗ്രഹിക്കുന്നു…!!! ”
” ശിവ എന്താണ് സംഭവിക്കുന്നത് ?? ”
അവന്റെ ശബ്ദം വിറച്ചു തുടങ്ങിയത് സ്റ്റെല്ലയിലും ചെറിയ ഞെട്ടൽ ഉണ്ടാക്കി.. ഇത്രയും ഇമോഷണൽ ആയി ശിവ ഇതിനു മുമ്പ് സംസാരിച്ചിട്ടുണ്ടായിരുന്നില്ല..
” ഞാൻ അറിഞ്ഞു കൊണ്ടാണ് നിന്നെ വിളിക്കാതിരുന്നത് ”
” കാരണം ?? ”
അവളുടെ ചോദ്യത്തിനു ശിവ കുറച്ചു സമയം മറുപടി മിണ്ടിയില്ല..!!
” ശിവ.. കാരണം ???? ”
സ്റ്റെല്ലയുടെ സ്വരം മാറി തുടങ്ങിയിരുന്നു..
” കാരണം നീ എന്നിൽ നിന്നും വിട്ട് പോകാൻ ഞാൻ ഒരു നിമിഷം ആഗ്രഹിച്ചു സ്റ്റെല്ല…!!!! ”
ശിവ പറഞ്ഞു നിർത്തിയതും കുറച്ച് സമയം അവർക്കിടയിൽ കനത്ത മൂകത തളം കെട്ടി..
അവളുടെ മനസ്സ് അനിശ്ചിതത്വത്തിന്റെ വേരുകൾ കൊണ്ട് നിറഞ്ഞു…
ശ്വാസം തളർന്നുപോകാൻ തുടങ്ങി…. അജ്ഞാതമായ ഒരു ഭയം, മനസ്സിൽ നിന്ന് ഒഴുകിപ്പോകാൻ ആവാത്ത ചിന്തകളായി മാറി.
” ശിവാ…?????? ”
തളർന്ന സ്വരത്തിൽ ഇനി എന്ത് സംഭവിക്കുമെന്ന ഭയം സ്റ്റെല്ലയെ മുഴുവനായി പൊതിഞ്ഞിരുന്നു..!!
അവളുടെ കൈകൾ ഇരുമ്പുപോലെ തണുത്തു, വിഷമവും ഭയവവും ആശങ്കയും ഒരുമിച്ച് ഉള്ളിൽ മുറിവേൽക്കുകയായിരുന്നു…
” സ്റ്റെല്ല.. നിനക്ക് മരണത്തെ ഭയമുണ്ടോ..?? ”
” നീ കൂടെ ഉള്ളപ്പോൾ ഞാൻ ഭയക്കാറില്ല ശിവ..!! നിന്റെ കൈകൾ എന്റെ ശരീരത്തിൽ തൊടുമ്പോൾ ഒരു മായാലോകം സൃഷ്ടിക്കപ്പെട്ട് ഞാൻ അവിടെ മാത്രമാണ് ഇപ്പോൾ ”
” എന്റെ ജീവിതം എല്ലാം കൊണ്ടും ഒരു നരകമാണ് ചോരയുടെ മണവും കടുത്ത നിർവികാരതയും നിറഞ്ഞ മരണത്തിന്റെ അകമ്പടി ഉള്ള കറുത്ത ലോകം.. നീ.. നീ എനിക്ക് വെളിച്ചമുള്ള പ്രപഞ്ചം പോലെ ആണ് പക്ഷേ നിനക്ക് ഞാനൊരു കണ്ണീരായിരിക്കും.. !! ”
” എങ്കിൽ എന്റെ ജീവിതവും നരകം തന്നെ ആണ്… നിനക്ക് വേണ്ടി എത്ര വേദനയും സഹിച്ചവൾ അല്ലെടാ ഞാൻ..!! ഇനി നിന്റെ ഇഷ്ടം എനിക്ക് കണ്ണീർ ആണെങ്കിൽ അങ്ങനെ..!! ഈ ഇരുട്ടിൽ നിന്നെ ഒറ്റക്ക് വിട്ടുപോകാൻ എനിക്ക് കഴിയില്ല ശിവാ…”
“എനിക്കൊരു സാധാരണ ജീവിതം ഉണ്ടോ എന്നറിയില്ല പെണ്ണെ ”
” ശിവ.. ഇത്രയും ദിവസം നിന്റെ ഒരു വിളിക്കായി ഞാൻ കാത്തിരുന്നു.. അത് ഇനി വിളിക്കില്ല എന്ന് കേൾക്കാൻ അല്ല..!! എന്റെ സുരക്ഷ ഞാൻ നോക്കിക്കോളാം ഇനിയെങ്കിലും പറ നീ എവിടെയാണ് ?? ”
” ഞാനിപ്പോൾ ഇവിടെ മലേഷ്യയിൽ ”
” എന്നാ എന്റെ അടുത്തേക്ക് വരുന്നത് ?? ”
” ഈ ആഴ്ചയോടെ ഇവിടുത്തെ കാര്യങ്ങൾ തീരും പിന്നെ ഞാൻ വരുന്നത് നേരെ നിൻറെ അടുത്തേക്കാണ് ”
ശിവയുടെ സ്വരം നോർമൽ ആയി തുടങ്ങിയിരുന്നു..!!
” ഞാൻ വിളിച്ചാൽ ഫോൺ എടുക്കണം ഈ ഒളിച്ചു കളിയും നിനക്ക് തോന്നുമ്പോൾ മാത്രമുള്ള വിളിയും ഇനി നടക്കില്ല.. എന്താ പറ്റുമോ ?? ”
” പറ്റും !! ”
” എന്നോട് ഇങ്ങനെ പെരുമാറുന്നതും നിനക്ക് തോന്നുമ്പോൾ മാത്രം എന്നെ കാണാൻ വരുന്നതും മാറ്റണം ”
” മനസിലായി ..!! ”
” ഞാൻ നിനക്ക് ഒരു ശരീരം മാത്രമാണോ ?”
” അല്ല നീ എൻറെ ജീവനാണ് ”
” എങ്കിൽ എത്രയും പെട്ടെന്ന് പോയത് എല്ലാം തീർത്തു എന്റെ അടുത്തേക്ക് വാ.. !! നീ ഒരിക്കൽ എന്നോട് പറഞ്ഞത് ഓർമ്മയുണ്ടോ ?? ”
ലജ്ജ കലർന്ന സ്വരത്തിൽ ഒരു ഭാര്യയുടെ ഭാവമായിരുന്നു അവൾക്ക് അപ്പോൾ..
” എന്താടി ?? ”
” നീ ആഗ്രഹിച്ചതെല്ലാം ഞാൻ നൽകാം എത്രയും പെട്ടെന്ന് എന്റെ അടുത്തേക്ക് വാ ശിവ.. ”
അവർ രണ്ടുപേരും പരസ്പരം സ്വരം എല്ലാം വിറച്ച് വല്ലാത്ത അവസ്ഥയിലേക്ക് ആയിപ്പോയി..!!
അവന്റെ കണ്ണുകളിൽ നിന്നൊരു പ്രണയം തിളങ്ങി.. ഹൃദയം മുഴുവൻ അവൾ മാത്രമായി…
ഇരുവരുടെയും ഹൃദയങ്ങൾ ചേർന്ന് ഒരുമിച്ചു മിടിക്കുമ്പോൾ സ്നേഹം ഒരു മധുരമായ സംഗീതം പോലെ ഹൃദയത്തിൽ മുഴങ്ങി…!!!!!!
മലേഷ്യയിലെ ജോർജ് ടൗണിൽ ശിവാ തന്റെ റിസോർട്ടിനു മുന്നിൽ കയ്യിൽ ഒരു മദ്യ ഗ്ലാസുമായി നിൽക്കുകയായിരുന്നു..
താഴേക്ക് നോക്കിയാൽ ഭഗത്തും തന്റെ മറ്റ് ആളുകളും എന്തോ ഒരു തരം വിനോദത്തിൽ ഏർപ്പെട്ടിരിക്കുന്നത് കാണാം..!!