” എന്താ പറ്റിയെ ?? ”
” അറിയില്ല ആൽബി പെട്ടെന്ന് കാലാവസ്ഥ മാറിയതുകൊണ്ട് പനിക്കാനുള്ള ഭാവമാണെന്ന് തോന്നുന്നു ”
” പനിയോ ഇപ്പോഴോ ?? ”
” ആം അറിയില്ല ശരീരത്തിൽ നല്ല ചൂടുണ്ട് ”
സ്റ്റെല്ല പറഞ്ഞു നിർത്തിയതും ആൽബി പതിയെ അടുത്തേക്ക് വന്നു അന്ന മോളുടെ നെറ്റിയിൽ കൈ വച്ചു.
” ശരിയാണല്ലോ ചെറിയ ചൂട് ഉണ്ട് ഹോസ്പിറ്റലിൽ കൊണ്ടുപോണോ ?? ”
” വേണ്ട !! ഞാനൊരു ഡോളോ കൊടുത്തു നോക്കാം ഇന്ന് രാത്രി കൂടി പനിക്കുകയാണെങ്കിൽ നാളെ രാവിലെ ഹോസ്പിറ്റലിൽ കൊണ്ടു പോകാം ”
” ശരി അങ്ങനെ ചെയ്യാം !! ”
“ആൽബി വല്ലതും കഴിച്ചോ ”
” ചായ ഇട്ടായിരുന്നു അത് മതി ”
താൻ സസാരിക്കുമ്പോഴും സ്റ്റെല്ലയുടെ മുഖമാകെ വാടിയിരിക്കുന്നത് അവൻ ശ്രദ്ധിച്ചു.
ചിലപ്പോൾ കുഞ്ഞിൻറെ സാഹചര്യം കൊണ്ടാവാം ഇപ്പോൾ മറ്റു കാര്യങ്ങളെപ്പറ്റി സംസാരിക്കുന്നത് അബദ്ധം ആകുമെന്ന് അവനു ഉറപ്പായിരുന്നു…
അതുകൊണ്ടു തന്നെ ഓഫീസിലെ മറ്റു വിശേഷങ്ങളും നാട്ടിലെ കഴിഞ്ഞുപോയ കല്യാണത്തിന്റെ കാര്യങ്ങളും അവർ സംസാരിച്ചു..
രാത്രി കിടക്കുന്നതിനു മുന്നായി ഒരു ഡോളോയുടെ പകുതി മുറിച്ച് കുഞ്ഞിനെ നൽകി ചേർത്തു പിടിച്ച് മൂവരും ഒരുമിച്ചാണ് കിടന്നത് പുറത്ത് അപ്പോഴേക്കും മഴ ശക്തി പ്രാപിച്ച് തുടങ്ങിയിട്ടുണ്ടായിരുന്നു…!!!!
അന്തരീക്ഷത്തിൽ നല്ലൊരു മഴ പെയ്തു തോർന്നത് പോലെ പിറ്റേ ദിവസം എഴുന്നേൽക്കുമ്പോഴേക്കും കുഞ്ഞിന്റെ പനിയും വിട്ടു മാറിയിരുന്നു..
തലേ ദിവസം ചെറിയ ക്ഷീണവും പനിയും അനുഭവിച്ചിട്ടുണ്ടായിരുന്നു എങ്കിലും രാത്രിയിൽ ഡോളോയുടെ എഫക്റ്റും കൂടെ നല്ല ഉറക്കവും കിട്ടിയിരുന്നതിനാൽ രാവിലെ ആയപ്പോഴേക്കും.. അന്ന മോൾ പഴയത് പോലെ ഉഷാറായിട്ടുണ്ടായിരുന്നു..
അതുകൊണ്ടു തന്നെ സ്റ്റെല്ലയും ആൽബിയും ടെൻഷൻ മാറി കുടുംബം സന്തോഷത്തിലേക്ക് തന്നെ തിരികെ എത്തി..
ആൽബിയും എഴുന്നേൽക്കുമ്പോഴേക്കും സ്റ്റെല്ല കുളി കഴിഞ്ഞ് ഓഫീസിൽ പോകാനുള്ള തയ്യാറെടുപ്പിൽ ആയിരുന്നു…
ഒരു വശത്തേക്ക് ചരിഞ്ഞു കിടന്ന് അവൻ തന്റെ ഭാര്യയെ നോക്കിക്കൊണ്ടിരുന്നു..
തലയിൽ ഈറനൊടെ ടർക്കിയിൽ കെട്ടി വച്ചിരിക്കുന്ന മുടിയും ഒരു ടോപ്പും മാത്രം ധരിച്ച് സ്റ്റെല്ല റൂമിലേക്ക് വന്നു..
അലമാര തുറന്ന് താഴത്തെ തട്ടിൽ നിന്നും വിസ്പർ പാക്കറ്റ് പുറത്തേക്ക് എടുത്തതും അവൾക്ക് പീരിയഡ്സ് ആയിട്ടുണ്ട് എന്ന് ആൽബിക്ക് മനസ്സിലായി..
” എടീ ഇത്ര പെട്ടെന്ന് ആയോ ?? ”
” എന്താ വേണ്ടായിരുന്നൊ..?? ”
അവളുടെ സ്വരത്തിൽ ചെറിയ മൂഡ് സ്വിംഗ്സിന്റെ ഭാവം നിഴലിച്ചിരുന്നു.
” അതല്ല ഇന്നലെ പറഞ്ഞതല്ലേ ഉള്ളൂ.. അതുകൊണ്ട് ചോദിച്ചതാ ”
” എൻറെ ആൽബി ഇതൊക്കെ എൻറെ കയ്യിൽ നിൽക്കുന്ന കാര്യമാണോ ?? ”
അതും പറഞ്ഞ് അവൾ ആ പാക്കറ്റും എടുത്ത് തിരികെ ബാത്റൂമിലേക്ക് തന്നെ കയറി.
അപ്പോൾ ഇനി കുറച്ചു ദിവസത്തേക്ക് നോക്കണ്ട ആൽബി മനസ്സിൽ പറഞ്ഞ ശേഷം പുതപ്പ് വീണ്ടും തലവഴി മുടി..
” ആൽബി ഞാൻ ഇറങ്ങുവാണേ..”
വീണ്ടും ചെറിയ ഉറക്കത്തിലേക്ക് വഴുതിയ ആൽബിയെ സ്റ്റെല്ലയുടെ ശബ്ദം ഉണർത്തി.
” ആ ശരിയടി ”
ഓഫീസിൽ നിന്നും മഴയായതിനാൽ അവൻ അന്നേ ദിവസം വർക്ക് ഫ്രം ഹോം ചോദിച്ചു വാങ്ങിയിട്ടുണ്ടായിരുന്നു.. അത് കൊണ്ട് തന്നെ കുഞ്ഞിനെ ഡേയ് കെയറിൽ അയച്ചിരുന്നില്ല..!!
ഏകദേശം 20- 25 മിനിറ്റോളം സ്കൂട്ടിയോടിച്ച് സ്റ്റെല്ല തൻറെ ഓഫീസിലേക്ക് എത്തി ഇത്ര ദിവസമായിട്ടും ശിവയുടെ ഭാഗത്തു നിന്നും കോൾ ഒന്നും വരാത്തതിനാൽ സ്റ്റെല്ലയ്ക്ക് ഉള്ളിൽ ചെറിയ ദേഷ്യം ഉണ്ടായിരുന്നു…
‘ അവന് ആവശ്യമുള്ളപ്പോൾ മാത്രം എന്നെ മതിയോ എങ്കിൽ ഞാനായിട്ട് അങ്ങോട്ട് വിളിക്കാനും പോകുന്നില്ല ദേഷ്യം പിന്നീട് വാശിയിലേക്ക് മാറുകയും ചെയ്തു..’
ഓഫീസിലെ തിരക്കുകൾക്കിടയിൽ അവൾ പലപ്പോഴും ഫോൺ എടുത്തു നോക്കി ശിവയുടെ ഭാഗത്തുനിന്ന് കോളൊ മെസ്സേജൊ വന്നിട്ടുണ്ടോ എന്ന് ഉറപ്പ് വരുത്തുന്നുണ്ടായിരുന്നു..!!
അവന്റെ വാറ്റ്സ് ഡി പി ഇടക്ക് മാറുന്നതും ഓൺലൈൻ കാണിക്കുന്നതും അവളിൽ ദേഷ്യം കൂട്ടി..!!
” നിനക്ക് എന്നെ വേണ്ട അല്ലേ നിൻറെ ആവശ്യം വരുമ്പോൾ മാത്രം എന്നെ വിളിക്കും അല്ലാത്തപ്പോൾ ഇങ്ങനെ ഒരാൾ ഉണ്ടോ എന്ന് പോലും അറിയില്ല അല്ലെ ശിവ..????? ”
ഓപ്പൺ ചെയ്ത് വച്ച ശിവയുടെ ഡി പിയിൽ നോക്കിയിരുന്നതും അവളുടെ മുഖം ആകെ കനത്തു തുടങ്ങിയിരുന്നു…!!