പിന്നീട് മൂന്നും നാലും ദിവസം മുന്നോട്ട് ഓടിയപ്പൊഴും അവർ തമ്മിൽ പരസ്പരം സംസാരിച്ചില്ല..
സ്റ്റെല്ലയുടെ പീരിയട്സ് ടൈം ആയതിനാൽ അവളുടെ ദേഷ്യവും ഭാവ വിത്യാസങ്ങളും ആൽബിക്ക് നോർമൽ ആയി മാത്രമേ കണക്ക് ആക്കിയുള്ളു..!!
അന്ന് ആഴ്ചയിലെ അവസാന ദിവസം ആയിരുന്നു.. രാവിലത്തെ ചെറിയൊരു ഷോർട്ട് ബ്രേക്ക് കഴിഞ്ഞ് DGM നൊപ്പം അവളുടെ ടീം മീറ്റിംഗിനു കയറി..
ഏകദേശം ഒരു മണിക്കൂറോളം സ്റ്റെല്ലയും അവളുടെ ടീമും മീറ്റിംഗിൽ തന്നെ ആയിരുന്നു..
കൺസ്ട്രക്ഷനുമായി ബന്ധപ്പെട്ട് കർണാടക സർക്കാർ പുറത്ത് ഇറക്കിയ പുതിയ നിയമങ്ങളും അതിന്റെ വശങ്ങളെയും പറ്റി അവർക്ക് കൃത്യമായി ക്ലാസ് കിട്ടി..!!
മീറ്റിംഗ് കഴിഞു പുറത്തേക്ക് വന്ന് അവൾ കസേരയിലേക്ക് അമർന്നിരുന്നു പീരിയഡ്സിനെ വേദന ആകെ ശരീരം ആകേ വലക്കുന്നു.. !!
മഴക്കാലം പോലെ അവളുടെ ഉള്ളിലും നേരിയൊരു ഇരുൾ പടർന്നു…
വല്ലാത്ത സമ്മർദ്ദത്തോടെ ഹൃദയത്തിനുള്ളിൽ ചിന്തകൾ നിറഞ്ഞു…
അതിനൊപ്പം വയറ്റിനുള്ളിലൊരു വലിവ്, പിന്നെയും ഓരോ നിമിഷവും കടിച്ചുകീറുന്ന പോലെ ഉള്ള വേദന… !!
ചില്ലുജാലകത്തിലൂടെ ഒലിച്ച് ഇറങ്ങുന്ന നേർത്ത മഴത്തുള്ളികൾ നോക്കി പുറത്തേക്ക് തന്നെ ദൃഷ്ട്ടി ഉറപ്പിച്ചു ഇരുന്ന അവളുടെ മനസിൽ വികാരങ്ങൾ എരിയുകയായിരുന്നു..
മാസവരവിന്റെ നാലാം ദിവസം… കിടക്കാനൊ ഇരിക്കാണോ പോലും വയ്യാത്ത വേദന..
ഇത്ര ദിവസം കഴിഞ്ഞെങ്കിലും ഒരിക്കൽ പോലും ഫോൺ കോളൊന്നും വന്നില്ല..
“ഇവൻ ബിസി ആയിരിക്കുമോ? ഇല്ലെങ്കിൽ എന്നെ മറന്നു പോയോ?”
ചിന്തകൾ അവളുടെ തല ചുറ്റിച്ചു.
പലവട്ടം മെസേജ് അയക്കാൻ ശ്രമിച്ചു, പിന്നെ വേണ്ടാ എന്ന് തന്നെ തീരുമാനിച്ച് ഫോൺ മാറ്റി വച്ചു.. അപ്പോഴും ഹൃദയത്തിൽ ചെറു കനൽ പോലെ ഒരു ദാഹം ഒരു ചെറിയ ചോദ്യം..
“ഞാൻ ഇവിടെ കാത്തിരിക്കുന്നുണ്ട് എന്നെവൻ അറിയുന്നുണ്ടോ…?”
ഒരു കൂട്ടിൽ തളർന്ന പൂവുപോലെ അവളിരുന്നു.. !!
കുറച്ചു സമയം അവിടെ ഇരുന്ന ശേഷം അവൾ നേരെ വാഷ് റൂമിലേക്ക് എഴുനേറ്റ് നടന്നു..
ഏകദേശം അര മണിക്കൂർ കഴിഞ്ഞു ആണ് അവൾ തിരികെ എത്തിയത്..
തിരികെ വന്ന് സീറ്റിലേക്ക് ഇരുന്നതും ഫോണിൽ നോട്ടിഫിക്കേഷൻ ലൈറ്റ് ചെറുതായി തെളിയുന്നത് കണ്ട് അവൾ ആകാംഷയുടെ ഫോൺ എടുത്തു നോക്കി
സ്ക്രീനിൽ തെളിഞ്ഞ പേര് കണ്ട് അവളുടെ നെഞ്ച് അതി ശക്തിയായി മിടിക്കാൻ തുടങ്ങി…!!
തീരെ പ്രതീക്ഷിക്കാത്ത സമയം ശിവയുടെ ഫോണിൽ നിന്നും രണ്ടു മിസ്കോൾ വന്ന് കിടപ്പുണ്ടായിരുന്നു..
കുറച്ച് സമയം ഫോൺ കയ്യിലെടുത്ത് അവൾ എന്തോ ആലോചിച്ചു നിന്നു.. ഉള്ളിലെ ദേഷ്യവും വാശിയും പതിയെ കുറഞ്ഞു വന്നു.. മനസ്സ് ഒന്ന് സ്വസ്ഥമായി എന്ന് തോന്നിയതും ആ നമ്പറിലേക്ക് സ്റ്റെല്ല തിരിച്ച് വിളിച്ചു..
ഫോണിൽ ബെല്ലടിക്കുമ്പോൾ അതിനൊപ്പം തന്നെ അവളുടെ നെഞ്ചിടിപ്പും ഉയരുന്നുണ്ടായിരുന്നു…
ബെല്ലടിച്ച് അവസാനിക്കാറായപ്പോഴേക്കും അപ്പുറത്ത് കോൾ കണക്ട് ആയി.
” ഹലോ ?? ”
അവൻറെ കനത്ത ശബ്ദം.
ഇപ്പുറത്ത് സ്റ്റെല്ല ഒന്നും മിണ്ടിയില്ല.. കുറച്ച് സമയം അവൾ ഫോൺ ചെവിയോട് ചേർത്തു തന്നെ നിന്നു നഷ്ടപ്പെട്ട എന്തോ ഒന്ന് തിരികെ കിട്ടിയത് പോലെ അവളുടെ ഉള്ളിൽ ചെറിയ സന്തോഷം അലയടിച്ചു..
” പെണ്ണെ.. എന്താ ഒന്നും മിണ്ടാത്തത് ?? ” അവൻറെ ചോദ്യത്തിനും സ്റ്റെല്ല മറുപടി ഒന്നും മിണ്ടിയില്ല.
” സ്റ്റെല്ലാ.. എന്നോട് ദേഷ്യമാണോ ?? ”
” ആണെങ്കിൽ ?? ”
” സോറി ഇതുവരെ വിളിക്കാത്തത് ഒരുപാട് പ്രശ്നങ്ങൾക്ക് നടുവിലായി പോയി അതിനിടയിൽ നിന്നെയും കൂടി വലിച്ചെടണ്ട എന്ന് വിചാരിച്ചു..”
ഇത് വരെ കേൾക്കാത്ത ശിവയുടെ ശബ്ദം.
” നിനക്ക് പ്രശ്നങ്ങൾ വരുമ്പോൾ മാറി നിൽക്കാനും സന്തോഷമുള്ള സമയം മാത്രം തേടി വരാനും ആണോ ഞാൻ ?? ”
” ഡീ അങ്ങനെ അല്ല…”
” ശിവ അതിനപ്പുറത്തേക്ക് നിനക്ക് എന്നോട് ഒരു ബന്ധവുമില്ലെ..?? ”
അവളുടെ പിറകെ പിറകെ വന്ന ചോദ്യങ്ങൾക്ക് ശിവയ്ക്ക് മറുപടി ഉണ്ടായിരുന്നില്ല.