എന്റെ കുറ്റപ്പെടുത്തൽ കേട്ട് ദേഷ്യത്തില് അവള് മുഷ്ടി രണ്ടും ചുരുട്ടി പിടിച്ചു.
“സെക്സിൽ എന്നെ വേദനിപ്പിക്കുന്ന എന്ന കാരണമാണോ ഞാൻ പറയേണ്ടത്…?” അവള് അലറി. “അതോ അയാൾ കള്ളു കുടിക്കുന്നു എന്നാണോ പറയേണ്ടത്..?” അവൾ വെറുപ്പോടെ എന്നെ നോക്കി. “അതോ പെണ്ണ് കാര്യത്തിൽ നാട്ടില് മാത്രം മാന്യനായി നടക്കുന്ന അയാളുടെ മേല് തെളിവില്ലാതെ പഴി ചാരണോ? ഇതൊക്കെയാണോ പ്രശ്നങ്ങള് എന്ന് ഞാൻ എല്ലാവരോടും ആരോപിക്കേണ്ടത്….?” അവസാനം നിസ്സഹായയായി അവള് അലറി.
“മറ്റുള്ളവന്റെ ഭാര്യമാരെ എല്ലാം കളിക്കാന് വേണ്ടി നിന്നെ ഒരു വേശ്യയെ പോലെ അവന്മാരുടെ കൂടെ കിടക്കാന് നിന്റെ ഭർത്താവ് നിന്നെ നിര്ബന്ധിക്കുന്നു എന്ന കാരണം നിനക്ക് പോരെ…? ഭാര്യ ഉണ്ടായിട്ടും ആഴ്ചക്ക് രണ്ട് വേശ്യകളെ എങ്കിലും തിരക്കി പോകുന്ന ഭർത്താവാണെന്ന കാരണം പോരെ..? സെക്സ് മാത്രമാണ് ജീവിതമെന്നും പറഞ്ഞ്.. കാണുന്ന എല്ലാവരെയും അയാള് കളിച്ചു നടക്കുന്ന കാരണവും നിനക്കും നാട്ടുകാര്ക്കും പോരെ..? അതൊക്കെ തെളിവ് സഹിതം വേണോ ആരോപിക്കാൻ..? സ്വന്തം ഭാര്യയുടെ വാക്കുകൾ പോരെ വീട്ടുകാര്ക്കും നാട്ടുകാര്ക്ക്..? തീരെ സ്വസ്ഥത ഇല്ലാത്ത ജീവിതം ആണ് നി നയിക്കുന്നതെന്ന കാരണവും നിനക്ക് പോരെ..?” ഞാൻ അട്ടഹസിച്ചു.
എന്റെ പ്രസംഗം കഴിഞ്ഞതും അഞ്ചന കുറെ നേരം എന്നെ തന്നെ വിഷമത്തോടെ നോക്കി ഇരുന്നു.
“അപ്പോ നി മാത്രം എന്താണ് ചെയ്തത്..!?”
അവൾ വേദനയോടെ ചോദിച്ചതും ഞാൻ അവളെ മിഴിച്ചു നോക്കി.
“മറ്റൊരുത്തന്റെ ഭാര്യയായ എന്നെ നി സ്നേഹിച്ചത് മാത്രം ശരിയാണോ? പോരാത്തതിന് ആ സ്നേഹം എന്നെ അറിയിച്ചത് തെറ്റൊന്നും അല്ല, അല്ലേ..?”
ആ കുറ്റപ്പെടുത്തൽ കേട്ട് ഞാൻ അന്തംവിട്ടു.
“വേറെ ഒരാളുടെ ഭാര്യയായ എന്റെ കൂടെ ശാരീരിക ബന്ധത്തില് ഏര്പ്പെട്ടത് എത്ര വലിയ പുണ്യ കര്മ്മം..? എന്റെ ഭർത്താവിനെ കളഞ്ഞിട്ട് നിന്റെ കൂടെ വരാൻ നിര്ബന്ധിച്ചത് നല്ലോരു വചനമായി തന്നെ സ്വീകരിക്കണം. പിന്നെ നിന്റെ പൂര്വ്വ ചരിത്രം നോക്കിയാൽ, ഇതേ ഫ്ലാറ്റിൽ വച്ച് മറ്റൊരുത്തന്റെ ഭാര്യയായ മറിയയുമായി ശാരീരിക ബന്ധം പുലര്ത്താന് ശ്രമിച്ചത് എത്ര വലിയ അന്തസ്സ്..?” അവസാനത്തെ വാക്കിനെ അസൂയയോടെ അല്പ്പം കടുപ്പിച്ചാണ് അവള് പറഞ്ഞത്.
അവളുടെ അധിക്ഷേപവും അപമാന വാക്കുകളും കേട്ട് ഞാൻ ചൂളിപ്പോയി. ബിൽഡിംഗ് ഇടിഞ്ഞ് എന്റെ തലയിൽ മാത്രം വീണെങ്കിലെന്ന് ആശിച്ചു.
പക്ഷേ അവസാനം മറിയയുടെ കാര്യം പറഞ്ഞതും ഞാൻ ഞെട്ടി പോയി. അപ്പോ മറിയ എല്ലാ കാര്യവും ഇവളോട് പറഞ്ഞിരിക്കുന്നു. പക്ഷേ അതൊക്കെ അഞ്ചനയോട് പറയാനുണ്ടായ കാരണം എന്തായിരിക്കും എന്ന് മനസ്സിലായില്ല.
എനിക്ക് മറിയയോട് കടുത്ത ദേഷ്യമുണ്ടായി.
അഞ്ചന പെട്ടന്ന് വേദനയോടെ എന്നെ നോക്കി. ഒരു ദയനീയ ഭാവം അവളുടെ മുഖത്ത് പടർന്നു. എന്തോ യാചിക്കാനെന്ന പോലെ അവൾ എന്നെ നോക്കി.
പെട്ടന്ന് അവള് കണ്ണീരോടെ സംസാരിച്ചു, “ഞാൻ കാരണം നിന്റെ ജീവിതം തകർന്ന് കൊണ്ടിരിക്കുന്ന സത്യം എനിക്ക് സ്വസ്ഥത തരുന്നു എന്നാണോ നി കരുതുന്നത്…? മറ്റൊരുത്തന്റെ ഭാര്യയായ ഞാൻ നിന്റെ സ്നേഹത്തിന് മുന്നില് കീഴടങ്ങി പോയതും എനിക്ക് സ്വസ്ഥത തരുന്ന കാര്യമാണ്, അല്ലേ..? എത്രതന്നെ ശ്രമിച്ചിട്ടും വേറെ ഒരുത്തന്റെ ഭാര്യയായ എനിക്ക് നിന്നെ സ്നേഹിക്കാതിരിക്കാൻ കഴിയുന്നില്ല എന്നതും എത്ര വലിയ സ്വസ്ഥതയാണ്…? അതോ നമ്മുടെ ഈ അവിഹിതബന്ധം ആണ് എനിക്ക് ഏറ്റവും വലിയ സ്വസ്ഥതയെ തരുന്നുവെന്നാണോ നി കണ്ണുമടച്ച് വിശ്വസിക്കുന്നത്..?” അത്രയും പറഞ്ഞിട്ട് അവള് പൊട്ടിക്കരഞ്ഞു.
“ചേച്ചി—”
“വേണ്ടട… ഇനി മുതൽ നമുക്കിടയിൽ ഒന്നും തന്നെ വേണ്ട. അതാണ് എനിക്കും നിനക്കും നല്ലത്.” അത്രയും പറഞ്ഞിട്ട് അവൾ ഏങ്ങി കരഞ്ഞു.
അവൾടെ ഓരോ വാക്കും എന്റെ ഹൃദയത്തിലാണ് തറച്ചത്. തീ കോരിയിട്ടതു പോലെ എന്റെ മനസ്സും ഹൃദയവും കത്തിയെരിഞ്ഞു. എന്റെ രണ്ടു കണ്ണും നിറഞ്ഞു നീറി.