അതുകഴിഞ്ഞ് അവളെയും കൂടി എന്റെ ഓഫിസിലേക്കാണ് പോയത്.
അവളെ എന്റെ സ്റ്റാഫ്സിന് ഇൻട്രഡ്യൂസ് ചെയ്തു. അതുപോലെ അവരെയെല്ലാം അഞ്ചനയ്ക്കും പരിചയപ്പെടുത്തി.
അത് കഴിഞ്ഞ് എന്റെ ഓഫീസ് റൂമിലേക്ക് അവളെ കൂട്ടിക്കൊണ്ടു വന്നു. കൂടെ മറിയയും വന്നു.
ഞാൻ എന്റെ സീറ്റിലും, അവർ എനിക്ക് എതിരെ മേശയ്ക്ക് അപ്പുറം ഉണ്ടായിരുന്ന സീറ്റിലും ഇരുന്ന ശേഷം മറിയ എന്നെ നോക്കി.
“സർ, അഞ്ചനയെ എന്തു ജോലിക്ക് ഏതു സെക്ഷനിൽ ആണ് നിയമിക്കുന്നത്..?” മറിയ ചോദിച്ചു.
“കഴിഞ്ഞ ആഴ്ച നമുക്ക് ലഭിച്ച പുതിയ പ്രോജക്റ്റിന്റെ ഡോക്യുമെന്റ് കണ്ട്രോളർ ആയിട്ടാണ് അഞ്ചനയെ നിയമിക്കാന് പോകുന്നത്.” ഞാൻ അഞ്ചനയെ നോക്കിയാണ് പറഞ്ഞത്.
മറിയയുടെ മുഖത്തേക്ക് ഞാൻ നോക്കാത്തത് കൊണ്ട് അവള്ക്ക് സങ്കടം ഉണ്ടായത് എന്റെ കടക്കണ്ണിലൂടെ ഞാൻ കണ്ടു.
മറിയയെ തന്നെ ചിന്താകുഴപ്പത്തോടെ നോക്കുന്ന അഞ്ചനയെ നോക്കി ഞാൻ പുഞ്ചിരിച്ചു.
മറിയ എന്നെ ‘സർ’ എന്ന് വിളിച്ചതിന്റെ ചിന്താകുഴപ്പത്തിൽ ആയിരുന്നു അവള്. അത് മറിയയും മനസ്സിലാക്കി.
“നമ്മൾ ചെയ്യുന്ന ജോലിക്കും, ആ സ്ഥാപനത്തിനും, അതിന്റെ മുതലാളിക്കും ബഹുമാനം കൊടുക്കണം, അഞ്ചന. പ്രത്യേകിച്ച് ഓഫീസിൽ ഉള്ള സമയത്തും, പുറത്ത് ഒഫിഷ്യൽ കാര്യങ്ങളുമായി ബന്ധപ്പെട്ട സാഹചര്യത്തിലും ബഹുമാനം കൊടുക്കണം.” മറിയ വിശദീകരിച്ചു.
“ശരി സർ, അത് ഞാൻ എപ്പോഴും പാലിക്കാം..” അഞ്ചന എന്നെ നോക്കി പറഞ്ഞു.
സത്യത്തിൽ അവൾ അങ്ങനെ വിളിച്ചത് എനിക്ക് ഇഷ്ടപ്പെടില്ല. ഞങ്ങൾ തമ്മില് അകന്നു പോയത് പോലെ എനിക്ക് ഫീൽ ചെയ്തു.
സർ എന്ന് പറഞ്ഞ സമയത്ത് അഞ്ചനയുടെ കണ്ണില് എന്തോ ഒരു കുസൃതി മിന്നിമറഞ്ഞത് കണ്ടപ്പോൾ എനിക്ക് എന്തോ പന്തികേട് തോന്നി.
എന്തായാലും വഴിയേ നി മനസ്സിലാക്കിക്കോളും എന്ന് എന്റെ മനസ്സ് പറഞ്ഞു.
അതുകൊണ്ട് അതിനെ കുറിച്ച് ചിന്തിച്ച് സമയം കളയാതെ ഞാൻ കാര്യങ്ങളിലേക്ക് കടന്നു.
“പിന്നേ അഞ്ചന, ഈ പുതിയ പ്രോജക്റ്റ് ഇതുവരെ തുടങ്ങിയില്ല. ഒരു മാസം കഴിഞ്ഞേ തുടങ്ങു… അതുകൊണ്ട് അഞ്ചന ആ സമയത്ത് ജോയിൻ ചെയ്താലും മതി. അല്ലെങ്കിൽ നാളെ തൊട്ട് ഓഫീസിൽ വരണം എന്നുണ്ടെങ്കില് അത് അഞ്ചനയുടെ തീരുമാനത്തില് വിട്ടു തരുന്നു.” ഞാൻ എന്റെ വശം വ്യക്തമാക്കി.
“നാളെ തൊട്ട് ഞാൻ വരാം സർ.” അഞ്ചന പുഞ്ചിരിയോടെ പറഞ്ഞു.
ആ ‘സർ’ എന്ന വിളി ആവശ്യമേ ഇല്ലായിരുന്നു. അവളെന്നെ ചൊടിപ്പിക്കാൻ വേണ്ടി വിളിച്ചതാണെന്ന് മനസ്സിലായി.
ഞാൻ പെട്ടന്ന് മറിയയുടെ മുഖത്തേക്ക് നോക്കി പറഞ്ഞു, “പിന്നേ പുതിയ പ്രോജക്റ്റ് തുടങ്ങുന്നത് വരെ മറിയയുടെ കാബിനിൽ തന്നെ അഞ്ചന ഉണ്ടാവും. അതുകൊണ്ട് ഡെസ്ക് ഇടാനുള്ള കാര്യങ്ങളും പഴയ പ്രോജക്റ്റിന്റെ ഹാര്ഡ് ആന്ഡ് സോഫ്റ്റ് കോപ്പി ഡോക്യുമെന്റ്സും എല്ലാം മറിയ അറേഞ്ച് ചെയ്യിക്കണം, ഇന്നുതന്നെ. ഓഫീസ് സ്റ്റോറില് നിന്ന് പ്രീ പ്രോഗ്രാംഡ് പിസി യും മറ്റുള്ള സാധനങ്ങളും റിലീസ് ചെയ്യാനുള്ള അപ്രൂവൽ-മെയിൽ ഞാൻ ഉടനെ അയക്കും, കളക്റ്റ് ചെയ്യാൻ റാമിനെ ഏല്പ്പിക്കു. പിന്നെ നാളെത്തന്നെ എച്ച് ആര് സെക്ഷനില് പറഞ്ഞ് അഞ്ചനയുടെ എംപ്ലോയീ ഫയല് ഓപ്പണ് ചെയ്യിപ്പിക്കണം.”
“ശരി സർ.” മറിയ സമ്മതിച്ചു.
അഞ്ചന വിടര്ന്ന കണ്ണുകളോടെ എന്നെ നോക്കിയിരുന്നു.
“പിന്നേ സർ, നാളെ മീറ്റിംഗ് ഉള്ള കാര്യം മറക്കേണ്ട..” മറിയ എന്നെ ഓര്മ്മപ്പെടുത്തി. ഞാനും അവളെ നോക്കാതെ തലയാട്ടി.
അവസാനം നാലര ആയപ്പോ ഞാനും അഞ്ചനയും ഓഫിസിൽ നിന്നിറങ്ങി. മറിയ നിരാശയോടെ എന്നെ നോക്കി നിന്നു.
ഞങ്ങൾ പോകുന്ന വഴിക്ക് അഞ്ചന തുടങ്ങി, “അപ്പോ സർ, എന്റെ —”
“എഡി..! നിന്നെ ഞാൻ കൊല്ലുവേ…” ഞാൻ മുഖം വീർപ്പിച്ച് കൊണ്ട് പറഞ്ഞു.
“ഓഹോ.. ഇപ്പൊ എന്റെ മോന് ദേഷ്യം വന്നോ..?” അവള് ചിരിച്ചുകൊണ്ട് ചോദിച്ചു. “എന്നെ നി ചേച്ചി എന്ന് വിളിക്കുമ്പോ എനിക്കും ഇങ്ങനെയാ ദേഷ്യം വന്നത്, ഇപ്പൊ മനസ്സിലായോ?” അവള് ചിരി നിർത്തി ചോദിച്ചു.
ഒന്നും മിണ്ടാതെ ഞാൻ നേരെ നോക്കി വണ്ടി ഓടിച്ചു.
“ഇനി നീ എന്നെ ചേച്ചിയെന്ന് വിളിച്ച ഞാൻ നിന്നെ സർ എന്ന് വിളിക്കും.. പറഞ്ഞേക്കാം.” അവള് ഭീഷണിപ്പെടുത്തി.
ആ ഭീഷണി കേട്ട് ചിരിയാണ് വന്നത്.
“എന്നെ കൊന്നാലും നിന്നെ ഞാൻ ചേച്ചി എന്ന് വിളിക്കില്ല, പോരെ..?” ഞാൻ ചോദിച്ചു.
“അത് മതി..” അവൾ കൊഞ്ഞനം കുത്തി കാണിച്ചിട്ട് ചിരിച്ചതും ഞാനും ചിരിച്ചു.
“ശരി അതുപോട്ടെ, എനിക്ക് എത്ര സാലറി തരും..?”
“എത്ര വേണം..?”
“അത് ഞാനാണോ തീരുമാനിക്കുന്നത്..?” അവള് ചോദിച്ചു.
“നിന്റെ അഗ്രിമെർറ്റ് സൈൻ ചെയ്തപ്പോ ഇതൊന്നും നോക്കാതെ ആണോ ഫിംഗര് പ്രിന്റും ഒപ്പും അതിൽ വെച്ചത്…?” ഞാൻ ചോദിച്ചു.
“അതിൽ ഉണ്ടായിരുന്നോ..?” അവള് കവിളിൽ തടവി കൊണ്ട് ചോദിച്ചു. “ഞാൻ പിന്നേ അതൊന്നും ചിന്തിച്ചില്ല. എന്തോ ചിന്തയില് ഒന്നും നോക്കാതെ എല്ലാം ചെയ്തു.”
“എട്ട് മണിക്കൂര് ബേയ്സിക് സാലറി 3,500 വച്ചിട്ടുണ്ട്. പിന്നെ എന്നും രണ്ട് മണിക്കൂര് ഓവർ ടൈം കിട്ടും. പിന്നെ ഫുഡ് അലവൻസ്, ഫോൺ റീച്ചാർജ്. അങ്ങനെ എല്ലാം കൂടെ ചേര്ത്ത് 5,700 ദിർഹംസ് കിട്ടും.”
അവളെന്നെ മിഴിച്ചു നോക്കി.
“അത്രയും ഞാൻ പ്രതീക്ഷിച്ചില്ല..!” ആശ്ചര്യത്തോടെയാണ് അവള് പറഞ്ഞത്. അതിന് ഞാൻ പുഞ്ചിരിക്കുക മാത്രം ചെയ്തു.
പിന്നേ ലുലു മാളിൽ കേറി ഞങ്ങൾക്ക് ആവശ്യമുള്ള സാധനങ്ങള് എല്ലാം വാങ്ങി. കൂട്ടത്തില് അവള്ക്ക് കുറെ നൈറ്റ് ഡ്രസ്സും മറ്റ് ഡ്രെസ്സുകളും എല്ലാം വാങ്ങി. അവള് എതിര്ക്കും എന്നാണ് കരുതിയത്, പക്ഷേ എതിരൊന്നും പറഞ്ഞില്ല. ഞാൻ സെലക്ട് ചെയ്തതൊക്കെ അവള്ക്ക് ഇഷ്ട്ടപ്പെട്ടു എന്നും പറഞ്ഞപ്പോ എനിക്ക് സന്തോഷമായി.
അന്ന് രാത്രി ആഹാരവും ഉണ്ടാക്കി വച്ചിട്ട് ഞങ്ങൾ രണ്ട് ബാത്റൂമിലായി കുളിച്ചിട്ടു വന്നു.
ഒരുമിച്ച് കുളിച്ചാൽ ഞാൻ അവളെ ചീത്ത കുട്ടിയാക്കും പോലും.
ഞാൻ ഹാളില് വന്നപ്പോ അവള് അവിടെ ഫുഡ് എടുത്ത് വയ്ക്കുകയായിരുന്നു.
ഇന്ന് ഞാൻ എടുത്തു കൊടുത്ത ലേഡീസ് ഷോട്ട്സും കൈയില്ലാത്ത ഒരു ബനിയനും ആണ് ഇട്ടിരുന്നത്.
“ചേച്ചി..?”
“എഡാ, ഇങ്ങനെ വിളിച്ച് എന്നെ വിഷമിപ്പിക്കുന്നതാണോ നിനക്ക് ഇഷ്ടം…?” അവള് പെട്ടന്ന് എന്നെ നോക്കി തിരിഞ്ഞു നിന്നിട്ട് സങ്കടത്തിൽ ചോദിച്ചു.